ᐋᐧᐃᒥᓈᒋᐦᑖᑭᓂᐧᐃᒡ-ᐊᔅᒌ ᐊᑎᓯᓈᑖᒡ
ᐅᑎᐦ ᓅᓈᕕᒃ ᐊᓂᐦᐄ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐊᑯᑎᐦ ᐊᐦᑎᑯᐦᒡ ᐊᓂᐦᐄ ᓈᔑᓂᓪ ᐹᕐᐦᒃ, ᓈᔑᓂᓪ ᐹᕐᒃ ᒑ ᑎᑯᐦᒡ, ᐋ ᐄᔮᔅᑯᔅᑖᒡ ᐆ ᒑ ᒌ ᐃᑎᔑᓂᐦᐄᑭᓂᐧᐃᒡ, ᐹᔨᒄ ᐋ ᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᑎᔑᓂᐦᐄᑭᓂᐧᐃᒡ ᓯᐲᐦ/ᓵᑭᐦᐄᑭᒡ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒥᓐ ᐊᔅᒌ ᐆ ᐋ ᐃᔑ ᑯᐧᑳᑎᐧᐋᓂᐧᐃᒡ ᒑ ᒌ ᐃᑎᔑᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ᙮ ᐋᐅᒃ ᐃᔮᐱᒡ ᐊᑎᔑᓂᐦᐄᑭᓂᐧᐃᒡ II ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᑎᐦ ᐊᑎᓯᓈᑖᒡ ᐃᓐᑎᕐᓈᔑᓂᓪ ᔪᓂᔨᓐ ᕚᕐ ᐧᑳᓐᔅᕐᕕᔨᔑᓐ ᐋᐦᕝ ᓈᔨᑎᕐᓐ (IUCN), ᒥᓯᐦᑖ ᐋ ᐅᐦᒡ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ, ᒫᐅᒡ ᐊᓂᑎᐦ ᐋ ᐃᔅᐹᒡ ᐊᑎᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ᙮ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᔮᔨᑎᔅᑖᐤ ᐋ ᓈᑭᑎᐧᐋᔨᐦᑖᑭᓂᐧᐃᒡ ᐊᓂᐦᐄ ᓈᑎᐧᐋᔨᐦᑖᑯᐦᒡ ᐆ ᒑ ᒌ ᐃᔑ ᓈᑭᑎᐧᐋᔨᐦᑖᑭᓂᐧᐃᒡ ᑭᔮᐦ ᒫᒃ ᐋ ᐊᔅᑎᓂᑭᓂᐧᐃᒡ ᐊᓐ ᑳ ᐃᔑ ᓂᔅᑖᒥᔅᑖᒡ ᐊᓂᑎᐦ ᐧᐋᐦᒋᔨᒡ ᐅᑎ ᐃᑕᑎᓯᐧᐃᓂᐧᐋᐤ᙮
ᐋᔅᒌ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᓂᐲᐦᒡ ᐋᐦᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ
ᐅᑎᐦ ᑯᐸᒃ, ᐊᓐ ᐊᔅᒌ ᐊᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᓂᐱᐦᒡ ᐋᐦᑎᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᑯᑎᐦ ᐧᐋᐦᒡ ᐱᒥᐲᐦᑖᑭᓂᐧᐃᒡ ᑎᐹᔨᐦᒋᒑᓯᓈᐦᒡ ᑎ ᓖᐃᓐᕙᔨᕐᓐᒥᓐᕪ ᐁᑦ ᑌ ᓚ ᓘᑦ ᐧᑳᓐᑎᕐ ᓕᔨᔥ ᒑᔨᓐᒡᒣᓐᑦᔅ ᑭᓛᔨᒫᑎᒃᔅ (MELCC). ᐊᓂᔮ ᒑᐧᑳᔨᐤ ᐋᐦᒡ ᑖᒡ ᑭᔮᐦ ᒫᒃ ᒑ ᐃᔑ ᑭᓂᐧᐋᐱᐦᑎᒡ ᐋ ᒥᓯᓈᑖᔨᒡ ᐊᓂᑎᐦ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᒑ ᐊᑏᐦᑐᑖᑭᓂᐧᐃᔨᒡ᙮ ᒋᔅᑯᑎᒫᒑᐧᐃᓈᒡᐦ ᑭᔮᐦ ᒫᒃ ᒥᒫᑎᐧᐋᔨᐦᑎᐧᐃᓈᐦᒡ ᒑᐧᑳᓐ ᐋ ᐧᐄ ᐃᐦᑐᑖᑭᓂᐧᐃᒡ, ᒥᒄ ᒫᒃ ᐅᐦᐄ ᐋ ᐧᐃᑐᑖᑭᓂᐧᐃᒡ ᓲᔮᓈᐦᒡ ᐧᐋᔥ ᐅᐦᒡ ᐱᒦᐲᐦᑖᑭᓂᐤ ᑕᓂᔮᔨᐤ ᑭᔨᐧᐹᐦ ᐧᐃᔨᐧᐋᐤ ᐊᓂᒌ ᑳ ᐃᔑ ᐧᐃᔮᔨᐦᑎᐦᒡ ᐊᓂᒌ ᐄᐦᑖᐧᐃᓂᐦᒡ ᑭᔮᐦ ᒫᒃ ᐊᓂᒌ ᐸᒥᐲᐦᑖᒡ ᐊᓂᔮᔨᐤ᙮
ᐅᑎᐦ ᓅᓈᕕᒃ, ᐊᓐ ᑳ ᐅᔑᐦᑖᑭᓂᐧᐃᒡ ᐆ ᒑ ᒌ ᐃᔑ ᑭᓂᐧᐋᔨᐦᑖᑭᓂᐧᐃᒡ ᐊᔅᒌ ᑭᔮᐦ ᒫᒃ ᐊᓐ ᓂᐲᐦᒡ ᐋᐦᑎᑯᐦᒡ, ᑯᐹᒃ ᑎᐹᔨᐦᒋᒑᓯᐤ ᓂᑳᓂᐦᑭᑖᑭᐦᑎᒽ, ᐋ ᐧᐃᒋᐦᐄᑐᒡ ᐊᓂᒌ ᐧᐋᒋᐦᒡ ᑳᓂᐧᐋᔨᐦᑎᐦᒡ ᐊᓂᔮᔨᐤ ᐊᔅᒋᔨᐤ ᑖᐱᔨᐧᐋᐅᓯᔨᒡ, ᐊᑐᐦᑖᔅᑎᒫᑯᐦᒡ ᑳᑎᕕᒃ ᒋᓴᑎᐹᔨᐦᒋᒑᓯᐤ, ᐊᓂᒌ ᒫᒃᕕᒃ ᑯᐧᐋᐳᕋᔨᔑᓐ, ᓈᔅᑳᐲ ᐄᔨᔨᐅᒡ ᐊᓂᑎᐦ ᑳᐧᐋᐧᐋᒋᑭᒫᐦᒡ, ᐊᓂᒌ ᐄᔨᔨᐤ ᒋᔕᑎᐹᔨᒋᒑᓯᐤ (ᐊᓂᒌ ᐧᐋᐱᒫᑯᔅᑑᐦᒡ ᐄᐦᑖᐧᐃᓂᐦᒡ) ᑭᔮᐦ ᒫᒃ ᑯᑎᑭᒡ ᐊᓂᒌ ᒑ ᐧᐋᐧᐃᒋᐦᐄᐧᐋᐧᐋᑯᐱᓈᐦ ᐊᓂᑎᐦ ᐋ ᐅᐦᒋᒡ ᐄᐦᑖᐧᐃᓂᐦᒡ᙮
ᓈᔑᓂᓪ ᐹᕐᒃᔅ
ᐅᑎᐦ ᑯᐹᒃ ᐊᓂᐦᐄ ᓈᔑᓂᓪ ᐹᕐᒃᔅ ᐊᑯᑎᐦ ᐧᐋᐦᒡ ᐅᒋᒫᐦᑭᐦᑖᑭᓂᐧᐃᒡ ᐊᓂᑎᐦ ᑎᐹᔨᐦᒋᒑᓯᓈᐦᒡ ᒥᓐᔅᑎᕐ ᑎᔨᔥ ᕚᕐᑦᔅ, ᑎ ᓛ ᐧᕚᓐ ᐃ ᑌ ᐹᕐᒃᔅ (MFFP). ᐃᔅᐱᐦ ᒫᒃ ᒌ ᐅᔑᐦᑖᑭᓅᐧᑳᐦ, ᐊᓂᐦᐄ ᓈᔑᓂᓪ ᐹᕐᒃᔅ ᐊᓂᑎᐦ ᐲᓯᐧᒫᐦᑖᒡ ᐊᓐᑌᔨᕉ ᐊᓂᑎᐦ ᐅᐦᒡ ᐅᒋᒫᐦᑭᐦᑖᑭᓂᐤ ᓲᓵᔨᑏᐦ ᑎᔨᔥ ᐁᑖᑉᓕᔑᒥᓐᑦᔥ ᑎ ᑉᓛᔨᓐ ᐊᐃᕐ ᑑ ᑯᐹᒃ (SÉPAQ)᙮
ᐅᑎᐦ ᓅᓈᕕᒃ ᑳ ᐃᔥᐱᔥ ᑎᑯᐦᒡ ᐊᓐ ᓵᓇᕐᕈᑎᒃ ᓂᔅᑰᒧᐧᐃᓐ 2002, ᐊᐱᑎᓯᐧᐃᓐ ᐊᓂᑎᐦ ᓈᔑᓂᓪ ᐸᕐᒃᔥ ᐧᐃᔨᐧᐋᐤ ᐱᒥᐲᐦᑖᐅᒡ ᐊᓂᒌ ᑳᑎᕕᒃ ᒋᓴᑎᐹᔨᐦᒋᒑᓯᐤ (KRG), ᐊᓂᒌ ᒫᒃᕕᒃ ᑯᐧᐋᐳᕋᔨᔑᓐ ᑭᔮᐦ ᐊᓂᒌ MFFP᙮ ᐊᓂᑎᐦ ᒫᒃ ᐊᓐ ᐊᔅᒌ, ᓅᓈᕕᒃ ᐹᕐᒃᔥ Nunavik Parks (ᐲᐦᒡ ᐊᓂᑎᐦ ᐊᓐ ᑳᑎᕕᒃ ᑎᐹᔨᐦᒋᒑᓯᐅᒡ) ᐅᒋᒫᐦᑭᐦᑎᒧᒡ ᐅᔮᔨᐤ ᓈᔑᓂᓪ ᐹᕐᒃᔥ᙮ ᒋᑭ ᐧᐋᐧᐃᒋᐦᐄᐧᐋᐅᒡ ᑭᔮᐦ ᐊᓂᒌ ᐊᓂᑎᐦ ᐧᐋᐦᒋᔨᒡ ᒥᓯᐧᐋᐦ ᐊᓂᔮᔨᐤ ᐊᓂᑎᐦ ᒑ ᐊᑏᐦᑐᑖᑭᓂᐧᐃᔨᒡ (ᐋ ᒋᐦᒋᐱᔨᐦᑖᑭᓂᐧᐃᔨᒡ, ᐋ ᐱᒥᐲᐦᑖᑭᓂᐧᐃᔨᒡ)᙮
ᐊᓂᑎᐦ ᐊᓂᐦᐄ ᓈᔑᓂᓪ ᐹᕐᒃᔅ “ᐊᔅᒌᐦ ᑯᐹᒃ ᐋ ᒌ ᐧᐃᔮᔨᐦᑖᑭᓂᐧᐃᒡ ᐱᑯᑎᔅᑭᒥᒡ ᐊᔅᒡ ᒫᒃ ᐊᓂᐦᐄ ᐊᒥᔪᓈᑯᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ […] ᑭᔮᐦ ᐊᑎᑎᐤ ᒑ ᐧᐄᒥᔫᐲᐦᑖᑭᓂᐧᐃᒡ᙮” ᑎᐹᔨᐦᒋᒑᓯᐤ ᓲᔮᓂᓯᓂᐦᐄᑭᓐ ᐊᔅᑎᓂᑭᓂᐤᐦ ᐊᓂᐦᐄ ᐊᓂᑎᐦ ᒑ ᒌ ᐅᐦᒡ ᐆᐧᐋᑎᔅᑖᑭᓂᐧᐃᒡ (ᐊᓂᑎᐦ ᒑ ᒌ ᐱᐦᒑᓂᐧᐃᒡ ᒥᓯᓂᐦᐄᒑᐅᑭᒥᒄ, ᒫᔅᑭᓂᐤ ᐱᑯᓂᒑᐦ) ᒑ ᐅᔑᐦᑖᑭᓂᐧᐃᒡ (ᒫᔅᑭᓂᐤᐦ ᐋ ᐱᒧᐦᑖᓂᐧᐃᒡ, ᒋᐦᒋᓂᐧᐋᒋᓯᓂᐦᐄᑭᓐ), ᐋ ᒥᒫᑎᐧᐋᓂᐧᐃᒡ ᒑ ᒌ ᑐᑖᑭᓂᐧᐃᒡ (ᐱᑯᓂᒑᐦ ᐅᑎᐦ ᐋ ᐆᐦᐋᓲᓈᓂᐧᐃᒡ), ᑭᔮᐦ ᒫᒃ ᒋᔅᑯᑎᒫᒑᐧᐃᓐᐦ ᐋ ᐄᐦᑐᑖᑭᓂᐧᐃᒡ (ᐋ ᐄᐧᑖᔅᑎᒫᒑᓂᐧᐃᒡ, ᐋ ᐄᑐᐦᑖᒡ ᒋᔅᑯᑎᒫᑐᐊᐧᐋᔑᔕᒡᐦ)᙮
ᐧᐋᔨᐱᔅᒋᔥ ᐋ ᐄᑎᓯᓂᐦᐄᑭᓂᐧᐃᒡ
ᐊᔅᒌᐦ ᐋ ᒌ ᐅᐧᐋᔮᔨᐦᑎᒥᐦᐄᐧᐋᒡ ᐊᓂᐦᐄ ᒑ ᐧᐃ ᒥᓈᒋᐦᑖᑭᓂᐧᐃᒡ
(TRPAP) ᐆ ᐋ ᐃᑎᓯᓈᑖᒡ ᐱᒑᔨᒄ ᐋ ᐱᒥᐦᑳᑭᓂᐧᐃᒡ ᐊᔅᑯ ᐋ ᐊᓯᓂᐧᐋᐦᑖᑭᓂᐧᐃᒡ ᒑ ᒌ ᐧᐃᔮᔨᐦᑎᒥᐦᐄᐧᐋᒡ ᐊᓐ ᒑ ᐃᑎᓯᓈᑖᒡ ᒋᐦᒋᐧᐋᐦ ᐋ ᐧᐃ ᒥᓇᒋᐦᑖᑭᓂᐧᐃᒡ᙮ ᐅᑎᐦ ᐆᐦᐄ ᐊᔅᒌ, ᐊᒌ ᐱᒋᔅᑎᓲᐧᐋᑖᑭᓂᐧᐃᒡ ᒑ ᒌ ᓄᑎᓯᓈᓂᐧᐃᒡ ᑭᔮᐦ ᒫᒃ ᑯᑎᒡ ᐆ ᐋ ᐃᔑ ᐧᐃᐦᒋᐦᐄᐧᐋᒡ ᐋ ᒧᓂᐦᐄᒑᓂᐧᐃᒡ ᐋ ᒋᐦᒋᐱᔨᐦᑖᑭᓂᐧᐃᒡ᙮ ᐅᐦᐄ ᐅᑎᐦ ᐊᔅᒌ ᑭᑎ ᒌ ᐃᔑᓈᑯᒡ ᒑ ᒌ ᒋᐱᐦᒋᑖᑭᓂᐧᐃᒡ ᐧᑳᐧᓵᓐ ᐋ ᐅᔅᑯᑎᒦᐦᒑᓂᐧᐃᒡ ᑭᔮᐦ ᒫᒃ ᐋ ᓅᑖᐦᑎᐧᑳᓂᐧᐃᒡ᙮
ᐋ ᑰᐧᑳᑎᐧᐋᓂᐧᐃᒡ ᐊᔅᒌ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ (PBR) ᑭᔮᐦ ᓂᐲᐦᒡ ᐋᐦᑎᑯᐦᒡ ᐋ ᐧᐃ ᒥᓈᒋᐦᑖᑭᓂᐧᐃᒡ (PAR)
ᐊᓂᐦᐄ ᐋ ᑰᐧᑳᑎᐧᐋᓂᐧᐃᒡ ᐊᔅᒌ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᓐ ᓂᐲᐦᒡ ᐋᐦᑎᑰᐦᒡ ᐋ ᐧᐃᒥᓈᒋᐦᑖᑭᓂᐧᐃᒡ ᑎᑯᓐ ᐊᓐ ᐧᐋᔨᐱᔥᒋᔥ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋᑳ ᓈᔥᒡ ᒥᐦᒑᑐ ᐱᐳᓐᐦ᙮ ᐅᑎᐦ ᐆ ᐋ ᐃᑎᔑᓂᐦᐄᑭᓂᐧᐃᒡ ᔕᔥ ᐋ ᒋᐦᒋᐱᔨᒡ ᐊᓐ ᐋ ᐧᐄ ᐃᑎᔑᓂᐦᐄᑭᓂᐧᐃᒡ ᒋᐦᒋᐧᐋᐦ ᐊᓐ ᒑ ᒌ ᐧᐃᔨᔓᐧᐋᑕᑭᓂᐧᐃᒡ ᐊᔅᒌ ᑭᔮᐦ ᒫᒃ ᐊᓐ ᓂᐱᐦᒡ ᐋᐦᑎᑯᐦᒡ ᐋ ᐧᐄ ᒥᓈᒋᐦᑖᑭᓂᐧᐃᒡ᙮ ᐋᓄᑎᓯᓈᓂᐧᐃᒡ, ᑳ ᐱᐦᔮᐧᑳᒡ ᑭᔮᐦ ᐱᒦ ᐋ ᐧᐃ ᑭᒋᐦᒋᐱᔨᐦᑖᑭᓂᐧᐃᒡ, ᐋ ᐅᔅᑯᑎᒥᐦᒑᓂᐧᐃᒡ, ᑭᔮᐦ ᒫᒃ ᐋ ᓅᑖᐦᑎᐧᑳᓂᐧᐃᒡ ᓂᒧᐃ ᓂᑎᐧᐋᔨᐦᑖᑯᓐᐦ ᐅᑎᐦ ᐆ ᐊᔅᒌᐦ᙮
ᓈᔑᓂᓪ ᐹᕐᒃ ᐋ ᐃᔑ ᑰᐧᑳᑎᐧᐋᓂᐧᐃᒡ
ᐅᑎᐦ ᐆ ᐋ ᐃᑎᔑᓈᑖᒃ ᐧᐃᐦᑖᑯᓐ ᔕᔥ ᐆ ᐊ ᒋᐦᒋᐱᔨᒡ ᐋ ᐧᐃᐱᑯᐦᑖᑭᓂᐧᐃᒡ ᐊᓐ ᓈᔑᓂᓪ ᐹᕐᒃ ᒑ ᒌ ᐃᑎᔑᓈᑖᒡ᙮ ᐋ ᓄᑎᓯᓈᓂᐧᐃᒡ, ᑳ ᐱᐦᔮᐧᑳᒡ ᑭᔮᐦ ᐱᒦ ᐋ ᐧᐄ ᑭᒋᐦᒋᐱᔨᐦᑖᑭᓂᐧᐃᒡ, ᐋ ᐅᔅᑯᑎᒥᐦᒑᓂᐧᐃᒡ ᑭᔮᐦ ᒫᒃ ᐋ ᓄᑖᐦᑎᐧᑳᓂᐧᐃᒡ ᓂᒧᐧᐃ ᓂᑎᐧᐋᔨᐦᑖᑯᓐ ᐅᑎᐦ ᐆ ᐊᔅᒌᐦ᙮
ᐅᑎᐦ ᐆ ᐋ ᐃᔑ ᐧᐄᑎᓲᐦᑖᑭᓂᐧᐃᒡ ᐊᔥᒌᐦ ᑭᔮᐦ ᒫᒃ ᐊᓐ ᐋ ᐃᔑ ᑰᐧᑳᑎᐧᐋᓂᐧᐃᒡ (ᓂᐱᐦᒡ ᐋᐦᑎᑯᐦᒡ ᒑ ᐧᐃ ᒥᓈᒋᐦᑖᑭᓂᐧᐃᒡ, ᐋ ᑰᐧᑳᑎᐧᐋᓂᐧᐃᒡ ᐊᔅᒌᐦ ᐋ ᐧᐃ ᒥᓈᒋᐦᑖᑭᓂᐧᐃᒡ) ᒥᒄ ᐧᐋᔥ ᐆ ᐧᐋᔨᐱᔥᒋᔥ ᑭᑎ ᐃᑎᔑᓂᐦᐄᑭᓂᐤᐦ᙮ ᐊᓐ ᒋᐦᒋᐧᐋ ᒐ ᐃᔑᓂᐦᑳᑖᐧᐋᑯᐱᓈᐦ ᐸᑎᒫᐦ ᑭᑎ ᑎᑯᓐ ᒋ ᒋᔅᒑᔨᐦᑖᑯᐦᒑᐦ ᐊᓐ ᐧᐋᒋᐦᒡ ᒑ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐊᓐ ᐊᔅᒌ᙮ ᐋᐅᒄ ᐧᐋᔥ ᐆ ᑳ ᐃᔅᐱᔨᒡ ᐊᓂᐦᐄ ᓈᔑᓂᓪ ᐹᕐᒃ ᐊᓂᑎᐦ ᓅᓈᕕᒃ ᐋᐦᑎᑯᐦᒡ᙮ ᔕᔥ ᒌ ᐧᐃᒋᓲᐦᑖᑭᓅᐦ ᐋ ᐃᔅᒋᒫᐅᐃᔑᓂᐦᑳᑖᒡ (ᐱᓐᑲᓗᐧᐃᑦ, ᑑᕉᓲᒎᒃ, ᐅᓕᑕᓐᓂᐅᒑᓕᒃ, ᑰᕈᕐᒍᐋᒄ)᙮ ᐊᓂᒌ ᒫᒃ ᐊᓂᑎᐦ ᐊᑐᐦᑖᔅᑎᒫᑎᐦᒃ ᓅᓈᕕᒃ ᑭᔮᐦ ᒫᒃ ᐊᓂᐦᐄ ᐄᐦᑖᐧᐃᓐᐦ ᑭᔮᐦ ᒫᒃ ᐊᓂᒌ ᐊᓂᑎᐦ ᐧᐋᐦᒋᔨᒡ ᒥᑯᔅᑳᑖᔨᐦᑎᒥᐦᐄᑯᒡ ᐅᔮᔨᐤ ᐊᔅᒌ ᑕᓐ ᐧᐋᒋᐦᒡ ᒑ ᐊᑏ ᐃᔑᓂᐦᑳᑖᔨᒡ ᒑ ᐧᐃᔮᔨᐦᑎᒥᐦᐄᐧᐋᔨᒡ ᐊᓂᑎᐦ ᐧᑳᒦᔑᓐ ᑎ ᑐᐳᓃᒦ ᑑ ᑯᐸᒃ᙮
ᐃᔅᐱᔅ 2021, ᒥᓐ ᑳ ᑭᓂᐧᐋᐱᐦᑖᑭᓂᐧᐃᒡ ᐊᓐ ᓈᑎᕐᓪ ᐦᐁᕆᑏᒡ ᐧᑳᓐᔑᕐᕙᔨᔑᓐ ᐋᒃᑦ (NHCA), “ᐧᑳᐧᑳᑐᐧᐋᓂᐧᐃᒡ” ᐊᔅᒌᐦ ᑭᔮᐦ ᒫᒃ ᐊᓂᐦᐄ ᐱᑦ ᑳ ᑎᐹᓂᔅᑖᑭᓂᐧᐃᒡ ᒑ ᐧᐃᔮᔨᐦᑎᒥᐦᐄᐧᐋᒡ ᑕᓐ ᐊᓐ ᐧᐋᒋᐦᒡ ᒑ ᐄᑎᔑᓂᐦᐄᑭᓂᐧᐃᒡ ᐋᑳ ᐱᑦ ᒥᒄ ᐧᐋᔨᐱᔥᒋᔥ ᐧᐄᐦᐧᐄᑐᓲᐦᑖᑭᓂᐧᐃᒡ᙮ ᐋᐅᒄ ᐧᐋᔥ ᐱᔥᒡ ᐆ ᐋ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐊᓂᐦᐄ ᐆ ᑳ ᐃᔑ ᐧᐃᔮᔨᐦᑎᒥᐦᐄᐧᐋᒡ ᐊᔅᒌ ᑭᔮᐦ ᒫᒃ ᐊᓐ ᓂᐱᐦᒡ ᐊᓂᑎᐦ ᐋᐦᑎᑯᐦᒡ ᐆ ᒑ ᒌ ᐃᑎᔑᓂᐦᐄᑭᓂᐧᐃᒡ ᓅᓈᕕᒃ ᐋᐧᒫᔮᐦ ᐅᐦᒡ ᐅᑎᐦᒋᐱᔨᒡ 2021᙮ ᒥᓯᐧᐋ ᐋᐧᐋᓐ ᒋᑭ ᓂᑎᐧᐋᔨᐦᑖᑯᓯᐤ ᐆ ᒑ ᒌ ᐧᐃᒋᐦᐄᐧᐋᒡ ᐆ ᐧᐃᐦ ᐃᔑ ᐧᐃᔮᔨᐦᑖᑭᓂᐧᐃᒑᐦ ᐋᐅᒄ ᐧᐋᔥ ᐊᔑᓂᑎᐧᐋᔨᐦᑖᑯᐦᒡ ᐆ ᒑ ᒌ ᑐᑖᑭᓂᐧᐃᒡ ᐋᐧᒫᔮᐦ ᒋᐦᒋᐧᐋ ᐧᐃᒋᓲᑖᑭᓂᐧᐃᒡ᙮
ᐋ ᐅᐦᒡ ᐱᒥᐲᐦᑖᑭᓂᐧᐃᒡ ᐊᓂᐦᐄ ᐧᐋᒥᓈᒋᐦᑖᑭᓂᐧᐃᒡ ᐊᔅᒌᐦ
ᑰᐹᒃ ᑎᐹᔨᐦᒋᒑᓯᐤ ᒫᐧᑳᒡ ᐊᐱᑎᓰᔅᑎᒽ ᒑ ᐧᐃᒑᐱᑎᓯᒫᑦ ᓅᓈᕕᒃ ᑭᔮᐦ ᒫᒃ ᓂᓈᐦᑭᐤ ᐊᓂᔮᔨᐤ ᐊᐱᔅᑎᒥᔨᒡ, ᐊᔅᒡ ᒫᒃ ᐊᓂᔮᔨᐤ ᑳᑎᕕᒃ ᒋᓵᑎᐹᔨᐦᒋᒑᓯᐤ, ᒫᑭᐱᒃ ᑰᐅᐧᐋᐳᕌᔨᔑᓐ, ᓈᔅᑳᐲᐦ ᐄᔨᔨᐤ ᐊᓂᑎᐦ ᑳᐧᐋᐧᐋᒋᑭᒫᐦᒡ, ᐄᔨᔨᐤ ᒋᔖᑎᐹᔨᐦᒋᒑᓯᐤᐦ ᑭᔮᐦ ᒫᒃ ᐊᓂᔮᔨᐤ ᐊᓂᑎᐦ ᐧᐋᐦᒋᔨᒡ ᒑ ᒌ ᐧᐃᔮᔨᐦᑎᒥᐦᐄᑰᒡ ᑖᓂᑎᐦ ᐧᐋᒋᐦᒡ ᒑ ᐅᐦᒡ ᐱᒥᐲᐦᑖᑭᓂᐧᐃᔨᒡ ᐊᓂᔮᔨᐤ ᑳ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒌᐦ᙮ ᓂᓈᐦᑭᐤ ᐃᔑᓈᑯᓂᔨᐤ ᐊᓂᔮᔨᐤ ᑳᓂᐧᐋᐱᐦᑎᐦᒡ᙮ ᐊᓐ ᐋ ᒌ ᐧᐃᔮᔨᐦᑎᒥᐦᐄᐧᐋᒡ ᒑ ᐧᐄ ᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ, ᐊᓂᒌ ᐊᓂᑎᐦ ᐧᐋᒋᒡ ᑭᔮᐦ ᒫᒃ ᐊᓂᒌ ᓈᑳᓂᐱᔅᑎᐦᒡ ᑖᐹᔨᐦᒋᒑᒡ, ᑭᔮᐦ ᒫᒃ ᕝᑎᕌᔨᔑᓂᒡ ᐋᐦᑖᐧᐋᐧᑳᐦ, ᐱᑯᓂᒑᐦ᙮ ᐊᓐ ᐋ ᐃᔑ ᑭᓂᐧᐋᐱᐦᑖᑭᓂᐧᐃᒡ, ᒑ ᐃᔑ ᐅᒋᒫᐦᑭᐦᑖᑭᓅᑯᐱᓈᐦ ᑭᔮᐦ ᒫᒃ ᐋ ᒌ ᐧᐃᔮᔨᐦᑎᒥᐦᐄᐧᐋᒡ ᐊᓐ ᒑᐧᑳᓐ ᐧᐋᒋᐦᒡ ᒑ ᑭᓂᐧᐋᐱᐦᑖᑭᓂᐧᐃᒡ ᒥᒋᓐ ᒑ ᒌ ᐧᐃᐦᑖᑯᐦᒡ ᐊᓐ ᒑ ᐃᔑ ᓈᑭᑎᐧᐋᔨᐦᑖᑭᓅᑰᐱᓈᐦ᙮
ᒑᐧᑳᓐ ᐊᓐ ᒑ ᒌ ᑑᑖᑭᓂᐧᐃᒡ ᑭᔮᐦ ᒫᒃ ᐋᑳ ᒑ ᒌ ᑐᑖᑭᓂᐧᐃᒡ ᐊᓂᑎᐦ ᐊᓐ ᑳ ᐧᐄᔮᔨᐦᑎᒥᐦᐄᐧᐋᒡ ᐊᔅᒌ ᐆ ᒑ ᐃᔑ ᓈᑭᑎᐧᐋᔨᐦᑖᑭᓂᐧᐃᒡ
ᐊᓂᑎᐦ ᐋᓐ ᐋ ᐃᔑ ᒥᓯᓈᑖᒡ ᓈᑎᕆᐋᓪ ᐦᐁᕆᑎᐦᒡ ᐧᑳᓐᔑᕐᕓᔨᔑᓐ ᐧᐃᔨᔔᐧᐋᐧᐃᓐ (NHCA), ᐱᔥᒡ ᐧᐋᔥ ᒑᐧᑳᓐ ᓂᒥ ᓂᑎᐧᐋᔨᐦᑖᑯᓐ ᒑ ᒌ ᑐᑎᐦᒡ ᐊᓂᒌ ᐋᑳ ᐊᔅᑎᓯᓈᓲᒡ ᐊᓂᑎᐦ JBNQA ᑭᔮᐦ ᐊᓂᑎᐦ NEQA ᐊᓂᔮᔨᐤ ᑳ ᐧᐃᔮᔨᐦᑖᑭᓂᐧᐃᒡ ᐊᓂᑎᐦ ᐊᓐ ᐊᔅᒌ (ᑳ ᑰᐧᑳᑎᐧᐋᓂᐧᐃᒡ ᐊᔅᒌ) ᑭᔮᐦ ᒫᒃ ᐊᓂᑎᐦ ᓂᐲᐦᒡ ᐊᐦᑎᑯᒡ (ᑳ ᑰᐧᑳᑎᐧᐋᓂᐧᐃᒡ)᙮ ᐊᓂᐦᐄ ᒫᒃ ᒥᒄ ᒑ ᒌ ᑐᑖᑭᓂᐧᐃᒡ ᐅᑎᐦ TRPAPs ᐊᓂᒌ ᐋ ᒌ ᓂᔅᑯᒧᒡ ᐊᓂᒌ MELCC᙮ ᐋᐅᒃ ᐆ ᒥᒄ ᒋᐱ ᒌ ᐃᔑ ᐧᐃᔮᔨᐦᑖᑭᓂᐤ ᔕᔥ ᐋ ᐧᐋᐱᐦᑖᑭᓂᐧᐃᒡ ᑕᓐ ᐊᓐ ᒑ ᐃᔑ ᐧᐃᔨᔓᐧᐋᑖᑭᓂᐧᐃᒡ ᐊᓐ ᐊᔅᒌ ᐆ ᐋ ᐧᐃ ᐃᔑ ᓈᓈᑭᒋᐦᑖᑭᓂᐧᐃᒡ᙮
ᐊᓂᑎᐦ ᐊᓐ ᐋ ᐃᔑ ᒥᓯᓈᑖᒡ 24 ᐊᓂᑎᐦ ᒋᒥᔅ ᐯᐃ ᓂᔅᑯᒧᐧᐃᓂᐦᒡ 15 ᐹᒥᓯᓇᑖᐦᒡ ᐊᓂᑎᐦ ᐊᓐ NEQA, ᐊᓂᒌ ᐊᓂᑎᐦ ᐊᔅᑎᓯᓈᓲᒡ ᐊᓂᐦᐄ ᓂᔅᑯᒧᐧᐃᓐ ᒋᑭ ᒌ ᐋᐱᐦᒋᐦᑖᐅᒡ ᐆ ᑭᔅᒋᐦᐅᐧᐃᓂᐧᐋᐤ ᐊᓂᒌ ᓈᑐᐦᐆᒡ ᐊᓂᑎᐦ ᐊᓂᔮᔨᐤ ᑳᑎᕕᒃ ᐊᔅᒌᔨᐤ, ᐊᔅᒡ ᒫᒃ ᐊᓂᔮᔨᐤ ᑳ ᐧᐃᔮᔨᐦᑖᑭᓂᐧᐃᒡ ᐆ ᒑ ᒌ ᐃᔑ ᓈᑭᑎᐧᐋᔨᐦᑖᑭᓂᐧᐃᔨᒡ ᒥᒄ ᐋᓯᓈᑯᓂᔨᐧᑳᓂᐦᐄ᙮
ᐊᓂᐦᐄ ᐧᐋᒋᐦᒡ ᒑᐧᑳᓂᐦᐄ ᒑ ᒌ ᑐᑖᑭᓂᐧᐃᒡ ᑭᔮᐦ ᒫᒃ ᐋᑳ ᒑ ᒌ ᑐᑎᐦᒡ ᐊᓂᑎᐦ ᐊᓂᔮᔨᐤ ᐊᔅᒌᐦ ᑭᔮᐦ ᒫᒃ ᓂᐱᐦᒡ ᐋᐦᑎᑯᓂᓂᔨᒡ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᔨᒡ ᐊᓂᒌ ᐋᑳ ᒥᓯᓈᓲᒡ ᐊᓂᑎ᙮
| ᒑᐧᑳᓐ | ᐊᓂᐦᐋᔨᐦᑖᑯᐦᒡ/ᐋᑳ ᓂᐦᐋᔨᐦᑖᑯᐦᒡ |
| ᓯᑎᐤ ᐊᓂᑐᐦᐆᓈᓂᐧᐃᒡ | ᓂᑎᐧᐋᔨᐦᑖᑯᓐ |
| ᓯᑎᐤ ᐋ ᐅᒋᐧᑳᒑᓂᐧᐃᒡ | ᓂᑎᐧᐋᔨᐦᑖᑯᓐ |
| ᐋ ᐧᐃᓂᐦᐄᒑᓂᐧᐃᒡ | ᓂᒥᓂᑎᐧᐋᔨᐦᑖᑯᓐ |
| ᒑ ᒌ ᐃᔅᐱᔨᓈᓂᐧᐃᒡ ᑳᓈᐅᑳᑖᑦ ᑭᔮᐦ ᒫᒃ ᔅᑭᑑ ᐋ ᐋᐱᒋᐦᐋᑭᓂᐅᑦ | ᓂᑎᐧᐋᔨᐦᑖᑯᓐ, ᐊᑎ ᒫᒃ ᑎᑯᐦᒡ ᔕᔥ ᐋ ᐅᔅᑳᒡ ᒫᔅᑭᓂᐧᐃᒡ ᐆ ᒑ ᒌ ᐃᑖᐱᒋᐦᑖᑭᓂᐧᐃᒡ᙮ |
| ᒑ ᒌ ᐃᔅᐱᔨᓈᓂᐧᐃᒡ ᐅᑎ ᑳ ᐱᒥᐲᔨᒡ ᐋ ᐋᐱᒋᐦᑖᑭᓂᐧᐃᒡ | ᓂᑎᐧᐋᔨᐦᑖᑯᓐ |
| ᒑ ᒌ ᐄᐧᐋᔑᓈᓂᐧᐃᒡ ᐊᓂᑎᐦ ᐊᓂᐦᐄ ᔕᔥ ᐋᐦᑎᑯᒡ ᐧᐋᔅᑳᐦᐄᑭᓐ (ᐋ ᐊᐅᐦᐋᓲᓈᓂᐧᐃᒡ, ᓂᑐᐦᐆᑭᒥᒄ ᑭᔮᐦ ᒫᒃ ᐧᐋᔅᑳᐦᐄᑭᓂᔥ) | ᓂᐦᐋᔨᐦᑖᑯᓐ |
| ᐋ ᒥᔮᑭᓂᐧᐃᒡ ᑭᔅᒋᐦᐅᐧᐃᓂᔨᐤ ᒑ ᒌ ᐊᐱᒋᐦᑖᒡ ᐋᑳ ᒌ ᐊᐱᒋᐦᑖᑭᓂᐧᐃᔨᒡ ᐊᓂᔮᔨᐤ ᐊᔅᒌᐤ (ᒑ ᒌ ᐊᔨᐧᐋᔑᓈᓂᐧᐃᔨᒡ, ᒑ ᒌ ᒪᓂᒑᓂᐧᐃᔨᒡ ᐧᐋᔨᐱᔅᒋᔥ) | ᓂᒥᓂᑎᐧᐋᔨᐦᑖᑯᓐ |
| ᒑ ᒌ ᓂᔅᑐᓂᑭᓂᐧᐃᒡ ᐋᑳ ᒥᔅᑎᑯᔅᑳᒡ ᒑᐧᑳᓐ (ᒥᓯᓂᔥ, ᐲᓯᒧᓯᒡ, ᐱᑯᓂᒑᐦ) | ᓂᑎᐧᐋᔨᐦᑖᑯᓐ |
| ᒥᐦᑎᐦ ᒑ ᒌ ᓂᔅᑐᓂᑭᓂᐧᐃᒡ | ᓂᒥᓂᑎᐧᐋᔨᐦᑖᑯᓐ |
| ᒑ ᒌ ᓄᑖᐦᑎᐧᑳᓂᐧᐃᒡ | ᓂᒥᓂᑎᐧᐋᔨᐦᑖᑯᓐ |
| ᒑ ᒌ ᓈᓂᑎᐅᒋᔅᒑᔨᐦᑖᑭᓂᐧᐃᒡ ᑭᔮᐦ ᒑ ᒌ ᒋᔅᑯᑎᒫᒑᓂᐧᐃᒡ | ᓂᐧᑎᐧᐋᔨᐦᑖᑯᓐ |
| ᐋᓄᑎᓯᓈᓂᐧᐃᒡ, ᐱᒥ ᑭᔮᐦ ᒫᒃ ᑳ ᐱᐦᔭᐧᑳᒡ ᒑ ᒌ ᓈᓂᑎᐧᐋᔨᐦᑖᑭᓂᐧᐃᒡ | ᓂᒥᓂᑎᐧᐋᔨᐦᑖᑯᓐ |
| ᒑ ᒌ ᐅᔑᐦᑖᑭᓂᐧᐃᒡ ᐅᔅᑯᑎᒻ ᑭᔮᐦ ᒫᒄ ᐄᔅᑯᑖᐧᐋᔮᐲᐦ ᒑ ᒌ ᐅᐦᒡ ᐆᔑᐦᑖᒑᐱᔨᒡ (ᑭᔮᐦ ᒫᒃ ᐊᔅᒋ ᐄᔅᑰᑖᐧᐋᔮᐲᐦ ᐋ ᐄᑖᐹᑭᒧᒡ) | ᓂᒥᓂᑎᐧᐋᔨᐦᑖᑯᓐ |
| ᒑ ᒌ ᑐᑖᑭᓂᐧᐃᒡ ZECs ᒑᐧᑳᓂᐦᐄ, ᓂᑐᐦᐆᑯᒥᒄᐦ, ᑭᔮᐦ ᓂᑐᐦᐅᐧᐃᓐ ᐋ ᐅᐦᒡ ᐱᒥᐲᐦᑖᑭᓂᐧᐃᒡ | ᓂᑎᐧᐋᔨᐦᑖᑯᓐ |
| ᒑ ᒌ ᓂᐦᑖᐅᒋᐦᒑᓂᐧᐃᒡ | ᓂᑎᐧᐋᔨᐦᑖᑯᓐ ᐋ ᒌ ᓂᔅᑯᒧᓈᓂᐅᒡ |
| ᐊᓂᐦᑖᐅᒋᐦᒑᓂᐧᐃᒡ | ᓂᒥᓂᑎᐧᐋᔨᐦᑖᑯᓐ |
| ᐋ ᐧᐃᑳᐱᐅᐦᑖᑭᓂᐧᐃᒡ ᐋ ᐆᔅᑳᒡ ᐧᐋᔅᑳᐦᐄᑭᓐ (ᐋ ᒥᒥᓵᒡ ᐧᐋᔅᑳᐦᐄᑭᓐ, ᒫᔅᑭᓂᐤᐦ, ᐋ ᐱᒧᐦᑖᓂᐧᐃᒡ ᒫᔅᑭᓂᐤᐦ) | ᓂᑎᐧᐋᔨᐦᑖᑯᓐ ᐋ ᒌ ᓂᔅᑯᒧᓈᓂᐅᒡ |
| ᐋ ᓵᑳᑭᒋᐧᐋᓂᐧᐃᒡ ᑭᔮᐦ ᐋ ᒥᒫᑎᐧᐋᓂᐧᐃᒡ (ᐋ ᐲᐧᐹᒧᐦᑖᓂᐧᐃᒡ, ᐋ ᐱᐧᐹᒧᐦᑖᓂᐧᐃᒡ, ᐋ ᐱᐹᒥᐱᔨᓈᓂᐧᐃᒡ ᐹᔨᑯᓲᐦ, ᐋ ᑭᒑᑭᓵᒫᓂᐧᐃᒡ, ᒋᓯᐱᔨᐤ ᐋᓵᒥᒡ ᐋ ᐋᐱᒋᐦᐋᑭᓂᐧᐃᒡ) | ᓂᑎᐧᐋᔨᐦᑖᑯᓐ |
* ᓂᒧᐃ ᓂᑎᐧᐋᔨᐦᑖᑯᓐ ᒑ ᒌ ᐊᒋᐦᑖᑭᓂᐧᐃᒡ ᐅᑎᐦ ᐆᐦᐄ ᒫᓯᓈᑖᒡ ( ᑭᔮᐦ ᐊᓐ ᐋ ᐧᐄᒥᓈᒋᐦᑖᑭᓂᐧᐃᒡ ᐧᐋ ᐊᑏᐦᑐᑖᑭᓂᐧᐃᒡ ᐊᓂᐦᐄ ᐧᐋ ᒥᓈᒋᐦᑖᑭᓂᐧᐃᒡ)᙮