ᐃᓱᒪᒋᔭᑎᓐᓂᒃ ᓂᓪᓕᕈᑎᖃᕐᓗᑎᑦ
ᐃᓱᒪᑦᓴᓯᐅᕐᕕᖃᕈᑏᑦ ᓄᓇᕕᒻᒥ ᓄᓇᓕᓐᓂᒃ ᐊᒻᒪᓗ ᓄᓇᕐᔪᐊᓂᒃ ᐱᑦᔪᑎᓖᑦ ᓴᐳᒻᒥᔭᐅᔪᓂᒃ ᓄᓇᓂᒃ ᐊᑐᕐᓗᒋᑦ ᑭᓯᐊᓂᐅᕗᑦ. ᐱᓇᓱᑦᑕᐅᓂᖓᑕ ᑐᕌᒐᖓ ᐃᓕᖓᕗᖅ ᐱᑕᖃᕐᑎᓯᓂᕐᒧᑦ ᓈᒻᒪᑐᓂᒃ ᓴᓇᕐᕈᑎᓂᒃ ᐱᒍᑎᑦᓴᓂᒃ ᖃᐅᔨᒪᒍᑎᓂᒃ. ᐱᒻᒪᕆᐅᓂᕐᓴᐅᑎᓪᓗᒍ, ᓄᐃᑦᓯᒍᑕᐅᔪᖅ ᐃᓂᒥᒃ ᐊᒻᒪᓗ ᐱᔪᓐᓇᓯᒍᑎᒥᒃ ᓂᓪᓕᕈᑎᖃᕐᓂᒥᒃ ᐱᑦᔪᑎᖃᕐᓗᓂ ᐱᓇᓱᑦᑕᐅᓂᖓᓂᒃ ᑐᕌᕈᑕᐅᓯᒪᔪᒥᒃ ᐱᖕᖑᑎᑦᓯᓂᕐᒧᑦ ᓄᑖᓂᒃ ᓴᐳᒻᒥᔭᐅᔪᓂᒃ ᓄᓇᓂᒃ., ᒥᑦᓯᖃᕐᓂᖓᓂᒃ ᐊᒻᒪᓗ ᐆᑦᑐᕋᐅᑎᑦᓯᐊᖑᓂᖓᓂᒃ ᐱᑐᑦᓯᒪᐅᑎᔪᑦ ᓄᐃᑕᐅᓂᖓ ᑕᒡᒐᓂ ᖃᕆᑕᐅᔭᓄᑦ ᐱᑐᕝᕕᒥ ᑕᑯᑦᓱᒍ.
ᑭᖑᓪᓕᐹᖓᓂ, ᓄᓇᓖᑦ ᐱᒍᒪᔭᖏᑦ ᓯᕗᓂᑦᓴᒧᑦ ᓴᐳᒻᒥᔭᐅᔪᑦ ᓄᓇᖏᓐᓂ ᐊᑐᓂ ᕿᒥᕐᕈᔭᐅᓛᕐᑐᑦ, ᐃᓚᖃᕐᓗᑎᒃ ᓱᕐᖁᐃᑎᑦᓯᒍᑎᑦᓴᓂᒃ ᐱᑐᑦᓯᒪᐅᑎᔪᑦ ᐱᕙᓪᓕᐊᓂᖓᓂᒃ ᐊᒻᒪᓗ ᖃᓄᐃᖕᖏᓯᐊᕐᓂᖓᓂᒃ.
ᐅᓪᓗᐃᑦ ᐃᑉᐱᒋᒋᐊᓖᑦ
24
2023
Kawawachikamach
6 pm to 8 pm: Public information and discussion session
“ᑕᒪᓐᓇ ᐃᓚᒋᔭᐅᔪᖅ ᐃᓗᕐᖁᓯᑦᑎᓂᒃ ᐅᑎᕐᑎᓯᓂᕐᒧᑦ. ᐱᒻᒪᕆᐅᕗᖅ ᐱᐊᕋᑦᑎᓄᑦ ᖃᐅᔨᒪᑉᐸᑕ ᓱᓀᑦ ᐱᒻᒪᕆᐅᓯᒪᓂᖏᓐᓂᒃ ᐅᕙᑦᑎᓄᑦ”
ᐃᓚᐅᔪᖅ 2011-2012-ᒥ ᓴᐳᒻᒥᔭᐅᔪᑦ ᓄᓀᑦ ᐃᓱᒪᑦᓴᓯᐅᕐᓂᒍᑕᐅᑎᓪᓗᒋᑦ
ᑐᑭᓯᒪᓂᖅ ᐊᓪᓗᕆᐊᕐᑕᕈᑎᓂᒃ ᐱᓇᓱᑦᑕᐅᓂᖓᓄᑦ
1
ᖃᐅᔨᒪᑎᑦᓯᓂᕐᒥᒃ ᐱᓇᓱᐊᕐᓂᖅ
ᐱᑦᔪᑕᐅᔪᖅ ᖃᐅᔨᒪᑎᑦᓯᓂᕐᒥᒃ ᐱᓇᓱᐊᕐᓂᒧᑦ ᐃᓕᖓᕗᖅ ᐱᕕᖃᕐᑎᓯᓂᕐᒧᑦ ᑯᒻᒪᓲᑎᑦᓴᓕᓕᒫᑦ ᐃᓄᐃᑦ ᐊᒻᒪᓗ ᑎᒥᐅᔪᐃᑦ ᐱᓯᒪᔪᑦ ᓄᓇᕕᐅᑉ ᓄᓇᓕᖏᓐᓂᒃ ᐊᒻᒪᓗ ᓄᓇᕐᔪᐊᓕᖁᑎᖏᓐᓂᒃ ᖃᐅᔨᒪᑎᑕᐅᑦᓯᐊᓂᖓᓂᒃ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᓐᓂᐅᑉ ᐱᐅᓯᖓᑕ ᒥᑦᓵᓄᑦ.
2
ᐃᓄᓕᒫᓂᒃ ᐃᓱᒪᑦᓴᓯᐅᕐᓂᖅ
ᐃᓄᓕᒫᓂᒃ ᐃᓱᒪᑦᓴᓯᐅᕈᑏᑦ ᐸᕐᓇᓯᒪᒍᑕᐅᔪᑦ ᑐᕌᕐᑎᓗᒋᑦ ᐃᓘᓐᓇᖏᓐᓄᑦ ᓄᓇᕕᒻᒥ ᓄᓇᓕᓐᓄᑦ ᐊᒻᒪᓗ ᓄᓇᕐᔪᐊᓄᑦ ᐱᕕᖃᕐᑎᓯᓚᖓᔪᑦ ᑯᒻᒪᓲᑎᑦᓴᓕᓕᒫᑦ ᐃᓄᐃᑦ ᐊᒻᒪᓗ ᑎᒥᐅᔪᐃᑦ ᐱᒋᐊᓪᓚᑐᒥᒃ ᐊᑐᐃᓐᓇᓯᒍᓐᓇᓂᖓᓂᒃ ᐊᑐᕐᓂᐹᓂᒃ ᖃᐅᔨᒪᒍᑎᓂᒃ. ᑖᓐᓇ ᐱᕕᑦᓴᓕᐅᓚᖓᔪᖅ ᐅᖄᖃᑎᒌᓐᓂᒥᒃ ᐱᓇᓱᓐᓂᐅᓯᒪᔪᒥᒃ ᑐᕌᕈᑕᐅᑦᓱᓂ ᐅᓪᓗᒥ ᓴᐳᒻᒥᔭᐅᔪᓂᒃ ᓄᓇᖃᕈᑎᓄᑦ ᐊᒻᒪᓗ ᒥᑦᓯᖃᒃᓂᖓᓂᒃ ᐊᒻᒪᓗ ᐆᑦᑑᑎᑦᓯᐊᖑᓂᖓᓂᒃ ᐱᑐᑦᓯᒪᐅᑎᔪᑦ ᓄᐃᑕᐅᓂᖓ ᑕᑯᑦᓱᒍ.
3
ᐅᖄᖃᑎᒌᓐᓂᖅ ᓇᓚᐅᑦᓯᓯᐊᕐᑐᓂᒃ ᑭᓪᓕᓴᓂᒃ ᐊᒻᒪᓗ ᐱᕙᓪᓕᐊᒍᑎᑦᓴᓂᒃ:
ᑭᖑᓪᓕᒥ ᐱᓇᓱᐊᕐᑕᐅᓂᖓᑕ ᐊᓪᓗᕆᐊᕐᓂᖓᓂ, ᓄᓇᓂᒃ ᐳᓚᕋᐅᑎᑦᓭᑦ ᐸᕐᓇᑕᐅᓯᒪᔪᑦ, ᐱᕕᖃᕐᑎᓯᒍᑕᐅᑦᓱᑎᒃ ᐃᓄᐃᑦ, ᓇᔅᑳᐱ ᑲᐅᒐᐅᒐᐅᑦᓯᑲᒪᒃᒥ ᐊᒻᒪᓗ ᑯᔩ ᒍᐊᑉᒫᒍᔅᑐᐃᒥ ᑕᑯᓂᐊᕐᓂᖓᓂᒃ ᐅᕝᕙᓗᓘᓐᓃᒃ ᐳᓛᕆᐊᓪᓚᓂᖓᓂᒃ ᓄᓇᓂᒃ ᓄᑖᓂ ᓴᐳᒻᒥᔭᐅᔪᑦ ᓄᓇᖏᓐᓂ ᓄᓇᕕᒻᒥ.
ᑖᒃᑯᐊ ᐳᓚᕋᕐᓃᑦ, ᐃᓱᐊᖁᑎᓖᑦ ᑲᑎᒪᓂᐊᕈᓯᖃᕐᑎᓯᒍᑎᓂᒃ ᐊᑐᕐᓱᓂ ᓄᓇᖕᖑᐊᓂᒃ ᐊᒻᒪᓗ ᖃᐅᔨᒪᐅᑎᓂᒃ ᐱᔭᑦᓴᓂᒃ ᒪᑭᕝᕕᑯᑎᒍᑦ, ᓇᔅᑳᐱᓂᒃ ᑲᐅᒐᐅᒐᐅᑦᓯᑲᒪᒃᒥ, ᓄᓇᒥᒃ ᑎᒍᒥᐊᕐᑎᓂᒃ, ᐃᓄᒻᒪᕆᓐᓂᒃ, ᓄᓇᓖᑦ ᑲᑎᒪᔨᒃᑯᖏᓐᓂᒃ ᐊᓯᖏᓐᓂᓗ ᐊᑐᐊᒥᔪᓂᒃ ᑎᒥᐅᔪᓂᒃ, ᓱᓕᓕᕐᑎᓯᓛᕐᑐᑦ ᓇᐅᒃᑯᓚᕆᒃ ᑭᓪᓕᐅᓚᖓᔪᓂᒃ ᑖᒃᑯᓄᖓ ᓴᐳᒻᒥᔭᐅᔪᓄᑦ ᓄᓇᓄᑦ.
ᑕᒪᓐᓇ ᐱᓇᓱᓐᓂᐅᑉ ᐊᓪᓗᕆᐊᕐᓂᖓ ᓄᐃᑦᓯᓚᖓᒻᒥᔪᖅ ᐱᔪᓐᓇᓯᒍᑎᒥᒃ ᓄᓇᓕᓐᓂ ᐃᓱᒪᑦᓴᓯᐅᕐᓂᒥᒃ ᐱᑦᔪᑎᖃᕐᓗᓂ ᑕᒪᒃᑯᐊ ᓄᓀᑦ ᖃᓄᐃᖕᖏᓯᐊᕐᓂᖓᓂᒃ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᑕ ᐃᓗᐊᓂ. ᐊᑦᑐᐊᓚᖓᔪᖅ ᓇᓗᓀᕐᓯᓂᕐᒧᑦ ᑐᕌᕐᑕᐅᒍᒪᔪᓂᒃ ᓄᓇᓕᓐᓂ ᐊᒻᒪᓗ ᓄᓇᕐᔪᐊᓂ ᐊᑦᑐᐊᔭᖏᓐᓂ ᑕᒪᒃᑯᐊ ᓄᓀᑦ ᐱᑦᓯᐊᓗᒋᑦ ᐃᓂᓪᓚᑕᐅᒍᓐᓇᓂᐊᕐᒪᑕ ᒪᓕᓪᓗᓂ ᐱᕕᖃᕈᑎᓕᒫᓂᒃ ᒪᓂᔭᐅᔪᓂᒃ ᐃᓕᑕᕐᓯᒪᐅᑎᓄᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᒥᒃ ᖁᒥᐅᑎᒥᒃ ᐅᕝᕙᓗᓘᓐᓃᑦ ᐃᒪᕐᒥᐅᑕᓂᒃ ᖁᒥᐅᑎᒥᒃ, ᐱᒋᐊᕐᓗᒍ ᓲᖑᔪᓂᒃ ᓄᖑᑎᕆᑦᑌᓕᓪᓚᕆᒍᑎᓂᒃ ᑎᑭᓪᓗᒍ ᓱᖃᑦᓯᐅᑎᓂᒃ ᐊᒻᒪᓗ ᓂᐅᕐᕈᑐᓕᕆᓂᕐᒥᒃ ᐱᕙᓪᓕᐊᒍᑎᓄᑦ ᐊᒻᒪᓗ ᑫᓪᓗᑐᕈᑎᓄᑦ.
ᖃᓄᖅ ᐃᓚᐅᒍᓐᓇᓂᖅ
ᖃᐅᔨᒋᐊᓪᓚᓗᑎᑦ ᑖᑦᓱᒪ ᐅᖄᔭᐅᔫᑉ ᒥᑦᓵᓄᑦ
ᑕᒡᒐᓂ ᐱᓇᓱᑦᑕᐅᓂᖓᑕ ᐊᓪᓗᕆᐊᕐᓂᖓᓂ, ᑲᔪᖏᕐᓴᑕᐅᕗᑎᑦ ᕿᒥᕐᕈᖁᑦᓱᑎᑦ ᖃᕆᑕᐅᔭᓄᑦ ᐅᒃᑯᕕᖓᓂᒃ ᐊᒻᒪᓗ ᐳᓛᖁᑦᓱᑎᑦ ᐅᕙᓂ @NunavikProtectedAreas Facebook page ᖃᐅᔨᒋᐊᑦᓯᐊᕈᒪᒍᕕᑦ ᓴᐳᒻᒥᔭᐅᔪᑦ ᓄᓀᑦ ᒥᑦᓵᓄᑦ ᐊᒻᒪᓗ ᐱᒍᒪᒍᕕᑦ ᐱᑕᖃᕆᐊᓕᓕᒫᓂᒃ ᓂᓪᓕᕈᑎᖃᓚᖓᓗᑎᑦ ᐃᓱᒪᒋᔭᑎᓐᓂᒃ ᑌᒣᓐᓇᓯᑐᐊᕐᐸᑦ. ᑐᖕᖓᓱᑦᑎᑕᐅᒻᒥᔪᑎᑦ ᐊᐱᕆᐅᑎᑦᓴᑎᓐᓂᒃ ᐁᑦᑐᐃᒍᒪᑐᐊᕈᕕᑦ ᐊᑐᕐᓗᑎᑦ ᐅᖃᕐᕕᓴᒧᑦ ᐊᓪᓚᕕᑦᓴᒥᒃ ᓄᐃᑕᔪᒥᒃ ᑕᒡᒐᓂ ᖃᕆᑕᐅᔭᓄᑦ ᐅᒃᑯᐃᕕᒻᒥ.
ᐊᐱᕐᓱᓂᖅ ᐃᓄᓕᒫᓂᒃ ᑲᑎᒪᑎᑦᓯᓕᑐᐊᕐᐸᑕ
ᐱᐅᓂᕐᐸᐅᕗᖅ ᐃᓱ ᒪᑦᓴᓯᐅᕐᑐᑦ ᑲᑎᒪᑎᑦᓯᓂᖏᓐᓄᑦ ᐁᖃᑦᑕᓗᓂ ᐱᒍᑎᒋᓚᖓᓗᒍ ᓱᓇᒥᑦᓯᐊᑐᓂᒃ ᑭᐅᒍᑎᓂᒃ ᐊᐱᕐᓲᑎᓕᒫᕐᓅᕕᑦ. ᐊᐱᕆᐅᑎᓕᒫᑦ ᐃᓘᓐᓇᑎᒃ ᐱᐅᔫᕗᑦ ᐊᒻᒪᓗ ᓱᓕᕗᑦ!
ᑖᑦᓱ,ᒪ ᑲᒪᒍᑎᐅᑉ ᐱᕙᓪᓕᐊᓂᖓ ᒪᓕᓪᓗᒍ
ᐊᖑᒪᑦᓯᖏᓐᓇᓗᑎᑦ ᐱᕙᓪᓕᐊᔭᐅᓂᖓᓂᒃ ᑕᑯᒋᐊᓕᐅᒥᔭᖃᑦᑕᓗᑎᑦ ᖃᕆᑕᐅᔭᑎᒍᑦ ᐅᒃᑯᐃᕕᖓᓂᒃ ᐊᒻᒪᓗ ᐃᓚᒋᓕᐅᓗᑎᑦ ᐅᕗᖓ @NunavikProtectedAreas Facebook page