ᑲᑐᑦᔨᓗᑕ, ᓴᐳᒻᒥᓚᐅᕐᑕ ᓄᓇᕕᐅᑉ ᓄᓇᖓᓂ ᐊᒻᒪᓗ ᐃᓗᕐᖁᓯᕐᑎᒍᑦ ᕿᒻᒪᖁᑎᓂᒃ
ᓄᓇ ᐃᓅᓯᕐᒥᒃ ᐱᑕᖃᕐᑎᓯᔨᐅᕗᖅ. ᐱᑕᖃᕐᑎᓯᔪᖅ ᓂᕿᑎᒍᑦ ᓴᑑᒪᐅᑎᓂᒃ ᓴᐳᑦᔨᓱᓂᓗ ᐱᐅᓯᑐᖃᕐᑎᒍᑦ ᒪᑭᑕᐅᑎᓂᒃ ᓄᓇᓕᖁᑎᓕᓐᓄᑦ ᓄᓇᒥᒃ ᐃᓅᑦᔪᑎᓕᓐᓄᑦ; ᑭᓇᐅᓂᖏᓐᓂᒃ ᓄᐃᑕᑦᓯᔪᖅ; ᖃᐅᔨᒪᐅᓯᖏᓐᓄᑦ ᐃᓂᒋᔭᐅᔪᖅ. ᓴᐳᒻᒥᔭᐅᔪᐃᑦ ᓄᓀᑦ ᐱᒻᒪᕆᒻᒥᒃ ᐊᑐᕐᓂᖃᕐᖁᑦ ᐱᐅᓕᒪᑦᓯᓂᕐᒧᑦ ᓄᓇᕕᒻᒥ ᓄᓇᑐᐃᓐᓇᖓᓂ ᐃᓗᕐᖁᓯᕐᒥᓗ ᕿᒻᒪᖁᑎᓄᑦ. 2020-ᒥ ᓄᓀᑦ ᓄᑖᑦ ᐃᓚᔭᐅᓚᐅᔪᕗᑦ ᐊᓪᓚᕕᒻᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ (ᐅᐃᒍᐃᑎᑐᑦ ᑭᓯᐊᓂ ᐱᔭᑦᓴᐅᔪᑦ ᐅᖃᕐᑕᐅᓱᑎᒃ Registre des aires protégées a Quebec). ᓱᑌᔭᕐᑐᒪᕆᒃ ᖃᐅᔨᒪᑎᑦᓯᓂᕐᒥᒃ ᐊᒻᒪᓗ ᐃᓱᒪᑦᓴᓯᐅᕐᕕᖃᕐᓂᒥᒃ ᐱᓇᓱᓐᓂᖅ ᒫᓐᓇ ᑲᔪᓯᓕᕐᑐᖅ. ᐃᓄᐃᑦ, ᓇᔅᑳᐲᑦ ᐊᒻᒪᓗ ᒍᐊᑉᒪᑯᔅᑐᐃᒥᐅᑦ ᑯᔩ ᐃᓚᐅᖁᔭᐅᓯᒪᔪᑦ in the process ᑐᕌᕈᑕᐅᓚᖓᑎᓪᓗᒍ ᐱᖕᖑᐃᓂᕐᒧᑦ ᓄᑖᓂᒃ ᓴᐳᒻᒥᔭᐅᔪᓂᒃ ᓄᓇᓂᒃ ᐊᒻᒪᓗ ᐱᑦᔪᑎᖃᕐᑎᓗᒍ ᒥᑦᓯᖃᕐᓂᖓᓂᒃ ᐊᒻᒪᓗ ᐆᑦᑑᑎᑦᓯᐊᖃᕐᓂᖓᓂᒃ ᐱᑐᑦᓯᒪᐅᑎᕕᐅᑉ ᑫᒥᑕᐅᓯᒪᓂᖓ ᐊᒻᒪᓗ ᓄᐃᑕᐅᓯᒪᓂᖓ ᑕᒡᒐᓂ ᖃᕆᑕᐅᔭᒃᑯᑦ ᓄᐃᑕᑦᓯᕕᒻᒥ ᒪᓕᑦᓱᒍ.
ᓄᓇᕕᒻᒥ ᓄᓀᑦ ᓴᐳᒻᒥᔭᐅᔪᑦ ᐱᑐᑦᓯᒪᐅᑎᓂᖓᑦ
ᓄᓇᕕᒃ ᓯᕗᓂᕐᑖᓯᒪᕗᖅ ᐱᔭᖃᕐᓂᐊᓱᓂ ᑐᕌᕐᑕᐅᔪᒥᒃ ᓴᐳᒻᒥᒍᒫᕐᑎᓗᒋᑦ 20%-ᒥᒃ ᓄᓇᖓᑕ ᐃᓚᖓᓂᒃ. ᒫᓐᓇᐅᔪᖅ, 29 ᓴᐳᒻᒥᔭᐅᔪᑦ ᓄᓀᑦ, ᐃᓕᑕᕆᔭᐅᒍᑎᓕᒫᑦ ᑕᐱᑦᓱᒋᑦ, ᓄᐃᑕᑦᓯᕗᑦ ᓄᓇᕕᒻᒥ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᓂᒃ. ᑕᒪᓐᓇ ᓄᐃᑦᓯᔪᕐ 100,000 km² ᐅᖓᑖᓄᒐᓛᐱᒃ ᓴᐳᒻᒥᔭᐅᔪᓂᒃ ᓄᓇᒥ ᐊᒻᒪᓗ ᐃᒪᑦᓯᐊᒥ ᐊᕙᑎᓂᒃ, ᐊᑐᕐᕕᐅᖏᑦᑐᓂᒃ ᓄᓇᐅᑉ ᐱᑦᓴᖁᑎᖏᓐᓂᒃ ᐱᑑᒪᓂᕐᒥᒃ (ᐅᔭᕋᓐᓂᐊᓂᖅ, ᓇᐹᕐᑐᓂᒃ ᓇᑲᑎᕆᓃᑦ, ᐃᑯᒪᓕᐅᕈᑎᑦᓴᓂᒃ). ᐱᔪᓐᓇᓂᖃᕈᑕᐅᔪᑦ (ᐱᓗᐊᕐᑐᒥ ᐆᒪᔪᕐᓂᐊᓂᖅ, ᐃᖃᓗᓐᓂᐊᓂᖅ ᐊᒻᒪᓗ ᒥᑭᒋᐊᕐᓂᐊᓂᖅ) ᐃᓚᐅᔪᓄᑦ ᔦᒥᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (JBNQA) ᐊᒻᒪᓗ ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᒌᓐᓂᒧᑦ (NEQA) ᒪᑭᑕᑦᓭᓇᕐᑐᑦ ᓴᐳᒻᒥᔭᐅᑦᓱᑎᓪᓗ.
“ᓄᓇᑦᑎᓂᒃ ᓴᐳᓐᓂᐊᓂᕐᒥᒃ ᐱᔪᓐᓇᓂᖃᕐᖁᒍᑦ… ᓇᕝᕚᕆᐊᖃᕐᖁᒍᑦ ᐃᓪᓗᒌᑦᑎᓂᕐᒥᒃ ᓴᐳᒻᒥᓂᕐᒧᑦ ᐊᒻᒪᓗ ᐱᕙᓪᓕᐊᓂᒧᑦ ᐱᐊᕋᑦᑎᓄᑦ ᑐᓂᔨᒍᒪᒍᑦᑕ ᓱᓕᔪᒥᒃ ᓇᓪᓕᑳᕈᑎᑦᓴᓚᕆᓐᓂᒃ ᓯᕗᓂᕐᒥ. ᐃᑲᔪᕐᑐᖃᑕᐅᓂᖅ ᐊᒻᒪᓗ ᓱᒋᐊᕐᓂᖅ ᐱᖕᖑᐃᓚᖓᓗᓂ ᓄᓇᓂᒃ ᓴᐳᒻᒥᔭᐅᔪᓂᒃ ᐊᕐᖁᑎᑦᓴᐅᕗᑦ ᐱᔭᕋᕐᓂᐊᕈᑦᑕ ᑕᒪᑐᒥᖓ.”
ᐃᓚᐅᔪᖅ 2011-2012-ᒥ ᓴᐳᒻᒥᔭᐅᔪᑦ ᓄᓀᑦ ᐱᑦᔪᑎᒋᓗᒋᑦ ᐃᓱᒪᑦᓴᓯᐅᕐᕕᖃᕐᑎᓗᒋᑦ
ᓱᓇᐅᕚ ᓱᒃᑯᑕᐅᑎᑕᐅᑦᑌᓕᔪᑦ ᓄᓀ?
ᒪᓕᓪᓗᒋᑦ ᓄᓇᕐᔪᐊᒥ ᑲᑐᑦᔨᖃᑎᒌᑦ ᓱᒃᑯᑕᐅᑎᑦᓯᑌᓕᓂᕐᒧᑦ ᐱᐅᓯᕐᒥᓅᕐᑐᓄᑦ (IUCN), ᓱᒃᑯᑕᐅᑦᑌᓕᑎᑕ ᓄᓇ “ᑐᑭᓯᓇᑦᓯᐊᓱᓂ ᐅᖃᕐᑕᐅᒪᕗᖅ ᓄᓇᒥ ᐃᓂᐅᔪᖅ, ᐃᓕᑕᕆᔭᐅᔪᖅ, ᑐᓂᔭᐅᒪᔪᖅ ᐊᒻᒪᓗ ᑲᒪᒋᔭᐅᔪᖅ ᐱᖁᔭᑎᒍᑦ ᐊᓯᖏᑎᒍᓪᓘᓃᑦ ᐊᑐᕐᑕᐅᒍᓐᓇᑐᐃᑦ, ᐊᑯᓃᕐᑐᒥᒃ ᐱᒍᓐᓇᓯᑎᑦᓯᓂᕐᒧᑦ ᓱᒃᑯᑌᓕᑎᑦᓯᓂᕐᒥᒃ ᐱᐅᓯᕐᒥᓅᕐᑐᓂᒃ ᐆᒪᔪᐃᑦ ᐃᓂᖏᓐᓅᓕᖓᔪᓂᒃ ᐱᒍᑦᔨᒍᑎᓂᒃ ᐊᒻᒪᓗ ᐃᓗᕐᖁᓯᕐᑎᒍᑦ ᐃᓂᒋᔭᐅᔪᓂᒃ”. ᓄᓇᕕᒻᒥ, ᐃᓗᕐᖁᓯᕐᑎᒎᕐᑐᑦ ᐱᔭᐅᒋᐊᖃᓪᓚᕆᒃᑯᖅ ᓄᐃᑦᓯᓂᕐᒧᑦ ᓱᒃᑯᑕᐅᑦᑌᓕᔪᓄᑦ ᓄᓇᓄᑦ ᐃᓚᐅᑎᓪᓗᒋᑦ ᓱᒃᑯᑌᓕᑎᑦᓯᓂᖅ ᐊᒻᒪᓗ ᐱᕙᓪᓕᐊᑕᐅᔪᓄᑦ.
