ᐋ ᐧᐃᒥᓈᒋᐦᑖᑭᓂᐅᒡ ᐊᔅᒌᐦ ᐅᑎᐦ ᐊᔅᒌᐦ
ᐊᓐ ᐊᔅᒌᐧᓵᒥᑭᐦᒡ “ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ” ᓂᔮᓂᑯᑐᓐ ᐋᐅᒄ ᐊᑖᐱᒋᐦᑖᑭᓂᐧᐃᒡ ᑭᔮᐦ ᒫᒃ ᐊᔅᒌᐧᓵᒥᑭᐦᒡ ᐊᑎᑎᐤ ᒥᒋᓐ ᐋ ᐧᐃᐦᑖᑭᓂᐧᐃᒡ, ᓂᓈᐦᑭᐤ ᐃᔅᒋᐧᓵᐅᒡ ᐊᓐ ᐊᔅᒌᐦ ᓂᓈᐦᑭᐤ ᐊᑏᑎᔅᑭᒥᑳᒡ ᐊᓂᑎᐦ᙮
ᐊᓐ ᐃᓐᑎᕐᓈᔑᓂᓪ ᔪᓂᔨᓐ ᕙᕐ ᑯᓐᔑᕐᕚᔨᔑᓐ ᐋᕝ ᓈᔨᑎᕐ The International Union for Conservation of Nature (UICN), ᒥᓯᐦᑖᐦ ᐋ ᐅᐦᒡ ᐅᒋᒫᐦᑭᐦᑖᑭᓂᐧᐃᒡ ᑕᓐ ᐊᓐ ᒥᒄ ᐊᓯᓈᑯᓂᐧᑳᐤᐦ ᐊᓐ ᐊᔅᒌ ᑭᔮᐦ ᒫᒃ ᐊᓐ ᑖᓐ ᐊᓐ ᐋ ᐃᔑ ᓂᐦᑖᐅᒋᐦᒡ ᐊᓂᑎᐦ ᑭᔮᐦ ᐊᓐ ᒑ ᐊᑏᐦᑎᓈᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᑎᐦ, ᑭᔮᐦ ᒫᒃ ᐊᓂᒌ ᐅᔮᔨᐤ ᐋ ᐃᔑ ᓈᓈᑭᒋᐦᑖᒡ ᑯᐧᑖᔥᒡ ᐃᑎᔅᑳᓈᔮᐤᐦ, ᑖᓂᔮᔨᐤ ᒥᒄ ᐊᓯᓈᑯᓂᐧᑳᐤ (ᐊᔅᐱᓵᒡ, ᑕᓂᑎᐦ ᐊᓂᑎᐦ ᒑ ᑎᑯᓂᐧᑳᐤ), ᑭᔮᐦ ᒫᒃ ᐊᓐ ᒑ ᐃᔑ ᐆᐧᐋᔑᐲᐦᑖᑭᓂᐧᐃᒡ ᐊᓂᑎᐦ ᒑ ᐅᐦᒡ ᐅᒋᒫᐦᑭᑖᑭᓂᐧᐃᒡ ᑭᔮᐦ ᒫᒃ ᐊᓐ ᐧᐋᐦ ᐊᑏᐦᑑᑖᑭᓂᐧᐃᒡ (ᐋᓈᓃᑐᒋᔅᒑᔨᐦᑖᑭᓂᐧᐃᒡ, ᐋ ᐧᐃᒥᓈᒋᐦᑖᑭᓂᐧᐃᒡ, ᐋ ᒫᑎᐧᐋᓂᐧᐃᒡ)᙮ ᒥᓯᐧᐋᐦ ᐅ ᐅᑎᐦ ᐊᑎᑎᓯᓂᐦᐄᑭᓂᐧᐃᒡ ᒋᔅᑎᒫᐧᐃᓐ, ᒥᒄ ᒫᒃ ᐃᔑᓈᑯᓐ ᓂᓈᐦᑭᐤ ᒑ ᒌ ᐃᔑ ᐧᐋᐧᐃᒋᐦᐄᐧᐋᓂᐧᐃᒡ᙮
ᐋ ᐃᔑ ᐆᐧᐋᑎᓯᓂᐦᐄᑭᓂᐧᐃᒡ ᐊᓐ ᐊᓂᑎᐦ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ | IUCN
- ᐋᐃᑎᓯᓂᐦᐄᑭᓂᐧᐃᒡ I — ᓈᔥᒡ ᑖᐱ ᐋ ᐧᐄᐦ ᒥᓈᒋᐦᑖᑭᓂᐧᐃᒡ (ᓈᔥᒡ ᐋ ᐧᐄ ᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ, ᐱᑯᑎᔅᑭᒥᒡ ᐊᔅᒌᐦ)
- ᐋᐃᑎᓯᓂᐦᐄᑭᓂᐧᐃᒡ II* — ᐋ ᐅᐦᒡ ᐱᒥᐲᐦᑖᑭᓂᐧᐃᒡ ᐋ ᐋᐱᑎᓰᔅᑖᑭᓂᐧᐃᒡ ᑭᔮᐦ ᐋ ᐧᐃᒥᓈᒋᐦᑖᑭᓂᐧᐃᒡ (ᓈᔑᓂᓪ ᐹᐦᕐᒃ, ᐹᔨᐅᑎᕓᕐᔑᑏ ᕇᔨᔥᕐᕝ)
- ᐋᐃᑎᓯᓂᐦᐄᑭᓂᐧᐃᒡ III — ᐋ ᐧᐃᒥᓈᒋᐦᑖᑭᓂᐧᐃᒡ ᐊᓐ ᐊᓂᑎᐦ ᐊ ᐃᔑ ᓂᐦᑖᐅᒋᐦᒡ (ᒑᐧᑳᓐ ᐊᓂᑎᐦ ᐋ ᒥᒥᔅᑳᓯᓈᑯᐦᒡ ᐊᐦᑎᑯᐦᒡ)
- ᐋᐃᑎᓯᓂᐦᐄᑭᓂᐧᐃᒡ IV — ᐋ ᐋᐱᑎᓰᔅᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᑎᐦ ᐋ ᐅᐦᒡ ᐅᒋᒫᑭᐦᑖᑭᓂᐧᐃᒡ (ᐱᑯᓂᒑᐦ, ᓂᑐᐦᐅᐧᐃᓐ ᑭᔮᐦ ᒫᒃ ᑖᓐ ᐊᑏᑎᔅᑳᓈᓯᒡ ᐊᓂᑎᐦ ᐋᐦᑖᒡ ᐋ ᐅᐦᒡ ᐆᐧᐋᔨᐲᐦᑖᑭᓂᐧᐃᒡ ᐊᓐ ᐊᔅᒌ)
- ᐋᐃᑎᓯᓂᐦᐄᑭᓂᐧᐃᒡ V — ᐋ ᐋᐱᑎᓰᔅᑖᑭᓂᐧᐃᒡ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᑭᔮᐦ ᒫᒃ ᐊᓂᑎᐦ ᓂᐲᐦᒡ ᐧᐃᓂᐹᑯᐦᒡ
- ᐋᐃᑎᓯᓂᐦᐄᑭᓂᐧᐃᒡ VI — ᒑ ᒌ ᐃᔑ ᐊᐱᒋᐦᑖᑭᓂᐧᐃᒡ ᐊᓂᑎᐦ ᐊᓐ ᐊᐦᓂᐦᑖᐅᒋᐦᒡ ᐊᔅᒌᐦᒡ (ᐱᑯᓂᒑᐦ, ᐋ ᐧᐄ ᒥᓈᒋᐦᑖᑭᓂᐧᐃᒡ ᐊᔅᒌ ᐋ ᐅᐦᒡ ᐆᐧᐋᔨᐲᐦᑖᑭᓂᐧᐃᒡ ᐊᓐ ᐊᓂᑎᐦ ᐋ ᐃᔑ ᑎᑯᐦᒡ ᐊᔅᒌᐦᒡ)
* ᒥᓯᐧᐋᓐ ᐊᓐ ᐊᔅᒌ ᐊᓂᑎᐦ ᐋ ᐃᔑ ᑎᑯᐦᒡ ᐅᑎᐦ ᓅᓈᕕᒃ ᐹᑯᓵᔨᐦᑖᑯᐦᒡ ᐅᑎᐦ ᒑ ᒌ ᐊᔅᑎᓂᑭᓂᐧᐃᒡ ᐊᓂᑎᐦ ᐊᔅᑎᓯᓂᐦᐄᑭᓂᐤ II.
ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐅᑎᐦ ᑯᐹᒃ
ᑯᐹᒃ ᑎᐹᔨᐦᒋᒑᓯᐤ ᔕᔥ ᒌ ᐧᐃᔨᐲᐦᑖᐤ ᒥᓯᐦᑖᔅᑭᒥᒡ ᒑ ᐊᑏᓯᓈᑯᓂᔨᒡ ᐊᓂᔮᔨᐤ ᒑ ᐊᑏᐦᑐᑖᑭᓂᐧᐃᔨᒡ, ᑭᔮᐦ ᐊᓂᒌ IUCN, ᒑ ᒌ ᐅᐧᐋᑎᔅᑖᒡ ᑕᓐ ᐊᔅᒌᐧᓵᒥᑭᓂᔨᒡ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ᙮ ᒥᒄ ᒫᒃ, ᐊᓐ ᐋ ᐃᔑ ᐊᐱᑎᓰᔅᑖᑭᓂᐧᐃᒡ ᐆ ᐅᑎᐦ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᑯᐹᑭᐦᒡ ᐋᐅᒄ ᐧᐋ ᐃᔑᓈᑯᐦᑖᑭᓂᐧᐃᒡ “ᔭᔨᑖᐃ ᒑ ᒌ ᑐᑖᑭᓂᐧᐃᒡ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓐ ᐊᓂᑎᐦ ᐊᔅᑎᓯᓈᑖᒡ ᐊᔅᒌ ᒫᓲᐦᐋᑳ ᐊᓐ ᐊᓂᑎᐦ ᐊᐦᑎᑯᐦᒡ, ᒥᓯᐧᐋ ᒫᒃ ᒑ ᒌ ᐊᔅᑎᓂᑭᓂᐧᐃᒡ ᐊᓂᑎᐦ ᐊᓐ ᐊᐦᑎᑯᐦᒡ ᐲᐦᒡ ᒥᒄ ᐊᓐ ᒑ ᐃᔑᓈᑯᓂᐧᑳᐤ ᐆ ᐋ ᐄᑖᔨᐦᑖᑯᐦᒡ ᐅᑎᐦ ᑯᐹᑭᐦᒡ᙮”
ᐅᑎᐦ ᐆᐦᐄ ᓂᓈᐦᑭᐤ ᐃᑎᓯᓈᑖᐤ ᐅᑎᐦ ᐆ ᑯᐸᒃ ᐄᐧᑳᓘᒋᑭᓪ ᕃᕓᕆᓂᔥ ᕝᕌᔨᒻ ᐆᕐᒃ ᑯᐹᒃ ᐊᔅᒌ ᐋ ᒥᓯᓈᑖᒡ ᒑ ᐃᔑ ᐊᐱᑎᓰᔅᑖᑭᓂᐧᐃᒡ᙮ ᐊᓐ ᐊᔅᒌ ᐋ ᐃᔑ ᐧᐋᐱᐦᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐅᑎᐦ ᑯᐸᒃ ᔕᔥ ᒌ ᐅᐦᑎᓂᑭᓂᐤ ᓈᐅᔥ ᐆ ᒑ ᒌ ᐃᑎᓯᓈᑖᒡ᙮ ᔕᔥ ᒥᓯᓈᑖᐤ ᐊᓂᑎᐦ ᐋᒥᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐅᑎᐦ ᑯᐹᒃ [ᒥᒄ ᐋ ᐆᐱᔅᑎᐧᑳᔭᐅᐊᔨᒧᐧᐃᓂᐦᒡ ᑎᑯᓐ ᐆ ᐋ ᐃᔑᓂᐦᑳᑖᒡ ᕆᒡᔅᑎᕐ ᑎᔨᔥ ᐳᕈᑎᒋᔥ ᐋᐤᐦ ᑯᐸᒃ]᙮ ᐊᓐ ᓈᑎᕐᓪ ᐦᐃᕆᑎᒡ ᐧᑳᓐᔑᕐᕓᔨᔑᓐ ᐋᒃᑦ ᐧᐃᐦᑖᑯᓐ ᐊᓂᑎᐦ ᑖᓐ ᐊᓐ ᑳ ᐃᔑ ᐅᐧᐋᑎᔅᑖᑭᓂᐧᐃᒡ ᒑ ᐃᔑ ᓈᓈᑭᒋᐦᑖᑭᓂᐧᐃᒡ ᐊᔅᒌ ᐋ ᐅᐦᒡ ᐧᐃᔨᔓᐧᐋᑖᑭᓄᒡ ᐅᑎᐦ ᑯᐹᒃ᙮
ᐊᑎᑎᐤ ᒫᒃ ᐧᐃᓈᓂᑐᒋᔅᒑᔨᐦᑎᒥᓈᐦ ᒑᐧᑳᓐ ᓂᓈᐦᑭᐤ ᐊᑏᐦᑎᑯᐦᒡ ᑭᔮᐦ ᒫᒃ ᑖᓐ ᐊᓐ ᓈᑎᐧᐋᔨᐦᑖᑯᐦᒡ ᑭᔮᐦ ᒫᒃ ᐋᑳ ᓈᑎᐧᐋᔨᐦᑖᑯᒡ ᐅᑎᐦ ᐆ ᐱᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ, ᒌᔅᑳᐦ ᐅᑎᐦ ᐆ, click here.
ᑯᐸᒃ ᐄᐧᑳᓘᒋᑭᓪ ᕃᕓᕆᓂᔥ ᕝᕌᔨᒻ ᐆᕐᒃ ᑯᐹᒃ ᐊᔅᒌ ᐋ ᒥᓯᓈᑖᒡ ᒑ ᐃᔑ ᐊᐱᑎᓰᔅᑖᑭᓂᐧᐃᒡ᙮
ᐅᑎᐦ ᐆ ᑯᐸᒃ ᐄᐧᑳᓘᒋᑭᓪ ᕃᕓᕆᓂᔥ ᕝᕌᔨᒻ ᐅᕐᒃ ᐋᐅᒄ ᒑ ᐊᐱᒋᐦᑖᑭᓂᐧᐃᒡ ᐊᓐ ᐋ ᐧᐃᔮᔨᐦᑎᒥᐦᐄᐧᐋᒡ “ᐋ ᐆᐧᐋᑎᓯᓂᐦᐄᑭᓂᐧᐃᒡ ᒑ ᐊᑏᑎᓯᓈᑖᒡ ᐊᓂᐦᐄ ᐊᔅᒌᐦ᙮” ᓂᓈᐦᑭᐤ ᐃᑎᔑᓈᑖᐤ ᐊᓐ ᐊᐱᐹᔅᑎᓯᓂᐦᐄᑭᓂᐧᐃᒡ, ᐋ ᐃᔑ ᒥᓯᓂᐦᐄᑭᓂᐧᐃᒡ ᐊᓐ ᐱᑯᑎᔅᑭᒥᒡ (ᐊᔅᒌ) ᑭᔮᐦ ᒫᒃ ᐧᐃᓂᐹᑯᐦᒡ ᑭᔮᐦ ᒫᒃ ᓂᐲᐦᒡ (ᓵᑭᐦᐄᑭᓐᐦ ᑭᔮᐦ ᓰᐲᐦ)᙮ ᐊᑯᑎᐦ ᐆᐦᐄ ᐅᑎᐦ ᐊᔅᑎᓯᓈᑖᒡ:
- 13 ᐊᐦᑎᑎᓐ ᐋᑎ ᐱᐹᔅᑎᓯᓂᐦᐄᑭᓂᐧᐃᒡ ᐊᔅᒌᐦ ᐅᑎᐦ ᑯᐹᒃ (ᐊᔅᐱᐦᑎᓯᓈᑖᒡ I), ᐃᔥᒡ ᒫᒃ 5 ᑎᐦᑐ ᐅᑎᐦ ᓅᓈᕕᒃ
- 80 ᐱᑯᑎᔅᑭᒥᒡ ᐊᔅᒌᐦ (ᐊᔅᐱᐦᑎᓯᓈᑖᒡ II), 27 ᒫᒃ ᑎᐦᑐ ᐅᓵᐦ ᐊᐦᑎᑯᐦᒡ ᐅᑎᐦ ᓅᓈᕕᒃ᙮
ᐊᑎᑎᐤ ᒫᒃ ᐧᐄ ᑭᒑᔅᒑᔨᐦᑎᒥᓈᐦ ᐊᓐ ᑯᐸᒃ ᐄᐧᑳᓘᒋᑭᓪ ᕃᕓᕆᓂᔥ ᕝᕌᔨᒻ ᐆᕐᒃ, ᒑ ᑭᓂᐧᐋᐱᐦᑎᒥᓐ ᐊᓐ ᐊᔅᒌᐦ ᐊᒥᓯᓈᑖᒡ, ᒑ ᒌᔅᑭᐦᐋᒥᓐ ᐆ clicking here.
ᐋ ᒥᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᑯᐹᒃ
ᐊᓐ ᐊᔅᒌᐦ ᑳ ᐃᔑ ᐧᐃᔨᔑᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐅᑎᐦ ᑯᐹᒃ ᔕᔥ ᒌ ᐃᔑ ᐧᐃᔨᔓᐧᐋᑎᑭᓂᐤ ᓈᐅᔥ ᐆ ᒑ ᒌ ᐃᑎᓯᓈᑖᒡ᙮ ᒥᓯᓈᑖᐤ ᑭᔮᐦ ᐊᓂᑎᐦ ᐊᓐ ᒥᓯᓂᐦᐄᑭᓐ ᐋ ᒥᓯᓈᑖᒡ ᐊᓂᐦᐄ ᐊᔅᒌ ᐆ ᐋ ᐃᔑ ᒥᓈᒋᐦᑖᑭᓂᐧᐃᒡ ᐅᑎᐦ ᑯᐹᒃ᙮ [ᒥᒄ ᐋ ᐅᐱᔅᑎᐧᑳᔮᐅᐊᔨᒧᐧᐃᓂᐦᒡ ᐃᔑ ᒥᓯᓈᑖᒡ ᐊᓂᑎᐦ ᕆᒋᔅᑎᕐ ᑎᔥ ᐃᕐᔅ ᐳᕈᑐᒌ ᐋᐤ ᑯᐹᒃ]᙮
ᐅᑎᐦ ᐆᐦᐄ ᐊᔅᑎᓯᓈᑖᒡ ᐋᐅᒄ ᐋ ᐃᔑ ᑭᓂᐧᐋᐱᐦᑖᑭᓂᐧᐃᒡ:
- ᐊᓐ ᐊᔅᒌᐧᓵᒥᑭᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐊᓂᑎᐦ ᐋ ᐃᔑ ᒥᓯᓈᑖᒡ ᓈᑎᕐᓪ ᐦᐃᕆᑎᒡ ᐧᑳᓐᔑᕐᕓᔨᔑᓐ ᐋᒃᑦ ᐧᐃᔨᔔᐧᐋᐧᐃᓂᐦᒡ;
- IUCN ᒋᐦᒋᓂᐧᐋᐱᐦᑎᔨᐧᐋᐧᐃᓐᐦ.
ᐅᐦᐄ ᒫᑲ ᐋᐅᑯᓐᐦ ᐊᔅᑎᓂᑭᓂᐧᐃᒡ:
- ᐊᓐ ᔕᔥ ᐆ ᐋᒌ ᐃᔑ ᐧᐃᔨᔓᐧᐋᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᐊᓂᐦᐄ ᐆ ᒑ ᐃᔑ ᐧᐃᔨᔔᐧᐋᑖᑭᓂᐧᐃᒡ ᐆ ᒑ ᒌ ᐃᔑ ᓈᓈᑭᒋᐦᑖᑭᓂᐧᐃᒡ᙮
- ᓂᐲᐦᒡ ᐋᐦᑎᑯᒡ ᐆ ᒑ ᒌ ᐃᔑ ᐦᓈᓈᑭᒋᐦᑖᑭᓂᐧᐃᒡ ᑭᔮᐦ ᒫᒃ ᐋᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᔑ ᐧᐃᔨᔓᐧᐋᑖᑭᓂᐧᐃᒡ ᒑ ᒌ ᐃᔑ ᓈᓈᑭᒋᐦᑖᑭᓂᐧᐃᒡ;
- ᓂᑳᓂᐦᒡ ᐆ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ
- ᑯᐹᒃ ᓈᔑᓂᓪ ᐹᕐᒃᐦ ᑭᔮᐦ ᑯᐹᒃ ᓈᔑᓂᓪ ᐹᕐᒃ ᐆ ᐋ ᐃᔑ ᐧᐃᔨᔔᐧᐋᑖᑭᓂᐧᐃᒡ
- ᑳᓈᑖᐦ ᓈᔑᓂᓪ ᐹᕐᒃᐦ ᑭᔮᐦ ᐊᓂᐦᐄ ᑳᓂᐧᐋᐱᐦᑖᑭᓂᐧᐃᒡ ᐆ ᒑ ᒌ ᐃᔑ ᐧᐃᔨᔔᐧᐋᑖᑭᓂᐧᐃᒡ ᐅᑎᐦ ᑯᐹᒃ᙮
ᑯᑎᒃ ᒫᒃ ᒥᓐ ᑭᓂᐧᐋᐱᐦᑖᑭᓂᐧᐃᒡ ᐊᔅᒌᐦ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ ᐅᑎᐦ ᓅᓈᕕᒃ ᐊᑦ ᐋᑳ ᐆ ᐃᔑ ᑎᑯᐦᒡ ᐅᑎᐦ ᐋ ᐊᒥᓯᓈᑖᒡ᙮ ᓂᒧᐃ ᒫᒃ ᒥᓯᓈᑖᐤ ᐊᓂᑎᐦ ᐊᓐ ᒥᓯᓂᐦᐄᑭᓐ ᑭᔮᐦ ᒫᒃ ᓂᒧᐃ ᐧᐃ ᒋᐦᒋᓂᐧᐋᒋᐦᑖᑭᓂᐤ ᐊᓂᑎᐦ ᐊᓂᐦᐄ ᐊᔅᒌᐦ, ᒥᒄ ᒫᒃ ᐊᓐ ᐋ ᐃᔑ ᐧᐋᐱᐦᑖᑭᓂᐧᐃᒡ ᒐ ᒌ ᐃᔑ ᒥᓈᒋᐦᑖᑭᓂᐧᐃᒡ, ᒥᓯᐦᑖᐦ ᑭᔮᐦ ᒫᒃ ᒥᒋᓐ, ᒑ ᒌ ᐧᐃᔓᑖᑭᓂᐧᐃᒡ ᑭᔮᐦ ᒫᒃ ᐊᔅᑰ ᐋᑳ ᐅᐦᒡ ᐧᐃᔮᔨᐦᑎᒥᐦᐄᐧᐋᒡ, ᑭᔮᐦ ᒫᒃ ᒑ ᒌ ᐧᐃᔨᔓᑖᑭᓂᐧᐃᒡ ᐊᓐ ᐋ ᐋᐱᒋᐦᑖᑭᓂᐧᐃᒡ ᑳ ᐃᔑ ᐧᐃᔨᔅᑖᑭᓂᐧᐃᒡ ᒑ ᒌ ᐃᔑ ᓈᓈᑭᒋᐦᑖᑭᓂᐧᐃᒡ ᐊᐱᑎᓯᐧᐃᓐ (ᐧᐃᔮᔅᑯᓂᒑᐧᐃᓈᐦᒡ, ᐧᐃᔨᔓᐧᐋᐧᐃᓈᐦᒡ, ᓂᔅᑯᒥᐧᐃᓈᐦᒡ) ᐊᔅᑯ ᐧᐄ ᐋ ᐋᐱᑎᐦᒡ᙮ ᐋᐅᒄ ᐆ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐊᓐ ᓛᒃ ᑲᒻᐱᕆᔨᓐ ᑭᔮᐦ, ᓛᒃ ᓈᒋᐊᐹᐤ ᐄᑖᐦᒑ ᐊᔅᒌᐦ, ᐊᓂᑎᐦ ᐋ ᐊᔅᒋᐱᔨᒡ ᐊᓂᑎᐦ ᐊᓐ ᐧᐋᒋᐦᒡ ᓂᔅᑯᒥᐧᐃᓐ᙮ This is the case for the Lac Cambrien and Lac Nachicapau area, which is subject to a specific agreement.
ᐊᑎᑎᐤ ᒫᒃ ᐧᐃ ᑭᒑᔅᒑᔨᐦᑎᒥᓈᐦ ᐊᓂᐦᐄ ᐊᔅᒌᐦ ᐅᑎᐦ ᐋ ᒥᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᑯᐹᒃ, ᒑ ᑭᓂᐧᐋᐱᐦᑎᒥᓐ ᐊᓂᐦᐄ MELCC ᐊᔅᒌᐦ ᐊᒥᓯᓈᑖᒡ ᒫᐤ ᐅᑎᐦ ᒑ ᒋᔅᑭᐦᐋᒥᓐ by clicking here.
ᓈᑎᕐᓪ ᐦᐃᕆᑎᒡ ᐧᑳᓐᔑᕐᕓᔨᔑᓐ ᐋᒃᑦ
ᐊᓐ ᓈᑎᕐᓪ ᐦᐃᕆᑎᒡ ᐧᑳᓐᔑᕐᕓᔨᔑᓐ ᐋᒃᑦ Natural Heritage Conservation Act, ᑳ ᐱᒧᐦᑖᑭᓂᐧᐃᒡ 2002 ᑭᔮᐦ ᒥᓐ ᑳ ᐆᐧᐋᑎᓯᓂᐦᐄᑭᓂᐧᐃᒡ 2021, ᐊᑯᑎᐦ ᑳ ᐅᐦᒡ ᑭᒋᐦᒋᐱᔨᒡ ᐆ ᐋ ᐃᔑ ᐋᐱᑎᓰᔅᑖᑭᓂᐧᐃᒡ ᒑ ᒌ ᑎᑖᑭᓂᐧᐃᒡ ᐊᓂᐦᐄ ᐧᐋᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌᐦ ᑭᔮᐦ ᒫᒃ ᐊᓐ ᑳ ᐃᔑ ᐱᑯᐦᑖᑭᓂᐧᐃᒡ ᐊᓂᐦᐄ ᑳ ᑭᓂᐧᐋᐱᐦᑖᑭᓂᐧᐃᒡ (% ᐊᓐ ᐊᔅᒌ ᐧᐋᒥᓈᒋᐦᑖᑭᓂᐧᐃᒡ) ᐊᓂᑎᐦ ᐧᐋᒋᐦᒡ ᐋ ᐃᔅᐹᒡ᙮ ᒑᑳᑦ 5000 ᐊᐦᑎᑎᓐ ᐊᓂᐦᐄ ᐊᔅᒌᐦ, ᐊᓐ ᒫᒃ ᐊᓐ 33 ᐊᐦᑎᑎᓐ (ᐹᕐᒃᐦ, ᐊᑭᓂᐧᐋᐱᐦᑖᑭᓂᐧᐃᒡ ᐊᓂᐦᐄ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ) ᐊᑯᑎᐦ ᔕᔥ ᐊᔅᒋᐱᔨᒡ ᐅᑎᐦ ᑯᐹᒃ ᐊ ᐅᐦᒡ ᐱᒥᐲᐦᑖᑭᓂᐧᐃᒡ ᐋ ᐧᐃᒥᓈᒋᐦᑕᑭᓂᐧᐃᒡ ᐊᔅᒌᐦ᙮
ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᓅᓈᕕᒃ
ᐅᑎᐦ ᓅᓈᕕᒃ, ᐊᓐ ᐋ ᐋᐱᑎᓰᔅᑖᑭᓂᐧᐃᒡ ᐊᓂᑎᐦ ᐊᔅᑎᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐧᐋᐅᔮᔥ 20᙮59% ᐃᔅᐱᓵᐤ, ᑭᔮᐦ ᒫᒃ ᐊᐧᐃᔅᑖᐦ 100,000 km2 ᑳᑎᐧᐦᑳᒡ ᐊᔅᒌ ᑎᐱᐦᐄᑭᓐ᙮ ᐊᑯᑎᐦ ᐊᔅᑎᒋᐦᑖᑭᓂᐧᐃᒡ ᔕᔥ ᐊᓐ 8 ᐊᐦᑎᑎᒡ ᐋ ᐅᔅᑳᐦᒡ ᓂᑳᓂᐦᒡ ᒑ ᒌ ᑎᑖᑭᓂᐧᐃᒡ ᐆ ᒑ ᒌ ᐃᔑ ᐃᑎᓯᓂᐦᐄᑭᓂᐧᐃᒡ ᔕᔥ ᐊᓐ ᑳ ᐃᔑ ᐧᐃᔮᔨᐦᑎᒥᐦᐄᐧᐋᒡ 2020, ᑭᔮᐦ ᒫᒃ ᔕᔥ 8 ᐊᐦᑎᑎᓐ ᐊᓐ ᔕᔥ ᐊᐦᑎᑯᐦᒡ, 1 ᐋ ᐧᐋᔮᔨᐦᑎᒥᐦᐄᐧᐋᒡ ᓂᐱ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᑭᔮᐦ ᒫᒃ 3 ᐆ ᐋᒌ ᐃᔑ ᐧᐃᔮᔨᐦᑖᑭᓂᐧᐃᒡ 2009 ᑭᔮᐦ 2018᙮ ᓄᔓ ᐊᓂᐦᐄ ᔕᔥ ᒌ ᐊᑎᓯᓂᐦᐄᑭᓂᐤ ᐊᓐ ᒑ ᐃᔑ ᑭᓂᐧᐋᐱᐦᑖᑭᓄᐧᐋᑯᐱᓐ 2020᙮ ᐅᑎᐦ ᒫᒃ ᒫᒨ ᐊᑭᓂᐧᐋᐱᐦᑖᑭᓂᐧᐃᒡ 4 ᐊᐦᑎᑎᐦᒡ ᓈᔑᓂᓪ ᐹᕐᒃ ᑭᔮᐦ ᒫᒃ 5 ᐃᐦᑎᑎᓐ ᓈᔑᓂᓪ ᐹᕐᒃ ᐆ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ᙮
ᐊᓂᑎᐦ ᒫᒃ ᐋ ᒥᓯᓈᑖᒡ ᐊ ᐱᒥᓯᓈᑖᒡ 24 ᐊᓂᑎᐦ ᒋᒥᔅ ᐯᐃ ᑭᔮᐦ ᐊᑎᒫᐲᓯᒻ ᑯᐸᒃ ᓂᔅᑯᒧᐧᐃᓐ (JBNQA) ᑭᔮᐦ ᐋ ᐱᒥᓯᓈᑖᒡ 15 ᐊᓂᑎᐦ ᐊᓐ ᐊᑎᒫᐲᓯᒽ ᐧᐋᐱᓄᑖᐦᒡ ᑯᐸᒃ ᓂᔅᑯᒧᐧᐃᓐ (NEQA), ᐊᓂᒌ ᒫᒃ ᐊᓂᑎᐦ ᐊᔅᑎᓯᓈᓲᒡ ᓂᔅᑯᒧᐧᐃᓂᐦᒡ (ᐄᔅᒋᒫᐅᒡ, ᓈᔅᑳᐲᐦ, ᐄᔨᔨᐅᒡ) ᒋᑭ ᒌ ᐊᐱᐦᒋᐦᑖᐅᒡ ᐊᓂᔮᔨᐤ ᐅᔅᑭᔅᒋᐦᐅᐧᐃᓂᐧᐋᐤ ᐅᐦᒡ ᐊᓂᔮᔨᐤ ᐊᓂᑐᐦᐆᒡ ᐅᑎᐦ ᐅᔮᔨᐤ ᑳᑎᕕᒃ ᐋ ᑎᐹᔨᐦᑎᒥᔨᒡ, ᐊᔥᒡ ᒫᒃ ᑭᔮᐦ ᐊᓂᔮᔨᐤ ᐊᑎ ᐧᐃᔨᔓᐧᐋᑖᑭᓂᐧᐃᒡ ᑕᓐ ᒥᒄ ᐊᓯᓈᑯᓂᔨᐧᑳᐤ ᐊᓂᔮᔨᐤ ᐧᐋᒥᓈᒋᐦᑖᑭᓂᐧᐃᔨᒡ᙮