ᑰᕈᒃ-Eaton
ᓄᓇ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᕐ ᓄᓇᖃᕐᓂᒥᒃ
Eaton ᑰᕈᖓᑕ ᓄᓇᖓᓂ ᖁᒥᐅᑎ ᓴᐳᒻᒥᔭᐅᔪᒥᒃ ᓄᓇᖃᕐᓂᖅ ᐱᑦᔪᑎᒋᑦᓱᒍ (Réserve de territoire aux fins d’aire protégée du Canyon-Eaton) ᓴᐳᒻᒥᕗᖅ ᓄᓇᒥᒃ ᐱᐅᓕᒪᒍᒪᑦᓱᒍ ᑯᒻᒪᓇᕈᑎᓕᒻᒥᒃ, ᐱᓗᐊᕐᑐᒥᒃ ᓇᔅᑳᐱ ᓄᓇᕐᔪᐊᖓᓄᑦ ᑳᒍᐊᒍᐊᑦᓯᑲᒪᒃᒥ, ᐊᒻᒪᓗ ᐊᑐᕐᕕᓴᐅᑎᓪᓗᒍ ᐱᐅᓯᑐᖃᕐᓂᒃ ᐱᓇᓱᐊᕈᑎᓂᒃ. ᓄᓇᖓ ᐃᓗᓕᓕᒃ ᖃᒻᒥᐅᖏᓐᓂᑕᒻᒪᕆᓐᓂᒃ ᐱᕈᕐᓯᒪᔪᑐᖃᕐᓂᒃ ᓇᐹᕐᑐᓂᒃ ᐊᒻᒪᓗ ᖃᕐᖃᓂᒃ ᑕᑯᕕᑦᓴᓂᒃ ᐊᒥᒐᖕᖏᑐᒻᒪᕆᒻᒥᒃ ᐱᕈᕐᑐᑎᒍᑦ ᐊᑦᔨᒌᖕᖏᑐᖃᕐᓂᖓᓂᒃ. ᓴᐳᒻᒥᔭᐅᓂᖓ ᐃᑲᔪᕐᓯᒐᔭᕐᑐᖅ ᐆᑦᑐᕋᐅᑎᑦᓴᐅᓂᖏᓐᓂᒃ ᑕᒪᒃᑯᐊ ᐱᐅᓯᑐᐃᓐᓇᖓᑕ ᐱᐅᓗᖁᑎᖏᑦ ᐱᑕᖃᓱᐃᑦᑐᐃᑦ ᐱᑐᑦᓯᒪᐅᑎᔪᓂ ᓴᐳᒻᒥᔭᐅᔪᓂ ᓄᓇᓂ ᓄᓇᕕᒻᒥ. Eaton ᑰᕈᖓ, ᑲᓂᐊᐱᔅᑲᐅᑉ ᑰᖓᑕ ᑰᕈᖓ, ᐊᒻᒪᓗ Goodwood ᑰᖓᑕ ᖁᕐᓗᑐᖓ ᐱᐅᔪᒻᒪᕆᐅᕗᑦ ᓄᓇᐅᑉ ᓴᓇᒪᒍᖏᑎᒍᑦ ᐱᐅᓗᖁᑎᒋᔭᖏᓐᓂ ᓄᓇᖓᑕ ᖄᖓᓂ.
ᐃᓕᑕᕐᓇᕈᑎᖏᑦ
ᓄᓇᒥᒃ ᐊᕕᑦᑐᐃᒍᑎ – JBNQA ᐊᒻᒪᓗ NEQA
ᑳᑎᑰᔨ III
ᐱᐅᓕᒪᒍᒪᑦᓱᒋᑦ ᑐᕌᕐᑕᐅᔪᑦ ᐱᒻᒪᕆᐅᓂᖏᑦ
ᓴᐳᒻᒥᓂᖅ ᐊᑐᕆᐊᖃᓪᓚᕆᑦᑐᒥᒃ ᓂᕿᑦᓴᓂᐊᕐᕕᒥᒃ ᓇᔅᑳᐱᓄᑦ ᐊᒻᒪᓗ ᐆᑦᑑᑎᑦᓯᐊᒥᒃ ᐱᐅᓯᕐᓱᑐᒧᑦ ᓯᕗᕕᓪ ᖃᕐᖃᖏᑦᑕ ᓄᓇᖓᓄᑦ.
ᙯᕐᑐᖓᑕ ᓄᓇᑦᓴᔭᖓ
ᓛᐸᑐᐊ ᙯᕐᑐᖓ (Churchill ᓄᓇᑦᔭᓴᖓ)
ᐱᐅᓯᕐᓱᑐᑦ ᓄᓇᖁᑎᖏᑦ
Lac Sérigny ᓴᕐᖃᑐᓂᖓ, Lac du Sable ᓴᕐᖃᑐᓂᖓ, ᓯᕗᕕᐅᓪ ᖃᕐᖃᖏᑦ
ᓯᓚᖓᓂ ᐱᕈᕐᑐᓴᔦᑦ
ᖁᓕᒥᒍᑦ ᐊᒻᒪᔪᖅ ᓇᐹᕐᑐᑕᓕᖓ (spruce ᓇᐹᕐᑐᐃᑦ ᑲᑎᒪᐅᑦᑐᑦ ᐊᒻᒪᓗ ᖁᐊᔭᐅᑏᑦ) (ᐊᕝᕙᓯᒥ ᐅᑭᐅᕐᑕᑐᑦ ᐱᕈᕐᑐᖏ)
ᐆᒪᔪᐃᑦ
ᐱᒻᒪᕆᒃ ᐃᒪᕐᒥᐅᑕᓂᒃ ᐆᒪᔪᖃᐅᑎ ᑲᓂᐊᐱᔅᑲᐅᒥ, ᕿᑐᕐᖏᐅᕕᒻᒪᕆᒃ ᐃᕙᕕᒻᒪᕆᐅᑦᓱᓂᓗ ᑎᒻᒥᐊᓄᑦ
ᐃᕐᖓᑐᖃᕐᓂᖓ
ᑳᓂᐊᐱᔅᑲᐅᑉ ᑰᖓ, Goodwood ᑰᖓ
ᖃᒻᒥᐅᖏᓐᓂᑌᑦ ᐃᓂᖏᑦ
ᐃᓂᓂᒃ ᓇᓗᓀᕐᓯᕕᐅᓯᒪᖕᖏᑐᖅ ᓈᓭᒪᒍᑎᓂ ᓄᓇᓂᒃ ᖃᒻᒥᓂᑕᐅᖕᖏᑐᕐᑕᓕᓐᓂᒃ ᑯᐯᒻᒥ (ISAQ).
