ᐊᑯᓪᓕᐅᑉ ᖃᕐᖃᑯᑖᖏᑦ
ᓄᓇ ᑫᒥᑕᐅᓯᒪᔪᖅ ᖁᒥᐅᑎᑦᓴᐅᓱᓂ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ
ᐊᑯᓪᓕᐅᑉ ᖃᕐᖃᑯᑖᖏᓐᓂ ᓄᓇ ᑫᒥᑕᐅᓯᒪᔪᖅ ᖁᒥᐅᑎᑦᓴᐅᓱᓂ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ (Réserve de biodiversité projetée des Drumlins-du-Lac-Viennaux) ᓴᐳᒻᒥᕗᖅ ᐱᑕᖃᓱᐃᑦᑐᒥᒃ ᐃᓚᒥᒃ ᐱᐅᓯᕐᓱᑐᓄᑦ ᑕᒪᑐᒪ ᓄᓇᖏᓐᓄᑦ, ᐃᑭᕐᑑᔭᐅᑉ ᑕᓯᖓᑕ ᓴᕐᖃᑐᓂᖓᓂᒃ. ᓯᕿᓂᕙᓯᓐᓂᖓᓂ ᐃᓚᖓ ᐳᒃᑭᑐᓂᒃ ᖃᕐᖃᓂᒃ ᑕᑕᑦᑐᖅ ᐊᑦᔨᒌᒐᓚᑦᓯᐊᓱᑎᒃ ᐳᕐᑐᓂᕐᒥᒍᑦ ᖄᒥᐅᑕᓕᓐᓂᒃ ᐊᑎᑐᔪᐹᓗᒻᒥᒃ ᐊᐅᓱᐃᑦᑐᐃᑦ ᕿᒪᒃᒐᑯᖓᓂᒃ, ᐃᒫᒃ, ᓯᖃᓕᓂᒃ ᓄᓇᓕᑦᑕᓂᒃ ᓄᐊᑕᕕᓂᕐᓂᒃ ᐊᐅᓱᐃᑦᑐᒧᑦ ᐅᕝᕙᓗᓘᓐᓃᑦ ᓴᓇᔭᐅᓯᒪᓪᓚᕆᑦᑐᓂᒃ ᐊᐅᓱᐃᑦᑐᖃᕐᓂᖓᓄᑦ. ᐊᖏᔫᖕᖏᑐᖅ ᓄᓇ ᑕᕐᕋᕙᓯᓐᓂᖓᓂ ᓯᕿᓂᐅᑉ ᓂᐱᕝᕕᐊᑕ ᒥᑦᓵᒍᑦ ᓄᐃᑕᕕᐅᔪᖅ ᑕᑯᑦᓴᐹᓗᒻᒧᑦ ᓯᖃᓕᓂᒃ ᑲᑌᕕᕕᓂᕐᒧᑦ, ᑕᖏᖃᕐᑎᓗᒍ ᐊᖏᔪᖑᐊᓂᒃ ᐊᒥᓕᕙᓪᓕᐊᔪᒥᒃ ᓴᓇᒪᔪᓂᒃ ᖃᕐᖃᓂᒃ ᑕᑯᑦᓴᕈᐃᔪᓂᒃ ᓇᒧᑦ ᓯᑰᑉ ᐃᖏᕐᕋᔪᕕᓂᐅᓂᖓᓂᒃ. ᑕᒪᓐᓇ ᓄᓇ ᓴᐳᒻᒥᐅᑕᐅᒻᒥᔪᖅ ᐃᓚᒥᒃ ᓄᓇᓄᑦ ᑎᑭᑕᐅᓲᓄᑦ ᐊᐅᓪᓚᑕᕐᑐᓄᑦ ᑕᓯᐅᔭᐅᑉ ᑰᖓᑕ ᑐᒃᑐᖏᓐᓄᑦ.
ᐃᓕᑕᕐᓇᕈᑎᖏᑦ
ᓄᓇᒥᒃ ᐊᕕᑦᑐᐃᒍᑎ – JBNQA ᐊᒻᒪᓗ NEQA
ᑳᑎᑰᔨ III
ᐱᐅᓕᒪᒍᒪᑦᓱᒋᑦ ᑐᕌᕐᑕᐅᔪᑦ ᐱᒻᒪᕆᐅᓂᖏᑦ
ᓴᐳᒻᒥᓂᖅ ᐱᑕᖃᓱᐃᑦᑐᒥᒃ ᐱᐅᓗᖁᑎᒥᒃ ᐃᑭᕐᑑᔭᐅᑉ ᑕᓯᖓᑕ ᓴᕐᖃᑐᓂᖓᑕ ᓄᓇᖓᓄᑦ ᐱᐅᓯᕐᓱᑐᒧᑦ, ᑕᒪᑐᒪ ᐃᓘᓐᓇᓂ ᓯᕿᓂᕙᓯᓐᓂᓕᒫᖓ ᓄᐃᑕᕕᐅᑎᓪᓗᒍ ᑮᑖᐱᒃ ᒪᔪᕐᖃᓄᑦ ᓄᓇᐅᑉ ᓴᓇᒻᒪᖏᓐᓄᑦ ᖄᒥᐅᑕᓕᓐᓄᑦ ᐊᑎᑐᔪᐹᓗᒻᒥᒃ ᐊᐅᓱᐃᑦᑐᐃᑦ ᕿᒪᒡᒐᑯᖓᓂᒃ, ᐊᖏᔫᖕᖏᑐᖅ ᓄᓇᖓᑕ ᐃᓚᖓ ᑕᕐᕋᕙᓯᐊᒍᑦ ᓯᕿᓂᐅᑉ ᓂᐱᕝᕕᐊᓂ ᐱᑕᖃᕐᒥᑎᓪᓗᒍ ᑕᑯᑦᓴᒪᕆᒻᒥᒃ ᑕᑭᑦᑐᑳᒥᒃ ᐊᒥᓕᕙᓪᓕᐊᔪᒥᒃ ᕿᒪᒃᒐᑯᕕᓃᑦ ᖃᕐᖃᖓᓂᒃ.
ᙯᕐᑐᖓᑕ ᓄᓇᑦᓴᔭᖓ
Superior ᓄᓇᑦᔭᓴᖓ
ᐱᐅᓯᕐᓱᑐᑦ ᓄᓇᖁᑎᖏᑦ
ᐃᑭᕐᑑᔭᐅᑉ ᑕᓯᖓᑕ ᓴᕐᖃᑐᓂᖓ
ᓯᓚᖓᓂ ᐱᕈᕐᑐᓴᔦᑦ
ᓇᐹᕐᑐᓕᒃ ᓄᓇᑐᐃᓐᓇᖅ
ᐆᒪᔪᐃᑦ
ᐊᐅᓪᓚᑕᕐᑐᑦ ᑕᓯᐅᔭᐅᑉ ᑰᖓᑕ ᑐᒃᑐᖏᑦ
ᐃᕐᖓᑐᖃᕐᓂᖓ
ᑰᒑᓗᒻᒧᑦ (ᑕᓯᐅᔭᐅᑉ ᑰᖓᓄᑦ) ᐃᖏᕐᕋᓂᖅ
ᖃᒻᒥᐅᖏᓐᓂᑌᑦ ᐃᓂᖏᑦ
ᐃᓂᓂᒃ ᐊᓪᓚᑕᐅᒪᔪᖃᖕᖏᑐᖅ ᓈᓭᒪᒍᑎᓂ ᓄᓇᓂᒃ ᖃᒻᒥᓂᑕᐅᖕᖏᑐᕐᑕᓕᓐᓂᒃ ᑯᐯᒻᒥ (ISAQ).
