ᐊᒋᐛᓂᒪᒐᓄᒡ ᐃᔨᒧᐅᓐ ᐊᓯᑯᒻ ᐊᑯᒂᒋᒐᒧᐅᓇᓄᐃᒋ ᐊᓂᔭ ᑯᒂᒋᒐᒧᐅᓇ
ᒐᒥᔅᑭᒪᒃ ᐅᑕ ᐃᔨᒧᐅᓐ ᐊᓇᑐᐛᐸᑎᒪᒄ ᐊᓐᑕ ᐊᓯᑯᒻ ᐊᑯᒂᒋᒐᒧᐅᓇᓄᐃᒋ ᐊᑯᒂᒋᒐᒧᐅᓇ ᐊᐛᐎᑕᑲᓄᒡ ᐛᓇᑲᑐᐛᐃᑕᑲᓄᒋ ᐊᔅᒋᔭ, ᐊᓯᒋᑕᐸᑕᑲᓄᒡ ᑭᔭ ᐊᓐᑕ ᓄᓇᐱᒃ᙮ ᐊᔅᑯ ᐊᑲ ᓂᑕ ᐅᒡ ᑲᔅᑎᓇᒡ ᐃᔨᒧᐅᓂᔪᐤ ᒐᒂᔪᐤ ᑲᐃᔅ ᐊᓐᑐᐛᐃᑕᒡ ᑲᑯᒂᒋᒐᒧᐅᓂᔪᐤ? ᒥᑯ ᐊᔅᐱᔅ ᐎᒥᔭᒡ ᒐᐃᒥᔭᒡ ᑲᐃᒥᓇᓄᒡ᙮
ᐊᑐᔅᒐᐅᓐ ᐊᑎᑯᑕᒡ ᐊᓐᑕ ᐛᓇᑲᑐᐛᐃᑕᑲᓄᒋ ᐊᔅᒋᔭ
ᒐᒂᓐ ᐊᓐ ᐛᓇᑲᑐᐛᐃᑕᑲᓄᒡ ᐊᔅᒋᔭ ᐊᓐᑕ ᓄᓇᐱᒃ?
ᐊᓐᑕ ᒋᒍᐛ ᑲᐃᔅ ᐎᒍᑕᑲᓄᒡ ᐸᑐᔅ ᐊᓐᑕ ᒋᔅᑲ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐱᒧᑕᑲᓄᒐ ᐊᓐᑕ ᐊᔅᒋᔭ᙮ ᐊᐅᑯᑦ ᑲᐃᔅᐱᐃᒡ ᐊᓐᑕ ᐊᒪᓐᑕᐅᓇᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ ᐊᓐᑕ ᓄᓇᐱᒃ᙮ ᐊᓐᒡ ᑲᑐᔅᑲᔅᑕᒡ ᐊᓐᑕ ᓄᓇᐱᒃ ᔭᐱᒡ ᐊᓐᒡ ᐃᔪᔅᒋᔭ ᑭᔭ ᐃᔪᒡ ᐊᓂᔭ ᐊᔅᒋᔭ ᐊᑎᓯᓇᑕᐃᑲᓄᒋ ᒐᒋ ᓇᑲᑐᐛᐃᑕᑲᓄᒋ ᔭᐱᒡ ᐊᓐᑕ ᑲᐃᔅ ᑯᒂᒋᒐᒧᐅᓇᓄᒡ ᒐᒋ ᓂᔅᑐᐛᐸᑕᑲᓄᒋ ᑲᒪᒧᐎᑐᓇᓄᒡ ᐊᔅᒋᔪᐅᓯᓇᐃᑭᓇ ᐅᑕ ᑯᐸᒃ᙮
“[…] ᐊᑎᓱ, ᐊᔅᒋᔭ ᑭᔭ ᓂᐱᔾ ᐛᓇᑲᑐᐛᐃᑕᑲᓄᒋ ᐊᓐᑕ ᐊᑎᒂᒡ ᒐᒂᓐ ᐛᓇᑲᑐᐛᐃᑕᑲᓄᒡ ᐊᓐᑕ ᓇᓂᑯᑎᓂ ᐊᑲ ᓱᑲ ᐊᔅᑕᐃᑕᒂᒡ ᐊᓐᑕ ᐛᔅᑲ ᐊᔅᒋᔭ ᐊᓯᓇᒂᒡ᙮ ᒥᔅᑯᒡ, ᓄᑎᒻ ᒐᒂᓐ ᐊᑎᒂᒡ ᐱᑎᓱ ᐊᔅᒋᒡ ᐊᑎᓱ ᐊᓐᑕ ᑯᐸᒃ, ᐛᒧᒡ ᒐᐎᓇᑲᑐᐛᐃᑕᑲᓄᒡ ᑭᔭ ᒐᒋ ᐊᔅᒋᐱᑕᑲᓄᒡ ᐊᓐᑕ ᑯᐸᒃ ᐊᑎᑕᒂᒋ ᐊᔅᒋᔭ ᐛᓇᑲᑐᐛᐃᑕᑲᓄᒋ᙮”
ᐊᓐᑕ ᓄᓇᐱᒃ, ᐃᔪᐤ ᐃᑐᐅᓐ ᐊᔅᐱᓴᒡ ᔭᐱᒡ ᐊᔅᑕᐃᑕᒂᒡ ᐊᓐᑕ ᐊᓯᐱᒧᑕᓄᒡ ᐛᐎᑲᐳᐎᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ᙮ ᐊᓐᑕ ᒪᒧ ᑲᔅᑎᔅᑕᑲᓄᒡ ᐊᓇᑲᑐᐛᐃᑕᑲᓄᒡ ᑭᔭ ᐛᐎᑲᐳᐎᑕᑲᓄᒡ ᒐᒂᓐ᙮ ᒪᒧ ᐃᔨᒧᐅᓂᔪᐤ ᒐᐎᑎᒺᑲᓄᒡ ᐊᓐᑕ ᐛᒋᑐᔅᒐᒪᑲᓄᒡ ᐊᐅᑯᓐ ᐊᔅᑕᐃᑕᒂᒡ ᒐᒋ ᐊᑐᑕᑲᓄᒡ᙮ ᑎᐱᐛᐅᓯᔪᐅᓇ ᐊᓐᒡ ᐊᐛᓐᒋ ᐊᔅᑎᓯᓇᑕᐛᑲᓄᒡ ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ (JBNQA) ᑭᔭ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ (NEQA) ᑲᓄᐛᐃᑕᑲᓄᒡ ᑭᔭ ᓂᔭᑲᑐᐛᐸᑕᑲᓄᒡ ᐊᓐᑕ ᐛᓇᑲᑐᐛᐃᑕᑲᓄᒡ ᐊᔅᒋᔭ ᓇᑕ ᓄᓇᐱᒃ᙮
ᒐᒂᓐ ᐊᓯᔪᓯᓇᐃᑭᓐ ᒐᒥᔭᑲᓄᑦ ᒐᒋ ᐊᑐᔅᑲᔅᑕᑦ ᐊᓂᔭ ᑯᒂᒋᒐᒧᐅᓂᔪᐤ ᐛᓇᑲᑐᐛᐃᑕᑲᓄᐃᒡ ᐊᔅᒋᔪᐤ?
ᐊᓐᑕ ᑕᐊᓐ ᒐᐃᔅ ᐎᒍᑕᑲᓄᒡ ᐃᑕᐅᓐ ᐊᓐᒡ ᒐᐎᔅᒐᐃᑕᒡ ᐊᓐᑕ ᒐᐃᔅᒐᐃᑕᒂᒡ ᒪᑐᔅ ᐊᓐᑕ ᒋᔅᑲ ᐅᑎᓇᑲᓄᒐ ᒐᒋ ᓇᑲᑐᐛᐃᑕᑲᓄᒡ ᐊᓐᑕ ᒐᐃᑎᓯᓇᑕᐃᑲᓄᒋ ᐊᔅᒋᔭ᙮ ᐊᓐᑕ ᐊᓯᓂᔅᑐᑕᑎᓱᓇᓄᒡ ᐊᓐᒡ ᑲᑐᔅᑲᔅᑕᒡ ᐊᓐᑕ ᓄᓇᐱᒃ ᔭᐱᒡ ᐊᓐᒡ ᐃᔪᔅᒋᔭ ᑭᔭ ᐃᔪᒡ ᐊᓂᔭ ᐊᔅᒋᔭ ᐊᑎᓯᓇᑕᐃᑲᓄᒋ ᒐᒋ ᓇᑲᑐᐛᐃᑕᑲᓄᒋ ᔭᐱᒡ ᐊᓐᑕ ᑲᐃᔅ ᑯᒂᒋᒐᒧᐅᓇᓄᒡ ᒐᒋ ᓂᔅᑐᐛᐸᑕᑲᓄᒋ ᑲᒪᒧᐎᑐᓇᓄᒡ ᐊᔅᒋᔪᐅᓯᓇᐃᑭᓇ ᐅᑕ ᑯᐸᒃ᙮
ᐊᐅᑯᐤ ᐸᐃᑯᑕᐤ ᐊᓯᐱᒧᑕᓄᒡ ᐊᓐᑕ ᑲᐱᒋᑕᑲᓄᒡ ᑲᒥᔪᐱᐃᒡ ᐊᓐᑕ ᑲᐎᑲᐳᐎᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᒪᓐᑕᐅᓇᓄᒡ ᐊᓐᑕ ᓄᓇᐱᒃ᙮
ᒐᒂᓇ ᐊᓐᑕ ᐊᑕᑎᐸᓐ ᐊᓴᒋᔭ ᐊᑎᓯᓇᑕᐃᑲᓄᒋ ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ (JBNQA) ᑭᔭ ᐊᓐᑕ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ (NEQA)?
- ᐊᑎᓯᓇᑕᐃᑲᓄᒡ I ᑭᔭ IB-N – ᐊᔅᒋᔭ ᐃᔪᒡ ᐅᑎᐱᐛᐅᓯᔪᐅᓄᐛᐤ ᐊᓂᔭ ᐊᔅᒋᔭ ᐊᔭᔭᑎᓇᑲᓄᒋ ᑭᔭ ᐊᑐᔅᑕᑲᓄᒋ ᐊᓐᑕ ᒐᒋ ᐅᒡ ᐛᐎᒋᑯᒡ ᐃᔪᒡ ᐊᓐᑕ ᐸᐸᐃᒄ ᐃᔅᒋᒪᐤ ᐃᔪᔅᒋᔭ ᐊᔅᒋᔭ ᐛᒋᑐᔅᑲᔅᑕᑲᓄᒡ ᑭᔭ ᐊᓐᒡ ᓇᔅᑲᐱ ᐊᔅᒋᔭ ᐛᒋᑐᔅᑲᔅᑕᑲᓄᒋ, ᑲᓄᐛᐃᑕᒡ ᑎᐸᐛᐅᓯᔪᐅᓂᔪᐤ ᐊᓐᑕ ᐊᑎᓯᓇᑕᐃᑲᓄᐃᒡ ᓂᔅᑯᒧᐅᓇᐃᑭᓂᒡ, ᐊᔅᑎᒋᑕᑲᓄᒡ ᐊᒥᔭᑲᓄᒡ ᒐᒋ ᐊᓐᑐᐅᒡ (ᑭᔭ ᑎᐱᐛᐅᓯᔪᐅᓂᔪᐤ ᐊᒥᔭᑲᓄᒡ ᒐᒋ ᐎᑲᐳᐎᑕᒡ ᑭᔭ ᐊᑐᑕᒡ ᑯᔅᒐᐅᒋᐛᑉ ᐊᑐᔅᒐᐅᓂᔪᐤ᙮)
- ᐊᑎᓯᓇᑕᐃᑲᓄᒡ I ᑭᔭ II-N – ᐊᔅᒋᔭ ᐊᓐᑕ ᐃᑕᐅᓐ ᐊᑎᒂᒡ ᐊᓐᑕ ᐃᔅᒋᒪᐅᒡ ᑭᔭ ᓇᔅᑲᐱ ᑲᓄᐛᐃᑕᒡ ᑎᐱᐛᐅᓯᔪᐅᓂᔪᐤ ᐊᓐᑕ ᐊᑎᓯᓇᑕᐃᑲᓄᒡ ᐃᔨᒧᐅᓐ ᐊᓐᑕ ᓂᔅᑯᒧᐅᓯᓇᐃᑭᓂᒡ, ᐊᔅᑎᒋᑕᑲᓄᒡ ᐊᒥᔭᑲᓄᒡ ᒐᒋ ᐊᓐᑐᐅᓐ (ᑭᔭ ᐊᒥᔭᑲᓄᒡ ᑲᓄᐛᐃᑕᒡ ᒐᒋ ᐊᓐᑐᐅᒡ (ᑭᔭ ᑎᐱᐛᐅᓯᔪᐅᓂᔪᐤ ᐊᒥᔭᑲᓄᒡ ᒐᒋ ᐎᑲᐳᐎᑕᒡ ᑭᔭ ᐊᑐᑕᒡ ᑯᔅᒐᐅᒋᐛᑉ ᐊᑐᔅᒐᐅᓂᔪᐤ᙮)
- ᐊᑎᓯᓇᑕᐃᑲᓄᒡ III – ᐊᔅᒋᔭ ᐊᓐᑕ ᐃᑕᐅᓐ ᐊᑎᒂᒡ ᐊᓐᑕ ᐃᔅᒋᒪᐅᒡ, ᒋᒥᔅ ᐱ ᑭᔭ ᓇᔅᑲᐱ ᑲᓄᐛᐃᑕᒡ ᑎᐱᐛᐅᓯᔪᐅᓂᔪᐤ ᐊᓐᑕ ᐊᑎᓯᓇᑕᐃᑲᓄᒡ ᐃᔨᒧᐅᓐ ᐊᓐᑕ ᓂᔅᑯᒧᐅᓯᓇᐃᑭᓂᒡ, ᐊᑲ ᐊᔅᑎᒋᑕᑲᓄᒡ ᐊᒥᔭᑲᓄᒡ ᒐᒋ ᐊᓐᑐᐅᓐ (ᔭᐱᒡ ᐊᓐᑕ ᐊᒥᔭᑲᓄᒡ ᑲᓄᐛᐃᑕᒡ ᒐᒋ ᐊᓐᑐᒪᓂᔪᒡ ᐊᓐᑕ ᐊᔅᑎᓯᓇᑕᐛᑲᓄᒡ ᐊᓐᑕ ᓂᔅᑯᒧᐅᓯᓇᐃᑭᓂᒡ᙮
ᑎᑯᓐ ᒐᒂᓐ ᐎᑐᑕᑲᓄᒡ ᐊᑕᑈᑕᑲᓄᒡ ᑭᔭ ᐊᑯᔅᑎᒐᓄᒡ ᒐᒂᓐ ᐊᓐᑕ ᐊᓇᑲᑐᐛᐃᑕᑲᓄᒡ ᐊᔅᒋᔾ
ᒋᑭ ᐊᓐᑕ ᐊᔅᑯ ᒐᒋ ᒥᔨᑯᔭᓐ ᑎᐱᐛᐅᓯᔪᐅᓐ ᒐᒋ ᐊᓐᑕ ᐊᔅᑎᒋᑕᑲᓄᒡ ᒐᒋ ᐊᓐᑐᐅᔭᓐ , ᐊᓐᑐᐅᓂᒪᓴᔭᓐ, ᑭᔭ ᐊᓐᑐᐅᒪᓂᔪᐅᔭᓐ, ᐱᑎᓱ ᐊᔅᒋᔭ ᐊᓇᑲᑐᐛᐃᑕᑲᓄᒋ ᐊᓐᑕ ᐊᔅᑎᓯᓇᑕᐅᑯᔭᓐ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ (JBNQA) ᑭᔭ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ (NEQA)?
ᓂᐟ, ᐊᓂᔭ ᑎᐱᐛᐅᓯᔪᐅᓐ ᒪᒧ ᑲᓇᑎᐸᔅᑕᑐᓇᓄᒡ ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ ᑭᔭ ᐊᓐᑕ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ ᐊᑎᒂᒡ ᓱᒋᔪᐅᓐ ᐃᔅᐱᔅ ᐊᓐᑕ ᑯᑎᑲ ᐃᑎᓱᐛᐅᓇ ᑭᔭ ᒪᒃ ᐊᓯᓇᓴᐃᑲᓄᒡ ᒐᒂᓐ ᒐᒋ ᓇᑲᑐᐛᐃᑕᑲᓄᒋ ᐊᔅᒋᔭ ᐊᓐᑕ ᓄᓇᐱᒃ᙮
ᐊᓐᑕ ᐊᑎᓯᓇᑕᐃᑲᓄᒡ ᐊᑭᔅᑭᑎᔅᑕᒡ 24 JBNQA ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ ᑭᔭ ᐊᑭᔅᑭᑎᔅᑕᒡ 15 NEQA, ᐊᓐᑕ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ ᐊᓐᑕ ᐊᔅᑎᓯᓇᑕᐛᑲᓄᒡ ᐅᑕ ᓂᔅᑯᒧᐅᓇ ᒋᑭᒋ ᐊᐱᒋᑕᐅᒡ ᐅᑎᐱᐛᓯᐅᓄᐛᐤ ᒐᒋ ᐊᓐᑐᐅᒡ ᐊᓐᑕ ᑲᑎᐱᒃ ᐊᔅᒋᔪᐤ, ᐊᔅᑎᒋᑕᑲᓄᒡ ᐊᓐᑕ ᐱᑎᓱ ᐊᑎᓯᓇᑕᐃᑲᓄᒡ ᓄᑎᒻ ᐊᔅᒋᔭ ᐊᓇᑲᑐᐛᐃᑕᑲᓄᐃᒡ ᑭᔭ ᐊᑎᓯᓇᑕᐃᑲᓄᒡ ᐛᔅᑐᑕᑲᓄᒡ ᐊᔅᒋᔾ ᐛᓇᑲᑐᐛᐃᑕᑲᓄᒡ ᙮
ᐃᔅᒋᒪᐅᒡ, ᓇᔅᑲᐱ, ᒋᒥᔅ ᐱ ᐊᔅᑯ ᒐᑲᓄᐛᐃᑕᒡ ᓄᑎᒻ ᐊᓯᓐᑐᐅᓇᓄᒡ ᑎᐱᐛᐅᓯᔪᐅᓐ ᐊᓐᑕ ᐊᔅᒋᔭ ᐊᓇᑲᑐᐛᐃᑕᑲᓄᒡ᙮
ᐊᓯᑕᑈᑕᑲᓄᒡ ᑭᔭ ᐊᓯᑯᔅᑎᒐᓄᒡ ᒐᒂᓐ ᒐᒋ ᐊᑐᑕᑲᓄᒡ ᐊᓐᑕ ᐊᔅᒋᔭ ᐛᓇᑲᑐᐛᐃᑕᑲᓄᒋ ᑭᔭ ᓂᐱᔭ ᐊᑲᓇᑐᐛᐃᑕᑲᓄᒋ ᐊᑎᐸᓂᔅᑕᑲᓄᒋ?
ᐊᓐᑕ ᐊᑎᓯᓇᑕᐃᑲᓄᒡ ᐱᒪᑎᓯᔪᐅᓐ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐎᓱᐛᐅᓐ (NHCA), ᐱᔅᒐ ᐊᑎᒂᒋ ᒐᒂᓐ ᐛᑐᑕᑲᓄᒋ ᐊᓐᑕ ᐊᑲ ᐊᔅᑎᒋᒪᑲᓄᒡ ᓂᓱᐎᒡ ᓂᔅᑯᒧᐅᓯᓇᐃᑭᓂᒡ ᐊᑕᑈᑐᐛᑲᓄᒡ, ᐊᑯᔅᑎᔭᑲᓄᒡ, ᐊᓂᑲᐛᑲᓄᒡ ᐊᓐᑕ ᐊᔅᒋᔭ ᐛᓇᑲᑐᐛᐃᑕᑲᓄᒡ ᑲᑎᐸᓂᔅᑕᑲᓄᒡ (ᑲᑯᒂᒋᒐᒧᐅᓇᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ) ᑭᔭ ᒪᒃ ᓂᐱᔾ ᐛᓇᑲᑐᐛᐃᑕᑲᓄᒡ (ᑯᒂᒋᒐᒧᐅᓐ ᐱᓂᔾ ᐛᓇᑲᑐᐛᐃᑕᑲᓄᒡ) ᒐᒂᓐ ᐛᑐᑕᑲᓄ ᐊᓐᑕ TRPAPs ᒐᒋ ᐃᓯᓇᑯᓐ ᒐᒋ ᐅᒡ ᑕᑈᑕᑲᓄᒡ ᐊᓐᑕ ᒋᓴᐅᒋᒪᑲᓂᒡ ᐊᔅᒋᔾ ᑭᔭ ᒋᓯᒄ ᐊᓯᒥᔅᑯᒋᐱᐃᒡ ᐛᒋᑐᔅᑲᔅᑕᑲᓄᒡ MELCC᙮ ᐅᐛ ᐊᓐᑕ ᒐᒋ ᐃᓯᒋᑕᐸᑕᑲᓄᐤ ᐊᓐᑕ ᒪᔅᑕᔭ ᒐᐃᓯᒋᑕᐸᑕᑲᓄᒡ ᐊᑎᑯᑕᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ᙮
ᒐᒂᓇ ᐊᓐᑕ ᓄᑎᒻ ᐊᒋᑕᐸᑕᑲᓄᒡ ᐊᑕᑈᑕᑲᓄᒡ ᑭᔭ ᐊᑯᔅᑎᒐᓄᒡ ᐊᑲ ᐊᓐᑕ ᐊᑲ ᐊᔅᑎᓯᓇᑕᐛᑲᓄᑦ ᐊᐛᓐ ᓂᔅᑯᒧᐅᓂᒡ ᐊᓐᑕ ᐊᔅᒋᔭ ᐊᓇᑲᑐᐛᐃᑕᑲᓄᒡ ᑭᔭ ᓂᐱᔭ ᐊᑲᓇᑐᐛᐃᑕᑲᓄᒋ ᐊᑎᐸᓂᔅᑕᑲᓄᒋ᙮
ᒐᒂᓐ ᐛᑐᑕᑲᓄᒡ | ᐊᑕᑈᑕᑲᓄᒡ/ᐊᑯᔅᑎᒐᓄᒡ |
ᑯᔅᒐᐅᒋᒪᐅᒡ ᐊᓐᑐᐅᒡ | ᐊᑕᑈᑕᑲᓄᒡ |
ᑯᔅᒐᐅᒋᒪᐅᒡ ᐊᓐᑐᓂᒪᓴᒡ | ᐊᑕᑈᑕᑲᓄᒡ |
ᐊᓐᑐᒪᓂᓇᓄᒡ | ᐊᑯᔅᑎᒐᓄᒡ |
ᐊᑕᑈᑕᑲᓄᒡ ᑭᔭ ᐊᐱᒐᑲᓄᑦ ᑲᓇᐅᑲᑕᑦ ᑭᔭ ᒪᒃ ᔅᑭᑐ | ᐊᑕᑈᑕᑲᓄᒡ, ᐊᑎᓱ ᐅᔅᑲᒡ ᒪᔅᑲᓄᐤ ᒐᒋ ᐃᑕᐱᑎᒡ ᐊᑯᔅᑎᒐᓄᒡ |
ᐊᑕᑈᑕᑲᓄᒡ ᑭᔭ ᐊᐱᒐᑲᓄᑦ | ᐊᑕᑈᑕᑲᓄᒡ |
ᐊᐸᒥᔅᑲᓄᒡ ᐊᓐᑕ ᐊᓄᒡ ᐊᒋᑕᑲᓄᒡ ᒐᒂᓐ (ᐊᐛᓱᓇᓄᒡ, ᑯᔅᒐᐅᒋᐛᐸ, ᑭᔭ ᒪᒃ ᑯᔅᒐᐅᒋᐛᑉ) | ᐊᑕᐸᑕᑲᓄᒡ |
ᐊᒥᔽᓄᒡ ᐅᔅᑲᒡ ᐊᔅᒋᔾ ᑎᐱᐛᐅᓯᔪᐅᓐ ᒐᒋ ᐊᐱᒋᑕᑲᓄᒡ (ᐊᐸᒥᔅᑲᓄᒡᐛᐃᐱᔅᒋᓴ ᒐᒋ ᐊᐱᒋᑕᑲᓄᒡ) | ᐊᑯᔅᑎᒐᓄᒡ |
ᐊᒪᒧᓴᒋᓇᑲᓄᑦ ᓂᐱᓴ (ᒥᓂᓴ, ᐱᓯᒧᒡ, ᑯᑎᒃ ᓂᐱᓴ | ᐊᑕᑈᑕᑲᓄᒡ |
ᒥᑦ ᐊᑐᑕᑲᓄᒋ | ᐊᑯᔅᑎᒐᓄᒡ |
ᒥᔅᑎᒄ ᐊᑐᔅᒐᐅᓐ ᐊᑥᔎᐃᒐᓄᒡ | ᐊᑯᔅᑎᒐᓄᒡ |
ᐃᔨᒧᐅᓐ ᐊᒪᒧᔅᑕᑲᓄᒡ ᑭᔭ ᐊᔅᑯᑎᒪᒐᐅᓐ | ᐊᑕᑈᑕᑲᓄᒡ |
ᓯᓂᔾ ᐊᒧᓇᐃᑲᓄᒡ ᐊᑐᔅᒐᐅᓐ ᑭᔭ ᐱᒥᔾ ᐊᑐᔅᒐᐅᓐ | ᐊᑯᔅᑎᒐᓄᒡ |
ᓂᒥᔅᒋᐅᔅᑯᑕᐤ ᒐᒋ ᒋᒥᑕᑲᓄᒡ ᑭᔭ ᒐᒋ ᑕᐛᒐᓄᒡ ᓂᒥᔅᒋᐅᔅᑯᑕᐤ (ᐊᔅᑎᒋᑕᑲᓄᒡ ᐛᔅᑕᐱᒪᑭᓐ ᐊᐱᓴ ᒐᒋ ᐊᑐᑕᑲᓄᒋ) | ᐊᑯᔅᑎᒐᓄᒡ |
ᒐᒋ ᐊᑐᑕᑲᓄᒡZECs, ᑯᔅᒐᐅᒋᐛᑉ ᑭᔭ ᐊᐛᓯᓯᒡ ᐊᓇᑲᑐᐛᐃᒪᑲᓄᒡ | ᐊᑕᑈᑕᑲᓄᒡ |
ᓂᑕᒋᓂᑭᓐ ᓂᐱᓴ ᒐᒋ | ᐊᑕᑈᑕᑲᓄᒡ ᐊᓐᑕ ᒥᔅᑯᒡ ᐱᑎᒪ ᒐᒋ ᓂᔅᑯᒧᐅᓇᓄᒡ |
ᐊᓂᑕᒋᑕᑲᓄᒡ ᒥᒋᒻ | ᐊᑯᔅᑎᒐᓄᒡ |
ᒐᒋ ᒪᓂᑲᓄᒡ ᒐᒂᓐ (ᒥᒋᐛᐸ, ᒪᔅᑲᓄᐛ, ᒥᓇᔎᒡ ᒪᔅᑲᓄᐛ ᑯᑎᒃ ᒐᒂᓇ) | ᐊᑕᑈᑕᑲᓄᒡ ᐊᓐᑕ ᒥᔅᑯᒡ ᐱᑎᒪ ᒐᒋ ᓂᔅᑯᒧᐅᓇᓄᒡ |
ᐊᐸᒧᑕᓄᒡ ᑭᔭ ᒪᑐᐛᐅᓐ (ᐊᒧᑕᓄᒡ ᑭᔭ ᑲᓂᓱᑲᑕᐛᔅᑦ, ᐊᓴᒥᒐᓄᒡ, ᐊᓴᒥᒐᓄᒡ ᐊᒋᓄᓯᒡ ᑯᓂᒡ ᐊᐱᒐᑲᓄᒡ, ᑯᑎᒃ ᒐᒂᓐ) | ᐊᑕᑈᑕᑲᓄᒡ |
* ᓇᔅᒐ ᐊᑲ ᐊᓐᑐᐛᐃᑕᑲᓄᒡ ᐅᔭ ᒐᒂᓇ ᒪᓯᓇᑕᐃᑲᓄᒋ ᒐᒋ ᐊᔭᑎᔅᑕᑲᓄᒋ ᐊᓐᑕ ᐊᑎᒂᒡ ᑎᐸᔅᑯᒐᐅᓐ ᒥᓯᓇᐃᑭᓐ ᐊᐱᒧᑕᒥᑲᒡ ᐅᑕ ᒥᓯᓇᐃᑭᓂᒡ (NHCA ᑭᔭ ᐊᔅᒋᔾ ᐛᓇᑲᑐᐛᐃᑕᑲᓄᒡ ᐊᔭᔅᑯᔅᑕᑲᓄᒡ ᐊᓐᑕ ᐸᐱᒄ ᐊᔅᒋᔭ ᑲᑎᐸᓂᔅᑕᑲᓄᒋ ᐛᓇᑲᑐᐛᐃᑕᑲᓄᒡ)
ᒐᒋ ᐊᓐᑕ ᑎᑯᓐ ᒐᒋ ᑕᑈᑕᑲᓄᒡ ᓯᓂᔾ ᐛᒧᓇᐃᑲᓄᒡ ᒐᒋ ᑕᑈᑕᑲᓄᒡ ᑭᔭ ᒪᑲ ᐊᓐᑕ ᑲᑎᐸᓂᔅᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ, ᐊᓐᑕ ᑯᒂᒋᒐᒧᐅᓐ ᐊᔅᒋᔾ ᑭᔭ ᒪᒃ ᓂᐱᔾ ᑭᔭ ᒪᒃ ᐊᔅᒋᔾ ᓄᑎᒻ ᒐᒂᓐ ᐊᑎᑕᒂᒡ ᐱᑎᓱ?
ᒪᐛᒡ, ᐊᓐᑕ ᐃᓯᓇᒂᒡ ᑲᑎᐸᓂᔅᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ, ᐊᓐᑕ ᑯᒂᒋᒐᒧᐅᓐ ᐊᔅᒋᔾ ᑭᔭ ᒪᒃ ᓂᐱᔾ ᑭᔭ ᒪᒃ ᐊᔅᒋᔾ ᓄᑎᒻ ᒐᒂᓐ ᐊᑎᑕᒂᒡ ᐱᑎᓱ ᐊᓐᑕ ᐛᐃᐱᔅᒋᓴ ᐊᓇᑲᑐᐛᐃᑕᑲᓄᒡ ᐊᓐᑕ ᐊᑎᒂᒡ ᒐᒋ ᓂᑲᐃᑭᓄᒡ ᒐᒋ ᓯᓂᔾ ᐎᒧᓇᐃᑲᓄᒡ ᑭᔭ ᓄᑎᒻ ᑯᑎᑲ ᑲᓄᑎᓯᓇᓇᐅᒡ ᐊᑐᔅᒐᐅᓇ᙮ ᐊᓐᑕ ᐊᔅᒋᔭ ᐱᑎᓱ ᒐᒂᓐ ᐊᑎᑕᒂᒡ, ᐊᓐᑕ ᒐᒋ ᐊᑎᒂᒡ ᒐᒋ ᓄᑎᓯᓇᓄᒡ ᑭᔭ ᓯᓂᔾ ᒧᓇᐃᑲᓄᒡ ᐊᑲ ᓇᔅᒐ ᑕᑈᑕᑲᓄᒡ (ᐸᑐᔅ ᓂᔅᑯᒧᐅᑦ ᒋᓴᐅᒋᒪᑲᓐ)᙮
ᒐᒋ ᐊᓐᑕ ᑕᑥᔎᐃᒐᓄᐤ ᐱᑎᓱ ᐊᓐᑕ (TRPAP) ᐊᑎᓯᓇᑕᐃᑲᓄᒡ ᐊᔅᒋᔾ ᐊᓐᑕ ᐛᓇᑲᑐᐛᐃᑕᑲᓄᒡ ᑲᑎᐸᓂᔅᑕᑲᓇᐅᒋ ᐊᔅᒋᔭ ᑭᔭ ᒪᒃ ᓂᐱᔭ, ᐊᓐᑕ ᐊᔅᒋᔾ ᐊᔅᑯ ᐊᓐᑕ ᒥᓯᓇᑕᐃᑲᓄᒋ ᒋᔅᑲ ᓇᑲᑐᐛᐃᑕᑲᓄᒋ?
ᓂᐟ, ᒋᑭᒋᑐᑎᒻ ᒥᑕ ᒥᑯ ᐊᓐᑕ ᒐᑕᒡ ᒐᒋ ᐊᐱᒋᑕᑦ ᑭᔭ ᒪᑲᓐᑐᒪᓂᔪᑦ ᑯᔅᒐᐅᒋᐛᐱᒡ ᐊᑕᑈᑕᑲᓄᒡ ᐊᓐᑕ ᐊᔅᒋᐱᐃᒡ ᐊᓐᑕ ᑎᐸᐛᐅᓯᔪᐅᓐ ᐊᓐᑕ ᐊᔅᑎᓯᓇᑕᐛᑲᓄᑦ ᓂᔅᑯᒧᐅᓂᒡ᙮ ᒥᔅᑯᒡ, ᐊᓐᑕ ᒥᑕ ᒐᒋ ᐊᑐᑕᑦ ᐊᐛᓐ ᐊᑲ ᐊᓐᑕ ᓂᔅᑯᒧᐅᓯᓇᐃᑭᓂᒡ ᐊᑲ ᐊᔅᑎᓯᓇᑕᐛᑲᓄᑦ ᐸᑐᔅ ᐊᓐᑕ ᒋᓴᐅᒋᒪᑲᓂᒡ ᐛᒪᓯᐧᑲᑲᓄᒡ ᐊᓯᒥᔅᑯᒋᐱᐃᒡ ᒋᓯᒄ ᑭᔭ ᐊᔅᒋᔾ ᐊᑐᔅᑲᔅᑕᑲᓄᒡ᙮ ᐊᓐᑕ ᔭᐱᒡ, ᒐᒋ ᑕᑈᒐᓄᒡ ᒥᔅᑎᒄ ᐊᑲ ᑕᑈᑕᑲᓄᒡ᙮
ᓄᓇᐱᒃ ᐛᓇᑲᑐᐛᐃᑕᑲᓄᒡ ᐊᔅᒋᔭ ᐊᑐᔅᒐᐅᓐ ᒐᐃᑎᑯᑕᒡ
ᑯᒐᒂᓐ ᑭᔭ ᑕᐊᓐ ᒐᐃᔅ ᐊᓐᒡ ᐃᔅᒋᒪᐅᒡ, ᓇᔅᑲᐱ, ᑭᔭ ᒋᒥᔅ ᐱ ᐊᓱᐱᔅᑎᓂᒺᑲᓄᒡ ᐃᔨᒧᐅᓂᔪᐤ?
ᐊᓱᐱᔅᑎᓇᒡ ᐅᑎᑕᐃᑎᒧᐅᓄᐊᐤ ᐊᓐᑦ ᐊᐛᐎᑲᐳᐎᑕᑲᓄᐃᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ, ᐊᓐᑕ ᑲᐃᓯᐱᒧᑕᓄᒡ ᐊᓄᒡ ᐊᑎᑯᑕᒡ ᐃᔨᒧᐅᓐ ᑭᔭ ᐊᔅᑕᐃᑕᒂᒡ ᑭᔭ ᐊᓱᐛᐸᑎᐛᓄᒡ ᐊᓐᑕ ᐊᔅᒋᔭ ᐊᑎᑕᒂᒋ ᐊᓐᑕ ᐊᓯᐱᔅᑎᓇᑲᓄᒡ ᐃᔨᒧᐅᓐ ᐊᓐᑕ ᑕᐊᐱᒐᐱᑭᓂᒡ ᑲᒥᓯᓇᐃᒐᐱᐃᒡ᙮
ᐊᓐ ᐃᔪᒡ ᒐᓂᔅᑯᐛᑲᓄᒡ ᑲᔭᔅᑯᔅᑕᑲᓄᒡ ᐊᓐᑕ ᒐᒋ ᐊᑐᑕᑲᓄᒡ ᓄᑎᒻ ᓄᓇᐱᒃ ᐃᔪᔅᒋᔭ ᐊᐳᑈᒡ 2022 ᐱᐳᓐ ᑭᔭ ᐊᐳᑈᒡ 2023 ᐱᐳᓐ, ᐊᓐᑕ ᑕᐊᓐ ᒐᐃᔅᐱᐃᒡ ᐊᐧᑯᓱᐅᓐ ᐊᑲᔅᑕᐧᑯᔭᐤ (COVID-19).
ᒐᒂᓐ ᐊᓐᑕ ᒐᐃᔅᐱᐃᒡ ᒐᓂᔅᑲᑐᓇᓄᒡ ᐊᓐᑕ ᐃᔪᔅᒋᔭ ᒐᐃᔅ ᐱᔅᑎᓇᒡ ᐃᔨᒧᐅᓂᔪᐤ᙮
ᑕᐊᓐ ᐊᓯᓇᑯᓂᒡ ᐅᑎᑐᔅᒐᐅᓄᐛᐤ ᐊᓐᒡ ᓄᓇᐱᒃ ᐛᓇᑲᑐᐛᐃᑕᑲᓐᒡ ᐊᔅᒋᔾ ᑲᒪᒧᐎᓇᓄᐃᒡ ᐊᐱᔅᑕᒡ (PAWG)?
ᐊᓐᑕ ᒐᐅᒡ ᓇᓴᐃᑲᓄᒡ ᐊᓐᑕ ᐱᑯᓴᐃᔨᒧᐅᓐ ᑯᒂᒋᒐᒧᐅᓇ ᐊᓐᑕ 2011-12 ᐱᐳᓇ ᐃᔪᔅᒋᔭ ᑲᓱᐱᔅᑎᓂᒪᑐᓇᓄᒡ ᐃᔨᒧᐅᓐ ᐊᓐᑕ ᑲᐎᑲᐳᐎᑕᑲᓄᒡ ᓄᓇᐱᒃ ᐛᓇᑲᑐᐛᐃᑕᑲᓄᒡ ᐊᔅᒋᔭ ᐊᑎᑕᑯᓂᒋ᙮
ᑕᐊᓐ ᐊᑎᑯᑕᒡ ᐊᓐᑕ ᐃᔨᒧᐅᓐ ᐊᑐᔅᑲᔅᑕᑲᓄᒡ ᓄᓇᐱᒃ ᐛᓇᑲᑐᐛᐃᑕᑲᓄᒡ ᐊᔅᒋᔭ ᑲᐛᐎᒐᐅᓯᒡ ᑲᒪᒧᐎᓇᓄᐃᒡ?
ᑲᐛᐎᒐᐅᓯᒡ ᑲᒪᒧᐎᓇᓄᐃᒡ ᐊᐱᔅᑕᒡ, ᑲᐎᑲᐳᐎᑕᑲᓄᒡ 2017 ᐱᐳᓐ, ᐛᒋᔅᒐᐃᑕᒂᒡ ᐃᔨᒧᐅᓐ ᒐᒋ ᐊᓱᐱᔅᑎᓂᒪᑐᓇᓄᒡ ᑭᔭ ᐊᒥᔪᑐᔅᒐᐃᑕᑲᓄᒡ ᐊᓐᑕ ᐊᔅᒋᔭ ᐛᓇᑲᑐᐛᐃᑕᑲᓄᒋ ᑲᒪᒧᐎᓇᓄᒡ PAWG’s ᐊᓯᑐᔅᑲᔅᑕᒡ ᐊᔅᒋᔾ ᐛᓇᑲᑐᐛᐃᑕᑲᓄᒡ ᐊᓯᔭᔅᑯᔅᑕᑲᓄᒡ ᐊᑐᔅᑲᔅᑕᑲᓄᒡ ᒪᒧ ᐊᓂᔭ ᓄᓇᐱᒃ ᐃᔪᐛ ᑭᔭ ᑯᑎᑲᒡ ᐛᑲᐛᐎᒐᐅᓯᒡ ᒐᒋ ᒥᔪᐎᒋᑐᔅᒐᒪᑲᓄᒡ ᑭᔭ ᐱᑕᐱᔭᑲᓄᒡ ᐊᓐᑕ ᐊᓯᑐᔅᑲᔅᑕᑲᓄᐃᒡ᙮
ᒐᑲ ᐊᐛᓐᒋ ᐊᓐᑕ ᐊᐱᔅᑕᒡ ᐊᓂᔭ ᓄᓇᐱᒃ ᐛᓇᑲᑐᐛᐃᑕᑲᓂᒡ ᐊᔅᒋᔪᐤ ᐛᒋᑐᔅᑲᔅᑕᑲᓄᒡ ᑲᒪᒧᐎᓇᓄᒡ (PAWG) ᑭᔭ ᐊᓐᑕ ᑲᐛᐎᒐᐅᓯᒡ ᑲᒪᒧᐎᓇᓄ?
ᐊᓐᒡ ᐊᔅᒋᔪᐤ ᐛᓇᑲᑐᐛᐃᑕᒡ ᐛᒋᑐᔅᑲᔅᑕᑲᓄᒡ ᑲᒪᒧᐎᓇᓄᒡ ᐊᓐᒡ ᐊᐱᔅᑕᒡ ᑯᐸᓇᓴᒡ ᐊᓐᑕ ᑕᑐᐎᒡ ᐛᒋᐛᐎᒋᐛᓄᒡ:
- ᑲᑎᐱᒃ ᒋᓴᐅᒋᒪᑲᓐ (KRG)
- ᒋᓴᐅᒋᒪᑲᓐ ᐊᔅᒋᔾ ᑭᔭ ᐛᒪᓯᑲᑲᓄᒡ ᒋᓯᒄ ᐊᓯᒥᔅᑯᒋᐱᐃ (MELCC)
- ᒋᓴᐅᒋᒪᑲᓐ ᓂᒥᔅᒋᐅᔅᑯᑕᐤ ᑭᔭ ᐊᑐᔅᑲᐛᒐᓄᒡ ᐊᔅᒋᔾ (MERN)
- ᒋᓴᐅᒋᒪᑲᓐ ᒥᓇᔎᐤ, ᐊᐛᓯᓯᒃ ᑭᔭ ᐊᒪᓐᑕᐅᓇᓄᒡ (MFFP)
- ᒋᐛᑎᓄᒡ ᐊᑐᔅᒐᐅᓐ ᐛᒋᒥᑕᑲᓄᒡ Plan Nord (SPN)
ᐊᓐᒡ ᐛᓇᑲᑐᐛᐃᑕᑲᓄᒡ ᐊᔅᒋᔭ ᐛᒋᑐᔅᑲᔅᑕᑲᓄᒡ ᑭᔭ ᑲᐛᐎᒐᐅᓯᒡ ᑲᒪᒧᐎᓇᓄᒡ PAWG
- ᑲᑎᐱᒃ ᒋᓴᐅᒋᒪᑲᓐ (KRG)
- ᒪᑭᐱᒃ ᒋᓴᐅᒋᒪᑲᓐ
- ᒋᒥᔅ ᐱ ᒋᓴᐅᒋᒪᑲᓐ
- ᓇᔅᑲᐱ ᐅᒋᒪᐅᓂᒡ ᐅᑕ ᑲᐛᐛᒋᑲᒪᒡ
- ᒋᓴᐅᒋᒪᑲᓂᒡ ᐊᔅᒋᔭ ᑭᔭ ᐛᒪᓯᑲᑲᓄᒡ ᒋᓯᒄ ᐊᓯᒥᔅᑯᒋᐱᐃᒡ (MELCC)
ᐊᓐᑕ ᒋᔅᑕᐱᐃᒡ ᐅᐛ ᑲᐎᑲᐳᐎᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᓯᐱᒧᑕᒥᑲᒡ, ᐊᓐᒡ ᑲᒐᐅᒋᒪᑐᔅᒐᒡ MELCC ᒋᑭᑎᐸᓂᔅᑕᐅᒐ ᓱᓇᔭᔪᐤ ᐊᓐᑕ ᒐᒋ ᒋᒥᑕᑲᓄᒡ ᒐᒂᓐ ᑭᔭ ᐊᔭᔭᑎᓇᑲᓄᒡ ᐊᑐᔅᒐᐅᓐ ᓄᐊᓇᐱᒃ ᐊᔅᒋᔭ ᐛᓇᑲᑐᐛᐃᐊᑲᓄᒋ?
ᐊᓐᑕ ᐊᔭᔭᑎᓇᑲᓄᒡ ᐊᑐᔅᒐᐅᓐ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᐅᑯᓐ ᐱᔅᒐ ᐅᑎᑐᔅᒐᐅᓄᐛᐤ ᐊᓐᒡ ᒋᓴᐅᒋᒪᑲᓐ MELCC ᑭᔭ ᑕᑎᐸᓐ ᐛᒋᑐᔅᒐᒪᑲᓄᒡ ᑯᐸᓇᓴᒡ ᒋᐛᑎᓄᒡ ᐛᒋᒥᑕᑲᓄᒡ ᐊᑐᔅᒐᐅᓐ ᑲᒪᒧᐎᒡ, ᑯᑎᑲᒡ ᐛᒋᑐᔅᒐᒪᑲᓄᒡ ᑯᐸᓇᓴᒡ) ᐊᓐᑕ ᐃᓯᓇᒂᒡ ᒐᒋ ᐃᓯᒥᔪᐱᐃᒡ᙮
ᒐᒂᓐ ᐊᓂᔭ ᑭᔭ ᒪᒃ ᑕᐊᓐ ᒐᐃᓯᓇᒂᒡ ᑕᑐᐎᒡ ᒐᐃᔅ ᐱᒧᑕᓄᒡ ᒐᐅᒡ ᐊᑐᔅᑲᐛᒐᓄᒋ ᐊᓐᑕ ᒐᔅᑕᑲᓄᒡ ᐸᐸᐃᒄ ᐊᓂᔭ ᐊᔅᒋᔭ ᐛᓇᑲᑐᐛᐃᑕᑲᓄᐊᒋ?
ᐛᓇᑲᑐᐛᐃᑕᑲᓄᒡ ᒐᐃᔅ ᐱᒧᑕᓄᒡ ᐊᓐᑕ ᒐᑐᑕᑲᓄᒡ ᐃᔨᒧᐅᓐ ᐊᓂᔭ ᐸᐸᐃᒄ ᐊᔅᒋᔭ ᐛᓇᑲᑐᐛᐃᑕᑲᓄᒋ᙮ ᐊᔭᔭᑎᓇᑲᓄᒡ ᐊᑐᔅᒐᐅᓐ ᒐᒋ ᔭᐱᒡ ᐎᑲᐳᐎᑕᑲᓄᐤ ᐊᓐᑕ ᒐᒋ ᐛᐎᒐᐅᓯᒡ ᑕᑐᐎᒡ ᐛᒋᑐᔅᒐᒪᑲᓄᒡ (ᐃᔪᔅᒋᔭ, ᑯᐸᓇᓴᒡ, ᑯᑎᑲᒡ)᙮
ᒐᒂᔪᐤ ᐊᓐᒡ ᐊᓯᓇᑯᓂᒡ ᐅᑎᑐᔅᒐᐅᓄᐛᐤ ᐊᓐᒡ MU Conseils ᐊᓐᑕ ᐃᔨᒧᐅᓐ ᒐᒋ ᐊᓱᐱᔅᑎᓇᑲᓄᒡ ᐃᔪᒡ ᓂᔅᑯᐛᑲᓄᒡ?
MU Conseils ᐊᐅᑯᓐ ᐊᑐᔅᒐᐅᓐ ᐊᑐᔅᑲᔅᑕᑲᓄᒡ ᐊᓐᑕ ᒪᓂᒂᐃᑭᓐ ᐛᐱᔅᑲ Manicouagan-Uapishka World Biosphere Reserve, ᐛᒋᑐᔅᒐᒪᑲᓄᑦ ᐊᓐᑕ ᐊᑐᔅᑲᔅᑕᑦ UNESCO ᐊᑎᑯᑕᐃᒡ᙮ ᐊᓐᒡ MU Conseils ᐛᒋᑐᔅᒐᒥᑐᒡ ᐊᔅᑕᐃᑕᑯᓂᒡ ᒐᒋ ᐛᐎᒐᐅᓯᒡ ᐊᓐᑕ ᑲᑎᐱᒃ ᒋᓴᐅᒋᒪᑲᓂᒡ KRG ᐊᓐᑕ ᒐᒋ ᐊᑐᑕᑲᓄᒡ ᐃᔪᒡ ᐃᔨᒧᐅᓂᔪᐤ ᒐᒋ ᐊᓱᐱᔅᑎᓂᒺᑲᓄᒡ ᐊᓐᑕ ᓄᓇᐱᒃ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᓐᑕ ᐊᑎᑕᑯᓂᒋ᙮
ᐛᓇᑲᑐᐛᐃᑕᑲᓄᒡ ᐊᔅᒋᔭ ᐊᑎᑯᑕᐃᒋ
ᒐᒂᓐ ᐊᓐ ᑕᑎᐸᓐ ᐊᑎᑯᑕᒡ ᐊᓐᑕ ᐊᓇᑲᑐᐛᐃᑕᑲᓄᒡ ᐊᔅᒋᔾ ᑭᔭ ᐊᓐᑐᐛᐃᑎᒧᐅᓐ ᐛᓇᑲᑐᐛᐃᑕᑲᓄ ᐊᔅᒋᔾ?
ᐊᓐᒡ ᐊᓐᑐᑎᒧᐅᓐ ᐛᓇᑲᑐᐛᐃᑕᑲᓄᐊᒡ ᐊᔅᒋᔾ ᐊᓐᑕ ᐊᑎᐸᓂᔅᑕᑲᓄᒡ ᐊᔅᒋᔾ (ᐊᓱᐛᐸᑕᒡ ᑕᑎᐳᓇ ) ᒐᒋ ᒋᔅᑲ ᐊᔅᑎᒋᑕᑲᓄᒡ ᒐᒋ ᓇᑲᑐᐛᐃᑕᒡ᙮ ᐊᓐᒡ ᐊᓂᑲᐃᑭᓄᒡ ᑭᔭ ᐊᑕᑈᑕᑲᓄᒡ ᐊᓐᑕ ᐸᐃᑯᑕᐤ ᐊᑎᑯᑕᒡ᙮
ᒐᒂᓐ ᐊᓐ ᑕᑎᐸᓐ ᐊᑎᑯᑕᒡ ᐊᔅᒋᔾ ᐊᓯᓇᒂᒡ ᐊᑎᐸᓂᔅᑕᑲᓄᒡ ᑯᒂᒋᒐᒧᐅᓐ ᑭᔭ ᐊᓐᑕ ᐊᔅᒋᔾ ᒐᒋ ᓇᑲᑐᐛᐃᑕᑲᓄᒡ?
ᐊᓐᑕ ᑯᐸᒃ, ᐊᔅᒋᔭ ᐊᓇᑲᑐᐛᐃᑕᑲᓄᒡ ᒪᓐᑕᐅᓇᓄᒡ ᑭᔭ ᐊᔅᒋᔭ ᐊᓯᓇᒂᒡ ᐛᔅᑲ ᐛᓇᑲᑐᐛᐃᑕᑲᓄᒡ ᑭᔭ ᐊᓯᒋᑕᐸᑕᑲᓄᒡ ᐊᓇᑲᑐᐛᐃᑕᑲᓄᒡ ᐊᔅᑎᒋᑕᑲᓄᒡ IUCN ᐊᔅᒋᔭ ᓂᓱ category II ᐊᑎᔅᑕᒡ, ᐸᐃᒄ ᐊᓐᑕ ᒋᒍᐛ ᐊᔅᑕᐃᑕᒂᒡ ᐊᒥᔅᑎᓇᑲᑐᐛᐸᑕᑲᓄᒡ ᐊᔅᒋᔾ᙮
- ᐊᔅᒋᔭ ᐛᓇᑲᑐᐛᐃᑕᑲᓄᒡ ᐊᔅᑯ ᐊᑲ ᓂᔅᑐᐛᓇᑕᑲᓄᒡ: ᐊᓐᑕ ᑯᐸᒃ, ᐊᔅᒋᔭ ᐛᓇᑲᑐᐛᐃᑕᑲᓄᒡ ᒐᒋ ᓂᔅᑐᐛᓇᑕᑲᓄᒋ ᐊᓐᑕ ᐛᒋᑐᔅᑲᔅᑕᑲᓄᒡ ᒋᓴᐅᒋᒪᑲᓂᒡ ᐊᔅᒋᔭ ᑭᔭ ᐊᒪᓯᐧᑲᑲᓄᒡ ᒋᓯᒄ ᐊᓯᒥᔅᑯᒋᐱᐃᒡ᙮ ᐊᒋᑕᐸᑕᑲᓄᒡ, ᐊᔭᔭᑎᓇᑲᓄᒡ ᐊᑐᔅᒐᐅᓐ, ᐊᓇᑲᑐᐛᐃᑕᑲᓄᒡ ᐊᓯᑐᔅᑲᔅᑕᑲᓄᒡ ᐊᓐᑕ ᐃᔨᒧᐅᓐ ᐊᓯᒥᔪᒪᒧᔅᑕᑲᓄᒡ ᐊᓐᑕ ᐛᓇᑲᑐᐛᐃᑕᑲᓄᒡ ᐊᔅᒋᔭ ᐊᓯᔭᔅᑯᔅᑕᑲᓄᒡ ᐊᓐᑕ ᐸᐸᐃᒄ ᐊᔅᒋᔭ ᐛᓇᑲᑐᐛᐸᑕᑲᓄᒋ᙮ ᐊᓐᑕ ᐊᓯᓇᒂᒡ ᐊᓐᑕ ᐊᔅᒋᔭ ᐊᑎᐸᓂᔅᑕᑲᓄᒡ ᐊᔅᑯ ᐊᑲ ᓂᔅᑐᐛᐸᑕᑲᓄᒋ ᐊᓐᑕ ᒋᑲᒋ ᐊᑐᑕᑲᓄᑦ ᐊᔅᑯᑎᒪᑐᐅᓐ ᑭᔭ ᒪᒃ ᒪᑐᐛᐅᓐ, ᒥᔅᑯᒡ ᐅᔭ ᒐᒂᓇ ᐛᑐᑕᑲᓄᒋ ᑭᔭ ᐊᓐᑕ ᐊᒋᑕᐸᑕᑲᓄᒡ ᓱᓇᔭᐤ ᐊᑐᔅᑲᐛᒐᓄᒡ ᐊᓐᑕ ᐛᑐᑕᒡ ᐃᔪᔅᒋᔭ ᑭᔭ ᒪᒃ ᑲᒪᒧᐎᓇᓄᒡ ᒐᑐᔅᑲᔅᑕᒡ ᒐᒂᔪᐤ᙮
- ᐊᔅᒋᔭ ᐛᓇᑲᑐᐛᐃᑕᑲᓄᒡ ᐊᒪᓐᑕᐅᓇᓄᒡ: ᐊᔅᒋᔭ ᐛᓇᑲᑐᐛᐃᑕᑲᓄᒡ ᐊᒪᓐᑕᐅᓇᓄᒡ ᐊᑐᔅᒐᐅᓐ ᐅᑕ ᑯᐸᒃ ᐊᓐᑕ ᐛᒋᑐᔅᑲᔅᑕᑲᓄᒡ ᒋᓴᐅᒋᒪᑲᓂᒡ ᒥᔅᑎᒄ, ᐊᐛᓯᓯᒡ ᑭᔭ ᒪᓐᑕᐅᓇᓄᒡ ᐛᒋᑎᓯᐧᑲᑲᓄᑦ᙮ ᐊᓐᑕ ᒋᐎᑲᐳᐎᑕᑲᓄᒡ, ᐅᔭ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᒪᓐᑕᐅᓇᓄᒡ ᐊᓐᑕ ᐛᒋᔭᔭᑎᓇᑲᓄᑦ Société des établissements de plein air du Québec (SÉPAQ)᙮ ᐊᓐᑕ ᓄᓇᐱᒃ, ᑲᐃᔅᐱᔅ, ᐊᓐᑕ ᑎᒂᒡ Sanarrutik ᓂᔅᑯᒧᐅᓐ ᐊᓐᑕ 2002 ᐱᐳᓐ, ᐊᑐᔅᑲᓴᑲᓄᒡ ᐊᓐᑕ ᐛᐎᑲᐳᐎᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᒪᓐᑕᐅᓇᓄᒡ ᐊᓐᒡ ᑲᑐᔅᑲᔅᑕᒡ ᒪᒧ ᑲᑎᐱᒃ (KRG), ᒋᓴᐅᒋᒪᑲᓐ ᑭᔭ ᒪᑭᐱᒃ ᒋᓴᐅᒋᒪᑲᓐ ᑭᔭ ᒋᓴᐅᒋᒪᑲᓐ ᒥᔎᐤ, ᐊᐛᓯᓯᓴ, ᐊᒪᓐᑕᐅᓇᓄᒡ (ᐱᑎᓱ ᑲᑎᐱᒃ)᙮ ᐊᓐᑕ ᐊᔅᒋᔾ ᐊᐛᓇᑲᑐᐛᐃᑕᑲᓄᒡ ᐊᒪᓐᑕᐅᓇᓄᒡ, “ᐊᔅᒋᔭ ᐊᐛᐸᑎᐛᓄᒡ ᑯᐸᒃ ᐊᔅᒋᔭ ᐊᑎᓯᓇᒂᒡ ᔭᐱᒡ ᐊᓂᔭ ᐊᑎᑕᒂᒋ ᐃᑕᐅᓇ ᑲᐸᒡ ᐊᐱᒋᑕᑲᓄᒋ ᐊᔅᒋᔾ […] ᑭᔭ ᒥᔪᓇᑯᑕᑲᓄᒡ᙮” ᒋᓴᐅᒋᒪᑲᓐ ᓱᓇᔭᐤ ᐊᐱᔅᑎᓇᑦ ᐊᓐᑕ ᐊᔅᑎᒋᑕᑲᓄᒡ ᐊᒋᒥᑕᑲᓄᒡ ᒐᒂᓐ (ᒥᓯᓇᑭᓐᒋᐛᑉ ᐊᐛᐸᑎᐛᐱᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ, ᒪᔅᑲᓄᐛ, ᑯᑎᑲ ᒐᒂᓇ) ᐛᑐᑕᑲᓄᒡ (ᒪᔅᑲᓄᐤ ᒐᒋ ᐸᒧᑕᓄᒡ, ᑭᔅᑕᐸᓱᐅᓇ ᑯᑎᑲ ᒐᒂᓐ) ᒪᑐᐛᐅᓐ (ᐅᑦ ᐊᐸᒪᐎᔭᑲᓄᒡ ᐊᐛᓐᒋ ᐊᐛᓱᓇᓄᒡ) ᑭᔭ ᐊᔅᑯᑎᒪᑐᐅᓐ (ᐃᔨᒧᐅᓐ ᐊᔅᒋᔾ ᐊᐛᐸᑎᐛᓄᒡ, ᑲᔅᑯᑎᒧᐛᑲᓄᓯᒡ ᐛᐸᑎᔭᑲᓄᑦ ᐸᓱᐛᑲᓄᒡ)᙮
ᒑᐧᑳᓐ ᐊᓐ ᐋᑰᐧᑳᑎᐧᐋᓂᐧᐃᒡ ᐊᔅᒌᐦ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ (TRPAP)?
ᒐᒂᓐ ᐊᓐ ᐊᔅᒋᔾ ᐊᓐᑕ ᐛᐃᐱᔅᒋᓴ ᐊᓇᑲᑐᐛᐃᑕᑲᓄᒡ, ᐊᓐᑕ ᐊᔅᑎᒋᑕᑲᓄᒡ ᐊᓂᑲᐃᑭᓄᒡ ᒐᒋ ᐊᑐᔅᒐᐅᓐ ᑲᔪᐤ ᓯᓂᔾ ᐎᒧᓇᐃᑭᓄᒡ ᑭᔭ ᒧᔭᒻ ᑲᓄᑎᓯᓇᓄᒡ᙮ ᐊᓂᑲᐃᑭᓄᒡ ᐊᓐᑕ ᔭᐱᒡ ᓄᑎᒻ ᓂᒥᒋᐅᔅᑯᑕᐤ ᑭᔭ ᒥᔅᑎᒄ ᐊᑐᔅᒐᐅᓐ ᔭᐱᒡ ᐊᓐᑕ ᐊᓇᑲᑐᐛᐸᑕᑲᓄᒡ ᒐᐊᑲ ᐊᑐᔅᒐᐅᓐ ᒋᒋᐱᑕᓄᒡ᙮ ᐊᓐᑕ ᓄᓇᐱᒃ, ᐊᓐᑕ ᐊᒋᑕᐸᑕᑲᓄᒡ ᐊᐃᔭ ᓄᑎᒻ TRPAPs ᒐᒋ ᐃᓯᓇᒂᒡ ᒪᒪᑎᓄᐤ ᒋᔅᑲ ᒐᒋ ᓇᑲᑐᐛᐃᑕᑲᓄᒡ ᐊᓐᑕ ᐛᔅᑲ ᐊᔅᒋᔾ᙮
ᒐᒂᓐ ᐊᓐ ᑲᓐᑐᐛᐃᑕᑲᓄᒡ ᐊᔅᒋᔭ ᐛᐃᐱᔅᒋᓴ ᐊᑲᓄᐛᐃᑕᑲᓄᒋ?
ᐊᐅᑯᓐ ᐛᐃᐱᔅᒋᓴ ᐊᑲᓄᐛᐃᐊᑲᓄᒡ (ᑕᑎᐳᓇ) ᐊᓇ ᐊᓯᐱᒧᑕᒥᑲᒡ ᒋᔅᑲ ᒐᒋ ᓇᑲᑐᐛᐃᑕᑲᓄᒡ ᐊᓐᑕ ᐊᔅᒋᔭ ᐛᓇᑲᑐᐛᐃᑕᑲᓄᒡ᙮ ᐊᓐᑕ ᐊᑐᔅᒐᐅᓇ ᐊᑯᔅᑎᒐᓄᒋ ᐊᓐᑕ ᐊᔅᒋᔾ ᐊᓐᑕ ᑲᓐᑐᐛᐃᑕᑲᓄᒡ ᐊᔅᒋᔭ ᒪᐃᔭ ᐊᑐᔅᒐᐅᓇ:
- ᑲᓄᑎᓯᓇᓄᒡ, ᐱᒥᔾ ᑭᔭ ᑯᑎᑲᒡ ᐱᒥᔨᒡ;
- ᒥᓇᔎᐤ ᐊᑐᔅᒐᐅᓐ ᐊᓐᑕ ᐱᑎᓱ ᐊᔅᒋᔄᒥᑲᒡ ᐊᓐᑕ ᐊᑭᔅᑭᑎᔅᑕᒡ 4 ᐊᓐᑕ ᐊᔅᒋᔭ ᒐᒋ ᓇᑲᑐᐛᐃᑕᑲᓄᒡ ᒥᓇᔎᐤ ᐎᓱᐛᐅᓐ (chapter A-18.1)
- ᓂᒥᒋᐅᔅᑯᑕᐤ ᑭᔭ ᒥᑯ ᐊᓯᓇᒂᒡ ᐛᑕᐛᒐᓄᒡ ᒐᒂᓐ ᑭᔭ ᒪᒃ ᒐᒋ ᒋᒥᑕᑲᓄᒡ ᓂᒥᒋᐅᔅᑯᑕᐤ
ᒐᒂᓐ ᐊᓐ ᐊᑎᐸᓂᔅᑕᑲᓄᒡ ᐊᔅᒋᔭ ᐊᑲᓄᐛᐃᐊᑲᓄ?
ᐊᔅᒋᔾ ᐛᑲᓄᐛᐃᑕᑲᓄᒡ ᐊᓐᑕ ᓂᓱ ᐊᔅᒋᔭ ᐊᑎᔅᑕᒡ (Category II) ᐊᓇᑲᑐᐛᐃᑕᑲᓄ ᐊᔅᒋᔾ (IUCN) ᐊᓐᑕ ᐛᔅᑲ ᐱᑎᓱ ᐊᑎᑕᒂᒡ ᐊᐛᓯᓯᒡ ᑭᔭ ᓂᑕᐅᒋᓂᑭᓐ ᑭᔭ ᓂᐱᔾ᙮ ᐊᓐᑕ ᐊᑎᑯᑕᒡ ᐊᐛᐎᒋᐛᓄᒡ ᐊᓐᑕ ᑯᐸᒃ ᐊᔅᒋᔭ ᐊᑎᑕᒂᒋ ᐛᓇᑲᑐᐛᐃᑕᑲᓄᒋ ᐊᓐᑕ ᑕᑐᐎᒡ ᐊᓯᓇᒂᒡ ᐊᔅᒋᔾ ᐅᑕ ᑯᐸᒃ᙮ ᐊᓐᑕ ᑲᔭᑎᔅᑕᑲᓄᒡ ᐊᔅᒋᔾ ᐎᓱᐛᐅᓐ (NHCA) ᐊᓐᑕ 2021 ᐱᐳᓐ,ᐊᓐᑕ ᐊᐛᓯᔅ ᐛᒋᐱᐃᑦ ᓂᐱᔾ ᐊᓇᑲᑐᐛᐃᑕᑲᓄᒡ ᒐᐊᑲ ᐊᓐᑕ ᐃᓱᐎᒋᑕᑲᓄᒡ ᒥᔅᑯᒡ ᑎᐸᓐ ᐊᐛᓯᔅ ᑭᔭ ᓂᐱᔾ ᐊᓐᑕ ᒐᐃᔅ ᒋᑕᐸᑕᑲᓄᒡ
ᐊᓂᔅᑐᑕᒂᒋ ᑯᒂᒋᒐᒧᐅᓇ
ᑕᐊᓐ ᒐᐃᔅᐱᔅ ᐃᔅᐱᐱᐃᒋ ᐊᓂᔭ ᐸᐸᐃᒄ ᒐᐃᓯᐱᒧᑕᒥᑭᓐ?
Answer to come.
ᒐᒂᓐ ᐊᓐ ᐊᔅᒋᔭ ᐊᑎᓯᓇᑕᐃᑲᓄᒡ ᑕᑐᐎᒡ ᐊᓯᓇᒂ?
ᑯᐸᒃ ᐊᔅᒋᔾ ᐊᒋᑕᐸᑕᑲᓄᒡ ᒥᓯᓇᐃᑭᓐ ᒐᑐᔅᑲᐛᒐᓄᒡ ᐊᓐᑕ ᐊᔅᒋᔾ ᐊᓯᓇᒂᒡ ᐊᑐᔅᑲᐛᒐᓄᒡ “ᐊᔅᒋᔾ ᐊᓯᓇᒂᒡ ᐃᔨᒧᐅᓐ ᒪᓯᓇᑕᐃᑲᓄᒡ ᐊᓐᑕ ᐃᑕᐅᓂᒡ ᐊᑕᑎᒂᒋ” ᐊᓐᑕ ᑕᑐᐎᒡ ᐃᔨᒧᐅᓐ ᒪᓯᓇᑕᐃᑲᓄᒡ ᐊᑎᑯᑕᒡ, ᐊᓯᓂᔅᑐᑕᒂᒡ ᐊᔅᒋᔾ ᐊᓯᓇᒂᒡ (ᐊᔅᒋᔾ) ᑭᔭ ᓂᐱᔾ (ᓴᑲᐃᑭᓇ ᑭᔭ ᓯᐱᔭ)᙮ ᐊᓐᑕ ᐊᑎᒂᒋ 13 ᐊᓐᑕ ᐊᔅᒋᔾ ᐃᑕᐅᓇ ᐅᑕ ᑯᐸᒃ (ᐊᓯᒋᑕᐸᑕᑲᓄᒡ ᐸᐃᒄ), 5 ᐊᓐᑕ ᓄᓇᐱᒃ᙮ Level I ᐊᓯᒋᑕᐸᑕᑲᓄᒡ ᐸᐃᒄ ᐊᓐᑕ ᐊᓱᐛᐸᑎᐛᓄᒡ ᐊᓐᑕ ᐊᔅᒋᔾ ᐊᓯᓇᒂᒡ᙮ ᐊᓐᑕ ᐊᑎᒂᒡ 80 ᐊᓯᒋᑕᐸᑕᑲᓄᒡ level II, 27 ᐊᓐᑕ ᑯᐸᒃ ᐊᓐᑕ ᐱᔅᒐ ᐊᑎᒂᒡ ᓄᓇᐱᒃ ᐊᓱᐛᐸᑎᐛᓄᒡ ᐊᓐᑕ ᐊᔅᒋᔾ ᐊᓯᓇᒂᒡ᙮
ᑐᐎᔅ ᐃᔨᒧᐅᓐ ᐎᓇᑐᔅᒐᐃᑎᒪᒄ, ᐅᑕ ᒐᒋᔅᒋᐱᑎᒪᒄ.
ᒋᑭᒋᓯᓇᑯᓇ ᐊᔅᒋᔭ ᑭᔭ ᐱᒪᑎᓯᔪᐅᓐ ᒐᒪᑕᐃᑕᒂᒡ ᓇᑐᔅᒐᐃᑕᑲᓄᒡ ᒐᒋ ᓄᑕᐱᐃᒡ ᐊᓐᑕ ᒋᔅᑲ ᐛᓇᑲᑐᐛᐃᑕᑲᓄᒋ ᐊᑯᒂᒋᒐᒧᐅᓇᓄᒋ ᐊᔅᒋᔭ ᑭᔭ ᑲᑎᐸᓂᔅᑕᑲᓄᒋ?
ᓂᐟ, ᐊᓐᒡ ᐊᓯᒪᑕᐃᑕᒂᒡ ᐊᔅᒋᔾ ᐃᔨᒧᐅᓐ ᐊᓇᑐᔅᒐᐃᑕᑲᓄᒡ ᐊᓐᑕ ᒐᓄᑕᐱᐃᒡ ᐊᓐᑕ ᒋᔅᑲ ᒐᒋ ᐊᔅᑎᒋᑕᑲᓄᒡ ᐊᓐᑕ ᐊᓇᑲᑐᐛᐃᑕᑲᓄᒡ ᐊᔅᒋᔭ ᐊᓐᑕ ᓄᓇᐱᒃ, ᐊᓐᑕ ᑲᐃᑎᓯᓇᑕᐃᑲᓄᒡ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ (JBNQA)᙮
ᑕᐊᓐ ᐊᔅᐱᔅ ᑲᐎᑲᐳᐎᑕᑲᓄᒡ Parc national Ulittaniujalik ᒐᒋ ᑎᐸᓐ ᐃᓯᒋᑕᐸᑕᑲᓄᒡ ᒧᓱᐛᐤ ᓯᐱᔾ ᑲᑎᐸᓂᔅᑕᑲᓄᒡ ᐊᔅᒋᔾ ᐛᓇᑲᑐᐛᐃᑕᑲᓄᒡ?
Parc national Ulittaniujalik (ᒧᓱᐛᐤ ᓯᐱᔾ ) ᒐᒋ ᐊᓐᑕ ᐛᒋᔭᔭᑎᓇᑲᓄᒡ ᑲᑎᐱᒃ ᒋᓴᐅᒋᒪᑲᓐ KRG ᐊᓐᑕ ᐛᒋᑐᔅᒐᒪᒡ ᓄᓇᐱᒃ ᐊᔅᒋᔭ ᐊᓇᑲᑐᐛᐃᑕᑲᓄᒋ᙮ ᐊᓐᑕ ᒧᓱᐛᐤ ᓯᐱᔾ ᐊᔅᒋᔭ ᑲᐎᓇᑲᑐᐛᐃᑕᑲᓄᒡ ᑲᑎᐸᓂᔅᑕᑲᓄᒡ ᐊᓐᑕ ᒐᒋᔅᑕᑲᓄᒡ ᒐᒋ ᒋᔅᑲ ᓇᑲᑐᐛᐃᑕᑲᓄᒡ ᒐᐅᔅᑕᐱᑎᒡ ᐊᓐᑕ ᒋᔅ ᐊᑐᔅᑲᓴᑲᓄᒡ ᐊᓐᑕ ᒐᐃᔅ ᓇᑲᑐᐛᐃᐊᑲᓄᒡ ᑭᔭ ᒐᐃᑕᐱᑎᒡ ᐊᐛᐸᑎᐛᓄᒡ ᐊᔅᒋᔾ᙮, TRPAPᓴᔅ ᐊᓐᑦ ᐊᒋᔅᒃ ᐊ ᐊᔅᒋᔭ ᒐᓇᑲᑐᐛᐃᑕᑲᓄᒡ ᒐᑎᒂᒡ ᐊᓐᑕ ᒐᒋ ᐃᓯᒋᑕᐸᑕᑲᓄᒡ ᑭᔭ ᒐᐃᔅ ᐊᑐᔅᑲᔅᑕᑲᓄᒡ᙮
ᑯᒐᒂᓐ ᐊᓐᑕ ᐊᔅᒋᔭ ᐊᑎᓯᓇᑕᐃᑲᓄᒡ ᐊᓐᑕ ᓯᐱᔾ Rivière-Kovik proposed aquatic reserve (Réserve aquatique projetée de la Rivière-Kovik) ᐊᑲ ᐊᓐᑕ ᐊᔅᑎᒋᑕᑲᓄᒡ ᐊᓐᑕ ᒥᓂᔅᑎᑯᒡ ᑭᔭ ᐊᔅᒋᔭ ᐊᓐᑕ ᐊᑎᒪ ᐱᓯᒧᑕᒡ ᓱᐅᒡ ᐎᓂᐸᑯᒡ?
ᒐᒋ ᐎᑲᐳᐎᑕᑲᓄᒡ ᐛᑐᑕᑲᓄᒡ ᐊᑎᓯᓇᑕᐃᑲᓄᒡ ᐊᓐᑕ ᓯᐱᔾ Rivière-Kovik proposed aquatic reserve (Réserve aquatique projetée de la Rivière-Kovik) ᐊᒥᔅᑯᐛᒡ ᒐᒋ ᐊᑎᓯᐧᑲᑲᓄᒡ ᐅᓴᒻ ᐊᓐᑕ ᐊᓯᒋᑕᐸᑕᑲᓄᒡ ᑯᐸᒃ ᓱᒡ ᐎᓂᐸᒄ ᑭᔭ ᐊᓐᑕ ᐊᑎᑕᓯᓇᑕᐃᑲᓄᒡ, ᐊᓐᑕ ᑎᐸᓐ ᑲᐃᔅ ᐛᐸᑕᑲᓄᒋ ᐊᓐᑕ ᑕᐱᐸᓐ ᑯᐸᓇᓴᒡ ᑭᔭ ᐊᓐᑕ ᐊᔅᒋᔭ ᑎᐸᐃᑎᒧᐅᓐ ᓂᔅᑯᒧᐅᓇ᙮ ᐊᓐᑕ ᑲᐃᔅ ᓂᔅᑯᒧᐅᓇᓄᒡ ᑯᐸᒃ ᒋᓴᐅᒋᒪᑲᓐ ᑭᔭ ᒪᑭᐱᒃ ᐊᓐᑕ ᐊᔅᒋᔭ ᐊᑎᓯᓇᑕᐃᑲᓄᒋ ᒧᔭᒻ ᓯᐱᔾRivière-Kovik proposed aquatic reserve (Réserve aquatique projetée de la Rivière-Kovik) ᓴᔅ ᐊᓐᑕ ᑲᒋᔅᑕᑲᓄᒡ᙮ ᐊᓐᑕ ᐱᑕᑭᒥᒡ ᑐᐎᔅ ᑭᔭ ᓴᓯᑲᓐ ᐎᐎᑎᒥᒡ ᒐᐃᑎᓯᓇᑕᐃᑲᓄᒡ ᐛᔅᑲ 50 metres ᐊᓐᑕ ᓱᒡ ᐎᓂᐸᑯᒡ ᐊᒋᑕᐸᑕᑲᓄᒡ᙮
ᑕᐊᓐ ᑲᐃᔅ ᓂᔅᑯᒧᐅᓇᓄᒡ ᑲᑐᑕᑲᓄᒡ ᐊᓐᒡ ᓇᔅᑲᐱ ᐊᓂᐊᔾ ᒥᔅᑎᓯᐳᐤ Lac Cambrien ᑭᔭ ᓇᒋᑲᐸᐤ Lac Nachicapau ᐊᓐᑕ ᓂᔅᑯᒧᐅᓐ ᑲᐃᓯᓇᒂ?
ᒪᒧ ᑲᓇᑎᐱᔅᑕᑐᒡ ᓇᔅᑲᐱ ᐃᔪᒋᒪᑲᓐᒡ ᑭᔭ ᒪᑭᐱᒃ ᑭᔭ ᑲᑎᐱᒃ ᐃᔅᒋᒪᐅᒡ ᑭᔭ ᓂᒥᔅᒋᐅᔅᑯᑕᐤ ᑯᐸᒃ ᑭᔭ ᑯᐸᒃ ᒋᓴᐅᒋᒪᑲᓐ ᐊᓐᑕ ᑲᑎᒂᒡ ᒐᒋ ᒥᓯᓇᑕᐅᑎᓱᓇᓄᒡ ᓂᔅᑯᒧᐅᓐ 2018 ᐊᓐᑕ ᐛᓇᑲᑐᐛᐃᑕᑲᓄᒡ ᐊᔅᒋᔭ᙮ᒐᒋᑕᐸᑎᒪᒄ ᐊᓐᑕ ᐃᔨᒧᐅᓐ ᑲᒥᓯᓇᑕᐃᑲᓄᒡ fact sheet ᐊᓐᑕ ᑐᐎᔅ ᓂᔅᑯᒧᐅᓐ ᐎᓇᑐᑭᒐᔅᒐᐃᑎᒪᒄ.