ᓄᓇᕕᒻᒥ ᐱᑐᑦᓯᒪᐅᑎᔪᑦ ᒥᑦᓵᓄᑦ
ᐱᑐᑦᓯᒪᐅᑎᔪᑦ ᓴᐳᒻᒥᔭᐅᒍᑎᓖᑦ ᓄᓇᖏᑦ ᐅᓪᓗᒥ ᖃᓚᑦᓯᔪᑦ ᓄᓇᖁᑎᐅᑉ 20.59%-ᖓᓂᒃ, ᐅᕝᕙᓗᓘᓐᓃᑦ ᐊᖏᓂᓕᒻᒥᒃ 100,000 km2 ᐅᖓᑖᓄᐊᐱᒃ. ᑕᖏᖃᕐᑎᑕᐅᔪᑦ 8-ᓄᑦ ᓄᑖᓄᑦ ᓄᓇᖁᑎᒥ ᖁᒥᐅᑎᓄᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᖅ ᐱᑦᔪᑕᐅᑎᓪᓗᒍ ᓇᓗᓀᕐᑕᐅᓯᒪᔪᓄᑦ 2020-ᒥ, ᐊᒻᒪᓗ 8-ᓄᑦ ᑫᒥᑕᐅᓯᒪᔪᓄᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᖁᒥᐅᑎᑦᓴᓄᑦ, ᐊᑕᐅᓯᕐᒧᑦ ᑫᒥᑕᐅᓯᒪᔪᒧᑦ ᐃᒪᕐᒥ ᖁᒥᐅᑎᑦᓴᒧᑦ, ᐊᒻᒪᓗ 3-ᓄᑦ ᓄᓇᖁᑎᒥ ᖁᒥᐅᑎᓄᑦ ᓴᐳᒻᒥᔭᐅᔪᓂᒃ ᓄᓇᖃᕐᓂᖅ ᐱᑦᔪᑎᒋᑦᓱᒍ ᓇᓗᓀᕐᑕᐅᓯᒪᔪᓄᑦ 2009 ᐊᒻᒪᓗ 2018 ᐊᑯᓐᓂᖓᓂ. ᒪᕐᕈᑕᖏᒃ ᑖᒃᑯᓇᓂ ᑭᖑᓪᓕᐹᓂ ᖁᒥᐅᑎᓂ ᑌᔭᐅᔪᓂ ᑭᓪᓕᒥᓂᒃ ᐊᓯᑦᔨᑕᐅᔨᐊᖃᓚᐅᔪᔪᑦ 2020-ᒥ.
ᐃᓘᓐᓈᓱᒋᑦ ᐱᑐᑦᓯᒪᐅᑎᔪᑦ ᐃᓚᖃᕐᒥᔪᑦ 4-ᓂᒃ ᓄᓇᕐᔪᐊᑉ ᒥᕐᖑᐃᓯᕐᕕᖏᓐᓂᒃ ᐊᒻᒪᓗ 5-ᓂᒃ ᓄᓇᕐᔪᐊᑉ ᒥᕐᖑᐃᓯᕐᕕᓴᖏᑕ ᖁᒥᐅᑎᖏᓐᓂᒃ, ᐃᓚᐅᖕᖏᑐᓂᒃ ᑕᒪᑐᒧᖓ ᐃᓄᓕᒫᓂᒃ ᐃᓱᒪᑦᓴᓯᐅᕐᕕᖃᕐᓂᒧᑦ. ᑕᒪᒃᑯᐊ ᓄᓇᓕᒫᖏᑦ ᓈᓴᕐᑕᐅᓯᒪᔪᑦ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ [ᐅᐃᒍᐃᑎᑐᑦ ᐊᓪᓚᓯᒪᔪᑦ ᑭᓯᐊᓂ ᐱᔭᑦᓴᐅᔪᑦ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ].
ᑐᑭᓯᒋᐊᓪᓚᓚᖓᓗᑎᑦ ᓯᕗᓂᐊᓯᒪᔪᒥᒃ ᐱᖕᖑᐃᓂᕐᒧᑦ ᑖᑦᓱᒥᖓ ᐱᑐᑦᓯᒪᐅᑎᒍᑎᒥᒃ, click here
ᓱᓇᐅᕙ ᓴᐳᒻᒥᔭᐅᔪᑦ ᓄᓀᑦ?
ᑐᓴᕐᓱᒍ ᓄᓇᕐᔪᐊᖑᓕᕇᓂ ᑲᑐᑦᔨᖃᑎᒌᓐᓂᒥᒃ ᐱᐅᓕᒪᑦᓯᓂᕐᒥᒃ ᓯᓚᒥᐅᑕᓂᒃ (IUCN), ᓴᐳᒻᒥᔭᐅᒍᑎᓕᒃ ᓄᓇ “ᐃᓕᑕᕐᓇᓯᑦᓯᐊᓱᒍ ᓇᓗᓀᕐᑕᐅᒪᕗᖅ ᓄᓇᐅᑉ ᖄᖓᓂ ᐃᓂᐅᑦᓱᓂ, ᐃᓕᑕᕆᔭᐅᑦᓱᓂ, ᑐᕌᖓᑐᐃᓐᓇᓱᓂ ᐊᒻᒪᓗ ᐊᐅᓚᑕᐅᑦᓱᓂ, ᐊᕐᖁᑎᖃᕐᑎᓗᒍ ᐱᖁᔭᓂᒃ ᐊᓯᐊᓂᓪᓘᓃᑦ ᓱᕙᓪᓕᓇᕐᑐᒥᒃ ᐱᕐᕈᓯᕐᒥᒃ, ᐱᔭᖃᕐᓂᐊᓱᓂ ᐊᑯᓂᐅᔪᕐᑎᒍᑦ ᐱᐅᓕᒪᑦᓯᓂᕐᒥᒃ ᓯᓚᒥᐅᑕᓂᒃ ᐊᑦᑐᐊᔪᓄᑦ ᐆᒪᕕᓐᓂ ᐱᒍᑦᔨᐅᑎᓄᑦ ᐊᒻᒪᓗ ᐃᓗᕐᖁᓯᒃᑯᑦ ᐱᒻᒪᕆᖁᑕᐅᔪᓄᑦ.”
ᑖᓐᓇ ᑐᑭᖓ ᐊᑐᕐᓱᒍ, ᑯᐯᒃᑯᑦ ᑲᕙᒪᖓ ᑐᑭᖃᕐᑎᓯᔪᖅ ᓴᐳᒻᒥᔭᐅᒍᑎᓖᑦ ᓄᓇᖏᑦ ᐱᑐᑦᓯᒪᐅᑎᓂᖓ ᑯᐯᒻᒥ ᐊᑐᕐᓂᖓᓂᒃ “ᓱᕐᖁᐃᕈᑕᐅᓂᕐᒧᑦ ᓴᐳᒻᒥᓂᕐᒥᒃ ᐆᑦᑑᑎᑦᓯᐊᓂᒃ ᓄᓇᖁᑎᓂᒃ ᐱᓗᐊᕐᑕᐅᔪᓂᒃ ᐆᒪᕕᓕᓐᓂᒃ ᑖᒃᑯᐊ, ᐱᑐᑦᓯᒪᐅᑎᔪᑦ ᐃᓘᓐᓇᖏᓐᓂ, ᖃᓗᓯᑎᓪᓗᒋᑦ ᐃᓘᓐᓇᖏᓐᓂᒃ ᐆᒪᕕᑦᓴᐅᔪᑦ ᐊᑦᔨᒌᖕᖏᓂᓕᒫᖏᓐᓂᒃ ᑯᐯᒻᒥ.”
ᐅᖃᑦᓯᐊᓗᒍ, ᓄᓇᕕᒻᒥ, ᐱᔪᓐᓇᓂᖃᕈᑕᐅᔪᑦ ᐋᕐᕿᑕᐅᓯᒪᔪᑦ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᖐᓐᓂᐅᑉ (JBNQA) ᐊᒻᒪᓗ ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᖐᓐᓂᐅᑉ (NEQA) ᐊᑎᖏᑎᒍᑦ ᓲᖑᓂᕐᓴᐅᕗᑦ ᓇᐅᓕᒫᓂᒃ ᐱᖁᔭᓂᒃ ᐅᕝᕙᓗᓘᓐᓃᑦ ᒪᓕᒐᕐᓂᒃ ᐊᑦᑐᐊᔪᓂᒃ ᓴᐳᒻᒥᔭᐅᒍᑎᓖᑦ ᓄᓇᖏᓐᓄᑦ ᓄᓇᕕᒻᒥ. ᐃᓄᐃᑦ, ᑯᔩ ᐊᒻᒪᓗ ᓇᔅᑳᐱ ᑎᒍᒥᐊᑦᓭᓇᕐᑐᑦ ᐆᒪᔪᕐᓂᐊᓂᒃᑯᑦ, ᐃᖃᓗᓐᓂᐊᓂᒃᑯᓗ ᐊᒻᒪᓗ ᒥᑭᒋᐊᕐᓂᐊᓂᒃᑯᑦ ᐱᔪᓐᓇᓂᕐᒥᓂᒃ ᓴᐳᒻᒥᔭᐅᔪᓂ ᓄᓇᓂ. ᐃᓗᕐᖁᓯᕐᒥᒃ ᑲᒪᓂᖅ ᐱᑕᖃᕆᐊᖃᓪᓚᕆᑦᑐᖅ ᐱᖕᖑᐃᓚᖓᓗᓂ ᓴᐳᒻᒥᔭᐅᔪᓂᒃ ᓄᓇᓂᒃ ᓄᓇᕕᐅᑉ ᐃᓗᐊᓂ. ᐃᓚᒋᓕᐅᑦᔭᐅᓯᒪᔪᖅ ᐃᓚᖃᕐᓱᓂ ᐱᐅᓕᒪᑦᓯᓂᕐᒥᒃ ᐊᒻᒪᓗ ᐱᕙᓪᓕᐊᓂᕐᒥᒃ ᑲᒪᒍᑎᓂᒃ.
ᑕᒪᑐᒪ ᐃᓚᐅᓂᖓ ᐃᓕᑕᕐᓯᒍᑕᐅᓯᒪᔪᖅ ᑐᕌᕐᑕᐅᔪᓂ ᓯᓚᒥᐅᑕᓂᒃ ᕿᒻᒪᖁᓯᐊᓂᒃ ᐱᐅᓕᒪᑦᓯᓂᕐᒧᑦ ᐱᖁᔭᒥ, ᑖᓐᓇ ᐃᓱᒪᒻᒪᑦ ᖃᓂᒋᐅᑎᑦᓱᓂ ᐱᑐᑦᓯᒪᐅᑎᓂᖓᓂᒃ ᓄᓇᓕᑐᙯᑦ ᓄᓇᓕᖏᑕ ᐊᒻᒪᓗ ᓄᓇᕐᔪᐊᖏᑕ ᑯᐯᒻᒥ ᐊᒻᒪᓗ ᓯᓚᕐᔪᐊᒥ ᕿᒻᒪᖁᓯᐊᖏᑕ, ᐊᒻᒪᓗ ᑕᒪᑐᒪ ᐱᒻᒪᕆᐅᓂᖓᓂᒃ ᑖᒃᑯᐊ ᐃᓗᕐᖁᓯᖏᓐᓄᑦ.
“ᑲᖏᕐᓲᑉ [ᑰᕕᐅᑉ] ᑰᖓ ᐃᓅᑦᔪᑎᒋᓯᒪᔭᕗᑦ ᐊᑯᓂᒻᒪᕆᐊᓗᒃ. ᓯᕗᓪᓕᕕᓂᕗᑦ ᐃᓘᓐᓇᑎᒃ ᑖᑦᓱᒥᖓ ᑰᒻᒥᒃ ᐊᑐᕆᐊᖃᕐᓯᒪᔪᑦ ᐃᓅᓂᐊᕋᒥᒃ, ᐅᕙᒍᓪᓗ ᑌᒣᒻᒥᓱᑕ. ᑖᒃᑯᓂᖓ ᓄᓇᓂᒃ ᓴᐳᒻᒥᒋᐊᖃᕐᑐᒍᑦ ᐱᕙᓪᓕᐊᕕᐅᑎᑦᑌᓕᓗᒋᑦ ᓴᓗᒣᓪᓕᑕᐅᑎᑦᑌᓕᓗᒋᓪᓗ.”
ᓄᓇᖕᖑᐊᑦ ᐊᒻᒪᓗ ᓇᓪᓕᑳᕈᑏᑦ
ᓄᓇᕕᒻᒥ ᓴᐳᒻᒥᔭᐅᔪᑦ ᓄᓇᖏᑦ
ᐃᓘᓐᓈᒍᑦ ᐱᑐᑦᓯᒪᐅᑎᔪᑦ ᐃᓚᖃᕐᒥᔪᑦ 4-ᓂᒃ ᓄᓇᕐᔪᐊᑉ ᒥᕐᖑᐃᓯᕐᕕᖏᓐᓂᒃ ᐊᒻᒪᓗ 5-ᓂᒃ ᓄᓇᕐᔪᐊᑉ ᒥᕐᖑᐃᓯᕐᕕᓴᖓᓄᑦ ᖁᒥᐅᑎᓂᒃ, ᐃᓚᐅᖕᖏᑐᓂᒃ ᓈᓴᕐᑕᐅᓯᒪᔪᓄᑦ ᐊᒻᒪᓗ ᑕᒡᒍᖓ ᐃᓄᓕᒫᓂᒃ ᐃᓱᒪᑦᓴᓯᐅᕐᓂᐅᑉ ᐱᓇᓱᑦᑕᐅᓂᖓᓄᑦ.
ᓄᓇ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᕐ ᓄᓇᖃᕐᓂᒥᒃ
ᓄᓇ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᕐ ᓄᓇᖃᕐᓂᒥᒃ
ᓄᓇ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᕐ ᓄᓇᖃᕐᓂᒥᒃ
ᓄᓇ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᕐ ᓄᓇᖃᕐᓂᒥᒃ
