ᓂᔅᐧᑳᓯᐦᐄᐧᐋᐧᐃᓐ ᐊᓂᐦᐄ ᑰᐧᑳᒋᐦᒑᒧᐧᐃᓐ ᒨᔥ ᐋ ᑰᐧᑳᒋᐦᒑᒧᓇᓂᐧᐃᒡ
ᓈᓂᑎᐧᐋᔨᐦᑦ ᐦ ᐊᓂᐦᐄ ᓂᔅᐧᑳᓯᐦᐄᐧᐋᐧᐃᓐᐦ ᐅᑎᐦ ᐊᓂᐦᐄ ᒨᔥ ᐧᑳᐧᑳᒋᐦᒑᒧᓈᓂᐧᐃᒡ ᐊᓐ ᐅᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ, ᐅᓵᐦ ᒫᒃ ᐊᓐ ᐊᓂᑎᐦ ᓅᓈᕕᒃ᙮ ᐊᔅᑯ ᐋᐦᑎᑯᓂᐧᑳ ᐋᑳ ᓂᔅᐧᑳᓯᐦᐄᑭᐧᐃᔨᓐ? ᐊᑳᐧᐃ ᓵᐧᑳᔨᒽ ᒑ ᒌ ᐸᒋ ᐊᔨᒥᐦᐄᔮᐦᒡ᙮
ᐊᓂᐦᐄ ᑳᓂᐧᐋᐱᐦᑖᑭᓂᐧᐃᒡ ᐅᐦᒡ ᐅᐦᐄ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ
ᒑᐧᑳᓐ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᓅᓈᕕᒃ?
ᐊᓐ ᑰᐹᒃ ᑎᐹᔨᐦᒋᒑᓯᐤ, ᐋ ᐧᐃᒥᓈᒋᐦᑖᑭᓂᐧᐃᒡ ᐊᓐ ᓈᐦᑖᐅᒋᐦᒡ ᐊᓂᑎᐦ ᐊᓐ ᐋ ᐃᔑ ᐧᐃᐦᑖᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ, “᙮᙮᙮᙮ ᐋ ᓈᑭᑎᐧᐋᔨᐦᑖᑭᓂᐧᐃᒡ ᐊᓂᐦᐄ ᓈᐦᑖᐅᒋᐦᒡ ᐊᓂᑎᐦ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐋ ᒌᐦᒋᓂᐧᐋᒋᐦᑖᑭᓂᐧᐃᒡ᙮” ᐊᒄ ᐊᓐ ᒫᒃ ᐊᐦᑎᑯᐦᒡ ᑰᐧᑳᒋᐦᒑᒧᐧᐃᓐ, “ᒑ ᒌ ᒐᔅᑎᓈᑎᔅᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᐦᐄ ᐊᔅᒌᐦ ᐆ ᐋ ᒌ ᐃᑎᔑᓂᐦᐄᑭᓂᐧᐃᒡ , ᐊᓂᑎᐦ ᒫᒃ ᒥᓯᐦᑖᐦ ᐊᓐ ᐋ ᐅᐦᒡ ᐱᒥᐲᐦᑖᑭᓂᐧᐃᒡ, ᒥᓯᐧᐋ ᐊᑯᑎᐦ ᒫᓯᓈᑖᒡ ᐆ ᐋ ᐃᔑᓈᑯᐦᒡ ᐅᑎᐦ ᑯᐹᒃ ᐊᔅᒌᐦᒡ᙮”
“[..] ᐊᓐ ᒫᒃ ᐊᔅᒌᐦ ᐆ ᐊ ᐃᑎᔑᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᐊᓐ ᓂᐱᐦᒡ ᐋᐦᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ , ᑭᑎ ᒌ ᐃᔑᓈᑯᓐ ᒑ ᒌ ᐧᐃᒋᐦᐄᐧᐋᐱᔨᒡ ᐊᔅᑯ ᐊᓂᑎᐦ ᐊᐦᑎᑯᓂᐧᑳᐤ ᐊᔅᑯ ᐋᑳ ᐅᐦᒡ ᐧᐃᔨᓲᑖᑭᓂᐧᐃᒡ ᐆ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐊᔅᒌᐦ᙮ ᒥᒄ ᒫᒃ ᐆ ᐋ ᐃᔑᓈᑯᐦᒡ ᒥᓯᐧᐋ ᐊᓐ ᒑᐧᑳᓐ ᐋᓂᐦᑖᐅᒋᐦᒡ ᐊᓂᑎᐦ ᐱᑯᑎᔅᑭᒥᒡ, ᐅᓵᐦ ᒫᒃ ᐅᑎᐦ ᐆ ᑯᐹᒃ ᐊᔅᒌ, ᒋᐱ ᐧᐃᒥᓈᒋᐦᑖᑭᓂᐤ ᑭᔮᐦ ᒫᒃ ᒑ ᒌ ᐊᔅᑎᓂᑭᓂᐧᐃᒡ ᐊᓂᑎᐦ ᑯᐹᒃ ᐋᐅᐦᒋᐱᒥᐲᐦᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ᙮”
ᐅᑎᐦ ᓅᓈᕕᒃ, ᐊᓐ ᐊᓯᓈᑯᐦᒡ ᐱᒫᑎᓯᐧᐃᓐ ᒋᔅᑎᒫᐧᐃᓐ ᒑ ᒌ ᐊᔅᑎᓂᑭᓂᐧᐃᒡ ᐆ ᒫᐧᑳᒡ ᐋ ᐆᐧᐋᑎᔅᑖᑭᓂᐧᐃᒡ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ᙮ ᐊᑯᑎᐦ ᑭᔮᐦ ᐊᔅᑎᓂᑭᓂᐧᐃᒡ ᐊᓐ ᐆ ᐧᐋ ᐃᔑ ᐆᐧᐋᑎᔅᑖᑭᓂᐧᐃᒡ᙮ ᐋ ᐊᔨᒥᐦᐋᑭᓂᐧᐃᒡ ᐊᓂᒌ ᐄᔮᐱᒋᐦᑖᒡ ᓈᔥᒡ ᐋᐅᒄ ᓈᔅᑖᒥᔅᑖᑭᓂᐧᐃᒡ ᒑ ᒌ ᐊᔅᑎᓂᑭᓂᐧᐃᒡ ᐆ ᒑ ᒌ ᑐᑖᑭᓂᐧᐃᒡ᙮
ᐅᑭᔅᒋᐦᐆᐧᐃᓂᐧᐋᐤ ᐊᓂᒌ ᐅᑎᐦ ᒫᓯᓈᓲᒡ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒧᐧᐃᓂᐦᒡ (JBNQA) ᑭᔮᐦ ᐊᓐ ᐊᑎᒫᐲᓯᒽ ᐧᐋᓂᓅᑖᐊᐦᒡ ᑯᐹᒃ ᓂᔅᑯᒧᐧᐃᓐ (NEQA) ᐊᑯᑎᐦ ᐧᐋᐦᒡ ᐱᒥᐲᐦᑖᑭᓂᐧᐃᒡ ᑭᔮᐦ ᐧᐋᐦ ᓈᑭᑎᐧᐋᔨᐦᑖᑭᓂᐧᐃᒡ ᐅᑎᐦ ᐆᐦᐄ ᐧᐋᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᓅᓈᕕᒃ᙮
ᑖᓐ ᒑ ᐃᔑ ᐧᐃᒋᓲᐦᑖᑭᓂᐅᒡ ᐊᓂᐦᐄ ᐧᑳᐧᑳᑐᐧᐋᓂᐧᐃᒡ ᐋ ᐧᐃ ᒥᓈᒋᐦᑖᑭᓂᐧᐃᒡ ᐊᔅᒌᐦ?
ᐊᓐ ᒫᒃ ᐧᐋᒋᐦᒡ ᒑ ᐃᓯᓂᐦᑳᑖᑭᓂᐧᐃᒡ ᐹᑎᒫᐦ ᒋᑭ ᒋᔅᒑᔨᐦᑖᑯᓐ ᒋᐦᒋᐧᐋᐦ ᐧᐄᐦᐧᐃᑎᓲᐦᑖᑭᓄᒑᐦ ᐊᓐ ᐊᔅᒌᐦ᙮ ᐋᐅᒄ ᐋᔥ ᓂᔅᑑᐦᑖᑯᐦᒡ ᐊᓂᒌ ᐊᓂᑎᐦ ᐧᐋᐦᒋᔨᒡ ᓅᓈᕕᒃ ᑭᔮᐦ ᒫᒃ ᐊᓂᒌ ᐄᔨᔨᐤ ᐄᐦᑖᐧᐃᓐᐦ ᐋ ᒫᒥᑐᓈᔨᐦᑎᒥᐦᐄᑯᒡ ᐅᔮᔨᐤ ᐊᔅᒌᐦ ᒑ ᐱᒋᔅᑎᓂᐦᒡ ᑰᐧᑳᑎᐧᐋᐤ ᐅ ᒥᓯᓂᐦᐄᑭᓂᐧᐋᐤ ᒋᐦᒋᐧᐋᐦ ᒑ ᒌ ᐧᐃᒋᓲᐦᑖᑭᓂᐧᐃᔨᒡ ᒑ ᒥᔮᒡ ᐊᓂᔮᔨᐤ ᐧᑳᒦᔑᓐ ᑏ ᑐᐳᓂᒦ ᑑ ᑯᐹᒃ᙮
ᐋᐅᒄ ᐆ ᐃᔮᐱᒡ ᑳ ᐊᐱᒋᐦᑖᐊᑭᓂᐧᐃᒡ ᐆ ᑳ ᐃᔑ ᐆᐧᐋᑎᔅᑖᑭᓂᐧᐃᒡ ᐊᓂᐦᐄ ᓈᔑᓂᓪ ᐹᐦᕐᒃ ᐅᑎᐦ ᓅᓈᕕᒃ᙮
ᑖᓂᑎᐦ ᐊᓐ ᐊᔨᐦᒡ ᐊᑎᓯᓈᑖᒡ ᐊᔅᒌᐦ ᐊᓐ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒧᐧᐃᓐ (JBNQA) ᑭᔮᐦ ᐊᓐ ᐊᑎᒫᐲᓯᒽ ᐧᐋᐱᓅᑖᐦ ᑯᐹᒃ ᓂᔅᑯᒧᐧᐃᓐ( NEQA)?
- 1 ᑳ ᐃᑎᓯᓈᑖᒡ ᑭᔮᐦ IB-N – ᐄᔨᔨᐅᒡ ᑭᔮᐦ ᒫᒃ ᐄᔅᒋᒫᐤ ᐅᑎᐦᐊᔅᒋᐧᐋᐤᐦ ᐧᐃᔨᐧᐋᐤ ᐧᐋᒋᐦᒫᐦᑭᐦᑎᐦᒡ ᑭᔮᐦ ᓃᔮᓈᓈᑭᒋᐦᑖᒡ ᒑ ᒌ ᐧᐃᒋᐦᐄᑯᔨᒡ ᐅᑎ ᐄᔨᔨᒥᐧᐋᐤᐦ ᐊᓂᒌ ᐧᐃᔨ ᐄᔅᒋᒫᐅᒡ ᑳᒥᔪᓂᑎᔨᐦ ᓛᓐᑎᐦ ᐦᐋᐅᓪᑎᓐᒃ ᑰᐧᐋᐳᕌᔨᐦᔑᓐ ᐊᓂᒌ ᒫᒃ ᐧᐃᔨ ᓈᔅᑳᐲᐦ ᓚᓐᑎᐦᐋᐅᓪᑎᓐᒃ ᑯᐧᐋᐳᕋᔨᐦᒡᔑᓐ, ᒥᓯᓈᑖᔨᐤ ᐊᓂᔮᔨᐤ ᐅᑭᔅᒋᐦᐅᐧᐃᓂᐧᐋᐤᐦ ᐊᓂᑎᐦ ᓂᔅᑯᒧᐧᐃᓂᐦᒡ, ᐊᔥᒡ ᒫᒃ ᑭᔮᐦ ᐊᓂᔮᔨᐤ ᐅᑭᔅᒋᐦᐆᐧᐃᓂᐧᐋᐤᐦ ᒑ ᒌ ᓂᑐᐦᐆᐧᐃᒡ ᐊᓂᑎᐦ (ᑭᔮᐦ ᑭᔅᒋᐦᐅᐧᐃᓂᔨᐤ ᒑ ᒌ ᐱᒥᐲᐦᑖᒡ ᓂᑐᐦᐆᑭᒥᒃᐦ)
- 1 ᑭᔮᐦ ᐊᓐ II-N – ᐊᔅᒌᐦ ᐊᓂᑎᐦ ᐋᐦᑎᑯᐦᒡ ᐋ ᐃᑎᓯᓈᑖᒡ ᒥᒄ ᐊᓐ ᐊᐧᐋᓐ ᒑ ᐊᐱᒋᐦᑖᑦ, ᐄᔅᒋᒫᐅᒡ, ᐄᔨᔨᐅᒡ ᑭᔮᐦ ᐊᓂᒌ ᓈᔅᑳᐲ ᐃᔮᐅᒡ ᐱᔥᒡ ᑭᔥᒋᐦᐅᐧᐃᓐᐦ, ᒥᓯᓈᑖᔨᐤ ᐊᓂᑎᐦ ᓂᔅᑯᒧᐧᐃᓂᐦᒡ, ᐊᔥᒡ ᒥᒄ ᑭᔅᒋᐦᐅᐧᐃᓂᔨᐤ ᒑ ᒌ ᓂᑐᐦᐆᒡᐦ (ᑭᔮᐦ ᐋ ᐄᔮᒡ ᑭᔅᒋᐦᐅᐧᐃᓂᔨᐤ ᒑ ᒌ ᑎᑎᐦᒡ ᒑ ᒌ ᐱᒥᐲᐦᑖᒡ ᓂᑐᐦᐆᑭᒥᑯᐦᒡ)᙮
- III ᑳᐃᑎᓯᓈᑖᒡ ᐊᔅᒌᐦ – ᐊᔅᒌᐦ ᐊᓂᑎᐦ ᐋᐦᑎᑯᐦᒡ ᐋ ᐃᑎᓯᓈᑖᒡ ᒥᒄ ᐊᓐ ᐊᐧᐋᓐ ᒑ ᐊᐱᒋᐦᑖᑦ, ᐄᔅᒋᒫᐅᒡ, ᐄᔨᔨᐅᒡ ᑭᔮᐦ ᐊᓂᒌ ᓈᔅᑳᐲ ᐃᔮᐅᒡ ᑭᔥᒋᐦᐅᐧᐃᓐᐦ, ᒥᓯᓈᑖᔨᐤ ᐊᓂᑎᐦ ᓂᔅᑯᒧᐧᐃᓂᐦᒡ, ᐊᔥᒡ ᑭᔅᒋᐦᐅᐧᐃᓂᔨᐤ᙮ (ᒥᓐ ᒫᒃ ᐋ ᐧᐃᓂᐦᐄᒑᓂᐧᐃᔨᒡ ᐧᐃᔨᐧᐋᐤ ᒥᒄ ᐃᔮᐅᒡ ᐊᓂᒌ ᐊᓂᑎᐦ ᒫᓯᓈᓲᒡ ᓂᔅᑯᒧᐧᐃᓂᐦᒡ)᙮
ᒑ ᓂᐦᐋᔨᐦᑖᑯᐦᒡ ᑭᔮᐦ ᒫᒃ ᐋᑳ ᓂᑎᐧᐋᔨᐦᑖᑯᐦᒡ ᒑᐧᑳᓂᐦᐄ ᐊᓂᑎᐦ ᒑ ᒌ ᑐᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ
ᓂᑭᒋᐦᑎᓈᐦ ᒑ ᒌ ᐊᐱᒋᐦᑖᔮᓐ ᓂᑭᔅᒋᐦᐆᐧᐃᓐᐦ ᑳᒌᒡ, ᐊᓂᑎᐦ ᐋ ᓂᑐᐦᐆᔮᓐ, ᐋ ᓄᑎᒫᓵᔮᓐ, ᑭᔮᐦ ᐋ ᐧᐃᓂᐦᐄᒑᓂᐧᐃᔨᒡ, ᐊᓂᑎᐦ ᐊᓐ ᐱᔨᐦᒡ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ ᐋ ᐃᔑ ᒥᓯᓈᑖᒡ ᐊᓂᑎᐦ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒧᐧᐃᓐ (JBNQA) ᑭᔮᐦ ᒫᒃ ᐊᓐ ᐊᑎᒫᐲᓯᒽ ᐧᐋᐱᓅᑖᐦᒡ ᑯᐹᒃ ᓂᔅᑯᒧᐧᐃᓐ (NEQA) ?
ᓂᐦᐄ᙮ ᐊᓂᐦᐄ ᑭᔅᒋᐦᐅᐧᐃᓐ ᑳ ᐊᔨᒥᔅᑖᑭᓂᐧᐃᒡ ᐊᓂᑎᐦ ᒋᒥᔅ ᐯᐃ ᑭᔮᐦ ᐊᑎᒫᐲᓯᒻ ᑯᐹᒃ ᓂᔅᑯᒧᐧᐃᓂᐦᒡ (JBNQA) ᑭᔮᐦ ᐊᓐ ᐊᑎᒫᐲᓯᒽ ᐧᐋᐱᓅᑖᐦᒡ ᑯᐹᒃ ᓂᔅᑯᒧᐧᐃᓐ (NEQA ) ᐊᑯᓂᐦᐄᒑᐱᔨᐤ ᑕᓐ ᐊᓐ ᒥᒄ ᐊᓯᓈᑯᓂᐧᑳᐤ ᐧᐃᔨᔓᐧᐋᐧᐃᓐᐦ ᐊᓂᑎᐦ ᐊᒌ ᐅᐦᒡ ᐅᔑᐦᑖᑭᓂᐧᐃᒡ ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᓅᓈᕕᒃ᙮
ᐊᓂᑎᐦ ᐋ ᐃᔑ ᒥᓯᓈᑖᐊᒡ 24 Section 24 of the JBNQA ᐊᓂᑎᐦ ᐊᓐ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᓂᔅᑭᒧᐧᐃᓐ ᑭᔮᐦ ᐊᓐ ᒥᓯᓈᑖᒡ 15 Section 15 of the NEQA ᐊᓂᑎᐦ ᐊᓐ ᐊᑎᒫᐲᓯᒽ ᐧᐋᐱᓅᑖᐦᒡ ᑯᐹᒃ ᓂᔅᑭᒧᐧᐃᓐ, ᐊᓂᒌ ᐊᓂᑎᐦ ᒫᓯᓈᓲᒡ ᒋᑭ ᒌᐦᑐᑎᒧᒡ ᐅᑭᔅᒋᐦᐅᐧᐃᓂᐧᐋᐤ (ᐋ ᓂᑐᐦᐆᒡ, ᐋ ᓄᑎᒫᓵᒡ ᑭᔮᐦ ᐋ ᐧᐃᓂᐦᐄᒑᒡ) ᒥᓯᐦᑖ ᐊᓂᑎᐦ ᐊᓐ ᐋ ᑎᐱᔨᐧᐋᐅᓯᔨᑦ ᑳᑎᕕᒃ, ᐊᔥᒡ ᑭᔮᐦ ᐊᓂᐦᐄ ᐋ ᒌ ᐧᐃᔨᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᓂᐱᐦᒡ ᐋᐦᑎᑯᐦᒡ, ᐊᔅᒌ ᐊ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᐊᓂᐦᐄ ᐊᔅᒌ ᐋ ᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ ᐄᔅᒋᒫᐅᒡ, ᓈᔅᑳᐲ ᑭᔮᐦ ᐊᓂᒌ ᐄᔨᔨᐅᒡ ᐊᔮᒡ ᐊᓂᔮᔨᐤ ᐅᑭᔅᒋᐦᐆᐧᐃᓂᐧᐋᐤ ᒑ ᒌ ᓂᑑᐦᐆᒡ, ᒑ ᒌ ᓄᑎᒫᓵᒡ ᑭᔮᐦ ᒑ ᒌ ᐧᐃᓂᐦᐄᒑᒡ ᐊᑎ ᐊᓂᑎᐦ ᐋ ᐧᐃᒥᓈᒋᐦᑖᑭᓂᐧᐃᔨᒡ᙮
ᒑᐧᑳᓂᐦᐄ ᐊᓂᐦᐄ ᒑ ᒌ ᑐᑖᑭᓂᐧᐃᒡ ᑭᔮᐦ ᒫᒃ ᐋᑳ ᒑ ᒌ ᑐᑖᑭᓂᐧᐃᒡ ᐊᓂᑎᐦ ᐊᓐ ᐧᑳᐧᑳᑐᐧᐋᓂᐧᐃᒡ ᐊᔅᒌ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᐊᓂᑎᐦ ᓂᐱᐦᒡ ᐋᐦᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ?
ᐊᓂᑎᐦ ᐊᓐ ᐋ ᒥᓯᓈᑖᒡ ᐧᐃᔨᔓᐧᐋᐧᐃᓐ ᒑ ᐃᔑ ᒥᓈᒋᐦᑖᑭᓂᐧᐃᒡ ᐊᔅᒌᐦᒡ ᐊᐅᐦᒡ ᓂᐦᑖᐅᒋᐦᒡ (NHCA) ᐱᔥᒡ ᒑᐧᑳᓐ ᓂᒥᓂᑎᐧᐋᔨᐦᑖᑯᓐ ᒑ ᒌ ᑐᑎᐦᒡ ᐊᓂᒌ ᐋᑳ ᒥᓯᓈᓲᒡ ᐊᓂᑎᐦ ᐊᓂᐦᐄ ᓂᓱ ᓂᔅᑯᒧᐧᐃᓐᐦ ᐅᑎᐦ ᑳ ᒥᓯᓈᑖᒡ, ᑭᔮᐦ ᒫᒃ ᐋ ᐧᐃᒋᐦᑎᒧᐧᐋᑭᓂᐧᐃᒡ ᑭᔮᐦ ᒫᒃ ᐋ ᓂᐦᐋᔨᐦᑖᑯᓯᒡ ᒑ ᒌ ᑐᑎᐦᒡ ᐊᓂᐦᐄ ᐊᓂᑎᐦ ᐊᓐ ᓂᐱᐦᒡ ᐊᐦᑎᑰᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ (ᑭᔮᐦ ᒫᒃ ᐋ ᑰᐧᑳᑐᐧᐋᓂᐧᐃᒡ ᐊᔅᒌ ᐋ ᐧᐃ ᒥᓈᒋᐦᑖᑭᓂᐧᐃᒡ ) ᑭᔮᐦ ᒫᒃ ᐊᓂᑎᐦ ᓂᐲᐦᒡ ᐊᐦᑎᑯᐦᒡ (ᑭᔮᐦ ᒫᒃ ᐋ ᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᑎᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ )᙮ ᐊᓂᐦᐄ ᒫᒃ ᒑᐧᑳᓂᐦᐄ ᐅᑎᐦ ᐋᐦᑎᑯᐦᒡ TRPAPs ᐃᔑᓈᑯᓐ ᐱᑦ ᒑ ᒌ ᓂᔅᑯᒧᓈᓂᐧᐃᒡ ᐊᓂᑎᐦ ᐅᐦᒡ ᑎᐹᔨᐦᒋᒑᓯᓈᐦᒡ MELCC᙮ ᐊᑯᑎᐦ ᒑ ᒌ ᐅᐦᒋ ᒋᔅᒑᔨᐦᑖᑯᐦᒡ ᐊᓐ ᒑ ᐃᓯᓈᑯᓂᑯᐱᓈᐦ ᒋᐦᒋᔅᑑᑖᑭᓅᒑᐦ ᐊᓐ ᐆ ᐧᐋ ᐃᔑᓈᑯᐦᑖᑭᓂᐧᐃᒡ᙮
ᐊᓂᐦᐄ ᒫᒃ ᒑᓂᐦᐋᔨᐦᑖᑯᐦᒡ ᑭᔮᐦ ᒫᒃ ᐋᑳ ᒑ ᒌ ᓂᐦᐋᔨᐦᑖᑯᐦᒡ ᒑ ᒌ ᑐᑎᐦᒡ ᐊᓂᒌ ᐊᓂᑎᐦ ᒫᓯᓈᓲᒡ ᓂᔅᑯᒧᐧᐃᓂᐦᒡ ᐊᓂᑎᐦ ᐊᓐ ᐊᔅᒌ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᓂᐱᐦᒡ ᐋᐦᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ᙮
ᒑᐧᑳᓐ ᒑ ᑐᑖᑭᓂᐧᐃᒡ | ᐊᓂᑎᐧᐋᔨᐦᑖᑯᐦᒡ/ᐋᑳ ᓂᑎᐧᐋᔨᐦᑖᑯᐦᒡ |
| ᐊᓂᑐᐦᐆᓇᓂᐧᐃᒡ | ᐊᓂᑎᐧᐋᔨᐦᑖᑯᐦᒡ |
| ᐊᓄᑎᒫᓵᓂᐧᐃᒡ | ᐊᓂᑎᐧᐋᔨᐦᑖᑯᐦᒡ |
| ᐋ ᐧᐃᓂᐦᐄᒑᓂᐧᐃᒡ | ᐋᑳ ᓂᑎᐧᐋᔨᐦᑖᑯᐦᒡ |
| ᒑ ᒌ ᐱᒥᐱᓈᓂᐧᐃᒡ ᑳ ᓈᐅᑳᑖᑦ ᑭᔮᐦ ᒫᒃ ᔅᑭᑑ ᐋ ᐋᐱᒋᐦᐋᑭᓂᐅᑦ | ᓂᑎᐧᐋᔨᐦᑖᑯᓐ, ᐊᑎ ᐋᑳ ᓂᑎᐧᐋᔨᐦᑖᑯᐦᒡ ᒥᓐ ᐋ ᐅᔅᑳᒡ ᒫᔅᑭᓂᐤ ᐆ ᒑ ᒌ ᐄᑖᐱᒋᐦᑖᑭᓂᐧᐃᒡ |
| ᒑ ᒌ ᐱᒥᐱᓈᓂᐧᐃᒡ ᐅᑎ ᑭᔮᐦ ᑳ ᐱᒥᐲᔨᒡᐦ ᐋ ᐋᐱᒋᐦᐋᑭᓂᐅᑦ | ᓂᑎᐧᐋᔨᐦᑖᑯᓐ, |
| ᒑ ᒌ ᐊᔨᐧᐋᓯᓈᓂᐧᐃᒡ ᐊᓂᑎᐦ ᐊᓂᐦᐄ ᔕᔥ ᐊᐦᑎᑯᐦᒡ ᐧᐋᔅᑳᐦᐄᑭᓐ (ᐋ ᐆᐦᐋᓲᓈᓂᐧᐃᒡ , ᓄᑐᐦᐅᑭᒥᒄᐦ ᑭᔮ ᐦᒫᒃ ᐧᐋᔅᑳᐦᐄᑭᓐᔅ) | ᓂᑎᐧᐋᔨᐦᑖᑯᓐ, |
| ᐋ ᒥᔨᐧᐋᓂᐧᐃᒡ ᐊᔅᒌᐦ ᑭᔅᒋᐦᐅᐧᐃᓐ ᒑ ᒌ ᐊᐱᒋᐦᑖᑦ ᐋᐧᐋᓐ (ᒑ ᒌ ᐊᔨᐧᐋᓯᑦ, ᐧᐋᔨᐱᔥᒋᔥ ᒑ ᒌ ᐧᐃᒋᑦ ᐊᓂᑎᐦ) | ᓂᒥ ᓂᑎᐧᐋᔨᐦᑖᑯᒡ, |
| ᒑ ᒌ ᓂᔅᑐᓂᑭᓂᐧᐃᒡ ᐋᑳ ᒥᔅᑎᑯᒡ ᒑᐧᑳᓐ (ᒥᓂᔥ, ᐱᓯᒨᓯᒡ) | ᓂᑎᐧᐋᔨᐦᑖᑯᓐ, |
| ᒥᐦᑦ ᒑ ᒌ ᓂᔅᑐᓂᑭᓂᐧᐃᒡ | ᓂᒥ ᓂᑎᐧᐋᔨᐦᑖᑯᓐ, |
ᐋᐦᓅᐦᑖᑎᐧᑳᓂᐧᐃᒡ | ᓂᒥ ᓂᑎᐧᐋᔨᐦᑖᑯᓐ, |
| ᐋᓈᓂᑎᐧᐋᔨᐦᒑᓂᐧᐃᒡ ᑭᔮᐦ ᐋ ᒋᔅᑯᑎᒫᓲᓈᓂᐧᐃᒡ | ᓂᑎᐧᐋᔨᐦᑖᑯᓐ, |
| ᐋᐦᒧᓂᐦᒌᒑᓂᐧᐃᒡ , ᐱᒦ ᑭᔮ ᒫᒃ ᑳ ᐱᐦᔮᐧᑳᒡ ᐋ ᐱᒥᐦᑳᑭᓂᐧᐃᒡ | ᓂᒥ ᓂᑎᐧᐋᔨᐦᑖᑯᓐ, |
| ᒑ ᒌ ᐅᔑᐦᑖᑭᓂᐧᐃᒡ ᐅᔅᑯᑎᒻᐦ ᑭᔮᐦ ᒫᒃ ᑯᑎᒡ ᒑᐧᑳᓐ ᐆ ᐋ ᐃᔑ ᐅᔑᐦᑖᒑᐱᔨᒡ (ᐄᔅᑯᑖᐧᐋᔮᐲᐦ ᐋ ᐱᒫᐹᑭᒧᒡ) | ᓂᒥ ᓂᑎᐧᐋᔨᐦᑖᑯᓐ, |
| ᓂᑎᐦᐆᑭᒥᒄᐦ ᐋ ᐱᒥᐲᐦᑖᑭᓂᐧᐃᒡ ᑭᔮᐦ ᒫᒃ ᓂᑐᐦᐆᐋᐱᑎᓰᓯᐅᑭᒥᒄ ᒑ ᒌ ᑎᑯᐦᒡ᙮ | ᓂᑎᐧᐋᔨᐦᑖᑯᓐ, |
| ᐋ ᓂᐦᑖᐅᒋᐦᒑᓂᐧᐃᒡ | ᓂᑎᐧᐋᔨᐦᑖᑯᓐ, ᒥᒄ ᒥᓯᓂᐦᐄᑭᓂᔥ ᐋ ᒥᔨᐧᐋᓂᐧᐃᒡ |
| ᐋᓂᐦᑖᐅᒋᐦᒑᓂᐧᐃᒡ ᐋᔫᐤᐦ ᐋᐅᐦᑳᓂᒡ ᐋ ᓂᐦᑖᐅᒋᐦᐋᑭᓂᐧᐃᒡ | ᓂᒥ ᓂᑎᐧᐋᔨᐦᑖᑯᓐ |
| ᒑ ᒌ ᒪᓃᒑᓂᐧᐃᒡ (ᐧᐋᔅᑳᐦᐄᑭᓐ, ᒫᔅᑭᓂᐤ ᐋ ᐱᒥᐲᓈᓂᐧᐃᒡ ᑭᔮᐦ ᒫᒃ ᐊᐱᒨᐦᑖᑭᓂᐧᐃᒡ ) | ᓂᑎᐧᐋᔨᐦᑖᑯᓐ, ᒥᒄ ᒥᓯᓂᐦᐄᑭᓂᔥ ᐋ ᒥᔨᐧᐋᓂᐧᐃᒡ |
| ᐋ ᐱᐧᐹᒨᐦᑖᑭᓂᐧᐃᒡ ᑭᔮᐦ ᐋ ᒥᒫᑎᐧᐋᔨᐦᑎᓈᓂᐧᐃᒡ (ᐊᐱᒧᐦᑖᓂᐧᐃᒡ , ᐹᔨᓯᑰ ᐋ ᐲᐹᒥᐲᐧᐋᒑᓂᐧᐃᒡ , ᐋ ᑭᒑᑭᓵᒫᓂᐧᐃᒡ , ᒋᓯᐱᔨᐤ ᐊᓵᒥᒡ ᐋ ᐋᐱᒋᐦᐋᑭᓂᐧᐃᒡ) | ᓂᑎᐧᐋᔨᐦᑖᑯᓐ, |
* ᓈᔅᑎᔨᔥ ᓂᒥᓂᑎᐧᐋᔨᐦᑖᑯᓐ ᐅᐦᐄ ᐅᑎᐦ ᒑ ᒌ ᐊᐦᑎᓯᓂᐦᐄᑭᓂᐧᐃᒡ ᐅᑎᐦ ᒫᓯᓈᑖᒡ᙮ (NHCA ᑭᔮᐦ ᐊᓂᐦᐄ ᐋ ᐧᐃᒥᓈᒋᐦᑖᑭᓂᐧᐃᒡ ᑳ ᐃᔑ ᐆᐧᐋᑎᔅᑖᑭᓂᐧᐃᒡ ᐊᓂᑎᐦ ᐊᓂᐦᐄ ᔕᔥ ᐆ ᑳ ᐃᔑ ᐧᐃᔮᐱᐦᑖᑭᓂᐧᐃᒡ)᙮
ᒋᑭ ᒌᐦᑎᑯᓈᐦ ᒑ ᒌ ᐅᑎᓂᑭᓂᐧᐃᒡ ᓯᓃᐦ ᐋ ᐅᐦᒡ ᐅᑎᓂᑭᓂᐧᐃᒡ , ᐋ ᓈᓂᑐᓯᓈᓂᐧᐃᒡ ᑭᔮᐦ ᒫᒃ ᐋ ᒧᓂᐦᐄᒑᓂᐧᐃᒡ ᐊᓂᑎᐦ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐆ ᐋ ᐃᑎᓯᓈᑖᒡ (TRPAP, ᐋ ᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒋᐦ (PBR), ᐋ ᑰᐧᑳᑎᐧᐋᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᑎᐦ ᓂᐱᐦᒡ ᐋᐦᑎᑯᐦᒡ (PAR), ᑭᔮᐦ ᒫᒃ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ (BR)?
ᓂᒫᐦ, ᐱᑯᓂᒑᐦ TRPAP, PBR ᑭᔮᐦ ᒫᒃ PAR, ᐊᓐ ᒥᒄ ᐧᐋᔨᐱᔥᑉᒋᔥ ᒑ ᐃᑎᓯᓂᐦᐄᑭᓅᑯᐱᓈᐦ ᒋᑭ ᒌᐦᐄᓐ ᐧᐋᔨᐱᔥᒋᔥ ᒑ ᒌ ᒋᐱᐦᐄᑭᓂᐧᐃᒡ ᐋ ᒥᔨᐧᐋᓂᐧᐃᒡ ᐋ ᓄᑎᓯᓈᓂᐧᐃᒡ ᑭᔮᐦ ᒫᒃ ᐋ ᓈᓂᑐᓯᓈᓂᐧᐃᒡ᙮ ᐊᓂᑎᐦ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ, ᒥᒄ ᐊᓐ ᐊᓯᓈᑯᐦᒡ ᐋ ᓈᓂᑐᓯᓈᓂᐧᐃᒡ ᑭᔮᐦ ᒫᒃ ᐋ ᒧᓂᐦᐄᒑᓂᐧᐃᒡ , ᓂᒥ ᓂᑎᐧᐋᔨᐦᑖᑯᓐ ᓈᔥᑎᔨᔥ (ᒥᒄ ᑎᐹᔨᐦᒋᒑᓯᐤ ᐋ ᒌ ᐱᒋᔅᑎᓲᐧᐋᑎᐦᒃ)᙮
ᒋᑭ ᒌ ᐅᐦᑎᓂᑭᓅᐦᐋ ᒥᐦᑦ ᐊᓂᑎᐦ ᐊᓐ ᐱᐦᒡ ᐋᑎᑯᐦᒡ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ (TRPAP), ᐋ ᑰᐧᑳᑎᐧᐋᓂᐧᐃᒡ ᐆ ᐋ ᐧᐃᐦ ᐃᔑ ᒥᓈᒋᐦᑖᑭᓂᐧᐃᒡ ᐊᔅᒌᐦ (PBR), ᐋ ᑰᐧᑳᑎᐧᐋᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᑎᐦ ᐋᐦᑎᑯᐦᒡ ᓂᐲᐦᒡ (PAR), ᐊᔅᒌᐦ ᐋ ᐃᔮᔅᑯᔅᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᒑ ᒌ ᐃᑎᓯᓂᐦᐄᑭᓂᐧᐃᒡ (BR)?
ᓂᐦᐄ, ᐋ ᐅᐦᒡ ᓂᑯᐦᑖᓂᐧᐃᒡ ᐊᓂᑎᐦ ᒥᒄ ᐧᐋᔨᐱᔥᒋᔥ ᐋ ᐧᐃᒋᓈᓂᐧᐃᒡ ᑭᔮᐦ ᒫᒃ ᐊᐧᐃᓂᐦᐄᒑᓂᐧᐃᒡ ᐧᐋᐦᒡ ᐧᐃᒋᓈᓂᐧᐃᒡ ᐱᒋᔅᑎᓂᑭᓅ ᐧᐋᔥ ᐊᔅᑎᓯᓈᑖᒡ ᐊᓂᔮᔨᐤ ᐅᑭᔅᒋᐦᐆᐧᐃᓂᐧᐋᐤ ᐊᓂᒌ ᐊᓂᑎᐦ ᒫᓯᓈᓲᒡ ᓂᔅᑯᒧᐧᐃᓂᐦᒡ᙮ ᒥᒄ ᒫᒃ ᐋ ᓂᑯᐦᑖᒡ ᐊᓂᒌ ᐊᓂᑎᐦ ᐋᑳ ᒥᓯᓈᓲᒡ ᐊᓂᑎᐦ ᓂᔅᑯᒧᐧᐃᓂᐦᒡ ᓂᒥ ᓂᑎᐧᐋᔨᐦᑖᑯᓯᐅᒡ ᒥᒄ ᓂᔅᑯᒥᑯᐧᑖᐧᐋᐦ ᐊᓂᔮᔨᐤ MELCC᙮ ᒥᓐ ᒫᒃ, ᓂᒥᓂᑎᐧᐋᔨᐦᑖᑯᓐ ᒑ ᒌ ᓄᑖᐦᑎᐧᑳᓂᐧᐃᒡ᙮
ᓅᓈᕕᒃ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐊᓐ ᒑ ᐊᑏᐦᑎᓈᓂᐧᐃᒡ
ᒑᐧᑳᓐ ᐋᒄ ᑭᔮᐦ ᑖᓂᑖᐦ ᒑ ᒌ ᐅᐦᒡ ᑰᐧᑳᒋᒫᑭᓂᐧᐃᒡ ᐄᔅᒋᒫᐅᒡ, ᓈᔅᑳᐲ ᑭᔮᐦ ᐄᔨᔨᐅᒡ?
ᐊᓐ ᒫᒃ ᓂᔅᑐᓂᑭᓂᐅᒑᐦ ᐊᔨᒧᐧᐃᓐ ᒋᑭ ᒥᔮᑭᓂᐧᐃᒡ ᐄᔅᒋᒫᐅᒡ, ᓈᔅᑳᐲ ᐄᔨᔨᐅᒡ ᐊᓂᑎᐦ ᑳᐧᐋᒋᑭᒫᐦᒡ ᑭᔮᐦ ᐧᐋᐱᒫᑯᔅᑐ ᐄᔨᔨᐅᒡ ᒑ ᒌ ᐱᒋᔅᑎᓂᐦᒡ ᐅᑎᐦ ᐄᑖᔨᐦᑎᒧᐧᐃᓂᐧᐋᐤ ᐊᓂᑎᐦ ᐊᓂᔮᔨᐤ ᐧᐋᐅᔑᐦᑖᑭᓂᐧᐃᔨᒡ ᐆ ᒑ ᒌ ᐧᐃᐦ ᐃᔑ ᒥᓈᒋᐦᑖᑭᓂᐧᐃᒡ ᐊᔅᒌᐦ, ᑭᔮᐦ ᒫᒃ ᐊᓂᑎᐦ ᐊᓐ ᒑ ᐃᔑ ᐧᐃᔮᔨᐦᑎᒥᐦᐄᐧᐋᒡ, ᑭᔮᐦ ᒫᒃ ᐊᑎᓯᓈᑖᒡ ᐊᓂᑎᐦ ᐋ ᐅᐦᒡ ᐱᒥᐲᐦᑖᑭᓂᐧᐃᒡ ᑭᓂᐧᐋᐱᐦᑎᒧᐧᐋᑭᓂᐦᒡ᙮
ᐊᓐ ᒫᒃ ᒑ ᓂᔅᑐᓂᑭᓂᐧᐃᒡ ᐊᔨᒧᐧᐃᓐ ᑐᑖᑭᓂᐅᒑᐦ ᐊᓂᑎᐦ ᒥᓯᐧᐋᐦ ᐊᓂᐦᐄ ᓅᓈᕕᒃ ᐄᐦᑖᐧᐃᓂᐦᒡ ᑭᑎ ᑐᑖᑭᓂᐤ ᐋ ᑎᐧᑳᒋᐦᒡ 2022 ᑭᔮᐦ ᐱᐳᐦᒑᐦ 2023, ᑕᓐ ᑭᔨᐧᐹᐦ ᒥᒄ ᒑ ᐃᔅᐱᔨᐧᑳᐦ ᐊᓐ ᔮᐦᔮᐧᐋᔅᐱᓈᐧᐃᓐᐦ (ᑰᕕᑦ-19)᙮
ᑖᓐ ᐊᓐ ᑭᔨᐧᐹ ᒥᒄ ᒑ ᐃᔅᐱᔨᐧᑳᐦ ᒋᔥ ᓂᔅᑐᓂᑭᓂᐅᒑᐦ ᐊᔨᒧᐧᐃᓐ ᑕᓂᔮᔨᐤ ᑭᔨᐧᐹ ᒥᒄ ᒑ ᐃᐧᐋᐧᑳᐦ ᐊᓂᒌ ᐄᐦᑖᐧᐃᓐᐦ᙮
ᑕᓐ ᐋᑖᐱᑎᓯᔨᒡ ᐊᓂᒌ ᓅᓈᕕᒃ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᑳ ᒫᒨᐱᔅᑎᐦᒡ (PAWG)?
ᑭᓂᐧᐋᐱᐦᑎᒨᒡ ᐊᓂᔮᔨᐤ ᑳ ᐃᑎᓲᐧᐋᓂᐧᐃᔨᒡ 2011-2012 ᐄᐦᑖᐧᐃᓐᐦ ᑳ ᐊᔨᒥᐦᐋᑭᓂᐧᐃᒡ ᐊᓐ ᑳ ᐧᐄᐦ ᐆᐧᐋᓯᐲᐦᑖᑭᓂᐧᐃᒡ ᐆ ᓅᓈᕕᒃ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ ᐋ ᐅᐦᒡ ᐱᒥᐲᐦᑖᑭᓂᐧᐃᒡ᙮
ᑖᓐ ᐋᓯᓈᑯᓂᔨᒡ ᐊᓂᔮᔨᐤ ᐅᑎ ᐋᐱᑎᓯᐧᐃᓂᐧᐋᐤ ᐊᓂᒌ ᓅᓈᕕᒃ ᐊᔅᒌᐦ ᑳ ᐆᐧᐋᔑᐲᐦᑖᑭᓂᐧᐃᔨᒡ ᐊᔨᒧᐧᐃᓂᔨᐤ ᑳ ᒫᒨᐱᒡ ᑳ ᒥᔨᐧᐋᒡ?
ᐊᓂᒌ ᐅᑎᐦ ᐅᒌ ᑳ ᐃᔑ ᒫᒨᐱᒡ, ᑳ ᐆᐧᐋᑎᐦᐋᑭᓂᐧᐃᒡ 2017, ᒑᔅᑎᓈᑎᔅᑖᐤ ᒑ ᒌ ᒥᔨᐧᐋᓂᐧᐃᔨᒡ ᐊᔨᒧᐧᐃᓂᔨᐤ ᑭᔮᐦ ᒫᒃ ᒑ ᒌ ᓄᑯᐦᑖᒡ ᐊᓂᔮᔨᐤ ᐅᑎᐦ ᐋᐱᑎᓯᐧᐃᓂᐧᐋᔨᐤ ᐊᓂᔮᔨᐤᐦ PAWG ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒋᔨᐤ ᐅᑖᐦ ᓅᓈᕕᒃ ᐃᑖᐦᒑᐦ ᑭᔮᐦ ᔭᔨᑖᐃ ᒥᓯᐧᐋ ᒑ ᑭᓂᐧᐋᐱᐦᑖᑭᓂᐧᐃᔨᒡ ᐊᓂᔮᔨᐤ ᐋ ᐃᔑ ᐱᑯᓵᔨᐦᑖᑭᓂᐧᐃᔨᒡ ᐊᓂᑖᐦ ᑭᔮᐦ ᐅᒋᒫᓈᐦᒡ ᐅᐦᒡ ᒑ ᒌ ᐊᔅᑎᓂᑭᓂᐧᐃᔨᒡ ᐅᑎᐦ᙮
ᐋᐧᐋᓂᒌ ᐅᑎᐦ ᐊᔅᑎᐱᒡ ᓅᓈᕕᒃ ᐊᔅᒌᐦ ᑳ ᐆᐧᐋᔑᐲᐦᑖᑭᓂᐧᐃᔨᒡ ᐊᔨᒧᐧᐃᓂᔨᐤ ᑳ ᒫᒨᐱᒡ ᑭᔮᐦ ᐊᓂᒌ ᑳ ᒥᔨᐧᐋᒡ ᐊᔨᒧᐧᐃᓂᔨᐤ ᑳ ᒫᒨᐱᒡ?
ᐊᓂᒌ ᓅᓈᕕᒃ PAWG ᐊᐅᑯᓂᒡ ᐅᒌ ᐅᑎᐦ ᐊᔅᑎᐱᒡ
- ᑳᑎᕕᒃ ᒋᓴᑎᐸᔨᐦᒋᒑᓯᐤ (KRG)
- ᒥᓐᔅᑎᕐ ᑎ ᓖᕓᕈᓐᒥᓐᑦ ᐃ ᑎ ᓛᐦ ᓘᑦ ᐧᑳᓐᑎᕐ ᓓᔅ ᒐᓐᒡᒣᓐᑦᔅ ᑭᓛᔨᒫᑎᒃᔅ (MELCC)
- ᒥᓐᔅᑎᕐ ᑎ ᓪᓐᕐᒌ ᐃ ᑎᔅ ᕇᓲᕐᓯᔅ ᓈᑐᕋᐁᓪᔅ (MERN)
- ᒥᓐᔅᑎᕐ ᑎᔥ ᕗᕐᑦᔅ, ᑎ ᓛ ᐧᕚᓐ ᐃ ᑎᔥ ᐹᕐᒃᔅ (MFFP)
- ᐧᓵᔑᔨᑏ ᑑ ᑉᓚᓐ ᐧᓈᕐᑦ (SPN)
ᐊᓂᒌ ᒫᒃ PAWG ᑳ ᒥᔨᐧᐋᒡ ᐊᔨᒧᐧᐃᓂᔨᐤ ᐊᐅᑯᓐᒡ ᐅᑎᐦ ᐊᔅᑎᐱᒡ ᐧᐋᐦᒡ ᐄᑐᐦᑖᔅᑎᒫᒑᒡ:
- ᑳᑎᕕᒃ ᒋᓴᑎᐹᔨᐦᒋᒑᓯᐤ (KRG)
- ᒫᒃᕕᒃ ᑯᐧᐋᐳᕃᔨᔑᓐ
- ᐄᔨᔨᐤ ᒋᓴᑎᐹᔨᐦᒋᒑᓯᐤ
- ᓈᔅᑳᐲ ᐄᔨᔨᐅᒡ ᑳᐧᐋᐧᐋᒋᑭᒫᐦᒡ ᑳ ᐅᐦᒋᔨᒡ
- ᒥᓐᔅᑎᕐ ᑎ ᓖᕓᕈᓐᒥᓐᑦ ᐃ ᑎ ᓛᐦ ᓘᑦ ᐧᑳᓐᑎᕐ ᓓᔅ ᒐᓐᒡᒣᓐᑦᔅ ᑭᓛᔨᒫᑎᒃᔅ (MELCC)
ᐊᓂᑎᐦ ᒫᒃ ᒫᐦᒡ ᐆ ᒋᔥ ᑐᑖᑭᓂᐧᐃᒡ ᐧᐋᐦᑑᑖᑭᓂᐧᐃᒡ, ᐊᓂᒌ ᐊᓂᑎᐦ MELCC ᒋᑭ ᐱᒋᔅᑎᓈᐧᐋᐦ ᔓᔮᓐ ᒑ ᒌ ᒋᐦᒋᑖᑭᓂᐧᐃᔨᒡ ᑭᔮᐦ ᐊᓂᑎᐦ ᒑ ᐅᐦᒋ ᐅᒋᒫᐦᑭᑖᑭᓂᐧᐃᔨᒡ ᐅᔮᔨᐤ ᓅᓈᕕᒃ ᐊᔅᒋᔨᐤ ᐋ ᐧᐃ ᒥᓈᒋᐦᑖᑭᓂᐧᐃᔨᒡ?
ᐊᓂᑎᐦ ᐊᓐ ᒑ ᐅᐦᒡ ᐱᒥᐲᐦᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐊᔨᐅᒄ ᐧᐋᔥ ᑭᔮᐦ ᐅᔮᔨᐤ ᐅᑎ ᐋᐱᑎᓯᐧᐃᓐ ᐆ MELCC ᑮᔮᐦ ᔔᔮᓐᐦ ᒑ ᒌ ᐱᒋᔅᑎᓈᑦ ᓂᓈᐦᑭᐤ ᑭᔮᐦ ᐋᐅᐦᒋᐱᔨᒡ ᐋᐧᐋᔨᐤ ᒑ ᒌ ᐧᐃᒋᐦᐄᐧᐋᔨᒡ (ᓲᓵᔨᑏ ᑑ ᐱᓛᓐ ᐧᓈᕐᕪ, ᐊᓂᓂᑳᓂᓯᔨᒡ ᐊᐱᒥᐲᔨᐦᑖᔨᒡ ᐋᐱᑎᓯᐧᐃᓂᔨᐤ) ᐊᓂᑎᐦ ᑭᔨᐧᐹᐦ ᐊᔅᐱᔨᒡ ᒑ ᒌ ᐧᐃᒋᐦᐄᐧᐋᔨᒡ᙮
ᒑᐧᑳᓐ ᑭᔮᐦ ᒫᒃ ᒑᐧᑳᓂᐦᐄ ᐊᓂᐦᐄ ᒑ ᐄᔮᐱᒋᐦᑖᑭᓂᐅᒡ ᐅᑎᐦ ᒑ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ?
ᐋ ᐅᐦᒡ ᐋᐱᑎᓰᓯᑖᑭᓂᐅᒡ ᐆ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐅᒡ ᔕᔥ ᒌ ᒥᓯᓂᐦᐄᑭᓂᐤ ᐊᑎ ᐹᐦᐹᔨᑯᐦᒡ ᐊᓐ ᐊᔅᒌᐦ᙮ ᐊᓂᑎᐦ ᒑ ᐅᐦᒡ ᐅᒋᒫᐦᑭᐦᑖᑭᓂᐅᒡ ᐃᔮᐱᒡ ᒋᑭ ᐅᔑᐦᑖᑭᓂᐤᐦ ᑯᑎᒃᐦ ᑭᔮᐦ ᒋᑭ ᐧᐃᒑᐱᑎᓰᒫᑭᓂᐧᐃᒡ (ᐄᐦᑖᐧᐃᓐᐦ, ᐊᓂᓂᑳᓂᓰᔨᒡ ᐸᒥᐲᐦᑖᒡ ᒑᐧᑳᔨᐤ)
ᑖᓐ ᐋᑖᐱᑎᓯᔨᒡ ᒫᐦ ᐊᓂᒌ MU Conseils ᒫᐧᑳᒡ ᐋ ᐊᔨᒥᐦᐄᑐᓈᓂᐧᐃᔨᒡ?
MU Conseils ᐱᒥᐲᐦᑖᐅᒡ ᐊᓂᔮᔨᐤ ᒫᓂᑯᑳᓐ-ᐅᐊᐱᔥᑲᐦ ᐅᕐᓪᕪ ᐯᐅᔅᕝᔨᕐ ᕇᓰᕐᕝ Manicouagan-Uapishka World Biosphere Reserve, ᐋᑳ ᐅᐦᑎᓯᔨᒡ ᐅᔮᔨᐤ ᐋ ᐃᔑ ᐱᒥᐲᐦᑖᒡ᙮ ᐅᒌ ᐅᑎᐦ ᐄᔮᐱᑎᓰᓯᑎᐦᒡ ᓯᑐᔅᑭᐧᐋᐅᒡ ᐊᓂᔮᔨᐤ ᑳᑎᕕᒃ ᒋᓵᑎᐹᔨᐦᒋᒑᓯᐤᐦ KRG ᐅᔮᔨᐤ ᐋ ᐆᐧᐋᓯᐲᐦᑖᔨᒡ ᐋ ᓂᔅᑐᓂᒥᔨᒡ ᐊᔨᒧᐧᐃᓂᔨᐤ ᐅᐦᒡ ᐅᔮᔨᐤ ᓅᓈᕕᒃ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᔨᒡ ᐋ ᐅᐦᒡ ᐱᒥᐲᐦᑖᑭᓂᐧᐃᔨᒡ᙮
ᐊᓂᑎᐦ ᐋᑏᐦᑎᑯᐦᒡ ᐅᐦᐄ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ
ᑕᓂᑎᐦ ᐊᓂᑎᐦ ᐊᔨᐦᒡ ᐋᓯᓈᑯᐦᒡ ᐊᔅᒌ ᐋ ᐧᐄᐦᒡ ᒥᓈᒋᐦᑖᑭᓂᐧᐃᒡ ᑭᔮᐦ ᐊᓐ ᐋ ᑰᐧᑳᑎᐧᐋᓂᐧᐃᒡ ᐊᔅᒌᐦ ᐋ ᐧᐄᐦ ᒥᓈᒋᐦᑖᑭᓂᐧᐃᒡ ?
ᐋ ᑰᐧᑳᑎᐧᐋᓂᐧᐃᒡ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ ᒥᒄ ᐧᐋᔨᐱᔥᒋᔥ ᐃᑎᓯᓈᑖᐤ (ᓂᐧᐃᒡ ᒥᐦᒐᑐ ᐱᐳᓐᐦ) ᒑᒃ ᒫᒃ ᒋᐦᒋᐧᐋᐦ ᐊᑎᓯᓈᑖᒡ ᒑ ᒥᓈᒋᐦᑖᑭᓂᐧᐃᒡ᙮ ᐊᓐ ᐋ ᐃᑎᓯᓈᑖᒡ ᒑ ᐋᑳ ᐊᑏᐦᑎᓈᓂᐧᐃᒡ ᑭᔮᐦ ᒫᒃ ᐊᓐ ᒑ ᒌ ᐊᑏᐦᑎᓈᓂᐧᐃᒡ ᐹᔨᑯᓂᐦᒡ ᐃᑎᓯᓈᑖᐤᐦ᙮
ᑕᓂᑎᐦ ᐊᓂᑎᐦ ᐊᔨᐦᒡ ᐋᓯᓈᑯᐦᒡ ᐊᔅᒌ ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᐊᒌ ᑎᐹᓂᔅᑖᑭᓂᐧᐃᒡ ᑭᔮᐦ ᓈᔑᓂᓪ ᐹᐦᕐᒃ?
ᐅᑎᐦ ᑯᐹᒃ , ᓈᔑᓂᓪ ᐹᐦᕐᒃ ᑭᔮᐦ ᐊᓂᐦᐄ ᐊᔅᒌ ᐋ ᐧᐃᐦ ᒥᓈᒋᐦᑖᑭᓂᐧᐃᒡ ᐋ ᒋ ᑎᐹᓂᔅᑖᑭᓂᐧᐃᒡ ᐊᔅᑎᓯᓈᑖᐤᐦ ᐊᓂᑎᐦ IUCN II ᑳ ᐃᑎᓯᓈᑖᒡ, ᒫᐅᒡ ᐊᓂᑎᐦ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᐊᑯᑎᐦ ᐋᐦᑎᑯᐦᒡ᙮
- ᐊᔅᒌ ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᐊᒌ ᑎᐹᓂᔅᑖᑭᓂᐧᐃᒡ: ᐅᑎᐦ ᑯᐹᒃ ᐊᓐ ᐊᔅᒌ ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᐊᒌ ᑎᐹᓂᔅᑖᑭᓂᐧᐃᒡ ᐅᓵᐦ ᐊᓂᒌ ᐱᒥᐲᐦᑖᐅᒡ ᒥᓐᔅᑎᕐ ᑎ ᓖᕓᕈᓐᒥᓐᑦ ᐃ ᑎ ᓛᐦ ᓘᑦ ᐧᑳᓐᑎᕐ ᓓᔅ ᒐᓐᒡᒣᓐᑦᔅ ᑭᓛᔨᒫᑎᒃᔅ᙮ ᐊᓐ ᐋ ᐃᔑ ᐧᐋᐱᐦᑖᑭᓂᐧᐃᒡ , ᐋ ᐧᐃᐦ ᐃᔑ ᐅᒋᒫᐦᑭᑖᑭᓂᐧᐃᒡ ᑭᔮᐦ ᒑ ᐃᔑ ᓈᑭᑎᐧᐋᔨᐦᑖᑭᓂᐧᐃᒡ ᒥᓯᐧᐋ ᒥᓯᓂᐦᐄᑭᓂᐧᐃᒡ ᐊᓐ ᒑᐧᑳᓐ ᒑ ᐊᐱᒋᐦᑖᑭᓂᐧᐃᒡ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ᙮ ᐊᓐ ᒫᒃ ᐊᔅᒌᐦ ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᐋ ᒌ ᑎᐹᓂᔅᑖᑭᓂᐧᐃᒡ , ᒋᔅᑯᑎᒫᒑᐧᐃᓈᐦᒡ ᑭᔮᐦ ᒫᒃ ᐋ ᒥᒫᑎᐧᐋᔨᐦᑎᓈᓂᐧᐃᒡ ᒋᑭ ᒌᐦ ᑐᑖᑭᓂᐤ, ᒥᒄ ᒫᒃ ᔓᔮᓐ ᐋᐅᒄ ᐄᔮᐱᒋᐦᐋᑭᓂᐧᐃᒡ ᐆ ᒑ ᒌ ᑐᑖᑭᓂᐧᐃᒡ ᐋᑖᔨᐦᑎᒧᐧᐋᐧᑳᐦ ᑭᔨᐧᐹᐦ ᐊᓂᒌ ᐄᐦᑖᐧᐃᓐᐦ ᑭᔮᐦ ᒫᒃ ᐊᓂᒌ ᑳᓂᐧᐋᐱᐦᑎᐦᒡ᙮
- ᓈᔑᓂᓪ ᐹᐦᕐᒃ: ᓈᔑᓂᓪ ᐹᐦᕐᒃ ᐅᑎᐦ ᐋᐦᑎᑯᐦᒡ ᑯᐹᒃ ᐅᓵᐦ ᐊᓂᒌ ᑭᓂᐧᐋᐱᐦᑎᒧᒡ ᒥᓐᔅᑎᕐ ᑎᔥ ᕗᕐᑦᔅ, ᑎ ᓛ ᐧᕚᓐ ᐃ ᑎᔥ ᐹᕐᒃᔅ᙮ ᐃᔅᐱᔅ ᑳᐅᔑᐦᑖᑭᓅᐧᑳᐦ, ᐅᐦᐄ ᓈᔑᓂᓪ ᐹᐦᕐᒃ ᐊᓂᒌ ᐱᒥᐲᐦᑖᐅᒡ ᓲᓭᔨᑏᐦ ᑎᔥ ᐁᑕᑉᓕᔅᒥᓐᑦᔅ ᑎ ᐯᓪᓐ ᐊᔨᕐ ᑑ ᑯᐹᒃ (SÉPAQ)᙮ ᐅᑎᐦ ᓅᓈᕕᒃ ᑳ ᐃᔅᐱᔅ ᑎᑯᐦᒡ ᐊᓐ ᓵᓈᕉᑎᒃ ᓂᔅᑯᒧᐧᐃᓐ 2002 ᐅᔅᑭᒡ ᑳ ᐋᐱᑎᓰᔅᑖᑭᓂᐧᐃᒡ ᐊᓂᐦᐄ ᓈᔑᓂᓪ ᐹᐦᕐᒃ ᑳ ᐧᐃᒋᐦᐄᑑᒡ ᐊᓂᒌ ᑳᑎᕕᒃ ᒋᓴᑎᐹᔨᐦᒋᒑᓯᐤ (KRG), ᑭᔮᐦ ᐊᓂᒌ ᒫᒃᕕᒃ ᑯᐧᐋᐳᕃᔨᔑᓐ ᑭᔮᐦ ᐊᓂᒌ ᑭᓂᐧᐋᐱᐦᑎᒧᒡ ᒥᓐᔅᑎᕐ ᑎᔥ ᕗᕐᑦᔅ, ᑎ ᓛ ᐧᕚᓐ ᐃ ᑎᔥ ᐹᐦᕐᒃᔅ᙮ ᑳ ᐅᔑᐦᑖᑭᓂᐧᐃᒡ ᐅᐦᐄ ᓈᔑᓂᓪ ᐹᐦᕐᒃ ᐊᓂᒌ ᑳ ᐱᒥᐲᐦᑖᒡ ᓅᓈᕕᒃ ᐹᐦᕐᒃ (ᐅᒌ ᑳᑎᕕᒃ ᒋᓵᑎᐹᔨᐦᒋᒑᓯᐤ (KRG)᙮ ᐅᑎᐦ ᓈᔑᓂᓪ ᐹᐦᕐᒃ “ᐊᔅᒋᐦ ᐅᑎᐦ ᑯᐹᒃ ᐋ ᒥᔪᓈᑯᐦᒡ ᐊᔅᒌᐦ ᐋ ᐃᑎᔅᑭᒥᑳᒡ ᑭᔮᐦ ᒫᒃ ᓈᔥᒡ ᐋ ᐃᔑᓈᑯᐦᒡ ᒑ ᐧᐃᒥᓈᒋᐦᑖᑭᓂᐧᐃᒡ […] ᑭᔮᐦ ᐊᑎᑎᐤ ᒑ ᐧᐄᐦ ᒥᔪᐱᔨᐦᑖᑭᓂᐧᐃᒡ᙮” ᑎᐹᔨᐦᒋᒑᓯᐤ ᐅᔓᔮᓂᒥᓯᓂᐦᐄᑭᓐ ᐊᔅᑎᓂᑭᓂᐤᐦ ᐊᓂᑎᐦ ᐋ ᒫᓂᒑᓂᐧᐃᒡ (ᒫᓂᑖᐅᒡ ᒑ ᒌ ᑎᑯᓯᐦᒡ, ᒫᔅᑭᓂᐤ) ᐋ ᐅᔑᐦᑖᑭᓂᐧᐃᒡ (ᒫᔅᑭᓂᐤᐦ ᐊᐱᒧᐦᑖᓂᐧᐃᒡ , ᒥᓯᓂᐦᐄᑭᓐ ᐊᓂᑎᐦ ᒑ ᒌ ᒋᒥᑖᒡ) ᐋ ᒥᒫᑎᐧᐋᔨᐦᑎᓈᓂᐧᐃᒡ (ᐅᑎᐦ ᐋ ᐅᐦᐋᓲᓈᓂᐧᐃᒡ ) ᑭᔮᐦ ᐊᑭᒋᔅᑯᑎᒫᒑᓂᐧᐃᒡ ( ᐋ ᐃᐧᑖᔅᑎᒫᒑᓂᐧᐃᒡ , ᒋᔅᑯᑎᒫᑑ ᐋ ᐧᐋᔑᔕᒡ ᐋ ᒨᐅᑎᓯᐧᐋᒡ)᙮
ᒑᐧᑳᓐ ᐊᓐ ᐋᑰᐧᑳᑎᐧᐋᓂᐧᐃᒡ ᐊᔅᒌᐦ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ (TRPAP?
ᐊᔅᒌ ᐊᓐ ᒥᒄ ᐆ ᐧᐋᔨᐱᔥᒋᔥ ᒑ ᒌ ᐃᑎᓯᓂᐦᐄᑭᓂᐧᐃᒡ , ᐊᔅᒡ ᒫᒃ ᑭᔮᐦ ᐋᑳ ᐱᑎᔅᑎᓂᑭᓂᐧᐃᒡ ᒑ ᒌ ᓄᑎᓯᓈᓂᐧᐃᒡ ᑕᓐ ᐊᓐ ᒥᒄ ᐊᓯᓈᑯᐦᒡ᙮ ᐊ ᒋᐱᐦᐄᑭᓂᐧᐃᒡ ᐋᑳ ᒑ ᒌ ᐅᐦᒡ ᐅᔅᑯᑎᒥᐦᒑᓂᐧᐃᒡ ᑭᔮᐦ ᒫᒃ ᐋᑳ ᓄᑖᐦᑎᐧᑳᓂᐧᐃᒡ ᐅᑎᐦ ᐆ ᐊᔅᒌᐦ᙮ ᐅᑎᐦ ᓅᓈᕕᒃ, ᐋᐅᒄ ᐊᔅ ᐧᐋᐱᐦᑖᑭᓂᐧᐃᒡ ᒥᓯᐧᐋ ᐊᓂᐦᐄ TRPAPs ᒑᒃ ᒑ ᐃᑎᓯᓈᑖᒡ ᑕᓐ ᐊᓐ ᒋᐦᒋᐧᐋᐦ ᒑ ᐃᑎᓯᓈᑖᑯᐱᓈᐦ ᑳ ᐃᔑ ᐧᐃᔨᔔᑖᑭᓂᐧᐃᒡ ᐊᔅᒌᐦ ᐋ ᐧᐄ ᒥᓈᒋᐦᑖᑭᓂᐧᐃᒡ᙮
ᒑᐧᑳᓐ ᐊᓐ ᐋ ᑰᐧᑳᑎᐧᐋᓂᐧᐃᒡ ᐆ ᒑ ᐃᑎᓯᓂᐦᐄᑭᓂᐧᐃᒡ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ ?
ᒥᒄ ᐧᐋᔨᐱᔥᒋᔥ ᐃᑎᓯᓈᑖᐤ ᐅᑎᐦ ᐆ (ᓂᐧᐃᒡ ᒥᐦᒐᑐ ᐱᐳᓐᐦ) ᒑᒃ ᒫᒃ ᒋᐦᒋᐧᐋᐦ ᐊᑎᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ᙮ ᐊᓂᐦᐄ ᒫᒃ ᐋᑳ ᒑ ᒌᐦᑐᑖᑭᓂᐧᐃᒡ ᐊᓂᑎᐦ ᐊᓐ ᐧᑳᐧᑳᑐᐧᐋᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᑯᓂᐦᐄ ᐅᑎᐦ ᒫᓯᓈᑖᒡ:
- ᐋ ᓄᑎᓯᓈᓂᐧᐃᒡ , ᐱᒦ ᑭᔮᐦ ᑳ ᐱᐦᔮᐧᑳᒡ ᐋ ᐊᓈᓂᑎᐧᐋᔨᐦᑖᑭᓂᐧᐃᒡ
- ᐋ ᓄᑖᑎᐦᐧᑳᓂᐧᐃᒡ ᐋ ᑭᓂᐧᐋᐱᐦᑖᑭᓂᐧᐃᒡ ᐊᓐ 4 ᐊᑎᓯᓈᑖᒡ ᐊᓂᑎᐦ ᐧᐃᔨᔓᐧᐋᐧᐃᓐ ᐋ ᐧᐃᔨᔓᑖᑭᓂᐧᐃᒡ ᒑ ᐃᔑ ᓈᓈᑭᒋᐦᑖᑭᓂᐧᐃᒡ ᐋ ᒥᔅᑎᑯᔅᑳᒡ (ᐱᔅᑎᑎᓯᓂᐦᐄᑭᓐA-18.1);
- ᒑ ᐃᔑ ᓈᓈᑭᒋᐦᑖᑭᓂᐧᐃᒡ ᐅᔅᑯᑎᒥᐦᒡ ᐋ ᐅᐦᒡ ᐅᔑᐦᑖᒑᐱᔨᒡ ᐄᔅᑯᑖᐧᐋᔮᐲᐦ ᑭᔮᐦ ᒫᒃ ᑯᑎᒡ ᒑᐧᑳᓐ ᐆ ᒑ ᐃᔑ ᐅᔑᐦᑖᒑᐱᔨᒡ᙮
ᒑᐧᑳᓐ ᐊᓐ ᐊᔅᒌ ᐋ ᐧᐃᐦ ᒥᓈᒋᐦᑖᑭᓂᐧᐃᒡ ᐋ ᑎᐹᓂᔅᑖᑭᓂᐧᐃᒡ ?
ᐊᔅᒌ ᐆ ᐋ ᐃᔑ ᑎᐹᓂᔅᑖᑭᓂᐧᐃᒡ II ᐋ ᐃᑎᓯᓈᑖᒡ ᐋ ᐧᐄᐦ ᒥᓈᒋᐦᑖᑭᓂᐧᐃᒡ (IUCN) ᐋ ᒑᔅᑎᓈᑎᔅᑖᒡ ᐋ ᒥᓈᒋᐦᑖᑭᓂᐧᐃᒡ ᐊᓐ ᓈᐦᑖᐅᒋᐦᒡ ᐊᓂᑎᐦ ᑭᔮᐦ ᒫᒃ ᐊᓐ ᓂᑐᐦᐅᐧᐃᓐ, ᐊᐆᐦᑳᓐ ᐋᐦᑖᑦ ᑭᔮᐦ ᐊᓂᐦᐄ ᓈᐦᑖᐅᒋᐦᒡ ᐊᓂᑎᐦ ᐋ ᒥᓈᒋᐦᑖᑭᓂᐧᐃᒡ᙮ ᐅᑎᐦ ᐆ ᐊᑎᓯᓈᑖᒡ ᐊᑯᑎᐦ ᐧᐋᐦᒋᐱᔨᒡ ᐋ ᐃᔑ ᑭᓂᐧᐋᐱᐦᑎᐦᒃ ᑯᐹᒃ ᐊᓂᑎᐦ ᐊ ᐅᐦᒡ ᐱᒦᐲᐦᑖᒡ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᔨᒡ ᑭᔮᐦ ᓈᔅᑖᒥᔅᑖᑦ ᑕᓂᔮᔨᐤ ᒥᒄ ᒑ ᐃᓯᓈᑯᓂᔨᐧᑳᐤ ᐋ ᐧᐃᒥᓈᒋᐦᑖᑭᓂᐧᐃᒡ ᐅᑎᐦ ᐋᑎ ᐃᑎᔅᑭᒥᑳᒡ ᑯᐹᑭᐦᒡ᙮
ᐊᓐ ᒫᒃ ᐋ ᒌ ᓄᔅᑭᓯᓂᐦᐄᑭᓂᐧᐃᒡ ᐧᐃᔨᔓᐧᐋᐧᐃᓐ ᐋ ᐧᐃᒥᓈᒋᐦᑖᑭᓂᐧᐃᒡ ᒑᐧᑳᓐ ᐊᓂᐦᑖᐅᒋᐦᒡ ᓈᑌᕋᔨᓪ ᐦᐁᕆᑕᒡ ᐧᑳᓐᓯᕐᕙᑎᐅᓐ ᐋᒃᕪ (NHCA) 2021, ᓂᐱᐦᒡ ᐋᐦᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒑ ᐊᔅᑎᓂᑭᓂᐧᐃᒡ ᐊᓂᑎᐦ ᐊᔅᒌ ᐋ ᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ᙮
ᑰᐧᑳᒋᐦᒑᓄᐧᐃᓐᐦ
ᑕᓐ ᐧᐋᐦᒋᐦᒡ ᒑ ᐃᔅᑯ ᐃᑎᓯᓈᑖᐦᒡ ᐊᓂᐦᐄ ᐊᔅᒌᐦ ᐆ ᒑ ᐃᔑ ᐧᐃᔮᔨᐦᑖᑭᓂᐧᐃᒡ ?
Answer to come.
ᑕᓐ ᐊᓐ ᐊᑎᓯᓈᑖᒡ ᐊᓂᑎᐦ ᐊᔅᒌᐦᒡ ᐆ ᒑ ᐃᔑ ᑭᓂᐧᐋᐱᐦᑖᑭᓂᐧᐃᒡ ?
ᐊᓂᑎᐦ ᑯᐹᒃ ᐊᔅᒌᐦ ᑳ ᐃᔑ ᑭᓂᐧᐋᐱᐦᑖᑭᓂᐧᐃᒡ ᒑ ᐃᑎᓯᓈᑖᒡ ᐊᓂᑎᐦ ᒑ ᐅᐦᒡ ᐧᐄᔮᔨᐦᑖᑭᓂᐧᐃᒡ ᒑ ᐃᑎᓯᓈᑖᒡ ᐊᓐ ᐊᔅᒌᐦ ᒑ ᐊᐱᒋᐦᑖᑭᓂᐧᐃᒡ᙮ 1 ᐋ ᐃᑎᓯᓈᑖᒡ (ᐊᔅᒌᐦ) ᐋᐅᒄ ᐋ ᐃᔑ ᐧᐃᔨᓯᓈᑖᒡ (ᐊᓐ ᐊᔅᒌᐦ) ᑭᔮᐦ ᒫᒃ ᐊᓂᐦᐄ ᐋ ᓂᐱᐅᔅᑭᒥᑳᒡ, (ᓵᑭᐦᐄᑭᓐ ᑭᔮᐦ ᓰᐲᐦ)᙮ 13 ᐊᐦᑎᑎᓐ ᐊᓂᐦᐄ ᐊᔅᒌᐦ ᐆ ᐊᓯᓈᑯᐦᒡ ᐅᑎᐦ ᑯᐹᑭᐦᒡ, 5 ᐊᓂᐦᐄ ᑎᑯᓐᐦ ᐊᓂᑎᐦ ᓅᓈᕕᒃ᙮ II ᐋ ᐃᑎᓯᓈᑖᒡ (ᐋ ᒥᔪᔅᑭᒥᑳᐦᒡ ᐊᓂᐦᑖᐅᒋᐦᒡ) ᐋᐅᒄ ᐃᔮᐱᒡ ᐋ ᐃᔑ ᐧᐃᓯᓂᐦᐄᑭᓂᓂᐧᐃᒡ ᐊᓂᑎᐦ ᐊᓐ ᐊᔅᒌᐦ ᐊᑭᓂᐧᐋᐱᐦᑖᑭᓂᐧᐃᒡ᙮ 80 ᐊᐦᑎᑎᓐ ᐊᓂᐦᐄ II ᐋ ᐃᑎᓯᓈᑖᒡ ᐅᑎᐦ ᑯᐸᑭᐦᒡ, 27 ᒫᒃ ᐅᓵᐦ ᑎᑯᓐᐦ ᐅᑖᐦ ᓅᓈᕕᒃ᙮ ᐊᑎᑎᐤ ᒫᒃ ᐧᐃᓈᓂᑐᒋᔅᒑᔨᐦᑎᒥᓈᐦ ᒑᐧᑳᓐᐦ, ᒋᔅᑳᐦ ᐅᑎᐦ ᐆ click here.
ᑭᑎᓂᑎᐧᐋᔨᐦᑖᑯᓈᐦ ᒑ ᒌ ᓈᓂᑐᒋᔅᒑᔨᐦᑖᑭᓄᐧᑳᐦ ᐊᔅᒌᐦᒡ ᑭᔮᐦ ᒫᒃ ᑖᓐ ᐊᓐ ᒑ ᐃᔑ ᑖᑭᐦᐄᒑᐱᔨᒡ ᐱᒫᑎᓯᐧᐃᓂᐦᒡ ᐆ ᐋ ᐃᔑ ᓂᑎᐧᐋᔨᐦᑖᑯᐦᒡ ᒑ ᒌ ᐃᔑ ᑰᐧᑳᑐᐧᐋᓂᐧᐃᒡ ᒑ ᐧᐄᐦ ᐃᔑ ᒥᓈᒋᐦᑖᑭᓂᐧᐃᒡ ᐊᔅᒌ ᑭᔮᐦ ᒫᒃ ᐊᓂᐦᐄ ᔕᔥ ᑲ ᐃᔑ ᐧᐃᔮᔨᐦᑎᒥᐦᐄᐧᐋᒡ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ ?
ᓂᐦᐄ ᑭᑎ ᓂᑎᐧᐋᔨᐦᑖᑯᓐ ᐆ ᒑ ᒌ ᐃᔑ ᓂᑐᒋᔅᒑᔨᐦᑖᑭᓂᐧᐃᒡ ᒋᐦᒋᐧᐋᐦ ᐧᐃᐦ ᒋᔅᑐᑖᑭᓂᐅᒑᐦ ᐆ ᐋ ᐃᔑ ᒥᓈᒋᐦᑖᑭᓂᐧᐃᒡ ᐊᔅᒋᐦ ᐅᑖᐦ ᓅᓈᕕᒃ, ᐊᔥ ᐧᐃᔨᔅᑕᒡ ᐊᓂᑎᐦ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒧᐧᐃᓂᐦᒡ (JBNQA)᙮
ᑕᓂᑖᐦ ᐧᐋᐦᒡ ᐊᔨᐦᒡ ᐃᓯᓈᑯᐦᒡ ᐊᓐ ᑳ ᐅᔑᐦᑖᑭᓂᐧᐃᒡ ᐹᕐᐦᒃ ᓈᔑᓂᓪ ᐅᓕᑦᑕᓂᐅᒐᓕᒃ ᐊᓂᑎᐦ ᐊᓐ ᐧᐃᔨ ᕆᕕᕐ-ᐧᒑᕐᒡ ᑌᕐᑎᓪ ᕇᔑᕐᕝ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔥᒌᐦ ᐋ ᐧᐄ ᐄᑎᓯᓂᐦᐄᑭᓂᐧᐃᒡ (ᕇᔑᕐᕝ ᑎ ᑌᕇᐧᑖᕇ ᐅ ᕕᓐᔥ ᑌ ᐊᕐᔅ ᐳᕈᑐᒌᔥ ᑌ ᓛᐦ ᕆᕕᕐ-ᐧᒑᕐᒃ) ᑭᔮᐦ ᐊᓂᑎᐦ ᕞ ᕆᕕᕐ-ᐧᒑᕐᒡ-ᐧᓈᕐᑦ ᑌᕆᐧᑖᕇ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐋ ᐧᐄ ᐃᑎᓯᓂᐦᐄᑭᓂᐧᐃᒡ (ᕇᔑᕐᕝ ᑎ ᑎᕆᐧᑖᕆ ᐅ ᕕᓐᔥ ᑌ ᐊᐃᕐᔥ ᐳᕈᑐᒌᔥ ᑌ ᓛᐦ ᕆᕕᕐ-ᐧᒑᕐᒡ ᐧᓈᕐᑦ)?
ᐊᓐ ᐹᕐᒃᐦ ᓇᔑᓂᓪ ᐅᓕᑦᑕᓂᐅᒐᓕᒃ ᑳᑎᕕᒃ ᒋᓵᑎᐹᔨᐦᒋᒑᓯᐤ ᐋᐅᒄ ᐹᒥᐲᔨᐦᐧᑖᑯᓐ ᓅᓈᕕᒃ ᐹᕐᒃᐦ᙮ ᐊᓐ ᒫᒃ ᐧᐃᔨ ᕆᕕᕐ-ᐧᒑᕐᒡ ᑌᕐᑎᓪ ᕇᔑᕐᕝ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔥᒌᐦ ᐋ ᐧᐄ ᐄᑎᓯᓂᐦᐄᑭᓂᐧᐃᒡ (ᕇᔑᕐᕝ ᑎ ᑌᕇᐧᑖᕇ ᐅ ᕕᓐᔥ ᑌ ᐊᕐᔅ ᐳᕈᑐᒌᔥ ᑌ ᓛᐦ ᕆᕕᕐ-ᐧᒑᕐᒃ) ᑭᔮᐦ ᐊᓂᑎᐦ ᕞ ᕆᕕᕐ-ᐧᒑᕐᒡ-ᐧᓈᕐᑦ ᑌᕆᐧᑖᕇ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐋ ᐧᐄ ᐃᑎᓯᓂᐦᐄᑭᓂᐧᐃᒡ (ᕇᔑᕐᕝ ᑎ ᑎᕆᐧᑖᕆ ᐅ ᕕᓐᔥ ᑌ ᐊᐃᕐᔥ ᐳᕈᑐᒌᔥ ᑌ ᓛᐦ ᕆᕕᕐ-ᐧᒑᕐᒡ ᐧᓈᕐᑦ) ᐊᑯᑎᐦ ᒑ ᒌ ᒋᓯᐦᑖᑭᓂᐧᐃᒡ ᐊᓐ ᓅᓈᕕᒃ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᒑ ᐅᐦᒡ ᐱᒥᐲᐦᑖᑭᓂᐧᐃᒡ ᑭᔮᐦ ᒑ ᐅᐦᒡ ᐧᐃᒋᐦᐄᐧᐋᐲᒡ ᐊᓐ ᒑᐧᑳᓐ ᒑ ᐊᑎ ᐄᔮᐱᒋᐦᑖᑭᓂᐧᐃᒡ ᐋ ᐅᐦᒡ ᐊᓂᔅᑰᒧᐦᑖᑭᓂᐅᓐ ᓈᔑᓂᓪ ᐹᕐᒃᐦ᙮ ᐅᐦᐄ TRPAPs ᒑᒃ ᒋᑭ ᐅᑎᐦᒋᐱᔨᐤ ᒋᐦᒋᐧᐋ ᐊᓐ ᒑ ᒌ ᐃᑎᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᑎᐹᓐ ᒑ ᒌ ᐃᑎᓯᓈᑖᒡ ᐊᓐ ᐧᐃᔨᐦ ᓈᔑᓂᓪ ᐹᕐᒃᐦ ᐊᑎᓯᓈᑖᒡ᙮
ᒑᐧᑳᓐ ᐧᐋᐦᒡ ᐋᑳ ᐊᔅᑎᓯᓈᑖᒡ ᐊᓂᐦᐄ ᕆᕕᕐ-ᐧᑳᕕᒃ ᐋ ᑰᐧᑳᑎᐧᐋᓂᐧᐃᒡ ᐊᓐ ᐊᓂᑎᐦ ᓂᐲᐦᒡ ᐋᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ (ᕆᓭᕐᕝ ᐋᑯᐧᐋᑎᒃ ᐳᕈᒋᑏ ᑌ ᓛᐦ ᕆᕓᕐ-ᐧᑳᕕᒃ) ᐋᑳ ᐊᔅᑎᓂᑭᓂᐧᐃᒡ ᐊᓂᐦᐄ ᒥᓂᔥᑎᒄᐦ ᑭᔮᐦ ᒫᒃ ᐊᓐ ᐊᔅᒌᐦ ᐊᓂᑎᐦ ᐊᔅᒋᔅᑑᐦ ᐊᓂᑎᐦ ᐋᐦᑎᑯᐦᒡ ᐊᓐ ᐋ ᔮᔮᐧᐋᒡ?
ᐋ ᐧᐃᐧᐃᔮᔨᐦᑎᒥᐦᐄᐧᐋᒡ ᐊᓐ ᒐ ᐊᐃᔅᑯᓯᓈᑖᒡ ᐊᓐ (ᐋ ᑰᐧᑳᑎᐧᐋᓂᐧᐃᒡ ᕆᓭᕐᕝ ᐋᑯᐧᐋᑎᒃ ᓂᐱᐦᒡ/ᓵᑭᐦᐄᑭᓂᐦᒡ ᐋ ᐧᐃᒥᓈᒋᐦᑖᑭᓂᐅᒡ (ᕆᓭᕐᕝ ᐋᑯᐧᐋᑎᒃ ᐳᕈᒋᑏ ᑌ ᓛᐦ ᕆᕓᕐ-ᐧᑳᕕᒃ) ᑖᐧᐹᐦ ᒌ ᓅᑯᓐ ᐋ ᒌ ᐊᔨᒥᔨᐧᐋᒡ ᐆ ᑳ ᐧᐃᐦ ᐃᔑ ᐧᐃᐦᑖᑭᓂᐧᐃᒡ ᑯᐹᒃ ᔮᔮᐤ ᑭᔮᐦ ᒥᓂᔅᑎᑯᐦ ᐋ ᐧᐃᔨᔮᔨᐦᑎᒥᐦᐄᐧᐋᒡ ᒑ ᐃᑎᓯᓈᑖᒡ, ᓂᓈᐦᑭᐤ ᒌᐦ ᐃᔑ ᓂᔅᑑᐦᑎᒧᒡ ᓂᓈᐦᑭᐤ ᐋᐧᐋᓂᒌ ᑭᔮᐦ ᒫᒃ ᐊᓂᔮᔨᐤ ᐊᔅᒌᐤ ᓂᔅᑯᒧᐧᐃᓐᐦ᙮ ᒌ ᓂᔅᑯᒧᑐᒡ ᐊᓂᒌ ᑯᐹᒃ ᑎᐹᔨᐦᒋᒑᓯᐤ ᑭᔮᐦ ᐊᓐ ᒪᒃᕕᒃ ᑯᐧᐋᐳᕃᔨᔑᓐ ᐊᓂᔮᔨᐤ ᑳ ᐧᐃ ᐧᐃᔮᔨᐦᑎᑭᓂᐧᐃᒡ ᒑ ᐃᔅᑯᓯᓂᐦᐄᑭᓂᐧᐃᔨᒡ ᕆᕕᕐ-ᐧᑳᕕᒃ ᐋ ᑰᐧᑳᑎᐧᐋᓂᐧᐃᒡ ᐊᓐ ᐊᓂᑎᐦ ᓂᐲᐦᒡ ᐋᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ (ᕆᓭᕐᕝ ᐋᑯᐧᐋᑎᒃ ᐳᕈᒋᑏ ᑌ ᓛᐦ ᕆᕓᕐ-ᐧᑳᕕᒃ) ᑳ ᐧᐃᑎᐦᒋᐱᔨᒡ ᐋ ᒌ ᐧᐃᔮᔨᐦᑎᒥᐦᐄᐧᐋᒡ᙮ ᐊᓐ ᒫᒃ ᑳ ᐃᔅᑯᓯᓂᐦᐄᑭᓂᐧᐃᒡ ᓄᐧᐃᒡ ᓅᐦᒋᒥᐦᒡ, ᐊᔨᐧᐋᒋᔥ 50 ᑳᐦᒋᐧᓈᒡ ᑎᐹᔅᑯᓂᑭᓐ ᐃᔅᐱᔥ ᐊᓂᑎᐦ ᐅᐦᒡ ᔮᔮᐤᐦ᙮
ᒑᐧᑳᓐ ᐊᓐ ᓚᒃ ᑳᒻᑉᕆᔨᓐ ᑭᔮᐦ ᐊᓐ ᓚᒃ ᓈᒌᐊᐹᐤ ᑳ ᐃᔑ ᓂᔅᑯᒧᓈᓂᐧᐃᒡ?
ᑳ ᐊᔨᒥᐦᐄᑑᒡ ᐊᓂᒌ ᓈᔅᑳᐲ ᐄᔨᔨᐅᒡ ᐊᓂᑎᐦ ᑳᐧᐋᐧᐋᒋᑭᒫᐦᒡ ᑳ ᐅᐦᒋᒡ, ᑭᔮᐦ ᐊᓂᒌ ᑳᑎᕕᒃ ᒋᓴᑎᐹᔨᐦᒋᒑᓯᐤ, ᑭᔮᐦ ᐊᓂᒌ ᒫᒃᕕᒃ ᑯᐧᐋᐳᕌᔨᔑᓐ, ᐦᐋᔨᑎᕉ ᑯᐹᒃ ᑭᔮᐦ ᐊᓐ ᑯᐹᒃ ᑎᐹᔨᐦᒋᒑᓯᐤ ᑳ ᐅᑎᐦᒋᐱᔨᒡ ᐋ ᒌ ᒥᓯᓂᐦᐆᓲᓈᓂᐧᐃᒡ ᓂᔅᑯᒧᐧᐃᓐ 2018 ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐅᑎᐦ ᐆ ᐊᔅᒌᐦ᙮ ᒑᐧᐋᐱᐦᑎᒥᓐ ᐆ ᒥᓯᓂᐦᐄᑭᓐ ᐅᑎᐦ ᓂᔅᑯᒧᐧᐃᓂᐦᒡ ᐊᑎᑎᐤ ᐧᐄᐦ ᓈᓂᑐᒋᔅᒑᔨᐦᑎᒥᓈᐦ᙮ See the fact sheet on this agreement for more information.