ᑲᖏᕐᓲᑉ ᑰᖓ
ᓄᓇ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ
ᑲᖏᕐᓲᑉ ᑰᖓᑕ ᓄᓇᖓᓂ ᖁᒥᐅᑎ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ (Réserve de territoire aux fins d’aire protégée de la Rivière-Arnaud) ᓴᐳᒻᒥᕗᖅ ᑲᖏᕐᓲᑉ ᑰᒻᒪᕆᑦᑕᖓᓂᒃ ᐊᒻᒪᓗ ᑕᒡᒍᖓ ᐃᕐᖓᑐᒥᒃ. ᐊᑐᕆᐊᖃᓪᓚᕆᑦᑐᖅ ᐱᐅᓯᑐᖃᒃᑯᑦ ᐱᓇᓱᐊᕈᑎᓂᒃ ᐊᑐᕐᕕᐅᓗᓂ ᓄᓇᓕᖏᓐᓄᑦ ᑲᖏᕐᓱᒥ ᐊᒻᒪᓗ ᖁᐊᕐᑕᒥ. ᑕᒪᓐᓇ ᓄᓇ ᑕᕐᓯᕈᑕᐅᔪᖅ ᑕᕐᕋᕙᓯᓐᓂᐹᒃᑯᑦ ᑭᓪᓕᒥᒃ ᓇᐹᕐᑐᓄᑦ (alders, black spruce) ᐊᓯᖏᓐᓄᓗ ᓇᐹᕐᑐᓕᐅᕐᒥ ᐱᕈᕐᑐᓄᑦ, ᑕᒪᓐᓇᓗ ᓄᐃᑕᑦᓯᕗᖅ ᐊᒥᒐᖕᖏᑐᒥᒃ ᐊᑦᔨᒌᖕᖏᑐᖃᕐᓂᖓᓂᒃ ᐱᕈᕐᑐᓴᔭᓂᒃ ᑌᒫᑎᒋᒃ ᑕᕐᕋᕙᓯᒦᑦᑐᒥ ᓄᓇᒥ. ᑖᓐᓇ ᓄᓇ ᖁᒥᐅᑎ ᓴᐳᒻᒥᐅᑕᐅᒻᒥᔪᖅ ᓄᕐᕋᓕᐅᕐᕖᑦ ᐃᓚᖏᓐᓂᒃ ᐊᐅᓪᓚᑕᕐᑐᓄᑦ ᑕᓯᐅᔭᐅᑉ ᑰᖓᑕ ᑐᒃᑐᖏᓐᓄᑦ, ᐊᒻᒪᓗ ᐃᖃᓗᑉᐱᖃᐅᑎᓂᒃ.
ᐃᓕᑕᕐᓇᕈᑎᖏᑦ
ᓄᓇᒥᒃ ᐊᕕᑦᑐᐃᒍᑎ – JBNQA ᐊᒻᒪᓗ NEQA
ᑳᑎᑰᔨ II ᐊᒻᒪᓗ III
ᐱᐅᓕᒪᒍᒪᑦᓱᒋᑦ ᑐᕌᕐᑕᐅᔪᑦ ᐱᒻᒪᕆᐅᓂᖏᑦ
ᓴᐳᒻᒥᓂᖅ ᓄᓇᓂᒃ ᓇᓗᓀᕐᓯᒪᔪᓂᒃ ᐊᑐᕆᐊᖃᓪᓚᕆᑦᑎᓗᒋᑦ ᐊᒻᒪᓗ ᐱᒻᒪᕆᐅᑎᓪᓗᒋᑦ ᓂᕿᑦᓴᓂᐊᕐᕕᐅᓂᕐᒥᓄᑦ ᓄᓇᕕᒻᒥᐅᓄᑦ ᐃᓄᓐᓄᑦ, ᐱᓗᐊᕐᑐᒥᒃ ᓄᓇᓕᖏᓐᓂ ᑲᖏᕐᓱᒥ ᐊᒻᒪᓗ ᖁᐊᕐᑕᒥ, ᐊᒻᒪᓗ ᓄᓇᒥᒃ ᐱᑕᓕᒻᒪᕆᐊᓗᒻᒥᒃ ᐊᑦᔨᒌᖕᖏᑐᓂᒃ ᐱᕈᕐᑐᓂᒃ ᑌᒪᑎᒋᒃ ᑕᕐᕋᕙᓯᒥ,
ᙯᕐᑐᖓᑕ ᓄᓇᑦᓴᔭᖓ
Minto ᐃᓚᒋᐊᓪᓚᖓ (Superior ᓄᓇᑦᔭᓴᖓ)
ᐱᐅᓯᕐᓱᑐᑦ ᓄᓇᖁᑎᖏᑦ
ᐃᒃᑲᑐᔮᑉ ᓴᕐᖃᑐᓂᖓ, ᕿᑭᕐᑕᖁᕐᑑᑉ ᑕᓯᖓᑕ ᓴᕐᖃᑐᓂᖓ, ᐃᒃᑲᑐᔮᑉ ᑕᓯᖓᑕ ᓴᕐᖃᑐᓂᖓ, ᖃᓯᒋᐊᓕᓛᑉ ᑕᓯᖓᑕ ᓴᕐᖃᑐᓂᖓ
ᓯᓚᖓᓂ ᐱᕈᕐᑐᓴᔦᑦ
ᐅᕐᐱᓴᔭᓕᒃ ᓄᓇᑐᐃᓐᓇᖅ (ᑭᓪᓕᕆᔭᐅᔪᖅ ᐅᑭᐅᕐᑕᑐᒻᒪᕆᐅᑉ ᐊᒻᒪᓗ ᐊᕝᕙᓯᒥ ᐅᑭᐅᕐᑕᑐᑦ ᐱᕈᕐᑐᖏᑕ ᐃᓂᖏᓐᓄᑦ)
ᐆᒪᔪᐃᑦ
ᐊᒥᒐᖕᖏᑐᑦ ᐃᖃᓗᑉᐲᑦ, ᑕᓯᐅᔭᐅᑉ ᑰᖓᑕ ᑐᒃᑐᖏᑦ ᐊᐅᓪᓚᑕᕐᑐᑦ, Harlequin ᒥᑎᖅ, ᑭᒡᒐᕕᒃ
ᐃᕐᖓᑐᖃᕐᓂᖓ
ᖁᒥᐅᑎ ᓄᓇ ᖃᓗᓯᔪᖅ ᑲᖏᕐᓲᑉ ᑰᖓᒻᒪᕆᖓᑕ 82.6%-ᖓᓂᒃ, ᑕᒪᓐᓇ ᓄᐃᑕᑦᓯᒥᑎᓪᓗᒍ ᐃᕐᖓᑐᖃᕐᓂᖓᑕ 17%-ᖓᓂᒃ.
ᖃᒻᒥᐅᖏᓐᓂᑌᑦ ᐃᓂᖏᑦ
3-ᓂᒃ ᐃᓂᓂᒃ ᐊᓪᓚᑕᐅᒪᔪᓕᒃ ᓈᓭᒪᒍᑎᓂ ᓄᓇᓂᒃ ᖃᒻᒥᓂᑕᐅᖕᖏᑐᕐᑕᓕᓐᓂᒃ ᑯᐯᒻᒥ.
