ᓯᕗᕋᓕᓂᖅ ᑰᒃᑕᐅᑉ ᐊᒻᒪᓗ ᓇᐅᐱᕋᕐᕕᐅᑉ ᑰᖏᓐᓄᑦ
ᑫᒥᑕᐅᓯᒪᔪᖅ ᖁᒥᐅᑎᑦᓴᐅᓱᓂ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ
ᓯᕗᕋᓕᓂᕐᒥ ᑰᒃᑕᐅᑉ ᐊᒻᒪᓗ ᓇᐅᐱᕋᕐᕕᐅᑉ ᑰᖏᓐᓄᑦ (l’Estuaire-des-Rivières-Koktac-et-Nauberakvik) ᓄᓇ ᑫᒥᑕᐅᓯᒪᔪᖅ ᖁᒥᐅᑎᑦᓴᐅᓱᓂ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᓴᐳᒻᒥᕗᖅ ᓄᓇᒥᒃ ᖃᓗᓯᔪᒥᒃ ᐊᒥᓱᓂᒃ ᑕᓯᕐᓂᒃ ᐊᒻᒪᓗ ᑰᓐᓂᒃ ᐊᒻᒪᓗᑦᑕᐅᖅ ᑕᒪᒃᑯᐊ ᓯᕗᕋᓕᓂᖓᓂᒃ ᓯᓈᖓᑕ ᒥᑦᓵᓂ. ᓴᐳᒻᒥᐅᑕᐅᔪᖅ ᐆᒪᔪᓂᒃ ᐱᒻᒪᕆᓐᓂᒃ ᐱᐅᓯᑐᖃᒃᑯᑦ ᐱᓇᓱᐊᕈᑎᖏᓐᓄᑦ ᓄᓇᓖᑦ ᖃᓂᒋᔭᖏᑦᑕ, ᐃᓚᐅᑎᓪᓗᒋᑦ ᐊᑦᑐᐊᔪᑦ ᐃᖃᓗᓐᓂᐊᓂᕐᒧᑦ, ᓴᐳᒻᒥᐅᑕᐅᒻᒥᔪᑦ ᐃᓚᒥᒃ ᓄᓇᒧᑦ ᑎᑭᑕᐅᑦᑕᑐᒧᑦ ᐊᐅᓪᓚᑕᕐᑐᓄᑦ ᑕᓯᐅᔭᐅᑉ ᑰᖓᑕ ᑐᒃᑐᖏᓐᓄᑦ.
ᓱᓕᒋᐊᓪᓚᒃ, ᑕᒪᓐᓇ ᓄᓇ ᓴᐳᒻᒥᐅᑕᐅᒻᒥᔪᖅ ᐊᑦᔨᐅᖏᑦᑐᒥᒃ ᓄᓇᐅᑉ ᓴᓇᒻᒪᖓᓂᒃ ᑕᖏᓕᒻᒥᒃ ᐳᒃᑭᑐᖑᐊᓂᒃ ᖃᕐᖃᓂᒃ ᐳᕐᑐᓂᕐᒥᒍᑦ ᐊᑦᔨᒌᒐᓚᑦᓯᐊᖑᑦᓱᑎᒃ ᖄᒥᐅᑕᓕᓐᓂᒃ ᐊᑎᑐᔪᐹᓗᒻᒥᒃ ᐊᐅᓱᐃᑦᑐᐃᑦ ᕿᒪᒃᒐᑯᖓᓂᒃ, ᐃᒫᒃ, ᓯᖃᓕᓂᒃ ᓄᓇᓕᑦᑕᓂᒃ ᓄᐊᑕᕕᓂᕐᓂᒃ ᐊᐅᓱᐃᑦᑐᒧᑦ ᐅᕝᕙᓗᓘᓐᓃᑦ ᓴᓇᔭᐅᓯᒪᓪᓚᕆᑦᑐᓂᒃ ᐊᐅᓱᐃᑦᑐᖃᕐᓂᖓᓄᑦ. ᐊᖏᔫᖕᖏᑐᖅ ᓄᓇ ᑕᕐᕋᕙᓯᓐᓂᖓᓂ ᓯᕿᓂᐅᑉ ᓂᐱᕝᕕᐊᒍᑦ ᑕᑯᑦᓴᐹᓗᒻᒥᒃ ᐊᒥᓕᕙᓪᓕᐊᔪᒥᒃ ᑕᑭᑦᑐᑳᒥᒃ ᕿᒪᒡᒍᑯᖃᕐᒥᔪᖅ, ᑕᖏᖃᕐᑎᓗᒍ ᐊᖏᔪᖑᐊᓂᒃ ᐊᒥᓕᕙᓪᓕᐊᔪᓂᒃ ᓴᓇᒻᒪᓂᒃ ᓇᓗᓀᕐᓯᔪᓂᒃ ᓇᒧᑦ ᓯᑰᑉ ᐃᖏᕐᕋᔪᕕᓂᐅᓂᖓᓂᒃ. |
ᐃᓕᑕᕐᓇᕈᑎᖏᑦ
ᓄᓇᒥᒃ ᐊᕕᑦᑐᐃᒍᑎ – JBNQA ᐊᒻᒪᓗ NEQA
ᑳᑎᑰᔨ II ᐊᒻᒪᓗ III
ᐱᐅᓕᒪᒍᒪᑦᓱᒋᑦ ᑐᕌᕐᑕᐅᔪᑦ ᐱᒻᒪᕆᐅᓂᖏᑦ
ᓴᐳᒻᒥᓂᖅ ᐆᑦᑑᑎᑦᓯᐊᓂᒃ ᐆᒪᕕᓐᓂᒃ ᐳᕕᕐᓂᑑᑉ ᓄᓇᖓᑕ ᒪᓂᕋᖏᓐᓂ ᐱᐅᓯᕐᓱᑐᓄᑦ ᓄᓇᓄᑦ, ᖃᓗᓯᔪᓂᒃ ᐊᒥᓱᓂᒃ ᑕᓯᕐᓂᒃ ᐊᒻᒪᓗ ᑰᓐᓂᒃ, ᓯᕗᕋᓕᓂᖓᓂᒃ ᓯᓈᖓᓂ, ᐊᒻᒪᓗ ᐊᑦᔨᐅᖏᑦᑐᒥᒃ ᓄᓇᖓᑕ ᓴᓇᒻᒪᖓᓂᒃ. ᑐᕌᕐᒥᔪᖅ ᓴᐳᒻᒥᓂᕐᒧᑦ ᐊᑐᕆᐊᖃᓪᓚᕆᑦᑐᒥᒃ ᓂᕿᑦᓴᓂᐊᕐᕕᒥᒃ ᐃᓄᓐᓄᑦ.
ᙯᕐᑐᖓᑕ ᓄᓇᑦᓴᔭᖓ
Superior ᓄᓇᑦᔭᓴᖓ
ᐱᐅᓯᕐᓱᑐᑦ ᓄᓇᖁᑎᖏᑦ
ᐳᕕᕐᓂᑑᑉ ᓄᓇᖓᑕ ᒪᓂᕋᖏᑦ
ᓯᓚᖓᓂ ᐱᕈᕐᑐᓴᔦᑦ
ᐅᕐᐱᓕᒃ ᐅᑭᐅᕐᑕᑐᒥ ᓄᓇᑐᐃᓐᓇᖅ
ᐆᒪᔪᐃᑦ
ᐊᐅᓪᓚᑕᕐᑐᑦ ᑕᓯᐅᔭᐅᑉ ᑰᖓᑕ ᑐᒃᑐᖏᑦ
ᐃᕐᖓᑐᖃᕐᓂᖓ
ᐊᒥᓱᑦ ᑕᓯᒻᒪᕇᑦ ᐊᒻᒪᓗ ᑰᑦ ᐆᑦᑑᑎᒋᓗᒋᑦ ᑰᒃᑕᒃ, ᓇᐅᐱᕋᕐᕕᒃ ᐊᒻᒪᓗ ᑯᔫ, ᐊᒻᒪᓗ ᑖᒃᑯᓄᖓ ᐃᕐᖓᑐᑦ ᐊᒻᒪᓗ ᓯᕗᕋᓕᓂᖏᑦ.
ᖃᒻᒥᐅᖏᓐᓂᑌᑦ ᐃᓂᖏᑦ
4-ᓂᒃ ᐃᓂᓂᒃ ᐊᓪᓚᑕᐅᒪᔪᓕᒃ ᓈᓭᒪᒍᑎᓂ ᓄᓇᓂᒃ ᖃᒻᒥᓂᑕᐅᖕᖏᑐᕐᑕᓕᓐᓂᒃ ᑯᐯᒻᒥ (ISAQ).
