ᖃᐅᔨᒪᑎᑦᓯᓂᕐᒥᒃ ᐊᒻᒪᓗ ᐃᓱᒪᑦᓴᓯᐅᕐᕕᖃᕐᓂᒥᒃ ᐱᓇᓱᓐᓂᖅ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᓂᒃ ᓄᓇᖃᕐᓂᒥᒃ ᓄᓇᕕᒻᒥ

2020-ᒥ, ᓄᓇᕕᒻᒥ, ᓄᑖᓂᒃ ᓄᓇᓂᒃ ᐃᓚᔨᓚᐅᔪᔪᑦ ᐊᓪᓚᑕᐅᒪᕕᓐᓄᑦ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ [ᐱᔭᑦᓴᐅᔪᑦ ᐅᐃᒍᐃᑎᑐᑦ ᑭᓯᐊᓂ ᐅᖃᕐᑕᐅᓱᑎᒃ Registre des aires protégées au Québec). ᖃᓚᑦᓯᔪᑦ ᓄᓇᒥᒃ ᑲᑎᑦᓱᒍ ᐊᖏᓂᓕᒻᒥᒃ 29,800 km². ᑖᒃᑯᐊ ᓄᓇᖏᑦ ᐱᑎᑕᐅᖕᖏᓂᖏᓐᓂ ᐊᑌᓐᓇᓂᐊᕐᑐᒥᒃ ᐊᒻᒪᓗ ᐃᓕᑕᕆᔭᐅᓪᓚᕆᑦᑐᒥᒃ ᓴᐳᒻᒥᔭᐅᒋᐊᖏᑦ ᐃᓕᑕᕐᓯᒪᐅᑎᒥᒃ, ᓱᑌᔭᕐᑐᒥᒃ ᐃᓄᓕᒫᑦ ᖃᐅᔨᒪᑎᑕᐅᓂᖓᓂᒃ ᐊᒻᒪᓗ ᐃᓱᒪᑦᓴᓯᐅᕐᕕᐅᓂᖓᓂᒃ ᐱᓇᓱᑦᑕᐅᔪᖃᕆᐊᓕᒃ ᓄᓇᕕᒻᒥ. ᑖᓐᓇ ᐱᓇᓱᐊᕐᑕᐅᔪᖅ ᑐᖕᖓᕕᖃᓪᓚᕆᑦᑐᖅ ᐃᓱᒪᑦᓴᓯᐅᕐᕕᖃᕐᓂᐅᑉ ᐱᓇᓱᑦᑕᐅᓂᖓᓂᒃ ᐊᑐᕆᐊᓕᒻᒥᒃ ᐸᕐᓇᕈᑎᖃᕐᓂᒧᑦ ᐊᒻᒪᓗ ᐱᖕᖑᑎᑦᓯᓂᕐᒧᑦ ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ, ᑲᔪᓯᑎᑕᐅᓯᒪᔪᒥᒃ ᓄᓇᓖᑦ ᐃᓚᐅᑎᓪᓗᒋᑦ 2011-2012-ᒥ.

ᑕᒪᓐᓇ ᐱᓇᓱᐊᕐᓂᖅ ᓱᓕ ᓯᕗᓕᕐᑕᐅᒥᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG), ᓄᓇᐅᑉ ᐊᑐᕐᑕᐅᓂᖓᓂᒃ ᐸᕐᓇᑎᐅᓂᑯᖓᓄᑦ, ᐱᓇᓱᐊᖃᑎᖃᕐᑎᓗᒍ ᖃᐅᔨᒪᑎᑦᓯᔩᑦ ᑲᑎᒪᔨᖏᓐᓂᒃ ᐃᓕᖓᔪᓂᒃ ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᓄᑦ (PAWG). ᑕᒪᓐᓇ ᑐᕌᖓᔪᖅ ᓱᕐᖁᐃᓂᕐᒧᑦ ᐃᓘᓐᓇᑎᒃ ᓄᓇᓖᑦ ᓄᓇᕕᒻᒥ ᐊᒻᒪᓗ ᓄᓇᖃᕐᖄᓯᒪᔪᐃᑦ ᖃᐅᔨᒪᑎᑕᐅᓂᖓᓂᒃ ᐊᒻᒪᓗ ᓂᐱᖃᕐᓂᖓᓂᒃ ᐱᓇᓱᐊᕈᑕᐅᔪᒥ ᑐᕌᕈᑕᐅᓯᒪᔪᒥ ᐅᓪᓗᒥ ᐅᓕᕐᓀᓯᒪᐅᑎᖏᓐᓄᑦ ᓴᐳᒻᒥᔭᐅᓂᓖᑦ ᓄᓀᑦ ᐱᑐᑦᓯᒪᐅᑎᔪᑦ, ᖃᓄᖅ ᒥᑦᓯᖃᕈᑎᖏᓐᓄᑦ, ᐊᒻᒪᓗ ᐆᑦᑑᑎᑦᓯᐊᖑᓂᖓᓄᑦ. ᐃᓱᓪᓕᐹᖓᓂ, ᐱᔪᒪᔭᖏᑦ ᓄᓇᕕᒻᒥ ᓄᓇᓖᑦ ᐊᒻᒪᓗ ᓄᓇᕐᔪᐊᑦ ᓯᕗᓂᑦᓴᐅᖁᑦᓱᒋᑦ ᐊᑐᓂ ᓴᐳᒻᒥᔭᐅᔪᓂ ᓄᓇᓂ ᕿᒥᕐᕈᔭᐅᓚᖓᔪᑦ, ᐊᒻᒪᓗ ᖃᓄᖅ ᓱᕐᖁᐃᑐᓕᐅᕋᔭᕐᓂᖅ ᐱᕙᓪᓕᐊᓂᕐᒥᒃ ᐊᒻᒪᓗ ᖃᓄᐃᖕᖏᓯᐊᕐᓂᒥᒃ ᐱᑐᑦᓯᒪᐅᑎᔪᓄᑦ.

ᖃᓅᖅ ᐃᑲᔪᕐᓯᒍᓐᓇᕿᑦ
Rivière-Innuksuac territorial reserve for protected area purposes (Réserve de territoire aux fins d’aire protégée de la Rivière-Innuksuac) © Camille Le Gall-Payne, KRG/ARK

ᓇᓪᓕᖏᑦ ᓴᐳᒻᒥᔭᐅᔪᑦ ᓄᓀᑦ ᐃᓚᐅᕙᑦ?

Rivière-Kovik proposed aquatic reserve (Réserve aquatique projetée de la Rivière-Kovik) © Catherine Pinard, KRG/ARK

ᑫᒥᑕᐅᓯᒪᔪᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑏᑦ ᐊᒻᒪᓗ ᑫᒥᑕᐅᓯᒪᔪᑦ ᐃᒪᕐᒥᐅᑕᓂᒃ ᖁᒥᐅᑏᑦ

ᓄᓇᕕᒻᒥ, 8 ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑏᑦ ᐊᒻᒪᓗ ᐃᒪᕐᒥᐅᑕᓂᒃ ᖁᒥᐅᑏᑦ ᐱᑎᑕᐅᓯᒪᔪᑦ “ᑫᒥᑕᐅᓯᒪᔪᑦ” ᐃᓕᑕᕆᔭᐅᓂᖓᓂᒃ, ᐃᓚᐅᒐᓗᐊᕐᓱᑎᒃ ᓄᐃᑕᒌᕐᑐᓄᑦ ᐱᑐᑦᓯᒪᐅᑎᔪᓄᑦ ᓴᐳᒻᒥᔭᐅᔪᑦ ᓄᓇᖏᓐᓄᑦ ᐊᒻᒪᓗ ᐊᓪᓚᑕᐅᓯᒪᒐᓗᐊᕐᓱᑎᒃ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ. ᑕᒪᓐᓇ ᒫᓐᓇᓯᐅᑎᐅᑦᓱᓂ ᐃᓕᑕᕐᓯᒪᐅᑎ, ᐊᑐᓕᕐᑐᖅ ᐊᒥᓱᒐᓚᓐᓂ ᐊᕐᕌᒍᓂ, ᓄᐃᑕᑎᑦᓯᔪᖅ ᐱᕙᓪᓕᐊᔭᐅᓂᒐᑕ ᑲᔪᓯᓕᕐᓂᖓᓂᒃ. ᐃᓱᓪᓕᐹᖓᓂ, ᓴᐳᒻᒥᔭᐅᒍᑎᓖᑦ ᓄᓇᖏᑦ ᐊᑦᑐᐊᔭᐅᔪᑦ ᐱᑎᑕᐅᓛᕐᑐᑦ ᐃᓕᑕᕆᔭᐅᓂᓪᓚᕆᒻᒥᒃ ᐊᑌᓐᓇᓂᐊᓕᕐᑐᒥᒃ ᐃᓕᖓᔪᒥᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᓄᑦ ᐅᕝᕙᓗᓘᓐᓃᑦ ᐃᒪᕐᒥᐅᑕᓂᒃ ᖁᒥᐅᑎᓄᑦ

Rivière-Arnaud territorial reserve for protected area purposes (Réserve de territoire aux fins d’aire protégée de la Rivière-Arnaud) © Marianne Ricard, KRG/ARK

ᓄᓇᖁᑎᒥ ᖁᒥᐅᑏᑦ ᐱᑦᔪᑎᓖᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ

ᓄᓇᕕᐅᑉ ᓴᐳᒻᒥᔭᐅᔪᓂᒃ ᓄᓇᓂᒃ ᐱᑐᑦᓯᒪᐅᑎᔪᖃᕐᓂᖓ ᖃᒻᒥᑯᑦ ᐱᕙᓪᓕᕆᐊᕐᑕᐅᓚᐅᔪᔪᖅ ᐃᓚᒋᐊᕐᑕᐅᓱᓂ 8-ᓂᒃ ᓄᑖᓂᒃ ᓄᓇᖁᑎᒥ ᖁᒥᐅᑎᓂᒃ ᐱᑦᔪᑎᓕᓐᓂᒃ ᓴᐳᒻᒥᔭᐅᔪᓂᒃ ᓄᓇᖃᕐᓂᒥᒃ (TRPAP-ᓂᒃ) ᐊᒻᒪᓗ 2-ᓂᒃ ᓄᐃᑕᓕᕐᑑᒃ ᐊᖏᓕᒋᐊᕐᑕᐅᓂᖏᓐᓂᒃ. ᐊᑕᐅᓯᕐᒥᒃ TRPAP-ᒥᒃ ᓇᓗᓀᕐᑕᐅᔪᖃᕐᓯᒪᒻᒥᔪᖅ 2020-ᒥ ᓄᑖᓂᒃ ᐅᓐᓂᓯᐅᕈᑎᖃᓚᐅᕐᑎᓇᒋᑦ. ᑖᓐᓇ ᐃᓕᑕᕐᓯᒪᐅᑎ ᐱᕕᖃᕐᑎᓯᔪᖅ ᒫᓐᓇᐅᓂᖓᓂ ᓄᕐᖃᖓᑎᑦᓯᓂᕐᒥᒃ ᐊᖏᕈᑎᓂᒃ ᐅᔭᕋᓐᓂᐊᕕᓐᓂᒃ ᐃᓐᓄᐃᒍᑎᓂᒃ ᐊᒻᒪᓗ ᖃᓄᐃᑐᐃᓐᓇᖅ ᐱᔪᓐᓇᑎᑦᓯᒍᑎᓂᒃ ᐊᑦᑐᐊᔪᓂᒃ ᐅᔭᕋᓐᓂᐊᕋᑦᓴᓂᒃ ᕿᓂᕐᓂᒧᑦ, ᐊᒻᒪᓗ ᓇᐅᑐᐃᓐᓇᓂᒃ ᐃᑯᒪᐅᑎᑦᓴᓂᒃ ᓇᐹᕐᑐᓂᐊᕐᓂᒥᓪᓘᓃᑦ ᐱᕙᓪᓕᐊᒍᑏᑦ ᐱᓇᓱᑦᑕᐅᒍᑎᖏᓐᓂᒃ. ᑐᕌᕐᑕᐅᔪᖅ ᐃᓕᖓᔪᖅ ᑖᒃᑯᐊᓕᒫᑦ TRPAP-ᖑᔪᑦ ᐱᑎᑕᐅᓂᖓᓄᑦ ᐊᑌᓐᓇᑐᒥᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᒧᑦ ᐃᓕᑕᕐᓇᐅᑎᒥᒃ.

ᓄᓇᕕᒻᒥ ᐱᑐᑦᓯᒪᐅᑎᔪᑦ

“ᒪᑭᑕᐅᑎᓂᒃ ᐱᕙᓪᓕᐊᒋᐊᖃᕐᖁᒍᑦ ᐱᐊᕋᕗᑦ ᐱᑦᔪᑎᒋᓗᒋᑦ, ᑭᓯᐊᓂ ᐅᖄᑫᓐᓇᑕ ᓴᐳᒻᒥᓂᕐᒥᒃ ᐱᒻᒪᕆᐅᓂᕐᐹᓂᒃ ᓄᓇᓂᒃ ᓂᕿᑖᕐᕕᑎᓐᓂᒃ – ᐆᑦᑐᑎᒋᓗᒍ ᑰᕕᐅᑉ ᑰᖓ ᐊᒻᒪᓗ ᑕᕆᐅᑉ ᓯᓈ – ᐱᓇᓱᒐᖃᕈᓐᓇᓛᕋᑦᑕ ᓱᓕ ᓂᕆᖏᓐᓇᓗᑕ ᓂᕿᑐᐃᓐᓇᓂᒃ.”

ᐃᓚᐅᔪᖅ 2011-2012-ᒥ ᓴᐳᒻᒥᔭᐅᔪᑦ ᓄᓇᖏᑦ ᐃᓱᒪᑦᓴᓯᐅᕐᕕᖃᕈᑕᐅᑎᓪᓗᒋᑦ

ᑭᓇᒃᑰᑦ ᐃᓄᐃᑦ ᐃᓚᐅᕙᑦ?

ᓄᓇᓖᑦ ᓄᓇᕕᒻᒥ

ᓄᓇᕕᒻᒥ, ᐊᑐᓂ ᐃᓄᐃᑦ, ᓇᔅᑳᐱ ᐊᒻᒪᓗ ᑯᔩ ᐊᑐᕐᑐᒪᕆᒻᒥᒃ ᐃᓚᐅᕗᑦ ᐸᕐᓇᕈᑎᖃᕐᓂᒧᑦ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᓂᒃ. ᐃᓄᐃᑦ ᓄᓇᕐᔪᐊᖓᑦ, ᐃᓚᖃᕐᓱᓂ ᓇᔅᑳᐱ ᓄᓇᕐᔪᐊᖓᓂᒃ ᑲᐅᒐᐅᒐᐅᑦᓯᑲᒪᒃᒥ ᐊᒻᒪᓗ ᑯᔩ ᓄᓇᕐᔪᐊᖓᓂᒃ ᒍᐊᑉᒫᒍᔅᑐᐃᒥ, ᕿᑎᖓᓃᑦᓯᐊᑐᑦ ᐱᕙᓪᓕᐊᔭᐅᓂᖓᓄᑦ.

ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᑦ (PAWG)

ᓄᓇᕕᐅᑉ PAWG-ᖏᑦ, ᓄᐃᑕᐅᓯᒪᔪᑦ 2013-ᒥ, ᑲᔪᓯᑎᑦᓯᔨᐅᕗᑦ ᐋᕐᕿᑕᐅᖁᔭᐅᓯᒪᔪᓂᒃ 2011-2012-ᒥ ᓄᓇᓖᑦ ᐃᓱᒪᒃᓴᓯᐅᕐᕕᐅᑎᓪᓗᒋᑦ ᐱᑦᔪᑎᖃᕐᑎᓗᒍ ᐱᖕᖑᐃᓂᕐᒥᒃ ᓄᓇᕕᒻᒥ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᓂᒃ. ᐃᓐᓄᓯᒪᔪᑦ ᑭᒡᒐᓂᒃ ᐅᑯᓄᖓ ᑎᒥᐅᔪᓄᑦ:

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ, ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᓂᖓᓂᒃ, ᐅᒪᔪᓕᕆᓂᕐᒧᑦ ᐊᒻᒪᓗ ᒥᕐᖑᐃᓯᕐᕕᓄᑦ (MELCCFP)
  • ᑐᕐᖃᑕᕐᕕᒃ ᓯᓚᒥᐅᑕᓂᒃ ᐱᑦᓴᓕᕆᓂᕐᒧᑦ ᐊᒻᒪᓗ ᓇᐸᕐᑐᓂᐊᕐᓂᒧᑦ (MRNF)
  • ᑐᕐᖃᑕᕐᕕᒃ ᒪᑭᑕᐅᑎᓕᕆᓂᕐᒧᑦ, ᓄᑖᓕᐅᕐᓂᒧᑦ ᐊᒻᒪᓗ ᐃᑯᒪᖃᕐᓂᒧᑦ (MEIE)
  • ᑕᕐᕋᒥ ᐸᕐᓀᓂᕐᒧᑦ ᑎᒥᐅᔪᖅ (SPN)

ᖃᐅᔨᒪᔩᑦ ᑲᑎᒪᔨᖏᑦ ᐃᓕᖓᔪᑦ PAWG-ᑯᓐᓄᑦ

ᖃᐅᔨᒪᔩᑦ ᑲᑎᒪᔨᖏᑦ, ᓄᐃᑕᐅᓯᒪᔪᑦ 2017-ᒥ, ᓱᕐᖁᐃᕈᑕᐅᕗᑦ ᖃᐅᔨᒪᔭᑦᓴᓂᒃ ᐁᑦᑐᑑᑎᓂᕐᒧᑦ ᐊᒻᒪᓗ ᓱᓕᓕᕐᑎᓯᓂᕐᒧᑦ PAWG ᐱᓇᓱᐊᕐᑕᖏᓐᓂᒃ ᓴᐳᒻᒥᔭᐅᔪᓂᒃ ᐸᕐᓇᓂᐅᑉ ᑐᑭᐊᒍᑦ. ᐃᓐᓄᓯᒪᔪᑦ ᑭᒡᒐᑐᕐᑎᓂᒃ ᐅᑯᓄᖓ ᑎᒥᐅᔪᓄᑦ

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᒪᑭᕝᕕᒃ
  • ᑯᔩ ᓄᓇᕐᔪᐊᖓᑕ ᑲᕙᒪᖓ
  • ᓇᔅᑳᐱ ᓄᓇᕐᔪᐊᖓ ᑲᐅᒐᐅᒐᐅᑦᓯᑲᒪᒃᒥ
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ, ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᓂᖓᓂᒃ, ᐅᒪᔪᓕᕆᓂᕐᒧᑦ ᐊᒻᒪᓗ ᒥᕐᖑᐃᓯᕐᕕᓄᑦ (MELCCFP)

Tap on the diagram to enlarge it.

ᓯᕗᒧᐊᕈᑕᐅᓯᒪᓕᕐᑐᖅ ᐅᓪᓗ ᒥᒧᑦ ᑎᑭᑦᓱᒍ

1998: ᐃᓂᓪᓚᖓᐅᑎᒻᒪᕆᓐᓂᒃ ᐸᕐᓇᓯᒪᐅᑎ ᓄᓇᐅᑉ ᐊᑐᕐᑕᐅᓂᖓᓄᑦ ᑲᑎᕕᐅᑉ ᓄᓇᖓᓂ

ᐃᓂᓪᓚᖓᐅᑎᒻᒪᕆᓐᓂᒃ ᐸᕐᓇᑎᒪᐅᑎ ᓄᓇᐅᑉ ᐊᑐᕐᑕᐅᓂᖓᓄᑦ ᑲᑎᕕᐅᑉ ᓄᓇᖓᓂ ᐊᑐᓕᕐᑎᑕᐅᓯᒪᔪᖅ 1998-ᒥ (ᐋᕐᕿᒋᐊᕐᑕᐅᓱᓂ 2020-ᒥ) ᓱᑌᔭᕐᑐᒥᒃ ᐃᓱᒪᑦᓴᓯᐅᕈᑕᐅᓚᐅᕐᓱᓂ ᓄᓇᖓᑕ ᓄᓇᓕᖏᓐᓂᒃ, ᓄᓇᓕᓕᒫᓂ ᑎᒥᐅᔪᓂᒃ, ᐊᑦᔨᒌᖕᖏᑐᓂᒃ ᑯᒻᒪᓲᑎᖃᕐᒥᔪᓂᒃ ᓄᓇᖁᑎᐅᑉ ᐃᓗᐊᓂ, ᐊᒻᒪᓗ ᑲᕙᒪᒃᑯᑦ ᐃᓄᓕᒫᓪᓗ ᑭᒡᒐᑐᕐᓱᒋᑦ ᐊᓪᓚᕕᓐᓂᒃ. ᑖᓐᓇ ᐊᓪᓚᓯᒪᔪᖅ ᑐᖕᖓᕕᓕᐅᕐᓯᒪᔪᖅ ᐱᓇᓱᓐᓂᒥᒃ ᐃᑲᔪᕐᑎᒌᒍᑎᒋᓗᒍ ᐊᐅᓚᑦᓯᓂᕐᒥᒃ ᓄᓇᒥᒃ, ᐊᕙᑎᒥᒃ, ᐊᒻᒪᓗ ᐱᑦᓴᖁᑎᓂᒃ ᓄᓇᓕᒫᖅ ᓱᓇᒥᓪᓗᒍ. ᓄᐃᑦᓯᒐᓱᐊᕐᑐᖅ ᐃᓪᓗᒌᑦᑎᓂᕐᒥᒃ ᐊᑯᓐᓂᒥ ᓄᓇᐅᑉ ᐱᕙᓪᓕᐊᑎᑕᐅᓂᖓᓄᑦ ᐊᒻᒪᓗ ᐊᕙᑎᐅᑉ ᓂᑲᓇᖕᖏᓂᖓᓄᑦ.

2008-2009: 11 ᓴᐳᒻᒥᔭᐅᔪᑦᓴᓂᒃ ᓄᓇᓂᒃ ᑫᒥᑦᓯᒍᑏᑦ

ᑯᐯᒃᑯᑦ ᑲᕙᒪᖓ ᒪᓂᔨᓯᒪᔪᖅ 11-ᓂᒃ ᓴᐳᒻᒥᔭᐅᔪᑦᓴᓂᒃ ᓄᓇᓂᒃ ᑫᒥᑦᓯᒍᑎᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG) ᐊᒻᒪᓗ ᒪᑭᕝᕕᒧᑦ: :

  • 8 ᑫᒥᑕᐅᔪᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᑦᓭᑦ
  • 3 ᓄᓇᖁᑎᒥ ᖁᒥᐅᑎᑦᓭᑦ ᐱᑦᔪᑎᓖᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ

KRG ᐊᒻᒪᓗ ᒪᑭᕝᕕᒃ ᐊᖏᕐᓯᒪᔫᒃ ᐃᓱᒪᒋᔭᖃᕐᓂᐊᓱᑎᒃ ᑖᒃᑯᓂᖓ ᑫᒥᑦᓯᐅᑎᓂᒃ, ᒪᓕᒐᖃᕐᑎᓗᒍ ᓄᓇᓕᓐᓂᒃ ᐃᓱᒪᑦᓴᓯᐅᕐᕕᖃᕐᓂᒥᒃ ᓄᓇᕕᒻᒥ ᐊᒻᒪᓗ ᐱᕕᖃᕐᑎᑕᐅᓂᕐᒥᒃ ᓄᐃᑦᓯᓂᕐᒥᒃ ᓇᒻᒥᓂᖅ ᑫᒥᑦᓯᐅᑎᒥᓂᒃ.

ᑯᐯᒻᒥ ᐱᑐᑦᓯᒪᐅᑎᔪᑦ ᓴᐳᒻᒥᔭᐅᒍᑎᓖᑦ ᓄᓀᑦ ᐅᓪᓗᒥ ᓄᐃᑕᑦᓯᓕᕐᑐᑦ ᑯᐯᒃ ᓄᓇᓕᒫᖓᑕ 8.12%-ᖓᓂᒃ.

2011: ᐅᓐᓂᓯᐅᕈᑎ ᑕᕐᕋᒥ ᐸᕐᓇᓯᒪᐅᑎᒥᒃ ᐊᒻᒪᓗ ᓄᓇᕕᒻᒥ ᐸᕐᓇᓯᒪᐅᑎᒥᒃ

KRG ᐊᒻᒪᓗ ᒪᑭᕝᕕᒃ ᑭᐅᒍᑎᖃᕐᓯᒪᔪᑦ ᑯᐯᒃ ᑲᕙᒪᖓᑕ ᐅᓐᓂᓯᐅᕈᑎᖃᕐᓂᖓᓂᒃ ᑕᕐᕋᒧᑦ ᐸᕐᓇᓯᒪᐅᑎᒥᒃ ᓄᐃᑦᓯᒍᑎᒋᑦᓱᒍ ᓄᓇᕕᒻᒥ ᐸᕐᓇᓯᒪᐅᑎᒥᒃ. ᑖᓐᓇ ᐸᕐᓇᓯᒪᐅᑎ ᓄᐃᑦᓯᓯᒪᔪᖅ ᐱᓀᓗᑕᓂᒃ, ᑐᕌᕐᑕᐅᔪᓂᒃ ᐊᒻᒪᓗ ᓯᕗᓪᓕᐅᔨᒍᒪᔭᖏᓐᓂᒃ ᓄᓇᕕᒻᒥᐅᑦ ᐃᓄᐃᑦ ᐊᕐᕌᒍᓂ 25-ᓂ ᐊᑦᑐᐊᔪᕐᑎᒍᑦ ᐊᑦᔨᒌᖕᖏᑐᓄᑦ ᐱᓇᓱᐊᒐᕐᓄᑦ: ᐃᓗᓯᓕᕆᓂᖅ, ᐃᓪᓗᓕᕆᓂᖅ, ᐃᓕᓐᓂᐊᓂᓕᕆᓂᖅ, ᓂᐅᕐᕈᑐᓕᕆᓂᖅ ᐊᓯᖏᓪᓗ. ᓄᓇᕕᒻᒥ ᐸᕐᓇᓯᒪᐅᑎ ᑐᖕᖓᕕᓕᐅᕐᓯᒪᔪᖅ ᐸᕐᓇᓯᒪᐅᑎᒥᒃ ᐱᒋᐊᕐᑎᓯᒍᑎᒧᑦ.

2011-2012: ᓄᓇᓕᓐᓂᒃ ᐃᓱᒪᑦᓴᓯᐅᕐᓃᑦ ᐱᑦᔪᑎᓖᑦ ᓴᐳᒻᒥᔭᐅᔪᓂᒃ ᓄᓇᓂᒃ ᓄᓇᕕᒻᒥ

ᐱᒻᒪᕆᓐᓂᒃ ᑐᑭᓯᒍᑕᐅᔪᑦ ᐃᓚᖓᑦ ᓄᐃᔪᖅ ᑖᒃᑯᓇᖕᖓᑦ ᐃᓱᒪᑦᓴᓯᐅᕐᕕᖃᕈᑎᓂᒃ ᐅᓇᐅᕗᖅ ᐃᓄᐃᑦ ᓄᓇᐅᓪᓗ ᑕᑎᒌᖑᓂᖓ, ᐋᕐᕿᓯᒪᐅᑎᓂᖓ, ᐊᒻᒪᓗ ᓴᑐᕈᓐᓇᓂᖓ. ᑖᓐᓇ ᐱᑐᑦᓯᒪᐅᑎᓂᖓ ᐱᑦᔪᑕᐅᕗᖅ ᖃᓄᐃᖕᖏᓯᐊᕐᑐᒥᒃ ᓯᕗᓂᑦᓴᖃᕐᓂᖓᓄᑦ. ᐯᕆᑦᓯᔨᐅᒐᒥᒃ ᑭᖑᓂᕐᒥ, ᐅᓪᓗᒥ ᐊᒻᒪᓗ ᓯᕗᓂᕐᒥ ᓄᓇᐅᑉ ᐊᑐᕐᑕᐅᓂᖓᓂᒃ, ᓄᓇᓖᑦ ᐊᒻᒪᓗ ᓄᓇᕐᔪᐊᑦ ᓄᓇᕕᒻᒥᐅᑦ ᓲᖑᔪᒥᒃ ᐃᑉᐱᒍᓱᑉᐳᑦ ᑲᒪᔪᑦᓴᐅᓂᕐᒥᓂᒃ ᒪᑭᑕᑦᓯᓂᕐᒥᒃ ᓄᓇᖓᑕ ᖃᓄᐃᖕᖏᓂᖓᓂᒃ ᐊᒻᒪᓗ ᕿᒻᒪᖁᓰᓂᕐᒥᒃ ᖃᐅᔨᒪᐅᓯᕐᒥᒃ ᐊᒻᒪᓗ ᐱᓯᑎᐅᒍᑎᓂᒃ ᑕᒪᐅᖓ ᐊᑦᑐᐊᔪᓂᒃ.

ᑕᒪᒃᑯᐊ ᐃᓱᒪᑦᓴᓯᐅᕐᓂᒍᑏᑦ ᓄᐃᑕᖏᑦ:

  • 6 ᑫᒥᑦᓯᒍᑏᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᒥᒃ ᐊᒻᒪᓗ 3 ᓄᓇᖁᑎᒥ ᖁᒥᐅᑎᒥᒃ ᐱᑦᔪᑎᓕᒻᒥᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ ᐊᖏᕐᑕᐅᓯᒪᔪᑦ ᐋᕐᕿᒋᐊᕈᑎᖃᕐᓱᑎᒃ ᐊᒻᒪᓗ ᓈᓭᑎᓃᓕᕐᓱᑎᒃ ᐊᓪᓚᕕᒻᒥ ᓄᓇᓂᒃ ᓴᐳᒻᒥᔭᐅᔪᓂᒃ:
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ Drumlins-du-Lac-Viennaux-ᒥ (ᐊᑯᓪᓕᐅᑉ ᑕᓯᖓᑕ ᓯᑦᔭᑯᑖᖏᑦ)
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ l’Estuaire- Rivières-Koktac-et-Nauberakvik (ᓯᕗᕋᓕᓂᖅ ᑰᒃᑕᐅᑉ ᐊᒻᒪᓗ ᓇᐅᐱᕋᕐᕕᐅᑉ ᑰᖏᓐᓄᑦ)
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᑐᕐᓱᑲᑕᐅᑉ-ᑲᖏᕐᓱᖓᓂ
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᑲᖏᕐᓱᔪᐊᒥ
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᖁᐊᕐᑕᒥ-ᑲᖏᕐᓱᒥ
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ Delay ᑰᖓᓂ
    • ᓄᓇᖁᑎᒥ ᖁᒥᐅᑎ ᐱᑦᔪᑎᓕᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ Jeannin ᑕᓯᖓᓂ
    • ᓄᓇᖁᑎᒥ ᖁᒥᐅᑎ ᐱᑦᔪᑎᓕᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ ᒪᕐᕋᓕᐅᑉ ᑰᖓᓂ
    • ᓄᓇᖁᑎᒥ ᖁᒥᐅᑎ ᐱᑦᔪᑎᓕᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ ᑲᖏᕐᓱᐊᓗᑦᔪᐊᑉ ᑰᖓᓂ
  • 2 ᓯᕗᓂᕆᔭᐅᔫᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᒥᒃ ᖁᒥᐅᑏᒃ ᓴᐳᑦᔨᒍᑕᐅᓯᒪᖕᖏᑑᒃ ᓄᓇᓖᑦ ᐊᒻᒪᓗ ᓄᓇᓕᓕᒫᑦ ᐊᖓᔪᕐᖄᖏᓐᓄᑦ ᓄᓇᕕᒻᒥ ᐊᓪᓚᑕᐅᓯᒪᔪᑦ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ:
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᐃᒃᑲᑐᔮᑉ ᑰᖓᓂ)
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ Sérigny ᑕᓯᖓᓂ.
  • ᓄᑖᑦ ᑫᒥᑦᓯᒍᑏᑦ ᑐᓂᔭᐅᓯᒪᔪᑦ ᓄᓇᓕᓕᒫᓂ ᐊᖓᔪᕐᖃᓂᒃ. ᑖᒃᑯᐊ ᑫᒥᑦᓯᒍᑏᑦ ᐊᖏᕐᑕᐅᓂᖃᓚᐅᔪᖕᖏᑐᑦ ᑐᕐᖃᑕᕐᕕᒧᑦ ᐊᕙᑎᓕᕆᓂᕐᒧᑦ ᑌᑦᓱᒪᓂ, ᑭᓯᐊᓂ ᑖᒃᑯᐊ ᓄᓇᖏᑦ ᐃᓚᐅᑎᑕᐅᔪᑦ ᖃᐅᔨᒪᔭᑦᓴᑯᕕᒻᒥ ᑐᕌᕐᑐᒥ ᑭᖑᓪᓕᒧᑦ ᐱᓇᓱᐊᕐᓂᓴᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᐱᖕᖑᐃᓂᕐᒥᒃ.
  • ᐊᖏᕐᑐᐃᓇᐅᒍᑎᒥᒃ ᓄᐃᔪᖃᕐᓯᒪᔪᖅ ᑰᕕᐅᑉ ᑰᖓ ᐊᒻᒪᓗ ᑌᑯᖓ ᐃᕐᖓᓂᓕᒫᖅ ᓯᕗᓪᓕᐅᔭᐅᒋᐊᖃᕐᑎᓗᒍ ᓱᕐᕋᑕᐅᑎᑦᑌᓕᓗᒍ.

2012-2014: ᐸᕐᓇᓯᒪᐅᑎᒥᒃ ᐱᒋᐊᕐᑎᓯᓂᖅ

ᐸᕐᓇᓯᒪᐅᑎᒥᒃ ᐱᒋᐊᕐᑎᓯᓂᖅ ᐊᖏᓂᕐᐸᐅᕗᖅ ᓄᓇᓕᓐᓂᒃ ᐃᓱᒪᑦᓴᓯᐅᕈᑕᐅᓯᒪᔪᓕᒫᓂ ᓄᓇᕕᒻᒥ. ᑲᔪᓯᑎᑕᐅᑦᓱᓂ 2012 ᐊᒻᒪᓗ 2014 ᐊᑯᓐᓂᖓᓂ, ᑖᑦᓱᒪ ᐱᓇᓱᑦᑕᐅᓂᖓ ᐃᓂᓪᓚᑕᐅᓯᒪᓚᐅᕐᓯᒪᔪᖅ ᓄᐃᑦᓯᓂᐊᕐᓱᓂ ᐃᓘᓐᓈᒍᑦ ᑕᐅᑐᒍᑎᒥᒃ ᐱᕙᓪᓕᐊᓂᕐᒥᒃ ᑐᖕᖓᕕᖃᕐᓱᓂ ᐃᓄᐃᑦ ᐃᓗᕐᖁᓯᖓᓂᒃ, ᑭᓇᐅᓂᖓᓂᒃ ᐊᒻᒪᓗ ᐱᐅᓯᑐᖃᕐᑎᒍᑦ ᐃᓅᓯᖓᓂᒃ. ᓄᓇ, ᐃᓚᒌᑦ, ᐃᕐᖃᑐᐃᔨᓕᕆᓂᖅ, ᐱᓇᓱᒐᖃᕐᓂᖅ ᐊᒻᒪᓗ ᐊᕙᑎᓕᕆᓂᖅ ᐃᓚᒋᐊᕈᑕᐅᓯᒪᔪᑦ ᓈᓭᑎᓄᑦ ᑲᒪᒋᔭᐅᔪᑦ ᐱᒻᒪᕆᐅᓂᖏᓐᓂᒃ ᐃᓚᐅᑎᑕᐅᓕᕇᕐᑐᓂᒃ ᓄᓇᕕᒻᒥ ᐸᕐᓇᓯᒪᐅᑎᒧᑦ.

2012: ᐅᓐᓂᓯᐅᕈᑎᖃᕐᓂᖅ ᑐᕌᕐᑕᐅᔪᒥᒃ ᓴᐳᒻᒥᒍᒫᕐᓗᓂ ᓄᓇᕕᐅᑉ ᓄᓇᖓᑕ 20%-ᖓᓂᒃ

ᑯᐯᒃ ᑲᕙᒪᖓ ᐅᖃᕐᓯᒪᔪᖅ ᐊᖏᕐᓯᒪᓂᕐᒥᓂᒃ ᑎᑭᐅᑎᒋᐊᕐᓂᐊᓱᓂ 20%-ᒥᒃ ᓴᐳᒻᒥᓂᕐᒥᒃ ᑐᕌᕐᑕᐅᔪᒥᒃ ᑕᕐᕋᒧᑦ ᐸᕐᓇᓯᒪᐅᑎᐅᑉ ᓄᓇᖓᓂ 2020 ᑎᑭᖕᖏᓂᖓᓂ. ᑎᒥᐅᔪᑦ ᑭᒡᒐᑐᕐᑐᑦ ᓄᓇᕕᒻᒥᒃ ᐊᑦᔨᓯᐊᖓᓂᒃ ᑐᕌᒐᖃᕐᓂᒥᔪᑦ ᓄᓇᓕᓕᒫᒧᑦ.

2013: ᐱᖕᖑᐃᓂᖅ ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᓂᒃ

ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᑦ (PAWG) ᓄᐃᑕᐅᓯᒪᔪᑦ ᑭᒡᒐᑐᕐᑎᖃᕐᓱᑎᒃ ᐱᓯᒪᔪᓂᒃ ᐅᑯᓇᖕᖓᑦ ᑎᒥᐅᔪᓂᒃ:

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ ᐊᒻᒪᓗ ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᐸᓪᓂᐊᓂᖓᓂᒃ (MELCC)
  • ᑐᕐᖃᑕᕐᕕᒃ ᐃᑯᒪᐅᑎᖃᕐᓂᒧᑦ ᐊᒻᒪᓗ ᓯᓚᒥ ᐱᑦᓴᖁᑎᓄᑦ (MERN)
  • ᑐᕐᖃᑕᕐᕕᒃ ᓇᐹᕐᑐᓄᑦ ᐆᒪᔪᓄᑦ ᐊᒻᒪᓗ ᒥᕐᖑᐃᓯᕐᕕᓄᑦ (MFFP)
  • ᑕᕐᕋᒧᑦ ᐸᕐᓇᓯᒪᐅᑎᐅᑉ ᑎᒥᖓ (SPN)
  • ᒪᑭᕝᕕᒃ ᐊᒧᓚᐅᔪᔪᖅ ᐱᓇᓱᖃᑎᒌᓂᒃ ᑖᒃᑯ 2017-ᒥ ᐃᑦᓯᕙᐅᑕᕐᑖᖔᕐᓱᑎᒃ ᖃᐅᔨᒪᔩᑦ ᑲᑎᒪᔨᖏᓐᓂ.

ᐱᓇᓱᑦᑕᒥᓂᒃ ᐱᒋᐊᓚᐅᔪᔪᑦ ᑐᖕᖓᕕᖃᕐᓱᑎᒃ ᑐᑭᓯᒍᑎᕕᓂᕐᓂᒃ 2011-2012-ᒥ ᓄᓇᓕᓐᓂᒃ ᐃᓱᒪᑦᓴᓯᐅᕐᕕᖃᕈᑏᑦ ᑐᓴᕐᑎᓯᒍᑎᖓᓂ.

2016: ᐃᓚᐅᕐᑑᑕᐅᓂᖏᑦ 40 ᓴᐳᒻᒥᔭᐅᒍᑎᓖᑦ ᓄᓇᖏᑦᑕ ᖃᐅᔨᒪᔭᑦᓴᖃᐅᑎᒧᑦ

40 ᓴᐳᒻᒥᔭᐅᔪᑦ ᓄᓀᑦ ᑫᒥᑕᐅᒍᑎᖏᑦ ᓄᐃᕕᖃᕐᓯᒪᔪᑦ 2011-2012-ᒥ ᐃᓱᒪᑦᓴᓯᐅᕐᓂᒍᑎᓂᒃ ᐊᒻᒪᓗ ᖃᐅᔨᒪᔨᒻᒪᕇᑦ ᑐᑭᓯᐅᑎᕕᓂᖏᑦ ᕿᒥᕐᕈᔭᐅᓯᒪᔪᑦ PAWG-ᑯᓄᑦ ᐊᒻᒪᓗ ᐃᓚᐅᕐᑑᑕᐅᑦᓱᑎᒃ ᖃᐅᔨᒪᔭᑦᓴᖃᐅᑎᒧᑦ, ᐊᒻᒪᓗ ᓯᕗᓪᓕᔭᐅᒋᐊᓖᑦ ᑐᕌᒐᕐᓗᒋᑦ ᒪᑭᑕᐅᓯᒪᑦᓱᑎᒃ.

2017: ᐱᖕᖑᑎᑦᓯᓂᖅ ᖃᐅᔨᒪᔨᓂᒃ ᑲᑎᒪᔨᓂᒃ ᐊᒻᒪᓗ ᓯᕗᓪᓕᓴᓕᕆᐅᓯᕐᒥᒃ ᑐᕌᕈᑕᐅᑎᓪᓗᒍ 9-ᓂᒃ ᓴᐳᒻᒥᔭᐅᔪᓂᒃ ᓄᓇᑖᕐᓂᒧᑦ ᐃᓘᓐᓀᓄᑦ ᐊᖏᕐᑕᐅᑎᓪᓗᒋᑦ.

2017-ᒥ, ᖃᐅᔨᒪᔩᑦ ᑲᑎᒪᔨᖏᑦ ᓄᐃᑕᐅᓯᒪᔪᑦ ᓄᐃᑕᑦᓯᔪᑦᓴᐅᓱᑎᒃ ᐋᕐᕿᑕᐅᖁᔨᒍᑎᓂᒃ ᐊᒻᒪᓗ ᐃᓱᒪᓕᐅᕐᓂᒍᑎᓂᒃ PAWG-ᑯᓄᑦ. ᐱᖕᖑᑎᑕᐅᓯᒪᔪᑦ ᑭᒡᒐᓄᑦ ᐅᑯᓄᖓ ᑎᒥᐅᔪᓄᑦ:

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᒪᑭᕝᕕᒃ
  • ᓇᔅᑳᐱ ᓄᓇᕐᔪᐊᖓ ᑲᐅᒐᐅᒐᐅᑦᓯᑲᒪᒃᒥ
  • ᑯᔩ ᓄᓇᕐᔪᐊᖓᑕ ᑲᕙᒪᖓ
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ ᐊᒻᒪᓗ ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᐸᓪᓂᐊᓂᖓᓂᒃ (MELCC)

ᓯᕗᓪᓕᐅᔨᔪᑦᓴᓂᒃ ᓴᓇᕐᕈᑏᑦ ᐊᑐᕐᑐᓭᑦ 40-ᓄᑦ ᑫᒥᑦᓯᒍᑎᓄᑦ ᓴᓇᔭᐅᓯᒪᒻᒥᔪᑦ 2017-ᒥ ᐊᑐᓂ PAWG-ᑯᓂ ᐃᓚᐅᔪᓄᑦ. ᐃᒻᒥᒍᓪᓕ, ᖃᐅᔨᒪᔩᑦᑦ ᑲᑎᒪᔨᖏᑦ ᓴᓇᓚᐅᔪᔪᑦ ᑐᕌᕐᓂᐊᑕᒥᓂᒃ ᓴᓇᕐᕈᑎᒥᒃ ᐃᓚᐅᕐᑐᓯᒪᑎᓪᓗᒍ “ᐃᓗᕐᖁᓯᒃᑯᑦ ᐊᒻᒪᓗ ᐃᓅᖃᑎᒌᓐᓂᑯᑦ ᐃᕐᓕᕆᔭᖏᓐᓂᒃ ᓄᓇᖃᕐᖄᓯᒪᔪᑦ ᓄᓇᓕᖏᑦᑕ.” ᓴᓇᒪᐅᑎᓕᒃ ᐱᖓᓱᓂᒃ ᐃᓚᐅᕐᑑᑎᒌᓂᒃ: ᐃᓗᕐᖁᓯᐅᑉ ᐊᑐᕐᑕᐅᓂᖓ, ᓄᖑᑎᕆᑦᑌᓕᓂᖅ ᐊᒻᒪᓗ ᐱᕙᓪᓕᐊᑎᑦᓯᓂᖅ. ᐊᒥᓱᕌᕐᓂᓕᕆᔪᖅ ᐱᐅᓯᕆᑦᓱᒍ ᐃᓕᖓᔪᖅ ᓂᐳᕐᑎᒋᐊᓕᓐᓄᑦ ᐅᐊᕈᑎᓄᑦ ᐊᑐᓂ ᐃᓚᐅᕐᑑᑎᒥ ᐱᕕᖃᕐᑎᓯᔪᖅ ᑫᒥᑦᓯᒍᑏᑦ ᓯᕗᓪᓕᐅᔨᒐᓕᐊᖑᓂᖓᓂᒃ.

ᑕᒪᓐᓇ ᐃᓪᓗᐃᓈᓃᖕᖏᑐᖅ ᓯᕗᓪᓕᐅᔨᒋᐊᓕᓐᓂᒃ ᐱᓇᓱᐊᕐᓂᖅ ᐊᑐᓚᐅᕐᓱᒍ, ᑯᒻᒪᓲᑎᑦᓴᓖᑦ ᖁᕝᕙᓯᓐᓂᐹᓂᒃ ᐱᐅᓂᓕᕆᔪᓂᒃ ᐊᒻᒪᓗ ᐊᒻᒪᓗ ᓂᕈᐊᕐᑕᐅᓯᒪᔪᕐᑎᒍᑦ ᐅᖃᖃᑎᒌᒍᑎᓂᒃ ᐊᑐᓚᐅᔪᔪᑦ ᓄᐃᑦᓯᒍᑎᒋᑦᓱᒋᑦ ᐃᓱᒪᖃᑎᒌᒍᑎᓂᒃ ᐊᑦᑐᐊᔪᓂᒃ 9-ᓄᑦ 9-ᓄᑦ ᓴᐳᒻᒥᔭᐅᔪᓄᑦ ᓄᓇᓄᑦ:

  1. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᐃᓄᒃᔪᐊᑉ ᑰᖓᓂ
  2. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓲᑉ ᑰᖓᓂ
  3. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑑᕐᓱᔫᑉ-ᑕᕐᕋᕙᓯᓐᓂᖓᓂ
  4. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑑᕐᓱᔫᑉ-ᕿᑎᖓᓂ
  5. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑑᕐᓱᔫᑉ-ᓯᕿᓂᕙᓯᓐᓂᖓᓂ
  6. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Canyon-Eaton-ᒥ
  7. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Marais-Maritime-ᒥ
  8. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓱᐊᓗᑦᔪᐊᑉ ᑰᖓᓂ
  9. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᒪᕐᕋᓕᐅᑉ ᑰᖓᓂ

2018: ᒫᓐᓇᓯᐅᑎᒥᒃ ᓴᐳᒻᒥᐅᑎᓂᒃ ᐃᓕᑕᕐᓯᒍᑎᓂᒃ ᐱᒍᑕᐅᓯᒪᔪᑦ ᐱᑖᕆᔭᐅᓯᒪᔪᑦ

ᒫᓐᓇᐅᓂᖓᓂ ᓄᕐᖃᑎᑦᓯᓂᕐᒃ ᐊᓂᐊᑎᕆᓂᕐᒥᒃ ᐅᔭᕋᓐᓂᐊᕕᑦᓴᒥᒃ ᐃᓐᓄᐃᒪᒍᑎᓂᒃ ᑖᒃᑯᓇᓂ 9-ᓂ ᐊᖏᕈᑎᐅᓯᒪᔪᓂ ᓴᐳᒻᒥᔭᐅᔪᓂ ᓄᓇᓂ ᐊᑐᓕᕐᑐᖅ 2018-ᒥᓂᒃ. ᓱᓕᒋᐊᓪᓚᒃ, ᑰᕕᐅᑉ ᑰᖓ ᐊᖏᕈᑕᐅᓯᒪᒻᒥᔪᖅ ᐃᓕᑕᕆᔭᐅᒍᑎᒥᒃ “ᑫᒥᑕᐅᓯᒪᔪᒧᑦ ᐃᒪᕐᒥᐅᑕᓂᒃ ᖁᒥᐅᑎᒧᑦᕻ: ᑰᕕᐅᑉ ᑰᖓᓂ ᑫᒥᑕᐅᓯᒪᔪᖅ ᐃᒪᕐᒥᐅᑕᓂᒃ ᖁᒥᐅᑎᑦᓴᖅ (Réserve aquatique projetée de la Rivière-Kovik)

2019: ᐊᑎᓕᐅᕐᕕᖃᕐᓂᖅ ᐱᑦᔪᑎᓪᓗᑯᓄᑦ ᐊᖏᖃᑎᒌᒍᑎᒥᒃ ᐃᓕᖓᔪᒥᒃ ᓄᖑᑎᕆᑦᑌᓕᓂᕐᒧᑦ Cambrien Lake/Nachicapau Lake/Fort Mackenzie (Waskaikinis) ᓄᓇᖏᓐᓂᒃ

ᑕᒪᓐᓇ ᓄᓇ ᒪᓕᒍᑕᐅᔪᖅ ᐱᑦᔪᑎᓪᓗᑯᓄᑦ ᐊᖏᖃᑎᒌᒍᑎᒥᒃ ᓄᖑᑎᕐᑕᐅᑌᓕᓂᖓᓄᑦ ᐃᓕᖓᔪᒥᒃ. ᑕᑯᓗᒍ ᓱᓪᓕᑏᑦ ᒪᑉᐱᒐᖓ ᐃᓕᖓᔪᖅ ᑖᑦᓱᒧᖓ ᓄᓇᒧᑦ ᖃᐅᔨᒋᐊᓪᓚᕈᒪᒍᕕᑦ..

2020: ᐃᓚᒋᐊᕈᑏᑦ ᐊᓪᓚᕕᒻᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ ᐊᒻᒪᓗ ᐱᔭᖃᕐᓂᖅ 20%-ᒧᑦ ᑐᕌᕐᓂᒥᒃ

2020-ᒥ, ᓄᑖᑦ ᓄᓇᖁᑎᒥ ᖁᒥᐅᑏᑦ ᐱᑦᔪᑎᓖᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ (TRPAP) ᐃᓚᐅᕐᑑᑕᐅᓪᓚᕆᓚᐅᔪᔪᑦ ᑯᐯᒻᒥ ᐊᓪᓚᕕᒻᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᓄᓇᓄᑦ ᐃᓚᖃᕐᒥᓱᑎᒃ ᒪᕐᕉᓂᒃ ᐊᖏᓕᒋᐊᕐᑑᓂᒃ - ᒪᕐᕋᓕᐅᑉ ᑰᖓᑕ TRPAP-ᖓ ᐊᒻᒪᓗ ᑲᖏᕐᓱᐊᓗᑦᔪᐊᑉ ᑰᖓᑕ TRPAP-ᖓ.

ᓄᐃᑕᐅᓯᒪᔪᑦ

  • ᓴᓂᕐᕙᑕᐅᒪᔪᖅ ᐃᒪᕐᒥᐅᑕᓄᑦ ᒪᓂᔭᐅᒪᔪᖅ ᑰᖓ ᑰᕕᐅᑉ ᐃᓚᒋᐊᕆᒍᑎᐅᔪᕕᓂᖅ ᐊᓪᓚᑕᐅᓯᒪᔪᓄᑦ 2018-ᒥ.
  • 8 ᓄᑖᑦ ᓱᒃᑯᑕᐅᑎᑕᐅᑦᑌᓕᔪᑦ ᓄᓀᑦ ᒪᓂᔭᐅᒪᔪᑦ:
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᐃᓄᒃᔪᐊᑉ ᑰᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓲᑉ ᑰᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑐᕐᓱᔫᑉ-ᑕᕐᕋᕙᓯᓐᓂᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑐᕐᓱᔫᑉ-ᕿᑎᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑐᕐᓱᔫᑉ-ᓯᕿᓂᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Canyon-Eaton-ᒥ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Marais-Maritime-ᒥ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓱᐊᓗᑦᔪᐊᑉ ᑰᖓᑕ ᑕᕐᕋᕙᓯᓐᓂᖓᓂ
  • 2 TRPAP ᐊᖏᓕᒋᐊᕈᑎᖏᑦ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᒪᕐᕋᓕᐅᑉ ᑰᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓱᐊᓗᒃᔪᐊᑉ ᑰᖓᓂ

ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓ ᖃᓚᑦᓯᔪᖅ ᓄᓇᕕᐅᑉ ᖄᖓᑕ 20.59%-ᖓᓂᒃ.

2021: ᐋᕐᕿᒋᐊᕐᑎᓯᓂᖅ ᓯᓚᕐᔪᐊᒥ ᕿᒻᒪᖁᓯᐊᓂᒃ ᓄᖑᑎᕆᑦᑌᓕᓂᕐᒧᒃ ᐱᖁᔭᒥᒃ

2021-ᒥᓂᑦ, ᐋᕐᕿᒋᐊᕐᑕᐅᓚᐅᕐᑎᓗᒍ ᓯᓚᕐᔪᐊᒥ ᕿᒻᒪᖁᓯᐊᓂᒃ ᓄᖑᑎᕆᑦᑌᓕᓂᕐᒧᑦ ᐱᖁᔭᖅ (NHCA), ᓯᕗᓂᕐᒥ ᓄᓀᑦ ᓴᐳᒻᒥᔭᐅᒋᐊᓖᑦ ᐱᕙᓪᓕᖃᑦᑕᓚᖓᓯᔪᑦ ᐊᑌᓐᓇᑐᒥᒃ ᓴᐳᒻᒥᔭᐅᓂᕐᑖᓗᑎᒃ ᐊᕐᖁᓵᕈᑎᒋᒋᐊᖃᕐᓇᒍ ᐱᑎᑕᐅᓂᕐᒥᒃ ᒫᓐᓇᓯᐅᑎᒥᒃ ᐃᓕᑕᕐᓯᒪᐅᑎᒥᒃ (ᑫᒥᑕᐅᓯᒪᔪᒧᑦ). ᑭᓯᐊᓂ, ᑌᒣᒐᓗᐊᕐᑎᓗᒍ, ᐃᓕᔭᐅᑫᓐᓇᕈᓐᓇᑐᑦ ᖁᒥᐅᑕᐅᓂᕐᒧᑦ ᐱᑎᑕᐅᖕᖏᓂᖏᓐᓂ ᐊᑌᓐᓇᑐᒥᒃ ᓴᐳᒻᒥᐅᑎᐅᑉ ᐃᓕᑕᕆᔭᐅᒍᑎᖓᓂᒃ.

ᐊᐱᕆᐅᑕᐅᒃᑲᔪᑦᑐᑦ

ᑕᑯᓗᑎᑦ ᐃᓘᓐᓇᖏᓐᓂᒃ ᐊᐱᕆᐅᑕᐅᒍᐊᕐᑐᓂᒃ

ᑯᐯ ᑲᕙᒪᒃᑯᖏᓐᓄᑦ, ᓯᓚᕐᔪᐊᒥᐅᑕᓂᒃ ᓄᖑᑎᕆᑦᑌᓕᓂᖅ ᐊᕐᖁᑎᖃᕐᓱᓂ ᓴᐳᒻᒥᔭᐅᔪᓂᒃ ᓄᓇᖃᕈᑎᓂᒃ ᐃᓱᒪᓇᕐᑎᓯᕗᖅ, “….ᐱᐅᓕᒪᑦᓯᓂᕐᒥᒃ ᐆᑦᑑᑎᑦᓯᐊᓂᒃ ᓄᓇᓂᒃ ᐃᓘᓐᓇᖏᓐᓂ ᐆᒪᔪᖃᕈᑎᓂ ᐊᑦᔨᒌᖕᖏᑐᓂᒃ.” ᑌᒣᑦᑑᒪᑦ ᑕᒐ ᑕᒪᓐᓇ ᑲᒪᓂᐅᕗᖅ “ᓱᕐᖁᐃᑎᑦᓯᓂᕐᒥᒃ ᓴᐳᒻᒥᔭᐅᓂᖏᓐᓂᒃ ᐆᑦᑑᑎᑦᓯᐊᑦ ᓄᓇᖏᑦᑕ ᓇᐅᓪᓗᑯᓂᒃ ᐆᒪᔪᖃᐅᑎᓖᑦ ᑖᒃᑯᐊ, ᐱᑐᑦᓯᒪᐅᑎᔪᓕᒫᑦ ᑕᑯᓗᒋᑦ, ᖃᓗᓯᓂᐊᕐᑎᓗᒋᑦ ᐃᓘᓐᓀᓂᒃ ᐆᒪᔪᖃᐅᑏᑦ ᐊᑦᔨᒌᖕᖏᒍᑎᓕᒫᖏᓐᓂᒃ ᑯᐯᒻᒥ.”

“[…] ᑌᒣᒻᒪᑦ, ᐊᑦᔨᒌᖕᖏᑐᓂᒃ ᐆᒪᔪᖃᕐᕕᒥᒃ ᖁᒥᐅᑎ ᐅᕝᕙᓗᓘᓐᓃᑦ ᐃᒪᕐᒥᐅᑕᓂᒃ ᖁᒥᐅᑎ ᓴᐳᒻᒥᒍᓐᓇᖁᖅ ᓇᓂᑐᐃᓐᓇᖅ ᐊᑦᔨᓕᒻᒥᒃ, ᐆᑦᑑᑎᑦᓯᐊᒥᒃ ᐆᒪᕕᒻᒥᒃ ᐃᓚᖓᓂᒃ ᑕᑯᑦᓱᒍ ᓱᓪᓗᐊᑑᔮᑦᔭᖏᑦᑐᒥᒃ ᐃᓱᒪᓗᓂ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᖓᓂᒃ ᐅᕝᕙᓗᓘᓐᓃᑦ ᑕᑯᓪᓗᐊᓇᑦᔭᖏᑦᑐᒥᒃ ᐃᓱᒪᓗᓂ ᓄᓇᐅᑉ ᐃᓂᖁᓇᕐᓂᖓᓂᒃ. ᑭᓯᐊᓂ, ᐃᓘᓐᓇᑎᒃ ᐆᒪᔪᖃᕐᕕᓕᒫᑦ ᐊᒻᒪᓗ ᐃᓚᒋᔭᐅᔪᑦ ᓯᓚᒥ ᐊᕙᑎᑐᐃᓐᓇᒧᑦ, ᓇᓂᑐᐃᓐᓇᖅ ᐊᑦᔨᖃᕐᓂᐸᐅᒐᓗᐊᕐᐸᑕ ᑯᐯᒻᒥ, ᓴᐳᒻᒥᔭᐅᒋᐊᓖᑦ ᐊᒻᒪᓗ ᐃᓚᐅᓗᑎᒃ ᑯᐯᒻᒥ ᐱᑐᑦᓯᒪᐅᑎᔪᓄᑦ ᓴᐳᒻᒥᔭᐅᒍᑎᓕᓐᓄᑦ ᓄᓇᓄᑦ.”

ᓄᓇᕕᒻᒥ, ᐃᓗᕐᖁᓯᐅᑉ ᑐᑭᐊ ᐃᓚᐅᓪᓚᕆᒋᐊᖃᕆᕗᖅ ᐱᓇᓱᐊᕐᓂᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ. ᐃᓚᐅᕐᑑᑕᐅᓯᒪᔪᖅ ᐃᓚᖃᕐᓱᓂ ᓄᖑᑎᕆᑦᑌᓕᓂᐅᑉ ᐊᒻᒪᓗ ᐱᕙᓪᓕᐊᑎᑦᓯᓂᐅᑉ ᑐᑭᐊᒍᑦ ᐃᓱᒪᒍᑎᓂᒃ. ᐃᓱᒪᕐᓴᓯᐅᕐᓂᖅ ᓄᓇᓕᓕᒫᓂ ᑯᒻᒪᓲᑎᓕᓐᓂᒃ ᐊᑐᕐᑐᒪᕆᒻᒥᒃ ᐃᓚᐅᒻᒥᔪᖅ ᑕᒪᑐᒪ ᐱᓇᓱᑦᑕᐅᓂᖓᓄᑦ.

ᐱᔪᓐᓇᓂᖃᕈᑎᖏᑦ ᐃᓚᐅᔪᑦ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (JBNQA) ᐊᒻᒪᓗ ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᒌᓐᓂᒧᑦ (NEQA) ᒪᑭᑌᓐᓇᑐᑦ ᐊᒻᒪᓗ ᓴᐳᒻᒥᔭᐅᑦᓱᑎᒃ ᓴᐳᒻᒥᔭᐅᒍᑎᓖᑦ ᓄᓀᑦ ᐃᓗᐊᓂ ᓄᓇᕕᒻᒥ.

ᐃᓱᒪᑦᓴᓯᐅᕐᓂᒋᐊᓪᓓᑦ ᓄᑖᑦ ᐱᕕᖃᕐᑎᓯᓚᖓᔪᑦ ᐃᓄᐃᑦ ᓄᓇᕕᒻᒥ, ᓇᔅᑳᐱ ᑲᐅᒐᐅᒐᐅᑦᓯᑲᒪᒃᒥ, ᑯᔩ ᒍᐊᑉᒫᒍᔅᑐᐃᒥ ᐅᖃᖃᑕᐅᓂᖓᓂᒃ ᐃᓱᒪᒋᔭᒥᓂᒃ ᐱᑦᔪᑎᖃᕐᓗᑎᒃ ᐱᖕᖑᐃᓂᕐᒥᒃ ᓴᐳᒻᒥᔭᐅᔪᓂᒃ ᓄᓇᓂᒃ, ᐱᓇᓱᓐᓂᐅᓯᒪᔪᒥᓪᓗ ᑐᕌᕈᑕᐅᓯᒪᔪᒥᒃ ᐅᓪᓗᒥ ᓄᐃᑕᓕᕐᑐᓄᑦ ᐊᒻᒪᓗ ᒥᑦᓯᖃᕐᓂᖓᓂᒃ ᐊᒻᒪᓗ ᐆᑦᑑᑎᑦᓯᐊᖑᓂᖓᓂᒃ ᐱᑐᑦᓯᒪᐅᑎᔪᑦ ᓄᐃᑕᐅᓂᖏᑦ ᑕᒡᒐᓂ ᖃᕆᑕᐅᔭᓄᑦ ᐱᑐᕝᕕᒥ ᑕᑯᑦᓱᒋᑦ.

ᐃᓄᓕᒫᓂᒃ ᐃᓱᒪᑦᓴᓯᐅᕐᓃᑦ ᐸᕐᓇᑕᐅᒪᔪᑦ ᐊᑐᓛᕐᑎᓗᒋᑦ ᓄᓇᓕᓐᓂ ᐃᓘᓐᓇᖏᓐᓂ ᓄᓇᕕᒻᒥ ᐅᑭᐊᒃᑯᑦ 2022-ᒥ, ᖃᓂᒪᓐᓇᐅᑉ ᖃᓄᐃᓕᖓᓂᖓ ᒪᓕᓪᓗᒍ (ᑰᕕᑦ-19). ᓱᔪᖃᕐᓂᖓ ᐃᓱᒪᑦᓴᓯᐅᕈᑏᑦ ᐃᓱᐊᓂ ᒪᓕᓛᕐᓂᐊᑐᖅ ᓱᓇᓂᒃ ᓄᓇᓖᑦ ᐅᖃᕐᓂᖏᓐᓂᒃ.

ᓄᖑᑎᕆᑦᑌᓕᓂᕐᒥᒃ ᐸᕐᓇᓯᒪᐅᑏᑦ ᐊᓪᓚᑕᐅᓛᕐᑐᑦ ᐊᑐᕈᒫᕐᓂᐊᓗᑎᒃ ᐊᑐᓂ ᓴᐳᒻᒥᔭᐅᔪᓄᑦ ᓄᓇᓄᑦ. ᐊᐅᓚᑕᐅᓂᖓᑕ ᐸᕐᓇᓯᒪᐅᑎᖓ ᐋᕐᕿᓱᕐᑕᐅᒍᓐᓇᕋᔭᕐᒥᔪᖅ ᐱᓇᓱᐊᖃᑎᖃᕈᑕᐅᓗᓂ ᐊᑦᔨᒌᖕᖏᑐᓂᒃ ᐱᓇᓱᐊᖃᑕᐅᔪᓂᒃ (ᓄᓇᓕᓐᓂᒃ, ᓄᓇᓕᓕᒫᓂ ᑎᒥᐅᔪᓂᒃ, ᐊᓯᖏᓐᓂᓗ).

ᑕᑯᓗᑎᑦ ᓄᖑᑎᕆᑦᑌᓕᓂᕐᒧᑦ ᐸᕐᓇᓯᒪᐅᑎᒥᒃ ᐃᓕᖓᔪᒥᒃ ᑰᕕᐅᑉ ᑰᖓᓂ ᑫᒥᑕᐅᓯᒪᔪᒥᒃ ᐃᒪᕐᒥᐅᑕᓂᒃ ᖁᒥᐅᑎᑦᓴᒥᒃ (Réserve aquatique projetée de la Rivière-Kovik)

ᐊᐱᕆᐅᑎᑦᓴᖃᕐᖀᑦ? ᐅᖃᐅᓯᑦᓴᖃᕐᖀᑦ?

ᐃᓚᐅᖃᑕᐅᒋᑦ

ᖃᐅᔨᒋᐊᕐᕕᒋᑎᒍᑦ