ᒪᒧ, ᓇᑲᑐᐛᐃᑕᑕᐤ ᓄᓇᐱᒃ ᐛᔅᑲ ᐊᔅᒋᔭ ᐊᓯᓇᒂᒡ ᑭᔭ ᐃᔪᐤ ᐱᑲᔅᒋᔪᐅᓐ
ᐊᔅᒋᔾ ᐊᐅᑯᓐ ᐸᔅᑎᓇᑦ ᐃᔪᐅᓐ ᐱᒪᑎᓯᔪᐅᓂᔪᐤ᙮ ᐸᔅᑎᓇᑦ ᒥᒋᒥᔪᐤ, ᐊᓐᑕ ᐃᔪᐤ ᐱᒪᑎᓯᔪᐅᓐ ᐱᑲᔅᒋᔪᐅᓐ ᐊᓂᔭ ᐃᔪᐛ᙮ ᐊᓐᑕ ᐛᒋᐱᐃᒡ ᐃᔪᐤ ᐊᔅᒐᐃᒥᑎᓱᐅᓐ; ᐛᒋᐱᐃᒡ ᐃᔪᐤ ᐊᔅᒐᐃᑎᒧᐅᓐ᙮ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐊᓐᑕ ᐊᔅᑕᐃᑕᒂᒡ ᐊᑐᔅᒐᐅᓐ ᐊᑐᔅᑲᔅᑕᑲᓄᒡ ᐊᓐᑕ ᐛᓇᑲᑐᐛᐃᑕᑲᓄᒡ ᓄᓇᐱᒃ ᐛᔅᑲ ᑭᔭ ᐱᑎᓱ ᒐᒂᓐ ᐊᓂᑕᐅᒋᒡ ᑭᔭ ᐃᔪᐤ ᐱᑲᔅᒋᔪᐅᓐ᙮ ᐊᓐᑕ 2020 ᐱᐳᓐ ᑲᒥᓯᓇᑕᐃᑲᓄᒋ ᑯᑎᑲ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᓐᑕ ᑯᐸᒃ [ᒥᑯ ᐊᑎᒂᒡ ᐊᐛᒥᔅᑎᑯᓯᔪᔅᑕᒡ ᐊᑎᔅᑕᒡ Registre des aires protégées au Québec]᙮ ᐊᒥᓴᒡ ᐃᔨᒧᐅᓐ ᐊᐱᒧᑕᑲᓄᒡ ᑭᔭ ᐃᔪᒡ ᐸᔅᑎᓂᒺᑲᓄᒡ ᑭᔭ ᐸᔅᑎᓇᒡ ᐊᔭᐃᒧᑕᑲᓄᒡ ᐛᓇᑲᑐᐛᐃᑕᑲᓄᒋ ᐊᔅᒋᔭ ᓴᔅ ᐊᐱᒧᑯᑕᒡ᙮ ᐃᔅᒋᒪᐅᒡ, ᓇᔅᑲᐱ ᑭᔭ ᐛᐱᒪᑯᔅᑐᐎᔾ ᐃᔪᒡ ᐛᓴᒪᑲᓄᒡ ᒐᒋ ᐊᓐᑕ ᐱᒧᑕᑲᓄᒡ ᒐᒋ ᐊᔅᑎᒋᑕᑲᓄᐊᒡ ᒐᒋ ᑎᒂᒡ ᑯᑎᑲ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᓐᑕ ᑕᑈᒧᐅᓐ ᑭᔭ ᐊᓯᑐᔅᑲᔅᑕᑲᓄᒡ ᐊᓐᑕ ᐊᔅᒋᔭ ᐊᓇᑲᑐᐛᐃᑕᑲᓄᒡ ᐊᑐᔅᒐᐅᓐ ᐊᓐᑕ ᑲᐃᔅ ᐊᓐᑐᐛᐃᑕᑲᓄᒡ ᑭᔭ ᐃᔨᒧᐅᓐ ᐊᓯᐱᒧᑕᑲᓄᒡ ᐊᓐᑕ ᑕᐊᐱᒐᓂᑭᓂᒡ ᑲᒥᓯᓇᐃᒐᐱᐃᒡ ᐃᔨᒧᐅᓐ ᐊᐛᐸᑎᐛᓄᒡ᙮
ᓄᓇᐱᒃ ᐊᔅᒋᔭ ᐊᓇᑲᑐᐛᐃᑕᑲᓄᒋ ᐃᔨᒧᐅᓐ
ᓄᓇᐱᒃ ᑲᐅᔅᑯᐎᔅᑕᒡ ᒐᒋ ᐅᑎᒋᐱᒐᒡ 20% ᐊᓐᑕ ᐊᔅᒋᔭ ᒐᒋ ᓇᑲᑐᐛᐃᑕᑲᓄᒋ᙮ ᐊᓄᒡ, 29 ᐊᔅᒋᔭ ᐊᓇᑲᑐᐛᐃᑕᑲᓄᒋ, ᓄᑎᒻ ᐊᓐᑕ ᑕᑎᐸᓐ ᐊᑎᓯᓇᑕᐃᑲᓄᒋ ᒪᒧᔅᑕᑲᓄᒋ, ᐊᓐᑕ ᐊᓯᓇᒂᒡ ᓄᓇᐱᒃ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᑎᓯᓇᑎᑲᓄᒡ᙮ ᐊᓐᑕ ᓴᓯᑲᓐ ᐊᔅᐱᓴᒡ ᐅᔅᑕ 100,000 km² ᐊᓐᑕ ᐊᓇᑲᑐᐛᐃᑕᑲᓄᒡ ᐊᔅᒋᔾ ᑭᔭ ᓴᑲᐃᑭᓇ ᑭᔭ ᓯᐱᔭ, ᒐᐊᑲ ᐱᑯᓇᑲᓄᒡ ᐊᔅᒋᔾ (ᑲᓄᑎᓯᓇᒡ, ᒥᔅᑎᒄ, ᓂᒥᔅᒋᐅᔅᑯᑕᐤ ᐊᑐᔅᒐᐅᓐ)᙮ ᐊᓂᔭ ᑎᐱᐛᓯᔪᐅᓐ(ᐊᐛᐎᑕᑲᓄᒡ ᐊᓐᑐᐅᓇᓄᒡ, ᐊᓐᑐᓂᒪᓴᓄᒡ ᑭᔭ ᐊᓐᑐᒪᓂᓇᓄᒡ) ᑲᓄᐛᐃᑕᒡ ᐃᔪᒡ ᐊᔅᑎᒋᒪᑲᓄᒡ ᒪᓯᓇᑕᐛᑲᓄᒡ ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓂᒡ (JBNQA) ᑭᔭ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ (NEQA) ᑲᓄᐛᐃᑕᒡ ᑭᔭ ᐊᓇᑲᑐᐛᐃᑕᑲᓄᒡ᙮
“ᐊᓐᑕ ᐊᑲᓄᐛᐃᑎᒪᐤ ᑎᐱᐛᓯᔪᐅᓐ ᒐᒋ ᐊᔅᐸᐛᑎᒪᐤ ᐊᔅᑎᔅᒋᓄᐤ”… ᒐᐎᒥᔅᑭᒪᐤ ᐊᓐᑕ ᐊᐱᑐ ᒐᒋ ᓇᑲᑐᐛᐃᑕᑲᓄᒡ ᑭᔭ ᒐᒂᓐ ᐎᑲᐳᐎᑕᑲᓄᒡ ᐃᓯᓇᒂᒡ ᒐᒋ ᐊᓱᐱᔅᑎᓂᒺᑲᓄᒡ ᐅᐛᓴᒡ ᒐᐃᓯᐱᒧᑕᓄᒡ ᐊᓐᑕ ᐊᒋᑕᐸᑕᑲᓄᒡ ᓂᑲᓄᒡ᙮ ᐊᓐᑕ ᐊᑐᔅᑲᔅᑕᑲᓄᒡ ᑭᔭ ᐛᐸᑎᐛᓄᒡ ᒐᐃᔅ ᑎᒂᒡ ᐊᔅᒋᔭ ᒐᒋ ᓇᑲᑐᐛᐃᑕᑲᓄᒡ ᐊᐅᑯᓐ ᐸᐃᒄ ᒐᒂᓐ ᒐᐎᑐᑕᑲᓄᒡ ᒐᒋ ᐱᐧᑯᒋᑕᑲᓄᒡ᙮
ᐊᐛᓐᒋ ᐊᓐᑕ ᑲᑕᒡ 2011-12 ᐱᐳᓐ ᐊᓐᑕ ᐃᔨᒧᐅᓐ ᑲᓱᐱᔅᑎᓇᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ
ᒐᒂᓐ ᐊᓐ ᐊᓇᑲᑐᐛᐃᑕᑲᓄᒡ ᐊᔅᒋᔾ?
ᐊᓐᑕ ᐊᑎᔅᑕᒡ ᐛᔅᑲ ᐊᔅᒋᔾ ᑲᒪᒧᐎᓇᓄᒡ ᐊᓐᑕ ᐊᓇᑲᑐᐛᐃᑕᑲᓄᒡ ᐊᔅᒋᔾ ᑭᔭ ᐛᔅᑲ ᐱᑎᓱ ᐊᑎᒂᒡ ᐊᔅᒋᒡ, ᐊᓐ ᐊᔅᒋᔾ ᐊᓇᑲᑐᐛᐃᑕᑲᓄᒡ ᐊᐅᑯᓐ “ᐊᓂᔅᑐᑕᒂᒡ ᐊᔅᒋᔄᒥᑲᒡ ᐊᔅᒋᔭ ᐊᓯᓇᒂᒡ ᐊᔅᐱᓴᒡ, ᐊᓂᔅᑐᐛᐸᑕᑲᓄᒡ, ᐊᐱᔅᑎᓐᑎᓱᓇᓄᒡ ᑭᔭ ᐊᔭᔭᑎᓇᑲᓄᒡ, ᐊᓐᑕ ᐃᓯᐱᒧᑕᓄᒡ ᑎᐸᔅᑯᒐᐅᓐ ᑭᔭ ᑎᐸᓐ ᒐᐃᔅ ᓇᑲᑐᐛᐃᑕᑲᓄᒡ, ᒐᒋ ᐱᐧᑯᒋᑕᑲᓄᒡ ᓇᐅᔅ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐊᔅᒋᐱᐃᒡ ᐊᔅᒋᒡ ᐱᑎᓱ ᐛᔅᑲ ᐊᑎᒂᒡ ᐊᑐᔅᑲᔅᑕᑲᓄᒡ ᑭᔭ ᐃᔪᐤ ᐱᒪᑎᓯᔪᐅᓐ”᙮ ᐊᓐᑕ ᓄᓇᐱᒃ, ᐊᔅᐱᓴᒡ ᐃᔪᐤ ᐃᑐᐅᓐ ᐊᔅᑕᐃᑕᒂᒡ ᒐᒋ ᐎᑲᐳᐎᑕᑲᓄᒡ ᐊᓇᑲᑐᐛᐃᑕᑲᓄᒋ ᐊᔅᒋᔭ ᒐᒋ ᐊᔅᒋᐱᐃᒡ ᐊᓇᑲᑐᐛᐃᑕᑲᓄᒡ ᐊᔅᒋᔾ ᑭᔭ ᒐᒂᓐ ᐎᑲᐳᐎᑕᑲᓄᒡ ᐊᔅᐱᓴᒡ᙮
