ᑰᕕᐅᑉ ᑰᖓ
ᑫᒥᑕᐅᓯᒪᔪᖅ ᐃᒪᕐᒥ ᖁᒥᐅᑎᑦᓴᖅ
ᑰᕕᐅᑉ ᑰᖓ ᐱᒻᒪᕆᐅᕗᖅ ᐃᓂᐅᓂᕐᒥᒍᑦ ᐱᐅᓯᑐᖃᕐᒥᒃ ᐊᒻᒪᓗ ᓂᓪᕿᑦᓴᓂᐊᕐᓂᒥᒃ ᐱᓇᓱᐊᕈᑎᓄᑦ ᐆᑦᑑᑎᒋᓗᒍ ᐃᖃᓗᑉᐱᓂᒃ ᐃᖃᓗᓐᓂᐊᓂᕐᒥᒃ, ᐱᓗᐊᕐᑐᒥᒃ ᐊᑐᕐᑕᐅᔪᓂᒃ ᐃᓚᐅᔪᓄᑦ ᐃᓄᐃᑦ ᓄᓇᓕᖏᓐᓂ ᐳᕕᕐᓂᑐᒥ, ᐊᑯᓕᕕᒻᒥ, ᐃᕗᔨᕕᒻᒥ ᐊᒻᒪᓗ ᓴᓪᓗᓂ. ᑕᒪᑐᒪ ᐱᓇᓱᑦᑕᐅᓂᖓ ᐊᑐᓲᖑᒻᒥᔪᖅ ᑐᕌᖓᑎᓪᓗᒍ ᓂᐳᕐᑎᓯᓂᕐᒧᑦ ᓂᕿᑎᒍᑦ ᓴᑑᒪᓂᕐᒥᒃ ᐊᒻᒪᓗ ᐃᒻᒥᓂᕿᓂᕐᒥᒃ. ᑖᓐᓇ ᑰᒃ ᓇᓗᓀᕐᑕᐅᓯᒪᔪᖅ ᓯᕗᓪᓕᐅᑎᔭᑦᓴᐅᓱᓂ ᐱᐅᓕᒪᓗᒍ ᑐᖕᖓᕕᖃᕐᑎᓗᒍ ᐃᓗᕐᖁᓯᕐᑯᑦ ᐊᒻᒪᓗ ᐆᒪᔪᖃᕐᕕᖃᕐᓂᑯᑦ ᐃᓱᒪᒋᒋᐊᓕᓐᓂᒃ. ᐊᒥᓱᑦ ᖃᒻᒥᐅᖏᓐᓂᑕᕐᑕᓖᑦ ᐃᓂᖏᑦ ᑖᕙᓂ ᓇᓭᑎᓅᕐᑕᐅᓯᒪᒻᒥᔪᑦ.
2014-ᒥ, KRG-ᑯᑦ ᐊᒻᒪᓗ MELCC-ᑯᑦ ᓄᓇᒥ ᐱᓇᓱᑦᑎᓯᓚᐅᔪᔪᑦ ᖃᐅᔨᒪᔭᑦᓴᓂᐊᕐᓱᑎᒃ ᑰᕕᐅᑉ ᑰᖓᓄᑦ ᐃᕐᖓᓂᐅᑉ ᒥᑦᓵᓄᑦ. ᑕᒪᑐᒪ ᐱᓇᓱᑦᑕᐅᓂᖓᑕ ᑐᑭᐊ ᐃᓕᖓᓚᐅᔪᔪᖅ ᓇᓗᓀᕐᓯᓂᕐᒧᑦ ᓈᒻᒪᑐᒥᒃ ᑭᖑᓪᓕᐹᖓᓂ ᑭᓪᓕᓴᒥᒃ ᓴᐳᒻᒥᔭᐅᔪᒧᑦ ᓄᓇᒧᑦ, ᑐᖕᖓᕕᖃᕐᑎᓗᒍ ᐱᒻᒪᕆᐅᓂᕐᐹᒥᒃ ᐱᐅᓕᒪᑦᓯᓂᒃᑯᑦ ᑐᕌᕐᑕᖓᓂᒃ ᓴᐳᒻᒥᓚᖓᓗᓂ ᐃᖃᓗᑉᐱᓂᒃ. ᓱᓕᐅᒻᒥᔪᖅ, ᐃᕐᖓᓂᓕᕆᔪᑦ ᐊᒻᒪᓗ ᓄᓇᐅᑉ ᖄᖓᓃᑦᑐᓂᒃ ᐃᓕᑕᕐᓂᐊᕈᑏᑦ ᑲᔪᓯᑎᑕᐅᓚᐅᔪᒻᒥᔪᑦ, ᐊᒻᒪᓗ ᐱᐅᓯᑐᖃᒃᑯᑦ ᖃᐅᔨᒪᐅᓯᖅ ᐊᑦᑐᐊᔪᖅ ᐃᖃᓗᑉᐱᖃᐅᑎᓄᑦ ᓱᕐᖁᐃᑕᐅᒻᒥᓱᓂ. ᑭᖑᓪᓕᐹᖅ, ᓱᕐᖁᐃᓴᕈᑏᑦ ᑲᔪᓯᑎᑕᐅᓚᐅᔪᒻᒥᔪᑦ ᐱᑦᔪᑎᖃᕐᓱᑎᒃ ᙯᕐᑐᓕᕆᓂᕐᒥᒃ, ᐱᖕᖑᐃᓂᕐᒥᓗ ᐱᕈᑦᓯᐊᖏᑕ ᖃᐅᔨᒪᓇᕈᑎᖏᓐᓂᒃ, ᓇᓗᓀᕐᓯᓂᕐᒥᓗ ᓄᓇᓂᒃ ᐳᓛᕐᑐᑦ ᐅᐸᒍᒪᒐᔭᕐᑕᖏᓐᓂᒃ, ᐊᒻᒪᓗ ᓈᓭᒪᒍᑎᓂᒃ ᓯᕗᓪᓕᓂᑕᕐᓂᒃ ᐊᒻᒪᓗ ᐅᓪᓗᒥᐅᔪᖅ ᓇᔪᕐᑕᐅᓲᓂᒃ ᐃᓂᓂᒃ (ᓄᓇᒋᔭᐅᓲᑦ, ᖃᒻᒥᐅᖏᑦᑐᓖᑦ ᐃᓂᖏᑦ, ᐊᓯᖏᓪᓗ).
ᐅᖃᑦᓯᐊᓗᒍ, 2015-ᒥ, ᐊᕙᑕᖅ ᐱᐅᓯᑐᖃᓕᕆᕕᒃ ᑲᔪᓯᑎᑦᓯᓚᐅᔪᔪᖅ ᓄᓇᒥ ᖃᐅᔨᓴᐅᑎᒥᒃ ᓇᓗᓀᕐᓯᒍᑕᐅᑎᓪᓗᒍ ᖃᒻᒥᐅᖏᓐᓂᑕᕐᑕᓕᓐᓂᒃ ᐃᓂᓂᒃ ᑰᕕᐅᑉ ᑲᖏᕐᓱᖓᓂ ᐱᓇᓱᖃᑎᖃᕐᓱᑎᒃ KRG-ᑯᓂᒃ, ᐅᑭᐅᕐᑕᑐᓂᒃ ᐃᓕᓐᓂᐊᕕᒻᒪᕆᒻᒥᒃ (CEN), ᐅᑭᐅᕐᑕᑐᒥ ᓄᓇᓕᒻᒥᒃ ᐊᑯᓕᕕᒻᒥ, ᐊᒻᒪᓗ ᕿᑫᕐᕆᐊᖅ ᓄᓇᒥᒃ ᑎᒍᒥᐊᕐᑏᑦ ᑎᒥᖓᓂᒃ ᐊᑯᓕᕕᒻᒥ.
ᒪᑭᑦᓯᓂᖅ ᑭᓪᓕᓂᒃ ᑫᒥᑕᐅᓯᒪᔪᒧᑦ ᐃᒪᕐᒥ ᖁᒥᐅᑎᑦᓴᒧᑦ ᑰᕕᐅᑉ ᑰᖓᓂ ᖃᐅᔨᓇᓚᐅᔪᔪᖅ ᐱᒋᐊᑐᔫᒋᐊᖓ ᐱᑦᔪᑎᖃᕐᑎᓗᒍ ᑯᐯᒃ ᓄᓇᖓᑕ ᓯᑦᔭᑎᒍᑦ ᐊᒻᒪᓗ ᑕᕆᐅᖓᑎᒍᑦ ᑭᓪᓕᖏᓐᓂᒃ ᓄᓇᕕᒻᒥ, ᑕᒪᒃᑯᐊ ᐊᑦᔨᒌᓚᐅᔪᖕᖏᒪᑕ ᑐᓴᕐᓱᓂ ᐊᑦᔨᒌᖕᖏᑐᓂᒃ ᑎᒥᐅᔪᓂᒃ ᐊᒻᒪᓗ ᐊᑐᕆᐊᓕᓐᓂᒃ ᓄᓇᑖᕐᓂᒧᑦ ᐊᖏᖃᑎᒌᒍᑎᓂᒃ. ᓂᐳᕈᑎ ᑕᒪᖏᓐᓄᑦ ᑯᐯᒃᑯᑦ ᑲᕙᒪᖓᓄᑦ ᐊᒻᒪᓗ ᒪᑭᕝᕕᒧᑦ ᐱᔭᐅᑦᓴᕋᑕᓚᐅᔪᔪᖅ ᐱᑦᔪᑎᖃᕐᓱᓂ ᓯᕿᓂᐅᑉ ᓂᐱᕝᕕᐊᒍᑦ ᑭᓪᓕᒥᒃ ᐃᒪᕐᒥ ᖁᒥᐅᑎᒧᑦ ᑰᕕᐅᑉ ᑰᖓᓂ. ᑖᓐᓇ ᑭᓪᓕᖓ ᒪᑭᑕᐅᓚᐅᔪᔪᖅ ᑲᖏᕙᓯᓐᓂᓴᒥ ᓄᓇᒥ, ᐊᕙᓗᖃᕐᑎᓱᒍ 50-ᓂᒃ ᓱᕐᖄᑎᕈᑎᓂᒃ ᓯᓈᓂᒃ ᐱᒋᐊᕐᑐᒥᒃ.
ᐱᐅᓕᒪᑦᓯᓂᕐᒥᒃ ᐸᕐᓇᓯᒪᐅᑎ ᑫᒥᑕᐅᓯᒪᔪᒥ ᐃᒪᕐᒥ ᖁᒥᐅᑎᑦᓴᒥ ᐱᑕᖃᕐᑎᓯᔪᖅ ᐅᓕᕐᓀᕈᑎᓂᒃ ᓄᓇᖓᓄᑦ ᐊᒻᒪᓗ ᖃᓄᐃᑦᑐᒥᒃ ᓴᐳᒻᒥᐅᑎᒥᒃ ᑫᒥᑦᓯᒍᑕᐅᓂᖓᓄᑦ.
ᐃᓕᑕᕐᓇᕈᑎᖏᑦ
ᓄᓇᒥᒃ ᐊᕕᑦᑐᐃᒍᑎ – JBNQA ᐊᒻᒪᓗ NEQA
ᑳᑎᑰᔨ II
ᐱᐅᓕᒪᒍᒪᑦᓱᒋᑦ ᑐᕌᕐᑕᐅᔪᑦ ᐱᒻᒪᕆᐅᓂᖏᑦ
ᓴᐳᒻᒥᓂᖅ ᐊᒻᒪᓗ ᒪᑭᑕᑦᓯᓂᖅ ᐆᒪᔪᕐᑎᒍᑦ ᐊᑦᔨᒌᖕᖏᑐᖃᕐᓂᒥᒃ ᐊᒻᒪᓗ ᓄᓇᖓᑕ ᐃᓗᕐᖁᓯᐅᓪᓗ ᐱᑦᓴᖁᑎᖏᓐᓂᒃ ᐊᑦᑐᐊᔪᓂᒃ ᓄᓇᖓᓄᑦ, ᐃᓚᖃᕐᑎᓗᒍ ᓴᐳᒻᒥᓂᕐᒥᒃ ᐃᖃᓗᑉᐱᓂᒃ.
ᙯᕐᑐᖓᑕ ᓄᓇᑦᓴᔭᖓ
Churchill ᓄᓇᑦᔭᓴᖓ
ᐱᐅᓯᕐᓱᑐᑦ ᓄᓇᖁᑎᖏᑦ
ᓴᓪᓗᐃᑦ ᓴᕐᖃᑐᓂᖓ
ᓯᓚᖓᓂ ᐱᕈᕐᑐᓴᔦᑦ
- ᐅᕐᐱᐊᐱᓕᒃ ᐅᑭᐅᕐᑕᑐᒥ ᓄᓇᑐᐃᓐᓇᖅ
- ᐱᕈᕐᑐᐊᐱᓕᒃ ᐅᑭᐅᕐᑕᑐᒥ ᓄᓇᑐᐃᓐᓇᖅ
ᐆᒪᔪᐃᑦ
ᓄᓇᒥᐅᑌᑦ
ᐊᐅᓪᓚᑕᕐᑐᑦ ᑐᒃᑐᐃᑦ (ᑕᓯᐅᔭᐅᑉ ᑰᖓᑕ ᑐᒃᑐᖏᑦ)—ᐅᖓᕙᐅᑉ ᐊᕕᖕᖓᖏᑦ—ᐅᑭᐅᕐᑕᑐᒥ ᐅᑲᓕᒃ—ᐊᒪᕈᖅ ᓯᓇᕐᓇᖅ—ᓇᓄᖅ—ᑎᕆᒐᓐᓂᐊᖅ
ᐃᒪᕐᒥᐅᑌᑦ
ᐃᖃᓗᑉᐱᒃ — ᐊᓪᓕᕈᕆᓐᓂᓴᖅ ᑲᐱᓯᓕᒃ (Lake cisco) — ᐱᖓᓱᓂᒃ ᖁᓕᒥᐅᑕᓕᒃ ᐃᖃᓗᒐᖅ (Three-spined stickleback) – ᖁᓕᐅᖕᖏᒐᕐᑐᓂᒃ ᖁᓕᒥᐅᑕᓕᒃ ᐃᖃᓗᒐᖅ (Ninespine stickleback) – ᑲᐱᓯᓕᒃ – ᐃᓲᕋᓕᑦᑖᖅ.
ᑎᒻᒥᐊᑦ
ᓂᕐᓕᒃ — ᖁᐸᓄᐊᑐᐃᓐᓇᖅ — ᑯᔾᔪᒃ — ᒥᑎᖅ — ᐅᒃᐱᒃ — ᐊᕿᒡᒋᖅ — ᑲᖑᖅ
ᖃᒻᒥᐅᖏᓐᓂᑌᑦ ᐃᓂᖏᑦ
21 ᐃᓃᑦ ᐊᓪᓚᑕᐅᒪᔪᑦ ᓈᓭᒪᒍᑎᓂ ᓄᓇᓂᒃ ᖃᒻᒥᓂᑕᐅᖕᖏᑐᕐᑕᓕᓐᓂᒃ ᑯᐯᒻᒥ (ISAQ) ᓇᓗᓀᕐᑕᐅᓯᒪᔪᑦ ᑲᖏᕙᓯᑦᑐᒥ ᑰᕕᐅᑉ ᑲᖏᕐᓱᖓᓂ ᐊᒻᒪᓗ ᐊᒥᓱᒋᐊᓪᓓᑦ ᐊᓯᖏᑦ ᓱᓕ ᖃᐅᔨᓴᕐᑕᐅᒋᐊᖃᖏᓐᓇᓱᑎᒃ.
ᐱᐅᓕᒪᑦᓯᓂᕐᒥᒃ ᐸᕐᓇᓯᒪᐅᑎ:
ᑌᔭᐅᔪᑦ:
- Campeau, S., Lavoie, I. & Dubuc, R. (2015). ᑕᓯᕐᓂ ᐊᒻᒪᓗ ᑰᓐᓂ ᐃᖃᓗᐃᑦ ᓂᕿᖏᑦᑕ (diatoms) ᐃᓚᒌᑦᑎᑐᖏᑦ ᑰᕕᐅᑉ ᑰᖓᑕ ᓇᕐᓴᖓᓂ.
ᑐᓴᕐᑎᓯᒍᑏᑦ ᑐᕌᕐᑐᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᐱᑦᔪᔨᕕᒃ ᐊᕙᑎᓕᕆᐅᑎᓄᑦ ᓱᑯᐃᔦᒍᑎᓂᒃ, ᓯᓚᑦᑐᓴᕐᕕᒃ ᑯᐯᒻᒧᑦ ᑐᕈᐊ ᕆᕕᐊᒥ, ᑎᓯᒻᐱᕆ 2015, 30 pp.
- ᖃᒻᒥᐅᖏᓐᓂᑕᕐᑕᓕᓐᓂᒃ ᖃᐅᔨᓴᕐᓂᖅ ᑰᕕᐅᑉ ᑲᖏᕐᓱᖓᓂ, ᐅᐱᕐᖔᑯᑦ 2015-ᒥ, ᐊᕙᑕᖅ ᐱᐅᓯᑐᖃᓕᕆᕕᒃ ᔭᓄᐊᕆ (2016)