Home » ᐛᓇᑲᑐᐛᐃᑕᑲᓄᒋ ᐊᔅᒋᔭ » ᑲᒂᔭ ᑎᒥᔾ (Cambrien) ᓴᑲᐃᑭᓐ / ᓇᒋᑲᐸᐤ Nachicapau ᓴᑲᐃᑭᓐ
ᑲᒂᔭ ᑎᒥᔾ (Cambrien) ᓴᑲᐃᑭᓐ / ᓇᒋᑲᐸᐤ Nachicapau ᓴᑲᐃᑭᓐ
ᐊᑎᒂᒡ ᓂᔅᑯᒧᐅᓐ ᓂᔅᑐᑕᑐᐅᓐ
1,496 km² ᓇᒋᑲᐸᐤ(Lac Nachicapau)
ᐊᑎᓱ ᑲᒂᔭ ᑎᒥᔾ ᑭᔭ ᓇᒋᑲᐸᐤ ᑭᔭ ᐛᔅᒡᑲᐃᑭᓂᔅ (Waskaikinis) ᐃᑕᐅᓂᒡ ᐊᑲ ᐊᓐᑕ ᐊᔅᑎᒋᑕᑲᓄᒡ ᐊᔅᒋᔾ ᐊᓇᑲᑐᐛᐃᑕᑲᓄᒡ ᐊᑲ ᐊᔅᑎᒋᑕᑲᓄᒡ ᐊᔅᒋᔾ ᐊᓇᑲᑐᐛᐃᑕᑲᓄᒡ ᐅᑕ ᑯᐸᒃ ᐊᓐᑕ ᐊᑎᒂᒡ ᓂᔅᑯᒧᐅᓐ ᒐᐃᔅᐱᔅ ᓇᑲᑐᐛᐃᑕᑲᓄᒡ ᐊᔅᒋᔾ᙮
ᐅᐛ ᐊᔅᒋᔾ ᐊᔅᑕᐃᑕᒂᒡ ᔭᐱᒋᑕᒡ ᐊᓐᒡ ᓇᔅᑲᐱ ᑭᔭ ᓄᓇᐱᒃ ᐃᔅᒋᒪᐅᒡ᙮ ᐊᓐᑕ ᒥᒐᑦ ᐊᓯᓇᒂᒡ ᐊᔅᒋᔾ ᐊᑎᒂᒋ ᐱᔅᑯᑎᓇᐛ ᑭᔭ ᒥᒐᑦ ᓂᐱᓴ᙮ ᔭᐱᒡ ᐊᑎᒂᒡ ᒐᒋ ᐊᑎᐅᑕᑲᓄᒡ ᓂᒥᔅᒋᐅᔅᑯᑕᐤ ᑭᔭ ᐊᓄᑎᓯᓇᓄᒡ ᓯᓂᔾ ᐊᒧᓇᐃᑲᓄᒡ ᐊᑐᔅᒐᐅᓐ᙮
ᐊᐅᑯᑦ, ᒪᒧ ᑲᓇᑎᐱᔅᑕᑐᒡ ᓇᔅᑲᐱ ᑭᔭ ᑲᑎᐱᒃ ᐃᔅᒋᒪᐅᒡ ᒋᓴᐅᒋᒪᑲᓐ, ᑯᐸᒃ ᓂᒥᔅᒋᐅᔅᑯᑕᐤ ᑭᔭ ᑯᐸᒃ ᒋᓴᐅᒋᒪᑲᓐ ᐊᓐᑕ ᑲᑎᒂᒡ ᓂᔅᑯᒧᐅᓐ ᑲᒥᓯᓇᑕᐅᑎᓱᓇᓄᒡ ᐊᓐᑕ 2018 ᐱᐳᓐ ᐊᓐᑕ ᐊᔅᒋᔭ ᒐᒋ ᓇᑲᑐᐛᐃᑕᑲᓄᒋ᙮ ᐅᐛ ᓂᔅᑯᒧᐅᓐ ᒥᒄ ᒐᐃᔅᐱᔅ ᐃᑎᑯᑕᒡ ᓂᔄᐳᓇ (20) ᑭᔭ ᐊᔅᑎᒋᑕᑲᓄᒡ ᐅᐛ:
- ᓄᑎᒻ ᒐᒋ ᓄᑎᓯᓇᓄᒡ ᐊᓐᑕ ᑲᒂᔭ ᑎᒥᔾ (Lac Cambrien) ᐊᑲ ᑕᑈᑕᑲᓄᒡ;
- ᑯᐸᒃ ᒋᓴᐅᒋᒪᑲᓐ ᐊᔭᔅᑯᐎᑦ ᒐᒋ ᓇᑎᐱᔅᑐᐛᑦ ᓇᔅᑲᐱ ᑭᔭ ᒪᑭᐱᒃ ᑭᔭ ᑲᑎᐱᒃ ᐃᔅᒋᒪᐛ ᒋᓴᐅᒋᒪᑲᓇ ᐊᓐᑕ ᒐᐃᔅ ᐊᔭᔭᑎᓇᑲᓄᒡ ᒐᐃᓯᓇᓴᐃᑲᓄᒡ ᓯᓂᔾ ᒧᓇᐃᑲᓄᒡ ᐊᓐᑕ ᑎᒂᒡ ᒐᒋ ᐎᑲᐳᐎᑕᑲᓄᒡ ᓇᒋᑭᐸᐤ ᓴᑲᐃᑭᓐ ᐱᑐ ᐊᔅᒋᔾ᙮ ᐊᓐᑕ ᐃᔎᐱᐃᒡ ᓂᔅᑯᒧᐅᓐ ᑲᑐᑕᑲᓄᒡ, ᐅᐛ ᐱᑐ ᐊᔅᒋᔾ ᒐᒋ ᐊᓐᑕ ᐊᔅᑎᒋᑕᑲᓄᒡ ᐊᔅᑯ ᐊᑲ ᓇᑲᑐᐛᐃᑕᑲᓄᒡ ᐊᓐᑕ ᒋᓴᐅᒋᒪᑲᓂᒡ ᐊᔅᒋᔾ ᐛᒋᑐᔅᑲᔅᑕᑲᓄᒡ;
- ᑯᐸᒃ ᓂᒥᔅᒋᐅᔅᑯᑕᐤ ᐛᑐᑕᑦ ᒐᐊᑲ ᐎᑲᐳᐎᑕᑦ ᐊᑐᔅᒐᐅᓂᔪᐤ ᒐᒋ ᓂᒥᔅᒋᐅᔅᑯᑕᐤ ᐊᑐᑕᑲᓄᒡ ᐊᒋᑕᐸᑕᑲᓄᒡ ᓂᔄᐛᐳᓇ (20)᙮ ᒥᔅᑯᒡ, ᐊᑎᒂᒡ ᓂᔅᑯᒧᐅᓂᒡ ᑎᐸᓐ ᐃᓯᓇᒂᒡ ᐊᓐᑕ ᓄᑕᐱᐃᒡ ᓂᒥᔅᒋᐅᔅᑯᑕᐤ ᐊᑐᑕᑲᓄᒡ ᐊᓐᑕ ᓯᓂᔾ ᐛᒧᓇᐃᑲᓄᒡ ᐊᑐᔅᒐᐅᓐ ᑭᔭ ᒪᒃ ᒥᒋᒪ ᐊᓐᑕ ᐊᔅᒋᔾ ᐊᐅᑯᑦ ᒐᒋ ᐃᓯᓇᑯᓐ ᒐᒋ ᓂᒥᔅᒋᐅᔅᑯᑕᐤ ᒋᒥᑕᑲᓄᒡ ᐊᓐᑕ ᒐᒋ ᐊᑐᔅᒐᐅᓐ ᐛᐎᑲᐳᐎᑕᑲᓄᒡ ᒋᑕᐸᑕᑲᓄᒡ ᐱᒪᑎᓯᔪᐅᓐ ᑭᔭ ᐊᑐᔅᒐᐅᓐ ᒐᒋ ᒋᒥᑕᑲᓄᒡ ᒐᒋ ᐛᐎᒋᑯᒡ ᓇᔅᑲᐱ ᑭᔭ ᐃᔅᒋᒪᐅᒡ, ᒥᔅᑯᒡ ᒐᐊᑲ ᐊᓐᑕ ᒪᑕᐃᑕᒂᒡ ᐛᔅᑲ ᐊᔅᒋᔾ ᑭᔭ ᓯᐱᔭ ᑭᔭ ᓂᐱᔅᑕ ᐊᓂᑕᐅᒋᓂᒋ᙮
- ᐊᓐᒡ ᑲᐎᓂᑎᐱᔅᑕᑐᒡ ᒐᓂᔅᑲᑐᒡ ᑭᔭ ᒐᒋ ᑎᒂᒡ ᒥᔪᐎᒐᐅᑐᓐ ᒐᒋ ᓇᑐᐛᐸᑕᑲᓄᒡ ᒐᒋ ᑎᒂᒡ ᒪᒧ ᐊᓂᔅᑯᒧᐅᓇᓄᒡ, ᐊᓐᑕ ᒐᒋ ᐊᑐᔅᑲᔅᑕᒡ ᑲᒪᒧᐎᓇᓄᐃᒡ ᒐᑎᒂᒡ ᒐᒋ ᐃᓯᓇᒂᒡ ᑎᐸᓐ ᒐᒋ ᐃᓯᒋᑕᐸᑕᑲᓄᒡ ᓂᒥᔅᒋᐅᔅᑯᑕᐤ ᐊᐛᐎᑕᑲᓄᒡ;
- ᐊᓐᑕ ᐃᔎᐱᐃᒡ ᑭᔭ ᒪᒃ ᑲᐤ ᒐᒋ ᐱᒧᑯᑕᒡ ᓂᔅᑯᒧᐅᓐ, ᐃᓯᓇᒂᒡ ᑯᐸᒃ, ᑲᒋ ᐊᓐᑕ ᑎᐸᑕᒡ ᑯᐸᒃ ᓂᒥᔅᒋᐅᔅᑯᑕᐤ, ᐃᑕᐃᑕᒡ ᓂᒥᔅᒋᐅᔅᑯᑕᐤ ᐊᑲ ᐊᐱᒋᑕᑲᓄᒡ, ᐊᓐᑕ ᒐᓇᑐᐛᐸᑕᒡ ᒐᐃᓯᐱᒧᑕᒡ ᒐᐃᔅ ᓇᑲᑐᐛᐃᑕᑲᓄᒡ ᐊᔅᒋᔾ ᑭᔭ ᐃᔪᐤ ᐃᑐᐅᓐ ᐱᒪᑎᓯᔪᐅᓐ ᐛᔅᑕᐱᑎᒡ ᐊᓐᑕ ᐊᔅᒋᔾ ᑲᒂᔭ ᑎᒥᔾ (Lac Cambrien)᙮
ᐊᑎᓇᑕᐃᑲᓄᒡ ᐃᔨᒧᐅᓐ
ᐊᔅᒋᔾ ᐊᑎᓯᓇᑕᐃᑲᓄᒡ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓐ JBNQA ᑭᔭ ᒋᐛᑎᓄᒡ ᐛᐱᓄᑕᒡ ᑯᐸᒃ ᓂᔅᑯᒧᐅᓐ NEQA
ᓂᔅᑐ ᐊᑎᓯᓇᑕᐃᑲᓄᒡ (Category III)
ᐊᔅᑕᐃᑕᒂᒡ ᐊᔅᒋᔾ ᐊᓇᑲᑐᐛᐃᑕᑲᓄᒡ
Area of significant and particular interest for conservation, notably because of its plant diversity, associated cultural and traditional values, and interesting tourist potential.
ᐛᔅᑲ ᐊᔅᒋᔾ ᐊᓯᓇᒂᒡ ᐃᑕᐅᓐ
ᓇᐱᑥ ᐊᔅᒋᔾ ᐃᑕᐅᓐ
ᐱᑎᓱ ᒐᒂᓐ ᐊᑎᑕᒂᒡ ᐊᔅᒋᒡ ᐃᑕᐅᓇ
ᓴᐱᐸᐤ ᐱᔅᑯᑎᓇᐤ, Schefferville Hills, Lac Jeannin, Rivière à la Baleine Lowlands, Lac aux Feuilles Hills, Lac Sérigny Plateau, Lac Châteauguay Plateau ᐃᑕᐅᓇ ᐱᔅᑯᑎᓇᒡ
ᐛᔅᑲ ᒐᒂᓐ ᐊᓂᑕᐅᒋᒡ ᒥᓇᔎᐤ ᐃᑕᐅᓐ
ᒥᓇᔎᐤ, ᐃᔭᑎᒄ ᑭᔭ ᓂᑕᐅᒋᑭᓐ ᐛᐧᑯᓇᐱᔅᒄ
ᐊᐛᓯᔅ
ᒥᒋᓱᐤ, ᓄᒋᐧᑲᓱᐤ ᒥᒍᐤ, ᓯᓯᐱᔾ (ᐛᐱᓄᑕᒡ ᐊᐃᑕᒡ)
ᓂᐱᔾ
Delay River ᑭᔭ ᑲᓄᔅᒋᑕᑲᓄᒡ, ᓴᑲᐃᑭᓐ ᒐᓂᑲᒥᓱ (Lac Chanikamisu), ᑭᔭ ᓯᐱᔾ Rivière aux Mélèzes ᐊᔅᐱᓴᒡ ᓂᐱᔾ
ᐊᓇᑐᐛᐸᒐᓄᒡ ᐊᓐᑕ ᐎᐱᐃᒡ ᑲᐸᒡ ᐃᑕᑦ ᐃᔪᐤ
– ᓂᓱᐎᔪᐤ (20) ᐊᑕᑎᓂᒋ ᐃᑕᐅᓇ ᒥᓯᓇᑕᐃᑲᓄᒋ ᐊᔅᒋᔭ ᒥᓯᓇᑕᐃᑲᓄᒋ ᐃᑕᐅᓇ ᐊᓐᑕ ᑲᐸᒡ ᒥᓯᓇᐃᑭᓄᒋ ᐃᑕᐅᓇ ᐅᑕ ᑯᐸᒃ
– ᐃᑕᐅᓇ ᐊᔅᒋᔭ ᐊᔅᑕᐃᑕᒡ ᓇᔅᑲᐱ ᑭᔭ ᓐᓇᐱᒃ ᐃᔅᒋᒪᐅᒡ ᐊᓐ ᐛᔅᑲᐃᑭᓂᔅ Waskaikinis (Fort MacKenzie), ᐅᒋᒪᐅᒡ ᑲᒋᒥᑕᒡ ᐊᓐᑕ ᓇᔅᑲᐱ ᑲᒪᒧᐎᒡ (1916–1948 ᐱᐳᓇ), ᑭᔭ ᓄᓇᐱᒃ ᐃᔅᒋᒪᐅᒡ ᒐᑕᐛᒡ ᐊᓐᑕ ᐃᑕᐅᓂᒡ᙮
ᐊᑲ ᑎᒂᒡ ᒋᓴᐅᒋᒪᑲᓐ ᐊᔅᒋᔪᐤ ᐊᑐᔅᑲᔅᑕᑦ ᒥᓯᓇᐃᑭᓂᔪᐤ / ᐊᑲ ᑎᒂᒡ ᐊᑲ ᑲᑐᐛᐃᑕᑲᓄᒡ ᐊᔅᒋᔾ ᒐᐃᓯᐱᒧᑕᓄᒡ ᙮