ᒐᒋ ᐸᑕᑯᔭᒄ ᒐᒂᓐ ᐊᔅᒋᔄᔭᒄ
ᐃᔨᒧᐅᓐ ᒐᐱᒧᑕᑲᓄᒡ ᐊᓐᑕ ᓄᓇᐱᒃ ᐃᔪᔅᒋᔭ ᑭᔭ ᐃᔪᒡ ᐃᔪᔅᒋᔭ ᐊᓐᑕ ᐛᓇᑲᑐᐛᐃᑕᑲᓄᒡᒋ ᐊᔅᒋᔭ ᐊᔅᑕᐃᑕᒂᒡ᙮ ᐊᓐ ᐛᑐᑕᑲᓄᒡ ᐛᔨᐱᒧᑕᓄᒡ ᒐᒋ ᑎᒂᒡ ᐊᒥᔪᐱᐃᒡ ᒐᐱᒋᑕᑲᓄᒡ ᒐᒂᓐ ᒐᐅᒡ ᐊᑐᔅᑲᐛᒐᓄᒡ ᒐᒋ ᑲᔅᑎᓇᑲᓄᒡ ᑭᔭ ᒪᒧᔅᑕᑲᓄᒡ ᐃᔨᒧᐅᓐ᙮ ᑐᐎᔅ ᐊᔅᑕᐃᑕᒂᒡ, ᐊᑲᔅᑎᓇᑲᓄᒡ ᐊᑲᒋᐱᔅᑲᒐᑦ ᑭᔭ ᑎᒂᒡ ᑐᐎᔅ ᐃᔨᒧᐅᓐ ᒐᒋ ᑯᒂᒋᒐᒧᐅᓇᓄᒡ ᐊᓐᑕ ᑲᐃᓯᐱᒧᑕᓄᒡ ᐊᓐᑕ ᑲᐅᒡ ᐎᑲᐳᐎᑕᑲᓄᒡ ᐊᓄᔅᒋᑕᑲᓄᒡ ᐊᔅᒋᔭ ᒐᒋ ᓇᑲᑐᐛᐃᑕᑲᓄᒋ ᑭᔭ ᐊᔅᐱᑕᐃᑕᒂᒡ ᑭᔭ ᐊᓯᑐᔅᑲᔅᑕᑲᓄᒡ ᐊᓐᑕ ᐊᑎᒂᒋ ᐊᔅᒋᔭ ᐛᔅᑕᐱᑎᓂᒋ ᐊᓐᑕ ᐊᐛᐸᑎᐛᓄᒡ ᐃᔨᒧᐅᓐ ᑕᐊᐱᒐᓂᑭᓂᒡ ᑲᒥᓯᓇᐃᒐᐱᐃᒡ ᐊᐛᐸᑎᐛᓄᒡ᙮ ᐊᐅᑯᑦ, ᐃᔪᔅᒋᔭ ᐊᓯᑲᓄᐛᐃᑕᒡ ᓱᒐᐃᑎᒧᐅᓂᔪᐤ ᐊᓐᑕ ᓂᑲᓄᒡ ᐊᓐᑕ ᐸᐸᐃᒄ ᐊᔅᒋᔭ ᐛᓇᑲᑐᐛᐃᑕᑲᓄᒋ ᒐᒥᔪᒋᑕᐸᑕᑲᓄᒋ ᐊᓇᑐᔅᒐᐃᑕᑲᓄᒡ ᐃᔨᒧᐅᓐ, ᔭᐱᒡ ᒐᒋ ᑎᒂᒡ ᑕᑐᐎᒡ ᒐᑐᑕᑲᓄᒡ ᒐᒋ ᓇᔅᒐ ᑎᒂᒡ ᐊᐎᑲᐳᐎᑕᑲᓄᒡ ᑭᔭ ᐊᔅᑕᐃᑕᒂᒡ ᐊᓐᑕ ᐊᔅᒋᔾ ᐛᓇᑲᑐᐛᐃᑕᑲᓄᒡ ᒐᐃᔅ ᒪᒧᔅᑕᑲᓄᒡ ᐃᔨᒧᐅᓐ᙮
ᒋᓯᒄ ᐊᓐᑕ ᐃᔨᒧᐅᓐ ᒐᓇᑐᔅᒐᐃᑎᒪᒄ
24
2023
ᑲᐛᐛᒋᑲᒪᒡ
ᓄᓇᐱᒃ ᐊᔅᒋᔭ ᐛᓇᑲᑐᐛᐃᑕᑲᓄᒋ ᒐᓂᔅᑲᑐᓇᓄᒡ
“ᐊᐅᑯᓐ ᒐᐃᑕᐃᑕᑯᓐ ᑲᐤ ᐛᑎᓇᑲᓄᑦ ᐃᔪᐤ ᐃᑐᐅᓐ ᐱᒪᑎᓯᔪᐅᓐ᙮ ᐊᔅᑕᐃᑕᒂᒡ ᐊᓐᒡ ᐊᔅᑐᐛᔅᒋᒥᓄᒡ ᒐᒋ ᐊᔅᒐᐃᑕᒡ ᒐᒂᔪᐤ ᓇᔅᒐ ᑲᐃᔅᐱᑕᐃᑎᒪᐤ᙮”
ᑲᑕᑦ ᐊᓐᑕ ᐊᐛᓐ 2011-2012 ᐱᐳᓇ ᐃᔨᒧᐅᓐ ᑲᓱᐱᔅᑎᓂᒪᑐᓇᓄᒡ ᐊᓐᑕ ᐊᔅᒋᔭ ᐛᓇᑲᑐᐛᐃᑕᑲᓄᒋ
ᒐᒋ ᓂᔅᑐᑕᑎᓱᓇᓄᒡ ᐊᓐᑕ ᐊᓯᐱᒧᑕᒥᑲᒡ ᐊᓐᑕ ᑕᑐᐎᒡ ᐊᓯᐱᒧᑕᓄᒡ
1
ᐃᔨᒧᐅᓐ ᐊᐸᒧᑕᑲᓄᒡ
ᐅᐛ ᐛᔅᑐᑕᑲᓄᒡ ᐃᔨᒧᐅᓐ ᐛᐸᒧᑕᑲᓄᒡ ᒐᒋ ᒥᔭᑲᓄᒡ ᓄᑎᒻ ᐊᐛᓐᒋ ᑭᔭ ᑲᐛᐎᒋᐛᒡ ᐊᓐᑕ ᓄᓇᐱᒃ ᑭᔭ ᑯᑎᑲᒡ ᐃᔪᒡ ᒐᒋ ᒥᔪᐛᐎᑎᒺᑲᓄᒡ ᐃᔨᒧᐅᓂᔪᐤ ᐊᐛᐎᑕᑲᓄᒡ ᐊᔅᒋᔾ ᐛᓇᑲᑐᐛᐃᑕᑲᓄᒐᓐᑕ ᐊᓱᐛᑎᔅᑕᑲᓄᒡ ᐊᓯᐱᒧᑕᒥᑲᒡ᙮
2
ᐊᓱᐱᔅᑎᓂᒪᑐᓇᓄᒡ ᐃᔨᒧᐅᓐ
ᐃᔨᒧᐅᓐ ᑲᔭᔅᑯᔅᑕᑲᓄᒡ ᐊᓐᑕ ᐸᐱᒄ ᓄᓇᐱᒃ ᐃᔅᒋᒪᐤ ᐃᔪᔅᒋᔭ ᑭᔭ ᑯᑎᑲᒡ ᐃᔪᒡ ᐅᑎᔪᔅᒋᒺᒡ ᐊᓐᑕ ᒐᒥᔭᑲᓄᒡ ᐊᐛᓐᒋ ᑭᔭ ᑯᑎᑲ ᒥᓯᓇᐃᑭᓐᒋᐛᐸ ᒐᒋ ᒐᒋ ᑲᐤ ᑲᔅᑎᓇᒡ ᐃᔨᒧᐅᓂᔪᐤ ᐊᔅᑕᐃᑕᑯᓂᒡ ᒐᒋ ᒥᔪᓂᔅᑐᑕᑎᓱᒡ᙮ ᐊᐅᑯᑦ ᒐᑎᒂᒡ ᒐᒋ ᒪᒧ ᑎᐸᑕᑲᓄᒡ ᐊᓐᑕ ᐅᔅᑲᒡ ᒐᐅᒡ ᐱᒧᑯᑕᒡ ᐊᑐᔅᑲᔅᑕᑲᓄᒡ ᐊᓄᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ ᑭᔭ ᐊᔅᐱᑕᐃᑕᒂᒡ ᑭᔭ ᐊᓯᑐᔅᑲᔅᑕᑲᓄᒡ ᐊᓐᑕ ᐊᑎᑕᒂᒋ ᐃᑕᐅᓇᔅᒋᔭ ᐛᓇᑲᑐᐛᐃᑕᑲᓄᒋ ᐊᓐᑕ ᒪᒂᒡ ᐊᐛᐸᑎᐛᓄᒡ᙮
3
ᐊᐛᐎᑕᑲᓄᒡ ᐊᑕᑈᒥᑲᒡ ᐃᔨᒧᐅᓐ ᐊᑎᓯᓇᑕᐃᑲᓄᒡ ᐊᔅᒋᔾ ᑭᔭ ᐊᒪᓐᑕᐅᓇᓄᒡ ᐊᔅᒋᔾ ᐊᐛᐸᑎᐛᓄᒡ:
ᐊᓐᑕ ᑕᑐᐎᒡ ᒐᐃᓯᐱᒧᑕᓄᒡ ᐊᑐᔅᒐᐅᓐ ᒐᑐᔅᑲᔅᑕᑲᓄᒡ, ᒐᐃᑥᔭᑲᓄᒡ ᐃᔪᒡ ᐊᔭᔅᑯᔅᑕᑲᓄᒡ, ᒐᒥᔭᑲᓄᒡ ᐃᔅᒋᒪᐅᒡ, ᓇᔅᑲᐱ ᐊᓐᑕ ᑲᐛᐛᒋᑲᒪᒡ, ᑭᔭ ᒋᒥᔅ ᐱ ᐃᔪᒡ ᐊᓐᑕ ᐛᐱᒪᑯᔅᑐᐎᔾ ᒐᒋ ᒧᐱᔅᑕᒡ ᑭᔭ ᑲᐤ ᒐᒋ ᐃᑐᑕᑲᓄᒡ ᒐᒋ ᓇᒋᑕᐸᑕᒡ ᐊᔅᒋᔪᐤ ᐊᓐᑕ ᐊᐅᔅᑲᒡ ᐊᔅᒋᔭ ᐛᓇᑲᑐᐛᐃᑕᑲᓄᒋ ᐊᓐᑕ ᓄᓇᐱᒃ᙮
ᐅᔭ ᐊᔅᒋᔭ ᐊᓇᒋᑕᐸᑕᑲᓄᒋ, ᒐᐅᔅᑕᐱᑎᒡ ᐊᓐᑕ ᒐᒋ ᒪᒧᐎᓇᓄᒡ ᒐᑎᒂᒋ ᐊᔅᒋᔪᓯᓇᐃᑭᓇ ᑭᔭ ᐃᔨᒧᐅᓐ ᒐᑎᑲᒡ ᐊᓐᑕ ᒐᐅᒋᐱᐃᒡ ᒪᑭᐱᒃ ᐃᔅᒋᒪᐅᒡ ᒋᓴᐅᒋᒪᑲᓂᒡ, ᓇᔅᑲᐱ ᐃᔪᒋᒪᑲᓐ ᐅᑕ ᑲᐛᐛᒋᑲᒪᒡ, ᐊᔅᒋᔪᐤ ᐊᑐᔅᑲᔅᑕᒡ, ᒋᓴᔪᒡ ᒋᓴᐅᒋᒪᑲᓐᒡ, ᑭᔭ ᑯᑎᑲᒡ ᑲᑐᔅᑲᔅᑕᒡ ᐊᑐᔅᒐᐅᓂᔪᐤ, ᐊᓐᑕ ᒐᑎᒄᑲᒡ ᒐᒋ ᒥᔪᔅᒐᐃᑕᒂᒡ ᐊᓐᑕ ᐊᔅᒋᔾ ᐊᑎᓯᓇᑕᐃᑲᓄᒡ ᐅᔭ ᐊᔅᒋᔭ ᐛᓇᑲᑐᐛᐃᑕᑲᓄᒋ᙮
ᐅᑕ ᐊᓯᐱᒧᑕᓄᒡ ᔭᐱᒡ ᒐᑎᒂᒡ ᒐᒋ ᐊᑐᑕᑲᓄᒡ ᐃᔪᔅᒋᔭ ᐊᓐᑕ ᐃᔨᒧᐅᓐ ᒐᐅᒡ ᒋᐱᐃᒡ ᐊᓐᑕ ᐊᔅᑕᐃᑕᑯᓂᒋ ᑎᐱᐛᓯᔪᐅᓇ ᐊᓐᑕ ᐛᓇᑲᑐᐛᐃᑕᑲᓄᒋ ᐊᔅᒋᔭ ᐊᑎᑕᒂᒋ᙮ ᐊᓐᑕ ᒐᐎᔭᐱᑎᒡ ᓱᒐᐃᑎᒧᐅᓐ ᐊᓐᑕ ᒡᒋ ᐅᒋᐱᐃᒡ ᐃᔪᔅᒋᔭ ᑭᔭ ᐊᓐᑕ ᐃᔪᒡ ᐛᒋᑐᔅᒐᒪᑲᓄᒡ ᒥᔅᑯᒡ ᐊᓐᑕ ᒐᒋ ᐊᔅᒋᔭ ᒥᔪᔅᑦᑕᑲᓄᐃᒋ ᐊᓐᑕ ᑕᑐᐎᒡ ᐊᓯᓇᒂᒡ ᐊᓐᑕ ᒐᐃᔅ ᐅᒡ ᐛᐎᒋᑯᒡ ᐊᓐᑕ ᐊᒋᑕᐸᑕᑲᓄᒡ ᐊᔅᒋᔾ ᒐᒋ ᓇᑲᑐᐛᐃᑕᑲᓄᒡ ᐊᑎᐸᓂᔅᑕᑲᓄᒡ ᐊᒋᑕᐸᑕᑲᓄᒡ ᐊᓯᑯᔅᑎᒐᓄᒡ ᒐᐃᓯᓇᑲᑐᐛᐃᑕᑲᓄᒡ ᐊᔅᒋᔾ ᑎᒂᒡ ᒪᑐᐛᐅᓐ ᑭᔭ ᐊᒪᓐᑕᐅᓇᓄᒡ ᐎᑐᑕᑲᓄᒡ ᐱᑎᓱ ᐊᔅᒋᔭ ᐊᓇᑲᑐᐛᐃᑕᑲᓄᒡ᙮
ᑕᐊᓐ ᒐᐃᔅ ᐛᐎᒋᐛᓐ
ᑐᐎᔅ ᐎᓇᑐᔅᒐᐃᑎᒪᒄ ᒐᒂᓐ ᐊᔭᐃᒧᑕᑲᓄᒡ
ᐊᓄᒡ ᐊᑎᑯᑕᒡ ᐊᓐᑕ ᐊᓯᐱᒧᑕᒥᑲᒡ, ᐊᓐᑐᐛᐃᒪᑯᔭᒄ ᒐᒋ ᒋᑕᐸᑎᒪᒄ ᑕᐊᐱᒐᓂᑭᓐ ᐊᑐᔅᒐᐅᓐ ᑲᒥᓯᓇᐃᒐᐱᐃᒡ ᑭᔭ ᒐᐃᑐᑕᔭᒄ @NunavikProtectedAreas Facebook page ᒐᒋ ᐊᔅᒐᐃᑎᒪᒄ ᑐᐎᔅ ᐊᓐᑕ ᐊᔅᒋᔾ ᐎᓇᑐᔅᒐᐃᑎᒪᒄ ᑭᔭ ᒐᒋ ᐱᔅᑎᓂᒪᒄ ᐊᑕᐃᑎᒪᒄ ᐊᓐᑕ ᑎᒂᒡ ᐃᔨᒧᐅᓐ ᒐᒋ ᐱᔅᑎᓂᒺᒄ᙮ ᔭᐱᒡ ᐊᒥᑯᔭᒄ ᒐᒋ ᐱᔅᑎᓂᒺᒄ ᑯᒂᒋᒐᒧᐅᓇ ᐊᓐᑕ ᒐᒋ ᐊᐱᒋᑕᔭᒄ ᒐᒋ ᓇᑐᑲᔅᑎᓇᒃ ᐊᐛᓐ ᐅᑕ ᑕᐊᐱᒐᓂᑭᓐ ᑲᒥᓯᓇᐃᒐᐱᐃᒡ ᐃᔨᒧᐅᓐ ᐊᑎᒂᒡ᙮
ᑯᒂᒋᒐᒧᔭᒽ ᒐᒂᓐ ᐊᓐᑕ ᐃᔪᒡ ᐊᓂᔅᑯᐛᑲᓄᒡ
ᐊᓐᑕ ᒐᒋ ᒥᔪᑲᔅᑎᓂᒺᒄ ᐃᔨᒧᐅᓐ ᑯᒂᒋᒐᒧᔭᒄ ᐊᓐᑕ ᒡᒐᐃ ᐃᑐᑕᒡ ᐊᐛᓐᒋ ᐊᓐᑕ ᓂᔅᑯᐛᑲᓄᒡ ᐊᐛᓐᒋ᙮ ᓄᑎᒻ ᒐᒂᓐ ᒐᒥᔽᐃᒋ ᑭᔭ ᐊᑕᑈᒪᑲᒋ ᑯᒂᒋᒐᒧᐅᓇ!
ᐅᐛ ᒐᓇᓴᒪᒄ ᐊᑎᑯᑕᒡ ᐃᔨᒧᐅᓐ
ᒐᒋᑕᐸᑎᒺᒄ ᐃᔨᒧᐅᓐ ᐊᑎᑯᑕᒡ ᐊᓐᑕ ᒐᒋ ᐃᑐᑕᔭᒄ ᒐᓇᑐᔅᒐᐃᑎᒪᒄ ᑭᔭ ᒐᒥᓯᓇᑕᐅᑎᓱᔭᒄ @NunavikProtectedAreas Facebook page