ᐋ ᑎᐹᑖᑭᓂᐧᐃᒡ ᐆ ᓅᓈᕕᒃ ᐋ ᐅᐦᒡ ᐱᒥᐲᐦᑖᑭᓂᐧᐃᒡ
ᐅᑎᐦ ᐆ ᐋ ᐅᐦᒡ ᐱᒥᐲᐦᑖᑭᓄᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐧᐋᐅᔭᔥ 20᙮59 ᐃᔅᐱᓵᐤ ᐅᐦᒡ ᐅᑎᐦ ᐆ ᓅᓈᕕᒃ, ᐊᐧᐃᔅᑖᐦ ᒫᒃ 100,000 ᑳ ᑎᐦᐧᑳᒡ ᐊᔅᒌᐤ ᑎᐱᐦᐄᑭᓐ ᐊᑭᔅᑭᒑᓐ ᐃᔥᐱᓵᐤ᙮ ᐊᑯᑎᐦ ᑭᔮᐦ ᔕᔥ ᐊᔅᑎᒋᐦᑖᑭᓂᐧᐃᒡ ᐊᓂᐦᐄ ᐋ ᐅᔅᑳᒡ 8 ᐊᐦᑎᑎᓐ ᐊᓂᐦᐄ ᐅᑖᐦ ᒑ ᐊᔅᑎᓂᑭᓂᐧᐃᒡ ᐅᑎᐦ ᑳ ᐃᔑ ᐧᐃᔮᔨᐦᑎᒥᐦᐄᐧᐋᒡ 2020, 8 ᐊᑎᐦᑎᓐ ᐊᓂᐦᐄ ᐧᑳᑯᑎᐧᐋᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ, 1 ᒫᒃ ᑯᐧᑳᑎᐧᐋᓂᐤ ᐋ ᐧᐃᒥᓈᒋᐦᑖᑭᓂᐧᐃᒡ ᓵᑭᐦᐃᑭᓂᐦᒡ/ᓂᐲᐦᒡ ᐋᐦᑎᑯᐦᒡ ᑭᔮᐦ ᒫᒃ 3 ᑎᐦᑐ ᐊᓂᑖᐦ ᐃᔑ ᓂᔅᑖᒥᐦᒡ ᐋ ᐆᐧᐋᔮᐱᐦᑖᑭᓂᐧᐃᒡ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ ᔕᔥ ᐊᓐ ᑲ ᐃᔑ ᐆᐧᐋᑖᔨᐦᑎᒥᐦᐄᐧᐋᒡ 2009 ᐱᐦᔨᒻ 2018᙮ ᒪᐦᒡ ᒫᒃ ᐊᓂᐦᐄ ᓂᓲ ᒫᒃ ᒌ ᐋᒋᐦᑖᑭᓂᐤ 2020᙮
ᒫᒨ ᒫᒃ ᐊᓐ ᐋ ᑭᓂᐧᐋᐱᐦᑖᑭᓂᐧᐃᒡ ᐋ ᐅᐦᒡ ᐱᒥᐲᐦᑖᑭᓂᐧᐃᒡ ᐆ ᐊᔅᑎᓂᑭᓂᐤ ᐊᓂᐦᐄ 4 ᓈᓯᓂᐅᓪ ᐹᕐᐦᒃ ᑭᔮᐦ 5 ᑎᐦᑐ ᐆ ᐋ ᐃᔑ ᐧᐃᔨᓲᐧᐋᑖᑭᓂᐧᐃᒡ ᓈᓯᓂᓪ ᐹᕐᐦᒃ, ᓂᒧᐃ ᐊᔅᑎᓂᑭᓂᐤᐦ ᐅᑎᐦ ᐆ ᑳ ᓂᔅᑎᐅᓂᑭᓂᐧᐃᒡ ᐋᔨᐧᒫᐦᐄᐧᐋᒡ ᑳ ᐱᒥᐲᐦᑖᑭᓂᐧᐃᒡ ᐅᑎᐦ ᐆ ᐋ ᐊᔨᒥᐦᐄᒡ ᐋᐧᐋᓂᒌ᙮ ᒥᓯᐧᐋ ᒫᒃ ᐅᐦᐄ ᒥᓯᓈᑖᐤ ᐊᓂᑎᐦ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐅᑎᐦ ᑯᐹᑭᐦᒡ (ᒥᒄ ᐋ ᐅᐱᔅᑎᐧᑳᔮᐤ ᐊᔨᒥᓈᓂᐧᐃᒡ ᐃᓯᓂᐦᑳᑖᐤ ᕆᒡᔅᑎᕐ ᑎᔨᔥ ᐊᐃᕐᔅ ᐳᕉᑎᒋᔥ ᐋᐤ ᑯᐹᒃ)
ᐊᑎᑐ ᒫᒃ ᐧᐄᐦ ᓈᓂᑐᒋᔅᒑᔨᐦᑎᒥᓈᐦ ᐊᓂᑎᐦ ᑳ ᐅᐦᒋᐱᔨᒡ ᐆ ᑳ ᐅᐦᒡ ᑭᒋᐦᒋᐲᐦᑖᑭᓂᐧᐃᒡ ᐆ ᐋ ᐅᐦᒡ ᐱᒥᐲᐦᑖᑭᓂᐧᐃᒡ, ᒌᔥᒌᓐ ᐅᑎᐦ ᐆ᙮
ᒑᐧᑳᓐ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ?
ᐊᓂᔮᔨᐤ ᐧᐃᔨᐧᐋᐤ ᐋᑖᔨᐦᑎᒥᐦᐄᑯᒡ ᐊᓂᒌ ᐃᓐᑎᕐᓈᓯᓂᐅᓪ ᔪᓂᔨᓐ ᕗᕐ ᐧᑳᓐᓲᕐᕚᔨᔑᓐ ᐋᕝ ᓈᔨᑎᕐ (IUCN), ᐋ ᐧᐃᒥᓈᒋᐦᑖᑭᓂᐧᐃᒡ ᐊᓐ ᐊᔅᒌ “ᒥᒋᓐ ᐋ ᐧᐃᐦᑖᑯᐦᒡ ᐊᓐ ᐊᔅᒌ ᑭᔮᐦ ᒫᒃ ᓵᑭᐦᐄᑭᓂᐦᒡ/ᓂᐲ ᐋ ᐧᐋᐱᐦᑖᑭᓂᐧᐃᒡ, ᐊᐱᒋᔅᑎᓂᓲᓈᓂᐧᐃᒡ ᐆ ᒑ ᒌ ᐃᔑ ᐱᒥᐲᐦᑖᑭᓂᐧᐃᒡ ᐧᐃᔮᔅᑯᓂᒑᐧᐃᓈᐦᒡ ᑭᔮᐦ ᒫᒃ ᐊᔨᐦᒡ ᒥᓐ, ᒑ ᒌ ᑐᑖᑭᓂᐧᐃᒡ ᐊᓐ ᑳ ᐃᔑ ᐆᐧᐋᑎᔅᑖᑭᓂᐧᐃᒡ ᓈᐅᔥ ᒑ ᒌ ᐱᒥᐲᔨᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐋ ᐊᔅᑎᓂᑭᓂᐧᐃᒡ ᐊᓐ ᐆ ᔕᔥ ᐋ ᐃᔑ ᐱᒥᐲᐦᑖᑭᓂᐧᐃᒡ ᑭᔮᐦ ᒫᒃ ᐊᓐ ᐃᑖᑎᓯᐧᐃᓐ ᐋ ᒋᔅᑖᔨᐦᑖᑯᐦᑖᑭᓂᐧᐃᒡ᙮”
ᐅᑎᐦ ᐆ ᒫᒃ ᐊᔅᒌᐧᓵᒥᑭᐦᒡ, ᐊᓐ ᑯᐹᒃ ᑎᐹᔨᐦᒋᒑᓯᐤ ᐧᐃᐦᑎᒽ ᐊᓂᔮᔨᐤ ᐧᐋᒥᓈᒋᐦᑖᑭᓂᐧᐃᔨᒡ ᐊᔅᒌ ᐋ ᐅᐦᒡ ᐱᒥᐲᐦᑖᑭᓂᐧᐃᔨᒡ ᐅᑎᐦ ᑯᐹᑭᐦᒡ ᐅᔮᔨᐤ ᐋ ᐃᔅᒌᐧᓵᒥᑭᓂᔨᒡ “ᔭᔨᑖᐃ ᒑ ᒌ ᑎᑯᐦᒡ ᐊᓐ ᐋᑐᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᓂᐦᐄ ᐧᐋᒥᓈᒋᐦᑖᑭᓄᒡ ᒫᓯᓈᑖᒡ ᐅᑎᐦ ᐆ ᐋ ᐅᐦᒡ ᐱᒥᐲᐦᑖᑭᓂᐧᐃᒡ, ᔭᔨᑖᐃ ᒥᓯᐧᐋᐦ ᒑ ᐊᔅᑎᓂᑭᓂᐧᐃᒡ ᑕᓐ ᐊᓐ ᒥᒄ ᐊᓯᓈᑯᓂᐧᐋᐧᑳᐤᐦ ᐅᑎᐦ ᑯᐹᑭᐦᒡ᙮
ᒫᓲᐦᐋᑳᐦ ᐅᑖᐦ ᓅᓈᕕᒃ, ᐊᓂᐦᐄ ᑭᔅᒋᐦᐆᐧᐃᓐ ᑳ ᐱᑯᐦᑖᑭᓂᐧᐃᒡ ᒫᓯᓈᑖᒡ ᐊᓂᑎᐦ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒥᐧᐃᓂᐦᒡ (JBNQA) ᑭᔮᐦ ᐊᓂᑎᐦ ᐊᓐ ᐊᑎᒫᐲᓯᒽ ᐧᐋᐱᓅᑖᐦᒡ ᑯᐹᒃ ᓂᔅᑯᒧᐧᐃᓐ (NEQA) ᓃᔅᑖᒥᔅᑖᐅᒡ ᐃᔅᐱᔅ ᐧᐃᔨ ᐊᓂᔮᔨᐤ ᐧᐃᔨᔓᐧᐋᐧᐃᓐ ᑭᔮᐦ ᒫᒃ ᐧᐃᔨᔔᐧᐋᐧᐃᓂᔥ ᐅᑎᐦ ᐅᔮᔨᐤ ᐋ ᐃᔑ ᐧᐃᒋᐦᐄᐧᐋᔨᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᓅᓈᕕᒃ᙮ ᐄᔅᒋᒫᐤ, ᐄᔨᔨᐤ ᑭᔮᐦ ᓈᔅᑳᐲ ᒑ ᒌ ᒥᒫᐦᒋᑯᓂᒥᔨᒡ ᐋ ᓂᑐᐦᐅᔨᒡ, ᐋ ᓄᑎᒫᓵᔨᒡ ᑭᔮᐦ ᒫᒃ ᐊᐧᐃᓂᐦᐄᒑᔨᒡ ᐅᑭᔅᒋᐦᐅᐧᐃᓂᐧᐋᔨᐤᐦ ᐅᑎᐦ ᐅᔮᔨᐤ ᐊᔅᒌᔨᐤ ᐧᐋᒥᓈᒋᐦᑖᑭᓂᐧᐃᔨᒡ᙮ ᐅᔮᔨᐤ ᐋ ᐃᔑ ᐱᒫᑎᓯᔨᒡ ᐅᒌ ᒋᔅᑎᒫᐧᐃᓂᔨᐤ ᑭᔮᐦ ᐅᔮᔨᐤ ᐧᐋᐦᒡ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐱᔥᒡ ᐊᓂᐦᐄ ᐊᔅᒌ ᐅᑎᐦ ᓅᓈᕕᒃ᙮ ᒌ ᐊᔅᑎᓂᑭᓂᐤᐦ ᐅᑎᐦ ᐆ ᐋ ᐧᐃᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᐅᑎᐦ ᐆ ᐋ ᐃᔑ ᐆᐧᐋᑎᔅᑖᑭᓂᐧᐃᒡ᙮
ᐅᑎᐦ ᒫᒃ ᐆ ᐊᔅ ᒥᓯᓈᑖᒡ ᐊᔥ ᐧᐋᐱᐦᑖᑭᓂᐧᐃᒡ ᐊᓂᑎᐦ ᐊᓐ ᐧᐃᔨᔔᐧᐋᐧᐃᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐃᑖᑎᓯᐧᐃᓐ, ᐋ ᒥᓯᓈᑖᒡ ᐊᓂᑎᐦ ᐋ ᐅᐦᒋᔨᒥᑭᐦᒡ ᐄᔨᔨᐤ ᑭᔮᐦ ᐄᔅᒋᒫᐤ ᐄᐦᑖᐧᐃᓐᐦ ᑭᔮᐦ ᒫᒃ ᐊᓂᒌ ᐧᐋᐦᒋᔨᒡ ᐅᑎᐦ ᑯᐹᑭᐦᒡ ᑭᔮᐦ ᒫᒃ ᐊᓂᑎᐦ ᑳ ᐅᐦᑐᑖᒡ, ᑭᔮᐦ ᒫᒃ ᐊᓂᔮᔨᐤ ᐧᐃᔨᐧᐋᐤ ᑳ ᐃᔑ ᒋᔅᑎᒫᐧᐋᔨᐦᑎᒡ ᐅᑎᐦ ᐄᑖᑎᓯᐧᐃᓂᐧᐋᐤ᙮
“ᐊᓐ ᐹᔨᓐ (ᑰᕝᐱᒃ) ᓰᐲ ᔕᔥ ᓈᐅᔥ ᐊᑯᑎᐦ ᑳ ᐅᐦᒡ ᐱᒫᒋᐦᐆᔮᐦᒡ᙮ ᒥᓯᐧᐋᐦ ᓂᑖᓂᔅᑯᓯᒥᓈᓂᒡ ᐊᑯᑎᐦ ᑳ ᐅᐦᒡ ᐱᒫᒋᐦᐆᒡ ᑭᔮᐦ ᐧᐃᔨᐧᐋᐤ, ᒫᓲᐦᐋᑳ ᒫᒃ ᑭᔮᐦ ᓂᔮᓐ᙮ ᐃᓯᓈᑯᓐ ᒫᒃ ᒑ ᐧᐃᒥᓈᒋᐦᑖᑭᓂᐧᐃᒡ ᐅᐦᐄ ᐋᑳ ᒑ ᒦ ᒫᓂᒑᓂᐧᐃᒡ ᐅᑎᐦ ᑭᔮᐦ ᒫᒃ ᒑ ᒌ ᐃᔮᔪᐦᑖᑭᓂᐧᐃᒡ᙮”
ᐊᔅᒌ ᐊᒥᓯᓈᑖᒡ ᑭᔮᐦ ᒋᐦᒋᓂᐧᐋᑎᓯᓂᐦᐄᑭᓐ
ᓅᓈᕕᒃ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ
ᐆ ᒫᒃ ᒥᓯᐧᐋᐦ ᐊᔅᐲᓵᒡ ᐊᔅᒌ ᐋ ᐧᐃᒥᓈᒋᐦᑖᑭᓂᐧᐃᒡ ᐋ ᐅᐦᒡ ᐱᒥᐲᐦᑖᑭᓂᐧᐃᒡ 4 ᐊᐦᑎᑎᓐ ᓈᓯᓂᓪ ᐹᕐᒃᔅ ᑭᔮᐦ 5 ᐊᐦᑎᑎᓐ ᓈᓯᓂᓪ ᐹᕐᒃᔅ ᐋᐧᐋᔮᐱᐦᑖᑭᓂᐧᐃᒡ, ᐋᑳ ᐊᔅᑯ ᐊᔅᑎᓯᓂᐦᐄᑭᓂᐧᐃᒡ ᐅᑎᐦ ᑭᔮᐦ ᐊᔅᑯ ᐋᑳ ᐅᐦᒡ ᐊᔅᑎᓂᑭᓂᐧᐃᒡ ᐆ ᑳ ᐊᔨᒥᔅᑖᑭᓂᐧᐃᒡ᙮
ᐊᓐ ᐊᔅᒌ ᑳ ᐅᐧᐋᑎᔅᑖᐊᑭᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ
ᐊᓐ ᐊᔅᒌ ᑳ ᐅᐧᐋᑎᔅᑖᐊᑭᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ
ᐊᓐ ᐊᔅᒌ ᑳ ᐅᐧᐋᑎᔅᑖᐊᑭᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ
ᐊᓐ ᐊᔅᒌ ᑳ ᐅᐧᐋᑎᔅᑖᐊᑭᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ
