ᒫᒨ, ᐧᐄᓈᑭᑎᐧᐋᔨᐦᑎᐦᑖᐤ ᓅᓈᕕᒃ ᐊᔅᒌ ᐊᓐ ᐋ ᐃᔑ ᓂᐦᑖᐅᒋᐦᒡ ᑭᔮᐦ ᐄᑖᑎᓯᐧᐃᓐ ᑳ ᐸᒡ ᐃᔑᓈᑯᐦᒡ

Rivière-Kovik proposed aquatic reserve (Réserve aquatique projetée de la Rivière-Kovik) © Catherine Pinard, KRG/ARK

ᐅᑎᐦ ᐆ ᐊᔅᒌ ᐊᑯᑎᐦ ᐧᐋᐦᒡ ᒌ ᐱᒫᑎᓯᓈᓂᐧᐃᒡ᙮ ᐊᑯᑎᐦ ᐧᐋᐦᑎᓂᑭᓂᐧᐃᒡ ᐧᐋᔪᒡ ᒥᒋᒻ; ᑭᔮᐦ ᐋᓯᑐᔅᑳᑯᒡ; ᐋᐦᒌᐦᑳᓈᑯᐦᐄᑯᒡ ᐊᓂᔮᔨᐤ ᐅᐱᑳᔅᒋᐦᐅᐧᐃᓂᐧᐋᐤ ᐊᑎᔅᑳᓈᓯᒡ ᐋ ᐅᐦᑖᒋᐦᐆᒡ ᐱᑯᑎᔅᑭᒥᒡ; ᐧᐋᐦᒡ ᓄᑯᓂᔨᒡ ᐅᑎ ᐃᔑᓈᑯᓯᐧᐃᓂᐧᐋᐤ; ᐊᑯᑎᐦ ᐧᐋᐦᑎᓂᐦᒡ ᐅᒋᔅᒑᔨᐦᑎᒧᐧᐃᓂᐧᐋᐤᐦ᙮ ᐋ ᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᓈᔥᒡ ᒋᔅᑎᒫᐧᐋᔨᐦᑎᒧᒡ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᐊᓐ ᐊᓂᑎᐦ ᐋ ᐃᔑ ᓂᐦᑖᐅᒋᐦᒡ ᓅᓈᕕᒃ ᑭᔮᐦ ᒫᒃ ᐊᓐ ᐄᑖᑎᓯᐧᐃᓐ ᑳ ᐸᒡ ᐃᔑᓈᑯᐦᒡ᙮ 2020 ᑯᑎᒃ ᒥᓐ ᐊᔅᒌ ᒑ ᐊᔅᑎᓯᓂᐦᐄᑭᓂᐤ ᐊᓂᑎᐦ ᐋᓐ ᐊᒥᓯᓈᑖᒡ ᐅᑎᐦ ᐊᓂᐦᐄ ᐧᐋ ᒥᓈᒋᐦᑖᑭᓂᐧᐃᒡ ᐅᑎᐦ ᑯᐹᑭᐦᒡ [ᒥᒄ ᐋ ᐆᐱᔅᑎᐧᑳᔭᐤ ᐊᔨᒧᐧᐃᓂᐦᒡ ᑎᑯᐦᓐ ᐋᐅᒄ ᐆ ᐊᓯᓂᐦᑳᑖᒡ ᕆᒋᔅᑎᕐ ᑎᔥ ᐊᐃᕐ ᐳᕈᑎᒋᔥ ᐋᐤ ᑯᐸᒃ]᙮ ᒥᓯᐦᑖ ᐊᐦᑎᑯᐦᒡ ᐊᓈᓂᑎᐅᒋᔅᒑᔨᐦᑖᑭᓂᐧᐃᒡ ᑭᔮᐦ ᐋ ᐊᔨᒥᔅᑖᑭᓂᐧᐃᒡ ᐊᑏᐦᑎᓈᓂᐧᐃᒡ ᔕᔥ ᐧᐃᐱᒡ ᑭᑎ ᐱᒥᐲᔨᐤ᙮ (ᐄᔅᒋᒫᐅᒡ, ᓈᔅᑳᐲᐦ ᑭᔮᐦ ᐧᐋᐱᒫᑯᔅᑐ ᐄᔨᔨᐅᒡ) ᓂᑐᒫᑭᓂᐧᐃᒡ ᒑ ᒌ ᐧᐃᒋᐦᐄᐧᐋᒡ ᐅᔮᔨᐤ ᐋᐦᑐᑖᑭᓂᐧᐃᔨᒡ ᒫᐧᑳᒡ ᐱᒥᐲᔨᒑᐦ ᐊᑯᑎᐦ ᑳᐦ ᐅᐦᒡ ᒋᐦᒋᐱᔨᒡ ᒥᓐ ᑯᑎᒃ ᐋ ᐅᔅᑳᒡ ᐊᔅᒌ ᐆ ᒑ ᒌ ᐃᔑ ᓈᑭᑎᐧᐋᔨᑖᑭᓂᐧᐃᒡ ᑭᔮᐦ ᐊᓐ ᐋ ᐃᔅᐱᐦ ᒋᔅᑎᒫᐅᐦᒡ ᑭᔮᐦ ᒫᒃ ᐊᓐ ᒑᓅᑯᐦᒡ ᐊᓐ ᒑᐧᑳᓐ ᐧᐋᐦᒡ ᐆ ᐃᔑ ᑐᑖᑭᓂᐧᐃᒡ ᐅᑎᐦ ᐋ ᐅᐦᒡ ᐱᒥᐲᐦᑖᑭᓂᐧᐃᒡ ᐊᓐ ᐋ ᐃᔑ ᑰᐧᑳᑐᐧᐋᓂᐧᐃᒡ ᑭᔮᐦ ᒫᒃ ᐋ ᐃᔑ ᓄᑯᐦᑖᑭᓂᐧᐃᒡ ᐅᑎᐦ ᑭᓂᐧᐋᐱᐦᑎᒧᐧᐋᑭᓂᐦᒡ᙮

ᐋ ᑎᐹᑐᑖᑭᓂᐧᐃᒡ ᐊᓐ ᒑ ᐊᑏᐦᑎᓈᓂᐧᐃᒡ

ᓅᓈᕕᒃ ᐋ ᐧᐄ ᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᐋ ᐅᐦᒡ ᐱᒥᐲᐦᑖᑭᓂᐧᐃᒡ

ᓅᓈᕕᒃ ᐊᔫᒄ ᐋᔅ ᐱᒋᔅᑎᓂᓲᑦ ᒑ ᒌ ᐅᑎᐦᑖᐦᒃ ᐊᓂᔮᔨᐤ ᐋᑖᔨᑎᐦᒥᐦᐄᑯᑦ ᒑ ᐧᐃᒥᓈᒋᐦᑖᒡ 20% ᐃᔥᐱᔥ ᐊᓂᔮᔨᐤ ᐊᔅᒌᔨᐤ᙮ ᒫᐧᑳᒡ ᒫᒃ ᒥᓯᐧᐋ ᐊᓂᐦᐄ 29 ᐊᔅᒌ ᐋ ᒫᒨᓂᑭᓂᐧᐃᒡ ᐋ ᐊᔅᑎᒋᐦᑖᑭᓂᐧᐃᒡ ᐋ ᐧᐄᓈᑭᑎᐧᐋᔨᐦᑖᑭᓂᐧᐃᒡ ᐊᓂᑎᐦ ᐧᐋᐦᒡ ᑭᓂᐧᐋᐱᐦᑖᑭᓂᐧᐃᒡ ᐋ ᐅᐦᒡ ᐱᒥᐲᐦᑖᑭᓂᐧᐃᒡ᙮ ᐧᐋᐅᔮᔥ ᒫᒃ ᐊᐧᐃᔅᑖᓰᔅ 100,000km2 ᑳᑎᐦᐧᑳᒡ ᐊᔅᒌᐤ ᑎᐱᐦᐄᑭᓐ ᐆ ᐊᔅᒌ ᑭᔮᐦ ᒫᒃ ᐋᑳ ᓰᐧᐋᐳᒡ ᓂᐲᐦ, ᐋᑳ ᐅᐦᒋ ᐅᑎᓂᑭᓂᐧᐃᒡ ᐊᔅᑯ ᒑᐧᑳᓐ ᐊᓂᑎᐦ ᐅᐦᒡ ᐊᔅᒌᐦᒡ (ᐋ ᓄᑎᓯᓈᓂᐧᐃᒡ, ᐋ ᒋᒥᐦᐋᑎᐧᑳᓂᐧᐃᒡ, ᐋ ᐅᔅᑯᑎᒦᐦᒑᓂᐧᐃᒡ)᙮ ᐊᓂᔮᔨᐤ ᐆ ᑭᔅᒋᐦᐅᐧᐃᓂᐧᐋᐤ (ᐅᓵᐦ ᐊᓐ ᐋ ᓂᑐᐦᐆᓈᓂᐧᐃᒡ, ᐋ ᓄᑎᒫᓵᓂᐧᐃᒡ ᑭᔮᐦ ᐋ ᐧᐃᓂᐦᐄᒑᓂᐧᐃᒡ) ᐊᓂᒌ ᐊᓂᑎᐦ ᒫᓯᓈᓲᒡ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒥᐧᐃᓂᐦᒡ (JBNQA) ᑭᔮᐦ ᐊᓐ ᐊᑎᒫᐲᓯᒽ ᐧᐋᐱᓅᑖᐦᒡ ᑯᐹᒃ ᓂᔅᑯᒧᐧᐃᓐ (NEQA) ᒑ ᐋᐱᑎᓰᔅᑖᑭᓂᐧᐃᒡ ᑭᔮᐦ ᒑ ᓈᑭᑎᐧᐋᔨᐦᑖᑭᓂᐧᐃᒡ᙮

ᐊᔅᒌ ᐊᒥᓯᓈᑖᒡ ᑭᔮᐦ ᐊᓐ ᐋᐅᐦᒡ ᐱᒥᐲᐦᑖᑭᓂᐧᐃᒡ ᐋ ᒥᓯᓈᑖᒡ ᒥᓯᓂᐦᐄᑭᓂᐦᒡ

“ᐋᐅᒄ ᒋᑭᔅᒋᐦᐅᐧᐃᓂᐤ ᒑ ᒌ ᓂᐳᔅᑎᒥᐦᒄ ᐆ ᐊᔅᑎᔅᒋᓂᐤ᙮᙮᙮᙮ ᓈᓂᑎᐧᐋᔨᐦᑎᐦᑖᐤ ᔭᔨᑖᐃ ᒑ ᒌ ᒥᔅᑭᒥᐦᒄ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᒑ ᒌ ᓄᔅᒋᐦᑖᔨᐦᒄ ᐊᓂᔮᔨᐤ ᐊᔅᑎᐧᐋᓯᒥᓂᐧᐃᒡ ᒑ ᒌ ᑎᑯᓂᔨᒡ ᐊᓂᔮᔨᐤ ᒑ ᒌ ᐧᐃᔮᔨᐦᑎᒥᐦᐄᑯᒡ ᐊᓂᑖᐦ ᐃᔑ ᓂᔅᑖᒥᐦᒡ᙮ ᓲᐦᒃ ᒫᒃ ᐋ ᐋᐱᑎᓰᔅᑎᒥᐦᒄ ᑭᔮᐦ ᐋ ᐧᐃᑎᓂᒥᐦᒄ ᐊᓐ ᐆ ᒑ ᒌ ᐃᔑ ᑐᑎᒥᐦᒄ ᐋ ᐧᐄ ᔭᔨᑎᒥᐦᐄᑯᔨᐦᒄ ᐊᓂᐦᐄ ᐊᔅᒌ ᐋ ᐧᐄ ᓈᑭᑎᐧᐋᔨᐦᑖᑭᓂᐧᐃᒡ ᐋᐅᒄ ᒥᒄ ᒑ ᒌ ᑐᑎᒥᐦᒄ ᐆ᙮”

ᐋ ᒌ ᐧᐃᒋᐦᐄᐧᐋᑦ ᐋᐧᐋᓐ ᐊᓐ ᒫᐧᑳᒡ ᐋ ᐊᔨᒥᔅᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᑳ ᐱᒥᐲᔨᒡ 2011-2012

ᒑᐧᑳᓐ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ?

ᐊᓂᑎᐦ ᐋᓐ ᐋ ᐃᔑ ᐧᐃᐦᑖᑯᐦᒡ ᐃᓐᑎᕐᓈᔑᓂᓪ ᔪᓂᔨᓐ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᒑᐧᑳᓐ ᐊᓃᐦᑖᐅᒋᐦᒡ International Union for Conservation of Nature (UICN), ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᐋᐅᒄ ᐆ “ᒥᒋᓐ ᐋ ᐧᐃᐦᑖᑭᓂᐧᐃᒡ ᐊᓐ ᐊᔅᒌ, ᐋ ᒌᐦᑳᓈᑯᐦᑖᑭᓂᐧᐃᒡ, ᐋ ᓂᔅᑖᒥᔅᑖᑭᓂᐧᐃᒡ ᑭᔮᐦ ᐋ ᐧᐃᔮᐱᐦᑖᑭᓂᐧᐃᒡ ᐊᓐ ᒑ ᐄᔅᐲᐦᑖᑭᓂᐧᐃᒡ ᑯᔨᔅᒄ ᐧᐃᔮᔅᑯᓂᒑᐧᐃᓈᐦᒡ ᑭᔮᐦ ᒫᒃ ᑕᓐ ᐊᓐ ᒥᒄ ᐋᓯᓈᑯᐦᒡ ᒑ ᒌ ᐊᐱᒋᐦᑖᑭᓂᐧᐃᒡ, ᓈᐅᔥ ᒑ ᒌ ᐱᒥᐲᔨᒡ ᐋ ᐧᐄᒥᓈᒋᐦᑖᑭᓂᐧᐃᒡ ᐊᓐ ᐊᓯᓈᑯᐦᒡ ᒑ ᒌ ᐊᐱᒋᐦᑖᑭᓂᐧᐃᒡ ᐆ ᐋ ᐃᔑ ᐱᒥᐲᐦᑖᑭᓂᐧᐃᒡ ᑭᔮᐦ ᒫᒃ ᐊᓐ ᐃᑖᑎᓯᐧᐃᓐ ᐋ ᒋᔅᑖᔨᐦᑖᑯᐦᑖᑭᓂᐧᐃᒡ ᐋ ᐊᔅᑎᓂᑭᓂᐧᐃᒡ”᙮ ᐅᑎᐦ ᓅᓈᕕᒃ, ᐊᓂᔮᔨᐤ ᐅᑎ ᐄᑖᑎᓯᐧᐃᓂᐧᐋᐤ ᓈᔥᒡ ᐊᔅᐹᔨᒧᑎᒧᒡ ᑭᔮᐦ ᒫᒃ ᒌ ᐊᐱᒋᐦᑖᐅᒡ ᐅᔮᔨᐤ ᐋᐅᒄ ᒫᒃ ᐊᔅᑎᓂᑭᓂᐧᐃᒡ ᑭᔮᐦ ᐆ ᐋ ᐆᐧᐋᑖᔨᐦᑎᒥᐦᐄᐧᐋᒡ ᑕᓐ ᐊᓂᐦᐄ ᐊᔅᒌ ᐆ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐋ ᓈᑭᑎᐧᐋᔨᐦᑖᑭᓂᐧᐃᒡ᙮ ᐊᑯᑎᐦ ᑳ ᐊᔅᑎᓂᑭᓂᐧᐃᒡ ᑭᔮᐦ ᐆ ᐋ ᐧᐃ ᐃᔑ ᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᐆ ᒑ ᒌ ᐃᑎᔅᑖᑭᓂᐧᐃᒡ ᐃᔑ᙮
ᐊᑎᑎᐤ ᒋᔅᑯᑎᒫᓲᐦ ᐆ
Fjord-Tursukattaq proposed biodiversity reserve (Réserve de biodiversité projetée du Fjord-Tursukattaq) © Catherine Pinard, KRG/ARK

ᐧᐋᐧᐃᒋᐦᐄᐧᐋᐦ

ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᓅᓈᕕᒃ
ᐊᓂᑎᐦ ᐋᓐ ᐋ ᐃᔑ ᓂᐦᑖᐅᒋᐦᒡ ᑭᔮᐦ ᐊᓐ ᐄᑖᑎᓯᐧᐃᓐ ᑳ ᐸᒡ ᐃᔑᓈᑯᐦᒡ

ᐋ ᐧᐄᐦ ᒥᓈᒋᐦᑖᑭᓂᐧᐃᒡ ᓅᓈᕕᒃ
ᐊᓂᑎᐦ ᐋᓐ ᐋ ᐃᔑ ᓂᐦᑖᐅᒋᐦᒡ ᑭᔮᐦ ᐊᓐ ᐄᑖᑎᓯᐧᐃᓐ ᑳ ᐸᒡ ᐃᔑᓈᑯᐦᒡ

ᑕᓂᑖᐦ ᒑ ᒌ ᐅᐦᒡ ᐧᐃᒋᐦᐄᐧᐋᔨᓐ

ᐋ ᐅᔅᑳᒡ ᑎᐹᒋᒧᐧᐃᓐ

Launch of the participatory process: Nunavik Protected Areas

The Kativik Regional Government (KRG) is proud to launch the Nunavik Protected Areas information and consultation process, an important biodiversity and cultural heritage conservation initiative in Nunavik. A dedicated website is now available at www.nunavikprotectedareas.com, in addition to the Facebook…
ᐊᑎᑎᐤ ᐊᔨᒥᐦᑖᐦ