ᐛᓇᑲᑐᐛᐃᑕᑲᓄᒡ ᐊᔅᒋᔾ ᐅᑕ ᐊᑎᔅᑭᒥᑲᒡ ᐊᔅᒋᒡ
ᐊᐃᔅᒋᔄᒥᑲᒡ “ᐛᓇᑲᑐᐛᐃᑕᑲᓄᒡ ᐊᔅᒋᔾ” ᐊᓐᑕ ᐊᓇᓂᑯᑎᓂ ᔭᐱᒋᑕᑲᓄᒡ ᐊᑎᑕᒂᒡ ᑭᔭ ᒪᒃ ᓇᔅᒐ ᒋᒍᐛ ᐊᐃᔅᒋᔄᒥᑲᒡ, ᐊᓐᑕ ᑕᑎᐸᓐ ᐛᒥᔅᑎᑯᔅᒋᔭ ᑭᔭ ᒪᒃ ᐊᓐᑕ ᑕᑎᐸᓐ ᐃᑕᐅᓇ᙮
ᐊᔅᒋᒡ ᐊᑎᔅᑭᒥᑲᒡ ᑲᒪᒧᐎᓇᓄᒡ ᐊᓐᑕ ᐛᓇᑲᑐᐛᐃᑕᑲᓄᒡ ᐊᔅᒋᔾ (IUCN), ᐊᓐ ᐊᑎᔅᑭᒥᑲᒡ ᐊᔅᒋᒡ ᐅᒋᒪᐅᓐ ᐊᓐᑕ ᐊᑎᑯᑕᒡ ᐊᔅᒋᔾ ᐛᓇᑲᑐᐛᐃᑕᑲᓄᒡ ᑭᔭ ᐱᑎᓱ ᐊᔅᒋᒡ ᒐᒂᓐ ᐊᑎᑕᒂᒡ ᑭᔭ ᒐᐃᔅ ᐱᒧᑕᓄᐤ ᒐᒋ ᓇᑲᑐᐛᐃᑕᑲᓄᒋ, ᐊᒪᒧᐎᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᓐᑕ ᐊᓱᑕᒡ ᑕᑎᐸᓐ ᐊᓐᑕ ᐊᒋᑕᐸᑕᑲᓄᒡ ᐊᓯᓇᒂᒡ (ᐊᔅᐱᓴᒡ, ᐊᑎᒂᒋ, ᑯᑎᑲ), ᑭᔭ ᐊᔭᔭᑎᓇᑲᓄᒡ ᐊᑐᔅᒐᐅᓐ ᐊᓯᓐᑐᐛᐸᑕᑲᓄᒡ ᑭᔭ ᐛᑐᑕᑲᓄᒡ (ᐃᔨᒧᐅᓐ ᐊᓇᑐᔅᒐᐃᑕᑲᓄᒡ, ᐊᓇᑲᑐᐛᐃᑕᑲᓄᒡ ᒐᒂᓐ, ᒻᓇᑐᐛᐅᓐ , ᑯᑎᒃ ᒐᒂᓐ) ᓄᑎᒻ ᐊᓯᑎᐸᓂᔅᑕᑲᓄᒡ ᐊᔅᑕᐃᑕᒂᒋ, ᒥᔅᑯᒡ ᐊᔅᒋᐱᐃᒡ ᐃᔪᒡ ᒐᒋ ᐛᐎᒐᐅᓯᒡ᙮
ᐊᓯᑎᐸᓂᔅᑕᑲᓄᒡ ᐛᓇᑲᑐᐛᐃᑕᑲᓄᒋ ᐊᔅᒋᔭ| IUCN
- ᐊᔅᒋᔭ ᐊᑎᓯᓇᑕᐃᑲᓄᒡ I — ᓇᔅᒐ ᐊᓇᑲᑐᐛᐃᑕᑲᓄᒡ ᐊᑯᔅᑎᒐᓄᒡ (ᓇᔅᒐ ᐊᓇᑲᑐᐛᐃᑕᑲᓄᒡ (ᐊᔅᒋᔾ, ᒥᓇᔅᑲᐤ ᑭᔭ ᐊᐛᓯᓴ ᐊᑎᑕᐃᒋ, ᑎᐸᓐ)
- ᐊᔅᒋᔭ ᐊᑎᓯᓇᑕᐃᑲᓄᒡ II* — ᐛᔅᑲ ᐊᔅᒋᔭ ᒐᒂᓐ ᐊᑎᑕᒂᒡ ᐊᓇᑲᑐᐛᐃᑕᑲᓄᒡ ᑭᔭ ᐊᑐᔅᑲᔅᑕᑲᓄᒡ ( ᐊᔅᒋᔾ ᐊᓇᑲᑐᐛᐃᑕᑲᓄᒡ ᐊᑐᔅᑲᔅᑕᑲᓄᒡ ᑭᔭ ᓂᐱᔾ ᐛᔅᑲ ᐛᓇᑲᑐᐛᐃᑕᑲᓄᒡ, ᑎᐸᓐ)
- ᐊᔅᒋᔭ ᐊᑎᓯᓇᑕᐃᑲᓄᒡ III — ᐊᓇᑲᑐᐛᐃᑕᑲᓄᒡ ᐛᔅᑲ ᐊᔅᒋᔾ ᐊᓯᓇᒂᒡ (ᐊᔅᒋᔭ ᐛᔅᑲ ᐊᓯᓇᒂᒡ)
- ᐊᔅᒋᔭ ᐊᑎᓯᓇᑕᐃᑲᓄᒡ IV — ᐊᓇᑲᑐᐛᐃᑕᑲᓄᒡ ᐊᔅᒋᔾ ᐊᓐᑕ ᐊᔭᔭᑎᓇᑲᓄᒡ ᐊᑐᔅᒐᐅᓐ (ᐊᑕᑎᑕᒡ ᐊᐛᓯᓯᒡ ᑭᔭ ᐊᓇᑲᑐᐛᐃᑕᑲᓄᒡ ᐊᔅᒋᔾ)
- ᐊᔅᒋᔭ ᐊᑎᓯᓇᑕᐃᑲᓄᒡ V — ᐊᓇᑲᑐᐛᐃᑕᑲᓄᐊᒡ ᐊᓐᑦ ᐊᑐᔅᑲᔅᑕᑲᓄᒡ ᐊᔅᒋᔾ ᑭᔭ ᐎᓂᐸᒄ ᐊᔅᒋᔾ
- ᐊᔅᒋᔭ ᐊᑎᓯᓇᑕᐃᑲᓄᒡ VI — ᐊᐱᒋᑕᑲᓄᒡ ᐊᓐᑕ ᐊᔅᒋᔾ ᑭᔭ ᓯᐱᔭ (ᒧᔭᒻ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐊᓐᑕ ᐊᒥᔪᐊᐱᒋᑕᑲᓄᒡ)
* ᓄᑎᒻ ᐊᔅᒋᔭ ᐅᑕ ᓄᓇᐱᒃ ᐊᐛᐎᑕᑲᓄᒡ ᐊᓐᑕ ᐊᓄᒡ ᐊᑎᑯᑕᒡ ᐊᔅᒋᔭ (Category II) ᓂᓱ ᐊᑎᔅᑕᒡ᙮
ᐊᓇᑲᑐᐛᐃᑕᑲᓄᒡ ᐊᔅᒋᔾ ᐅᑕ ᑯᐸᒃ
ᑯᐸᒃ ᒋᓴᐅᒋᒪᑲᓐ ᑲᑐᑕᑦ ᒥᓯᓇᐃᑭᓂᔪᐤ ᒪᓇᑕᐅᔅᒋᔭ ᒐᐃᔅ ᓇᓴᐃᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ, ᔭᐱᒡ ᐊᓐᑕ IUCN, ᒐᒋ ᐃᔨᒧᐅᓐ ᒥᔪᓂᔅᑐᑕᒂᒡ ᐊᓐᑕ ᐊᔅᒋᔄᒥᑲᒡ ᐛᓇᑲᑐᐛᐃᑕᑲᓄᒡ ᐊᔅᒋᔾ᙮ ᐊᑎᓱ, ᐊᓐᑕ ᐊᑎᑕᒂᒋ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐅᑕ ᑯᐸᒃ ᐊᓐᑕ ᐊᑥᐃᑭᓄᒡ “ᒐᒋ ᐊᔅᒐᐃᑕᒂᒡ ᐛᓇᑲᑐᐛᐃᑕᑲᓄᒡ ᐊᔅᒋᔾ ᑎᐱᐛᐅᓯᔪᐅᓐ ᐊᓐᑕ ᐛᔅᑲ ᐱᑎᓱ ᐊᔅᒋᒡ ᒐᒂᓐ ᐊᑎᑕᒂᒡ ᐊᐅᑯᑦ, ᐊᓐᑕ ᐊᑎᑕᑯᓂᒋ ᐊᓐᑕ ᓄᑎᒻ ᒐᒋᑕᐸᑕᑲᓄᒡ ᓄᑎᒻ ᒐᒂᓐ ᐱᑎᓱ ᐊᑎᒂᒡ ᐊᓐᑕ ᐊᔅᒋᒡ ᐅᑕ ᑯᐸᒃ᙮”
ᐅᔭ ᐊᔅᒋᔾ ᐱᑎᓱ ᐊᑎᑕᒂᒡ ᑕᑐᐎᒡ ᐊᓐᑕ ᒪᓯᓇᑕᐃᑲᓄᒡ ᐊᓐᑕ ᑯᐸᒃ ᐊᔅᒋᔾ ᐊᒋᑕᐸᑕᑲᓄᒡ ᒥᓯᓇᐃᑭᓐ ᒐᑐᔅᑲᐛᒐᓄᒡ᙮ ᐊᔅᒋᔾ ᐊᔅᐱᓴᒡ ᐊᓂᔅᑐᐛᐸᑕᑲᓄᒡ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐅᑕ ᑯᐸᒃ ᑲᑲᔅᑎᓇᑲᓄᒡ ᓇᐅᔅ ᐊᒋᑕᐸᑕᑲᓄᒡ ᒐᐎᓇᑲᑐᐛᐃᑕᑲᓄᒡ᙮ ᐊᓐᑕ ᒪᓯᓇᑕᐃᑲᓄᒡ ᑯᐸᒃ ᒪᓯᓇᑕᐃᑲᓄᒡ ᐊᓇᑲᑐᐛᐃᑕᑲᓄᒡ ᐊᔅᒋᔾ ᐅᑕ ᑯᐸᒃ᙮ ᐊᓐ ᐊᔅᒋᔾ ᐊᓇᑲᑐᐛᐃᑕᑲᓄᒡ ᐎᓱᐛᐅᓐ ᐸᔅᑎᓇᑲᓄᒡ ᐊᓯᑐᔅᑲᔅᑕᑲᓄᒡ ᐊᓐᑕ ᒐᒋ ᓇᑲᑐᐛᐃᑕᑲᓄᒋ ᐊᔅᒋᔭ ᐊᓐᑕ ᐃᑎᓱᐛᐅᓐ ᐊᓐᑕ ᑯᐸᒃ᙮
ᐊᓐᑕ ᑐᐎᔅ ᐎᓇᑐᔅᒐᐃᑎᒪᒄ ᑕᑐᐎᒡ ᐊᑎᑯᑕᐃᒋ ᑭᔭ ᒐᒂᓐ ᐊᑕᑈᑕᑲᓄᒡ ᑭᔭ ᒪᒃ ᐊᑯᔅᑎᒐᓄᒡ ᐊᓐᑕ ᐱᑎᓱ ᐛᔅᑲ ᐊᔅᒋᔾ ᐛᓇᑲᑐᐛᐃᑕᑲᓄᒡ, ᐅᑕ ᒐᒋᔅᓂᒪᒄ
ᑯᐸᒃ ᐊᔅᒋᔾ ᐊᒋᑕᐸᑕᑲᓄᒡ ᒥᓯᓇᐃᑭᓐ ᒐᑐᔅᑲᐛᒐᓄᒡ
ᑯᐸᒃ ᐊᔅᒋᔾ ᐊᒋᑕᐸᑕᑲᓄᒡ ᒥᓯᓇᐃᑭᓐ ᒐᑐᔅᑲᐛᒐᓄᒡ ᐊᓐᑕ ᐊᔅᒋᔾ ᐊᓯᓇᒂᒡ ᐊᑐᔅᑲᐛᒐᓄᒡ “ᐊᔅᒋᔾ ᐊᓯᓇᒂᒡ ᐃᔨᒧᐅᓐ ᒪᓯᓇᑕᐃᑲᓄᒡ ᐊᓐᑕ ᐃᑕᐅᓂᒡ ᐊᑕᑎᒂᒋ” ᐊᓐᑕ ᑕᑐᐎᒡ ᐃᔨᒧᐅᓐ ᒪᓯᓇᑕᐃᑲᓄᒡ ᐊᑎᑯᑕᒡ, ᐊᓯᓂᔅᑐᑕᒂᒡ ᐊᔅᒋᔾ ᐊᓯᓇᒂᒡ (ᐊᔅᒋᔾ) ᑭᔭ ᓂᐱᔾ (ᓴᑲᐃᑭᓇ ᑭᔭ ᓯᐱᔭ)᙮ ᓄᑎᒻ ᐊᓯᓇᑯᑕᑲᓄᒡ ᐊᔅᑎᒋᑕᑲᓄᒡ :
- 13 ᐊᓐᑕ ᐊᔅᒋᔾ ᐃᑕᐅᓇ ᐅᑕ ᑯᐸᒃ (ᐊᓯᒋᑕᐸᑕᑲᓄᒡ ᐸᐃᒄ), ᐊᔅᑎᒋᑕᑲᓄᒡ 5 ᐊᓐᑕ ᓄᓇᐱᒃ
- 80 ᐊᓐᑕ ᐊᔅᒋᔭ ᐊᓯᓇᑯᓂᒋ (ᐊᓯᒋᑕᐸᑕᑲᓄᒡ ᓂᓱ) 27 ᐊᓐᑕ ᐱᔅᒐ ᐊᑎᒂᒋ ᐊᓐᑕ ᓄᓇᐱᒃ
ᐊᓐᑕ ᑐᐎᔅ ᐎᓇᑐᔅᒐᐃᑎᒪᒄ ᑯᐸᒃ ᐊᔅᒋᔾ ᐊᒋᑕᐸᑕᑲᓄᒡ ᒥᓯᓇᐃᑭᓐ ᒐᑐᔅᑲᐛᒐᓄᒡ, ᐊᓐᑕ ᒐᒋᑕᐸᑎᒪᒄ ᐊᔅᒋᔪᐅᓯᓇᐃᑭᓐ ᐅᑕ ᒐᒋᔅᓂᒪᒄ᙮
ᒪᓯᓇᑕᐃᑲᓄᒡ ᐊᔅᒋᔭ ᐊᓇᑲᑐᐛᐃᑕᑲᓄᒋ ᐅᑕ ᑯᐸᒃ
ᐊᓐᑕ ᐊᑎᓯᓇᑕᐃᑲᓄᒡ ᐊᔅᒋᔭ ᐊᓂᔅᑐᐛᐸᑕᑲᓄᒡ ᐊᓯᒋᑕᐸᑕᑲᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ ᐅᑕ ᑯᐸᒃ ᐊᓐᑕ ᑲᑲᔅᑎᓇᒡ ᓇᐅᔅ ᐊᔅᒋᔾ ᐊᒐᒋ ᓇᑲᑐᐛᐃᑕᑲᓄᒡ᙮ ᐊᓐᑕ ᒪᓯᓇᑕᐃᑲᓄᒡ ᒥᓯᓇᐃᑭᓂᒡ ᐊᔅᒋᔭ ᐊᓇᑲᑐᐛᐃᑕᑲᓄᒋ ᐊᓐᑕ ᑯᐸᒃ [ᐊᑎᒂᒡ ᐛᒥᔅᑎᓯᔪᐃᔨᒧᐅᓂᒡ Registre des aires protégées au Québec].
ᐅᔭ ᐊᑎᓯᓇᑕᐃᑲᓄᒋ ᐊᔅᒋᔭ ᐊᓇᓴᐃᑲᓄᒡ:
- ᐊᓐᑕ ᐊᔅᒋᔄᒥᑲᒡ ᐊᓐᑕ ᐊᔅᑭᔾ ᐊᓇᑲᑐᐛᐃᑕᑲᓄᒡ ᐊᓐᑕ ᐊᔅᒋᔾ ᐊᓯᓇᒂᒡ ᐛᓇᑲᑐᐛᐃᑕᑲᓄᒡ ᐎᓱᐛᐅᓐ;
- IUCN ᐊᔅᒋᔾ ᐊᓇᑲᑐᐛᑕᑲᓄᒡ ᒐᐃᔅ ᓇᓴᐃᑲᓄᒡ᙮
ᐊᓂᔭ ᐊᔅᑎᒋᑕᑲᓄᒋ ᐅᔭ ᐊᔅᒋᔾ ᐃᑕᐅᓇ:
- ᓂᐱᔾ ᑭᔭ ᓂᐱᓴ ᐛᓇᑲᑐᐛᐃᑕᑲᓄᒋ ᑲᑯᒂᒋᒐᒧᐅᓇᓄᒡ ᒐᒋ ᓇᑲᑐᐛᐃᑕᑲᓄᒡ ᐊᔅᒋᔾ, ᓯᐱᔾ ᑭᔭ ᓂᐱᓴ;
- ᓯᐱᔾ ᑭᔭ ᓂᒪᓴ ᑲᑎᐸᓂᔅᑕᑲᓄᒡ ᐊᒡᒋ ᓇᑲᑐᐛᐃᑕᑲᓄᒡ ᑭᔭ ᑲᑯᒂᒋᒐᒧᐅᓇᓄᒡ ᒐᒋ ᓇᑲᑐᐛᐃᑕᑲᓄᒋ;
- ᐊᔅᒋᔭ ᐃᑕᐅᓇ ᐊᑎᐸᓂᔅᑕᑲᓄᒋ ᒐᒋ ᓇᑲᑐᐛᐃᑕᑲᓄᒋ ᑲᑯᒂᒋᒐᒧᐅᓇᓄᒡ
- ᑯᐸᒃ ᐊᒪᓐᑕᐅᓇᓄᒡ ᐊᔅᒋᔾ ᐊᓇᑲᑐᐛᐃᑕᑲᓄᒋ ᑭᔭ ᑯᐸᒃ ᐊᒪᓐᑕᐅᓇᓄᒡ ᐛᓇᑲᑐᐛᐃᑕᑲᓄᒋ ᐃᑕᐅᓇ;
- ᑲᓇᑕ ᐃᑕᐅᓇ ᐊᔅᒋᔭ ᐊᓇᑲᑐᐛᐃᑕᑲᓄᒋ ᑭᔭ ᑲᓇᑕ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᑎᐸᓂᔅᑕᑲᓄᒋ ᐅᑕ ᑯᐸᒃ
ᑯᑎᑲ ᐃᑕᐅᓇ ᐊᔅᒋᔭ ᑭᔭ ᐊᑎᓯᓇᑕᐃᑲᓄᒋ ᒐᒋ ᐊᓐᑕ ᓇᑲᑐᐛᐃᑕᑲᓄᒋ ᐊᓐᑕ ᓄᓇᐱᒃ ᐊᓐᑕ ᐊᑲ ᐊᐱᒋᑕᑲᓄᒡ ᒐᒋ ᐅᒋᒪᐅᐃᒥᒪᓄᒡ ᐊᑲ ᐱᒋᑕᑲᓄᒡ ᑭᔭ ᒐᒋ ᓄᑕᐱᐃᒡ ᒐᒂᓐ᙮ ᐊᐅᑯᑦ ᐊᓐᑕ ᐊᑲ ᐊᔅᑎᓯᓇᑕᐃᑲᓄᒋ ᑭᔭ ᐃᑕᐅᓐ ᐊᔅᒋᔭ ᐊᑲ ᒥᓯᓇᑕᐃᑲᓄᐃᒡ, ᒥᔅᑯᒡ ᐊᓐᑕ ᐊᓯᓇᑲᑐᐛᐃᑕᑲᓄᒡ ᑭᔭ ᒪᒃ ᐃᑕᐃᑎᑲᓄᒡ, ᒥᔪᐎᑕᑲᓄᒡ ᑭᔭ ᐊᑐᔅᑲᔅᑕᑲᓄᒡ ᐊᓇᓴᐃᑲᓄᒡ (ᐃᑎᓱᐛᐅᓐ ᑎᐸᔅᑯᒐᐅᓐ ᐊᓯᓇᓴᐃᑲᓄᒡ ᓂᔅᑯᒧᐅᓐ) ᐊᐱᒧᑯᑕᒡ᙮ ᐊᐅᑯᑦ ᐊᓯᓇᒂᒡ Lac Cambrien ᒥᔅᑎᓯᐳ ᑭᔭ Lac Nachicapau ᓇᒋᑭᐸᐤ, ᐊᓐᑕ ᐊᓯᓇᒂᒡ ᓂᔅᑯᒧᐅᓐ᙮
ᐊᓐᑕ ᑐᐎᔅ ᐎᓇᑐᔅᒐᐃᑎᒪᒄ ᐊᔅᒋᔾ ᒐᒋ ᒥᓯᓇᑕᐃᑲᓄᒡ ᐊᓐᑕ ᐊᔅᒋᔭ ᐊᓇᑲᑐᐛᐃᑕᑲᓄᒡ ᐊᓐᑕ ᑯᐸᒃ, ᒐᓇᑐᔅᑲᔅᑎᓇᒃ MELCC ᒋᓴᐅᒋᒪᑲᓐ ᐊᔅᒋᔾ ᑭᔭ ᒪᓐᑕᐅᓇᓄᒡ ᐊᓐᑕ ᒐᒋᑕᐸᑎᒪᒄ ᐊᔅᒋᔪᐅᓯᓇᐃᑭᓐ ᐅᑕ ᒐᒋᔅᓂᒪᒄ᙮
ᐊᔅᒋᔾ ᐛᓇᑲᑐᐛᐃᑕᑲᓄᒡ ᐎᓱᐛᐅᓐ
ᐊᓐ ᐊᔅᒋᔾ ᐛᓇᑲᑐᐛᐃᑕᑲᓄᒡ ᐎᓱᐛᐅᓐ, ᑲᐱᒻᐱᑕᑲᓄᒡ ᐊᓐᑕ 2002 ᐱᐳᓐ ᑭᔭ ᑲᔭᑎᔅᑕᑲᓄᒡ ᐊᓐᑕ 2021 ᐱᐳᓐ, ᐊᓐᑕ ᑲᐅᒋᐱᐃᒡ ᐊᐎᑲᐳᐎᑕᑲᓄᒡ ᐊᑎᑕᒂᒋ ᐊᔅᒋᔭ ᐛᓇᑲᑐᐛᐃᑕᑲᓄᒋ ᑭᔭ ᐊᔅᐱᔅ ᒐᒂᓐ ᐱᐧᑯᒋᑕᑲᓄᒡ (% ᐊᔅᒋᔾ ᐛᓇᑲᑐᐛᐃᑕᑲᓄᒡ) ᐊᓐᑕ ᐊᑎᑯᑕᒡ ᐛᔅᑲ ᐊᔅᒋᔾ ᐊᓯᒋᑕᐸᑕᑲᓄᒡ᙮ ᓴᓯᑲᓐ 5,000 ᒐᓯᐱᔪᐤ ᐊᔅᒋᔭ ᑲᒋᑕᐸᑕᑲᓄᒋ ᐊᓐᑕ 33 ᑲᔅᑎᒋᑕᑲᓄᒋ (ᐊᒪᓐᑕᐅᓇᓄᒡ, ᓯᐱᔭ ᑭᔭ ᓂᐱᓴᒻ ᑭᔭ ᐊᐛᓯᔅ ᐊᑎᑕᒡ, ᑯᑎᑲ), ᐊᔅᑎᒋᑕᑲᓄᒡ ᐊᓐᑕ ᑯᐸᒃ ᐊᔅᒋᔭ ᐊᑎᑕᑯᓂᒋ ᐊᔅᒋᔭ ᐊᓇᑲᑐᐛᐃᑕᑲᓄᒡ᙮
ᐛᓇᑲᑐᐛᐃᑕᑲᓄᒡ ᐊᔅᒋᔭ ᐊᓐᑕ ᓄᓇᐱᒃ
ᐊᓐᑕ ᓄᓇᐱᒃ, ᐊᓐᑕ ᐊᑎᑕᒂᒋ ᐊᔅᒋᔭ ᐊᓇᑲᑐᐛᐃᑕᑲᓄᒋ ᓴᓯᑲᓐ ᐊᔅᐱᓴᒡ 20.59% ᐊᓐᑕ ᐃᑕᐅᓂᒡ, ᑭᔭ ᒪᒃ ᐅᔅᑕ 100,000 km2 ᐊᔅᑎᒋᑕᑲᓄᒋ ᔭᓇᐤ 8 ᐊᔅᒋᔭ ᑲᑎᐸᓂᔅᑕᑲᓄᒋ ᒐᒋ ᓇᑲᑐᐛᐃᑕᑲᓄᒋ ᑲᑯᒂᒋᒐᒧᐅᓇᓄᒡ ᐊᐅᑯ ᐅᔭ ᑲᑎᓯᓇᑕᐃᑲᓄᒋ ᐊᓐᑕ 2020 ᐱᐳᓐ, ᔭᐱᒡ ᐊᓂᔭ ᔭᓇᐤ 8 ᑲᑯᒂᒋᒐᒧᐅᓇᓄᒋ ᐊᓐᑕ ᐊᔅᒋᔭ ᑲᐎᓇᑲᑐᐛᐃᑕᑲᓄᒋ, ᐸᐃᒄ 1 ᑲᑯᒂᒋᒐᒧᐅᓇᓄᒡ ᓂᐱᔾ, ᓂᒪᔅ, ᓂᐱᓴ ᐊᔅᒋᔾ ᒐᒋ ᓇᑲᑐᐛᐃᑕᑲᓄᒡ , ᑭᔭ ᓂᔅᑐ 3 ᐊᔅᒋᔭ ᐛᑎᐸᓂᔅᑕᑲᓄᒋ ᒐᒋ ᐊᔅᒋᔾ ᓇᑲᑐᐛᐃᑕᑲᓄᒡ ᑲᑯᒂᒋᒐᒧᐅᓇᓄᒡ ᐊᑎᐸᓂᔅᑕᑲᓄᒡ ᑲᒥᓯᓇᑕᐃᑲᓄᒡ 2009 ᑭᔭ 2018 ᐱᐳᓐ᙮ ᓂᓱ ᐊᓂᔭ ᐊᔅᒋᔭ ᑲᑎᐸᓂᔅᑕᑲᓄᒡ ᓴᔅ ᐊᑎᒂᒡ ᐊᑎᓯᓇᑕᐃᑲᓄᒡ ᑲᔭᑎᔅᑕᑲᓄᒡ 2020 ᐱᐳᓐ᙮ ᓄᑎᒻ ᐊᔅᒋᔭ ᐊᑎᑕᑯᓂᒋ ᔭᐱᒡ ᐊᔅᑎᒋᑕᑲᓄᒡ ᓇᐤ 4 ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᒪᓐᑕᐅᓇᓄᒡ ᒐᒋ ᑎᑕᐱᑎᒡ ᑭᔭ ᐱᑕᑕᒡ 5 ᐊᑎᐸᓂᔅᑕᑲᓄᒋ ᐊᔅᒋᔭ ᒐᒋᕐ ᐊᔅᑎᒋᑕᑲᓄᒋ ᒥᓯᓇᐃᑭᓂᒡ ᐊᔅᒋᔭ ᐛᓇᑲᑐᐛᐃᑕᑲᓄᒡ᙮
ᐊᓐᑕ ᐊᑎᓯᓇᑕᐃᑲᓄᒡ ᐊᑭᔅᑭᑎᔅᑕᒡ 24 ᐊᓐᑕ ᒋᒥᔅ ᐱ ᑭᔭ ᑯᐸᒃ ᒋᐛᑎᓄᒡ ᓂᔅᑯᒧᐅᓂᒡ (JBNQA) ᑭᔭ ᐊᑭᔅᑭᑎᔅᑕᒡ 15 ᐊᓐᑕ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓂᒡ (NEQA), ᐊᓐᒡ ᐊᔅᑎᓯᓇᑕᐛᑲᓄᒡ ᐊᐛᓐᒋ ᐊᓐᑕ ᓂᔅᑯᒧᐅᓯᓇᐃᑭᓂᒡ (ᐃᔅᒋᒪᐅᒡ, ᓇᔅᑲᐱ, ᒋᒥᔅ ᐱ ᐃᔪᒡ) ᒋᑭᒋ ᒥᔭᑲᓄᒡ ᒐᒋ ᐊᓐᑐᐅᒡ ᐊᓐᑕ ᑲᑎᐱᒃ ᐃᑕᐅᓂᒡ ᐊᔅᑎᒋᑕᑲᓄᒡ ᐊᓐᑕ ᐊᑎᓯᓇᑕᐃᑲᓄᒡ ᐊᔅᒋᔾ ᐊᓐᑕ ᓄᑎᒻ ᐊᓯᓇᒂᒡ ᐊᓐᑕ ᐊᔅᒋᔭ ᐊᓇᑲᑐᐛᐃᑕᑲᓄᒋ᙮