Lac Cambrien ᑕᓯᖓ ᐊᒻᒪᓗ Lac Nachicapau ᑕᓯᖓ
ᐱᑦᔪᑎᓪᓗᑯᓕᒃ ᐊᖏᖃᑎᒌᓐᓂᖅ
1,496 km² (Lac Nachicapau)
ᑕᒪᓐᓇ Lac Cambrien ᑕᓯᖓᑕ, Lac Nachicapau ᑕᓯᖓᑕ, ᐊᒻᒪᓗ Fort Mackenzie (ᒍᐊᔅᑫᑭᓂᔅ) ᒥᑦᓵ ᐱᖁᔭᑎᒍᑦ ᐃᓚᐅᖕᖏᑲᓗᐊᕐᓱᓂ ᐊᓪᓚᓯᒪᕕᓐᓂ ᓄᓇᓂᒃ ᓴᐳᒻᒥᔭᐅᔪᓂᒃ ᑯᐯᒻᒥ [ᐅᐃᒍᐃᑎᑑᕐᓱᑎᒃ ᑭᓯᐊᓂ ᐱᔭᑦᓭᑦ ᐊᓪᓚᕕᒻᒥ ᓄᓇᓂᒃ ᓴᐳᒻᒥᔭᐅᔪᓂᒃ ᑯᐯᒻᒥ], ᖃᓗᔭᐅᓯᒪᔪᖅ ᐱᑦᔪᑎᓪᓗᑯᓕᒻᒧᑦ ᐊᖏᖃᑎᒌᓐᓂᒧᑦ ᐃᓕᖓᔪᒧᑦ ᐱᐅᓕᒪᓂᖓᓄᑦ.
ᑕᒪᓐᓇ ᓄᓇᖓ ᐊᑐᕆᐊᖃᓪᓚᕆᑦᑐᖅ ᓂᕿᑦᓴᓂᐊᕐᕕᐅᓗᓂ ᓇᔅᑳᐱ ᓄᓇᕐᔪᐊᖓᓂᒥᐅᓄᑦ ᐊᒻᒪᓗ ᓄᓇᕕᒻᒥᐅᓄᑦ ᐃᓄᓐᓄᑦ. ᓄᓇᐅᔪᖅ ᐊᒥᓱᐊᓗᓐᓂᒃ ᐊᑦᔨᐅᖏᑦᑐᓂᒃ ᑕᑯᒥᓇᕐᑐᖃᕐᓱᓂ ᓄᓇᐅᑉ ᖄᖓᓂ, ᐱᑕᖃᕐᓱᓂ ᐳᕐᑐᔪᓂᒃ ᖃᕐᖃᓂᒃ ᖃᓄᐃᑦᑐᑐᐃᓐᓇᒪᕆᐊᓗᓐᓂᒃ ᐱᕈᕐᑐᓕᓐᓂᒃ. ᑕᒪᓐᓇ ᓄᓇ ᐱᕙᓪᓕᐊᕕᑦᓴᐅᒥᔪᖅ ᐃᒪᕐᒧᑦ ᐃᑯᒪᓕᐅᕐᕕᓂᒃ ᐊᒻᒪᓗ ᐅᔭᕋᓐᓂᐊᕕᓐᓂᒃ.
ᑌᒣᒻᒪᑦ, ᐋᕐᕿᓲᑎᒍᑎᖏᑦ ᓇᔅᑳᐱ ᓄᓇᕐᔪᐊᖓᑕ ᑳᒍᐊᒍᐊᑦᓯᑲᒪᒃᒥ, KRG-ᑯᑦ, ᒪᑭᕝᕕᐅᑉ, ᑯᐯᒻᒥ ᐃᑯᒪᓕᐅᕐᑎᑯᑦ, ᐊᒻᒪᓗ ᑯᐯᒃᑯᑦ ᑲᕙᒪᖓᑕ ᑐᕌᕈᑕᐅᓚᐅᔪᕗᑦ ᐊᑎᓕᐅᕐᕕᐅᓂᖓᓄᑦ ᐱᑦᔪᑎᓪᓗᑯᓕᐅᑉ ᐊᖏᖃᑎᒌᓐᓂᐅᑉ 2018-ᒥ ᐱᐅᓕᒪᑦᓯᒍᑕᐅᓂᐊᕐᑎᓗᒍ ᑕᒪᑐᒥᖓ ᓄᓇᒥᒃ. ᑖᓐᓇ ᐊᖏᖃᑎᒌᓐᓂᖅ ᐊᑐᕐᓂᐊᑐᖅ ᐊᕐᕌᒍᓂ 20-ᓂ ᐃᓚᖃᕐᓱᓂᓗ ᒪᑯᓂᖓ:
ᐅᔭᕋᓐᓂᐊᓂᕐᒥᒃ ᐱᓇᓱᓐᓂᓕᒫᑦ Lac Cambrien ᒥᑦᓵᓂᐅᓂᕐᓴᖅ ᐱᕕᖃᖕᖏᑐᑦ;
ᑯᐯᒃᑯᒃ ᑲᕙᒪᖓ ᐊᑐᐃᓐᓇᐅᔪᖅ ᐅᖄᒍᑎᖃᕐᓂᒧᑦ, ᓇᔅᑳᐱ ᓄᓇᕐᔪᐊᖓᑦ ᑳᒍᐊᒍᐊᑦᓯᑲᒪᒃᒥ ᐃᓚᒋᓗᒍ, ᒪᑭᕝᕕᓗ, ᒪᓕᒐᕐᓂᒃ ᐊᑐᕋᔭᕐᑐᓂᒃ ᐅᔭᕋᓐᓂᐊᓂᕐᒥᒃ ᐱᓇᓱᐊᕈᑎᓄᑦ ᒪᑭᑕᐅᑐᐃᓐᓇᕆᐊᓕᓐᓄᑦ Lac Nachicapau ᒥᑦᓵᓂᕐᓂᐅᓴᖅ. ᑕᒪᑐᒪ ᑐᑭᐊᒍᑦ ᐊᖏᖃᑎᒌᓐᓂᒥᒃ ᐋᕐᕿᑕᐅᔪᖃᑐᐊᕐᐸᑦ, ᑕᒪᓐᓇ ᓄᓇᖓᑕ ᐃᓚᖓ ᐁᑦᑐᑕᐅᒐᔭᕐᑐᖅ ᐃᓕᑕᕆᔭᐅᓂᕐᒥᒃ ᓄᓇᕐᔪᐊᑉ ᖁᒥᐅᑎᒋᔭᖓᓂ MERN-ᑯᓐᓄᑦ;
ᑯᐯᒃᑯᑦ ᐃᑯᒪᓕᐅᕐᑎᖏᑦ ᐅᖃᕐᑐᑦ ᑲᔪᓯᑎᑦᓯᓂᐊᕋᑎᒃ ᐃᒪᕐᒧᑦ ᐃᑯᒪᓕᐅᕈᑏᑦ ᐱᕙᓪᓕᐊᒍᑎᖏᓐᓂᒃ ᐊᕐᕌᒍᓂ ᐊᕙᑎᓂ ᙯᔪᓂ. ᑭᓯᐊᓂ, ᖃᓗᔭᐅᖕᖏᑐᓕᒃ ᐊᖏᖃᑎᒌᓐᓂᐅᑉ ᐃᓗᐊᓂ ᐃᓕᖓᔪᒥᒃ ᐊᑦᔨᐅᖏᑦᑐᓂᒃ ᐃᒪᕐᒧᑦ ᐃᑯᒪᓕᐅᕐᓂᒥᒃ ᑭᖕᖒᒪᑦᓯᒍᑎᓄᑦ ᐊᑦᑐᐊᔪᓄᑦ ᐅᔭᕋᓐᓂᐊᓂᕐᒧᑦ, ᐱᓇᓱᐊᒐᒻᒪᕆᓐᓄᑦ ᐅᕝᕙᓗᓘᓐᓃᑦ ᓄᓇᓕᒫᒥ ᐱᓇᓱᐊᑦᓴᓄᑦ ᓄᓇᖓᓂ ᐅᕝᕙᓗᓘᓐᓃᑦ ᖃᓂᒋᔭᖓᓂ ᐃᒪᕐᒥᒃ ᐃᑯᒪᓕᐅᕈᑎᖃᕐᓂᒥᒃ ᐊᑐᕆᐊᖃᕐᑎᓯᒐᔭᕐᑐᓄᑦ, ᐊᒻᒪᓗ ᑕᒪᒃᑯᐊ ᐱᓇᓱᑦᑕᐅᓂᖏᑦ ᐱᐅᓯᑎᑦᓯᒐᔭᕐᐸᑕ ᐃᓅᖃᑎᒌᑦ ᐊᒻᒪᓗ ᒪᑭᑕᐅᑏᑦ ᖃᓄᐃᓕᖓᓂᖏᓐᓂᒃ ᓇᔅᑳᐱᓄᑦ ᐊᒻᒪᓗ ᐃᓄᓐᓄᑦ ᐱᕕᓕᒫᖓᓄᑦ ᒥᑭᓂᕐᐹᒥᒃ ᓱᕐᕃᓂᖃᕋᔭᕐᓗᑎᒃ ᐊᕙᑎᒥᒃ ᐊᒻᒪᓗ ᐊᑦᔨᒌᖕᖏᑐᓂᒃ ᐱᕈᕐᑐᖃᕐᓂᒥᒃ;
ᐃᓚᐅᔪᑦ ᐊᖏᖃᑎᒌᓐᓂᒧᑦ ᓯᕗᓂᕐᑖᓯᒪᔪᑦ ᑲᔪᓯᑎᑦᓯᓂᐊᕐᓂᒥᓂᒃ ᐊᒻᒪᓗ ᐃᓚᐅᓂᐊᕐᓂᒥᓂᒃ, ᐱᑦᓯᐊᓂᒃᑯᑦ ᕿᓂᕐᓂᒧᑦ ᐊᖏᕐᑐᐃᓇᐅᒍᑎᑦᓴᓂᒃ, ᐱᓇᓱᑦᑕᐅᔪᓂᒃ ᐊᒥᓱᐃᓂᒃ-ᑭᒡᒐᑐᕐᑐᓄᑦ ᑲᑎᒪᔨᐊᐱᓐᓄᑦ ᓇᓗᓀᕐᓯᔪᓄᑦ ᐊᓯᒋᓕᐅᑎᒍᓐᓇᑐᓂᒃ ᐃᒪᕐᒥ ᐃᑯᒪᓕᐅᕈᑏᑦ ᐱᕙᓪᓕᐊᑎᑕᐅᓂᖓᓄᑦ ᑕᒫᓂ ᓄᓇᒥ;
ᐃᓱᓕᒍᑖᓂ ᐅᕝᕙᓗᓘᓐᓃᑦ ᓄᑕᐅᓯᓕᑎᕈᑖᓂ. ᑯᐯᒃᑯᑦ ᑲᕙᒪᖓ, ᐃᓱᒪᓕᐅᕐᑎᖃᕐᓗᓂ ᑯᐯᒻᒥ ᐃᑯᒪᓕᐅᕐᑎᓂᒃ, ᓇᓗᓀᕐᓯᑐᐊᕈᓂ ᐃᒪᕐᒥ ᐃᑯᒪᓕᐅᕈᑎᑦᓴᐅᓂᖓ ᓄᓇᐅᑉ ᑕᒪᑐᒪ ᐊᑐᕆᐊᖃᕈᓐᓀᕆᐊᖓ, ᐱᒋᐊᕐᑎᓯᓛᕐᑐᖅ ᐊᓪᓗᑲᑦᑕᐅᑎᒋᒋᐊᓕᓐᓂᒃ ᓱᕐᖁᐃᓚᖓᓗᓂ ᑲᔪᓯᑦᓯᐊᑐᒥᒃ ᒪᑭᑕᒍᓐᓇᓚᖓᓂᖏᓐᓂᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᐅᑉ ᐊᒻᒪᓗ ᐃᓗᕐᖁᓯᒃᑯᑦ ᐱᒻᒪᕆᖁᑎᒋᔭᐅᔪᑦ Lac Cambrien ᒥᑦᓵᓂᐅᓂᕐᓴᖅ ᓴᐳᒻᒥᔭᐅᓂᖏᑦᑕ.
ᐃᓕᑕᕐᓇᕈᑎᖏᑦ
ᓄᓇᒥᒃ ᐊᕕᑦᑐᐃᒍᑎ – JBNQA ᐊᒻᒪᓗ NEQA
ᑳᑎᑰᔨ III
ᐱᐅᓕᒪᒍᒪᑦᓱᒋᑦ ᑐᕌᕐᑕᐅᔪᑦ ᐱᒻᒪᕆᐅᓂᖏᑦ
ᓄᓇ ᐊᖏᔪᒥᒃ ᐊᒻᒪᓗ ᐱᓗᐊᕐᑐᒥᒃ ᑯᓐᒪᓇᕈᑎᓕᒃ ᐱᐅᓕᒪᒍᒪᑦᓱᒍ, ᐱᑦᔪᑎᖃᓪᓚᕆᑦᓱᓂ ᐱᕈᕐᑐᖏᑕ ᐊᑦᔨᒌᖕᖏᓂᖓᓂᒃ, ᐊᑦᑐᐊᔪᓂᒃ ᐃᓗᕐᖁᓯᕐᒥ ᐊᒻᒪᓗ ᐱᐅᓯᑐᖃᕐᒥ ᐱᒻᒪᕆᓐᓄᑦ, ᐊᒻᒪᓗ ᓂᐅᕐᕈᑐᓕᕆᓂᒃᑯᑦ ᐊᓕᐊᒋᔭᐅᒍᓇᐅᓂᖓᓂᒃ.
ᙯᕐᑐᖓᑕ ᓄᓇᑦᓴᔭᖓ
ᓛᐸᑐᐊ ᐱᑦᓴᑕᓕᖁᑎᖓ (Superior ᓄᓇᑦᔭᓴᖓ)
ᐱᐅᓯᕐᓱᑐᑦ ᓄᓇᖁᑎᖏᑦ
ᓯᕗᕕᐅᓪ ᖃᕐᖃᖏᑦ, Lac Jeannin ᑕᓯᖓᑕ ᐃᓗᕐᓴᖓᓂᖓ, ᐅᖑᓐᓂᐊᕕᐅᑉ ᐃᒪᕐᓱᓕᖏᑦ, ᑕᓯᐅᔭᐅᑉ ᑲᖏᕐᓱᖓᑕ ᖃᕐᖃᖏᑦ, Lac Serigny ᑕᓯᖓᑕ ᓴᕐᖃᑐᓂᖓ, Lac Chateauguay ᑕᓯᖓᑕ ᓴᕐᖃᑐᓂᖓ
ᐱᕈᕐᑐᑎᒍᑦ ᓯᓚᖓᑕ ᖃᓄᐃᓐᓂᖓ
ᓇᐹᕐᑐᐃᑦ (Spruce)-ᖁᐊᔭᐅᑏᑦ ᓇᐹᕐᑐᑕᓕᖓ ᐊᒻᒪᓗ ᓇᐹᕐᑐᓕᐅᑉ ᓄᓇᑐᐃᓐᓇᐅᑉ ᓄᓇᑦᓴᔭᖓ
ᐆᒪᔪᐃᑦ
ᓇᕐᑐᕋᓕᒃ (Golden Eagle) ᑭᒡᒐᕕᒃ, Harlequin ᒥᑎᖅ (ᓯᕿᓂᐅᑉ ᓄᐃᕕᐊᓂᒥᐅᑦ)
ᐃᕐᖓᑐᖃᕐᓂᖓ
ᑲᓂᐊᐱᔅᑲᐅ ᑰᖓ
ᖃᒻᒥᐅᖏᓐᓂᑌᑦ ᐃᓂᖏᑦ
- 20-ᓂᒃ ᐃᓂᓂᒃ ᐊᓪᓚᑕᐅᒪᔪᓕᒃ ᓈᓭᒪᒍᑎᓂ ᓄᓇᓂᒃ ᖃᒻᒥᓂᑕᐅᖕᖏᑐᕐᑕᓕᓐᓂᒃ ᑯᐯᒻᒥ (ISAQ).
- ᐃᓂᒋᔭᐅᔪᑦ ᐊᑦᔨᐅᖏᑦᑐᒥᒃ ᑯᒻᒪᓇᕈᑎᓕᓐᓄᑦ ᓇᔅᑳᐱᓄᑦ ᐊᒻᒪᓗ ᓄᓇᕕᒻᒥᐅᓄᑦ ᐃᓄᓐᓄᑦ, ᐱᓗᐊᕐᓗᒍ ᒍᐊᔅᑫᑭᓂᔅᒧᑦ (Fort Mackennzie), ᖃᒻᒥᐅᖏᑦᑐᖅ ᕼᐊᑦᓴᓐ ᐯ ᑲᒻᐸᓂᒃᑯᑦ ᒥᕐᖁᓕᓐᓂᒃ ᑕᐅᕐᓯᐅᑎᕕᕕᓂᖓᓄᑦ, ᓇᔅᑳᐲᑦ ᑲᑎᑦᑕᕕᕕᓂᖓᓄᑦ (1916—1948), ᐊᒻᒪᓗ ᓄᓇᕕᒻᒥᐅᑦ ᐃᓄᐃᑦ ᐆᒪᔪᓂᒃ ᒪᓕᑦᓱᑎᒃ ᑎᑭᓲᕕᓂᖓᓄᑦ.
ᓱᓪᓕᑎᓄᑦ ᒪᑉᐱᒐᖅ ᐱᓯᒪᖕᖏᑐᖅ MELCC-ᑯᓂᒃ/ ᐱᐅᓕᒪᑦᓯᓂᕐᒥᒃ ᐸᕐᓇᓯᒪᐅᑎ ᐊᑐᐃᓐᓇᐅᖏᑦᑐᖅ