ᓄᓀᑦ ᓴᐳᒻᒥᔭᐅᔪᑦ ᓯᓚᕐᔪᐊᒥ

ᐅᖃᐅᓯᖅ “ᓴᐳᒻᒥᔭᐅᔪᖅ ᓄᓇ” ᐃᓚᖓᓂ ᐊᑐᕐᑕᐅᓲᖑᕗᖅ ᐊᖏᔪᓕᒐᕐᑐᒥᒃ ᑐᑭᖃᕐᑎᓱᒍ ᐅᕝᕙᓗᓘᓐᓃᑦ ᓇᓗᓀᕐᓯᓗᕆᓐᓂᓴᒥᒃ ᑐᑭᖃᕐᑎᓱᒍ, ᐊᑦᔨᒌᒐᓂᓗ ᓄᓇᕐᔪᐊᓂ ᐊᑐᓂ ᐅᕝᕙᓗᓘᓐᓃᑦ ᓄᓇᓂ ᐊᑐᓂ.

The International Union for Conservation of Nature (IUCN), ᓄᓇᕐᔪᐊᖑᓕᕇᓂ ᖃᐅᔨᒪᔨ ᖃᓄᐃᓐᓂᖏᓐᓂᒃ ᓯᓚᒥᐅᑌᑦ ᐊᒻᒪᓗ ᓯᓚᐅᑉ ᐱᑦᓴᖁᑎᖏᑦ ᐊᒻᒪᓗ ᓱᒍᑕᐅᒋᐊᖃᕐᓂᖓᓂᒃ ᓴᐳᒻᒥᓯᐊᓚᖓᓗᒋᑦ, ᑲᑎᕐᓱᐃᓯᒪᔪᖅ ᓴᐳᒻᒥᔭᐅᔪᓂᒃ ᓄᓇᓂᒃ ᐱᖓᓲᔪᕐᑐᓄᑦ ᐊᕕᑦᑐᐃᒍᑎᓄᑦ ᒪᓕᑦᑎᓗᒋᑦ ᐊᑐᓂ ᖃᓄᐃᑦᑐᓯᐊᖑᓂᖏᓐᓂᒃ (ᐊᖏᓂᖏᑦ, ᓇᔪᕐᑕᐅᔪᑦ, ᐊᓯᖏᓪᓗ), ᐊᒻᒪᓗ ᐊᐅᓚᑕᐅᓂᖓᑕ ᐱᕐᕈᓯᖏᓐᓂᒃ ᐊᒻᒪᓗ ᑐᕌᕐᑕᖏᓐᓂᒃ (ᖃᐅᔨᓴᐅᑏᑦ, ᓴᐳᒻᒥᐅᑏᑦ, ᓱᖃᑦᓯᓃᑦ, ᐊᓯᖏᓪᓗ). ᐊᕕᑦᑐᓯᒪᐅᑎᖏᑦ ᐃᓘᓐᓇᑎᒃ ᐱᒻᒪᕇᓐᓇᐅᔪᑦ, ᑭᓯᐊᓂ ᐊᑐᕆᐊᖃᕐᓇᑐᑦ ᐊᑦᔨᒌᓕᖕᖏᑐᒥᒃ ᐃᓄᐃᑦ ᑲᒪᓂᖓᓐᓂᒃ.

ᑲᖏᕐᓲᑉ ᑰᖓ -ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ © Marianne Ricard, ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᕕᑦᑐᐃᒍᑏᑦ ᓴᐳᒻᒥᔭᐅᔪᓂᒃ ᓄᓇᓂᒃ | IUCN

ᑳᑎᑰᔨ I — ᓴᖑᑦᑕᖏᑦᑐᖅ ᓴᐳᒻᒥᐅᑎ (ᓴᖑᑦᑕᖏᑦᑐᖅ ᓯᓚᒥᐅᑕᓂᒃ ᖁᒥᐅᒪᕕᒃ, ᓄᓇᑐᐃᓐᓇᖅ, ᐊᓯᖏᓪᓗ)
ᑳᑎᑰᔨ II* — ᐆᒪᕕᓐᓂᒃ ᐱᐅᓕᒪᑦᓯᓂᖅ ᐊᒻᒪᓗ ᓴᐳᒻᒥᓂᖅ (ᓄᓇᕐᔪᖃᐊᒥ ᒥᕐᖑᐃᓯᕐᕕᒃ, ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᖁᒥᐅᑎ, ᐊᓯᖏᓪᓗ)
ᑳᑎᑰᔨ III — ᐱᐅᓕᒪᑦᓯᓂᖅ ᓯᓚᕐᔪᐊᒥ ᐱᐅᓗᖁᑎᓂᒃ, (ᐆᑦᑑᑎᒋᓗᒋᑦ ᓯᓚᕐᔪᐊᑉ ᐃᕐᖃᓇᕐᑐᖁᖏᑦ)
ᑳᑎᑰᔨ IV — ᐱᐅᓕᒪᑦᓯᓂᖅ ᐊᑐᕐᓱᓂ ᐱᓂᐊᕐᓂᑯᑦ ᐊᐅᓚᑦᓯᓚᕆᓐᓂᒥᒃ (ᐆᑦᑑᑎᒋᓗᒋᑦ ᐆᒪᔪᖃᕐᕕᓂᒃ ᐅᕝᕙᓗᓘᓐᓃᑦ ᐆᒪᔪᓪᓗᑯᐃᑦ ᐊᐅᓚᑕᐅᕕᖓᓂᒃ ᐃᓂᖃᕐᑎᓯᕕᒃ)
ᑳᑎᑰᔨ V — ᐱᐅᓕᒪᑦᓯᓂᖅ ᓴᐳᒻᒥᔭᐅᔪᓂᒃ ᓄᓇᐅᑉ ᖄᖓᓂ ᑕᕆᐅᒥᓘᓐᓃᑦ ᑕᑯᒥᓇᕐᑐᓂᒃ
ᑳᑎᑰᔨ VI — ᒪᑭᑕᔭᓪᓗᐊᒥᒃ ᐊᑐᕐᓂᖅ ᐱᐅᓯᕐᓱᑐᓂᒃ ᐆᒪᕕᓐᓂᒃ (ᐆᑦᑑᑎᒋᓗᒍ, ᓴᐳᒻᒥᔭᐅᔪᖅ ᓄᓇ ᐊᑐᕐᕕᐅᑎᓪᓗᒍ ᒪᑭᑕᔭᓪᓗᐊᒥᒃ ᐊᐅᓚᑦᓯᓂᕐᒥᒃ ᓯᓚᒥ ᐱᑦᓴᖁᑎᓂᒃ)

* ᐃᓘᓐᓇᑎᒃ ᓄᓀᑦ ᓄᓇᕕᒻᒥ ᐊᑦᑐᐊᔭᐅᔪᑦ ᑕᒪᑐᒪ ᐱᓇᓱᓐᓂᒧᑦ ᐅᓪᓗᒥᐅᔪᖅ ᑳᑎᑰᔨ II-ᖑᕗᑦ.

Marais-Maritime ᑎᒻᒥᐊᓄᑦ ᐊᒥᓱᓄᓪᓗ ᐊᑦᔨᒌᖕᖏᑐᓄᑦ ᐃᖃᓗᓐᓄᑦ ᓇᔪᒐᖅ ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ ©, Benoit Tremblay, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓄᑦ ᑐᕐᖃᑕᕐᕕᖓ

ᓄᓀᑦ ᓴᐳᒻᒥᔭᐅᔪᑦ ᑯᐯᒻᒥ

ᑯᐯᒃ ᑲᕙᒪᖓ ᐊᑐᕐᓯᒪᔪᖅ ᓄᓇᕐᔪᐊᖑᓕᕇᓂ ᑐᑭᒧᐊᒍᑎᑦᓴᓕᐊᖑᓯᒪᔪᓂᒃ ᐃᓂᓪᓚᑎᑦᓯᒍᑎᓂᒃ, ᐱᓗᐊᕐᑐᒥᒃ IUCN-ᓂᒃ, ᒪᑭᑦᓯᒍᑎᒋᑦᓱᒋᑦ ᐅᓕᕐᓀᓯᒍᑎᒥᓂᒃ ᓴᐳᒻᒥᔭᐅᔪᒥᒃ ᓄᓇᒥᒃ. ᑌᒣᒻᒪᑦ, ᐱᑐᑦᓯᒪᐅᑎᔪᑦ ᓴᐳᒻᒥᔭᐅᒍᑎᓖᑦ ᓄᓀᑦ ᑯᐯᒻᒥ ᑐᕌᖓᕗᑦ “ᓱᕐᖁᐃᑎᑦᓯᓂᕐᒧᑦ ᓴᐳᒻᒥᓂᕐᒥᒃ ᐆᑦᑑᑎᑦᓯᐊᓂᒃ ᓄᓇᖁᑎᓂᒃ ᓇᐅᓪᓗᑯᓂ ᐆᒪᔪᖃᐅᑎᓂ ᑖᒃᑯᐊ, ᐱᑐᑦᓯᒪᐅᑎᔪᑦ ᐃᓘᓐᓇᖏᓐᓂ, ᖃᓗᓯᑎᓪᓗᒋᑦ ᐃᓘᓐᓀᓂᒃ ᐆᒪᔪᖃᐅᑏᑦ ᐊᑦᔨᒌᖕᖏᓂᓕᒫᖏᓐᓂᒃ ᑯᐯᒃ ᐃᓗᐊᓂ,”

ᑕᒪᒃᑯᐊ ᐆᒪᔪᖃᐅᑏᑦ ᐊᑦᔨᒌᖕᖏᒍᑎᖏᑦ ᐅᓕᕐᓀᑕᐅᓯᒪᔪᑦ ᑯᐯᒻᒥ ᐆᒪᔪᖃᐅᑎᓂᒃ ᖃᐅᔨᒪᐅᑏᑦ ᐃᓂᓪᓚᑎᕈᑎᖏᓐᓂ. ᓄᓇ ᐃᓕᑕᕐᓯᔭᐅᓯᒪᔪᖅ ᓴᐳᒻᒥᔭᐅᑦᓱᓂ ᓄᓇᐅᑎᓪᓗᒍ ᑯᐯᒻᒥ ᐱᔭᖃᕐᓯᒪᔪᖅ ᐊᑯᓂᕆᔪᒥᒃ ᓴᐳᒻᒥᔭᐅᒋᐊᓕᐅᑉ ᐃᓕᑕᕆᔭᐅᒍᑎᖓᓂᒃ. ᓈᓭᑎᓅᕐᑕᐅᓲᖅ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ [ᐱᔭᑦᓴᐅᓱᓂ ᐅᐃᒍᐃᑎᑐᑦ ᑭᓯᐊᓂ ᐊᓪᓚᕕᒻᒥᒃ ᓄᓇᓂᒃ ᓴᐳᒻᒥᔭᐅᔪᓂᒃ ᑯᐯᒻᒥ (Registre des aires protégées au Québec)]. ᓄᓇᕐᔪᐊᑉ ᓯᓚᕐᔪᐊᒥ ᕿᒻᒪᖁᓯᐊᓂᒃ ᐱᐅᓕᒪᑦᓯᓂᕐᒧᑦ ᐱᖁᔭᖓ ᐱᑕᖃᕐᑎᓯᔪᖅ ᐃᓂᓪᓚᑎᕐᕕᓴᒥᒃ ᓴᐳᒻᒥᔭᐅᔪᓂᒃ ᓄᓇᓂᒃ ᐱᖁᔭᓕᐅᕐᓂᒧᑦ ᑯᐯᒻᒥ.

Depending on the status of a protected area, various activities are permitted and others prohibited within it.

ᐃᓕᓐᓂᐊᕆᐊᓪᓚᕆᑦ

ᑯᐯᒻᒥ ᐆᒪᔪᖃᐅᑎᓂᒃ ᖃᐅᔨᒪᐅᑏᑦ ᐃᓂᓪᓚᑎᕈᑎᖓ

ᑯᐯᒻᒥ ᐆᒪᔪᖃᐅᑎᓂᒃ ᖃᐅᔨᒪᐅᑏᑦ ᐃᓂᓪᓚᑎᕈᑎᖓ ᓄᓇᖕᖑᐊᓂ ᓴᓇᕐᕈᑕᐅᕗᖅ ᐊᑐᕐᓱᓂ “ᐆᒪᕖᑦ ᐊᑦᔨᒌᖕᖏᓂᖏᑎᒍᑦ ᓇᓗᓀᔦᓂᕐᒧᑦ ᓄᓇᖁᑎᒥᒃ.” ᐊᒥᓱᐃᓂᒃ ᑲᒪᓕᕐᐸᓕᐊᔪᓂᒃ ᑐᑭᓯᒍᑎᓕᒃ, ᐅᓕᕐᓀᑕᐅᔪᓂᒃ ᐱᓗᐊᕐᑐᒥᒃ ᙯᕐᑐᓕᕆᓂᒃᑯᑦ (ᓄᓇᒥ) ᐊᒻᒪᓗ ᐃᕐᖓᑐᓕᕆᓂᒃᑯᑦ (ᑕᓯᕐᓂ ᐊᒻᒪᓗ ᑰᓐᓂ), ᐃᓂᓪᓚᑎᕐᕕᖓ ᐃᓗᓕᓕᒃ:

13-ᓂᒃ ᐱᐅᓯᒃᑯᑦ ᐃᓚᒌᓂᒃ ᓄᓇᑦᓴᔭᓂᒃ ᑯᐯᒻᒥ (ᐳᕐᑐᓂᖓ I), ᐃᓚᖃᕐᑎᓗᒋᑦ 5-ᓂᒃ ᓄᓇᕕᐅᑉ ᐃᓗᐊᓃᑦᑐᓂᒃ
80-ᓂᒃ ᐱᐅᓯᒃᑯᑦ ᐃᓚᒌᓂᒃ ᓄᓇᖁᑎᓂᒃ (ᐳᕐᑐᓂᖓ II), 27 ᑖᒃᑯᓇᓂ ᐊᖏᓂᕐᓴᖓᑎᒍᑦ ᓄᓇᕕᒻᒦᑎᓪᓗᒋᑦ

ᖃᐅᔨᒋᐊᓪᓚᓚᖓᓗᑎᑦ ᑯᐯᒻᒥ ᐆᒪᔪᖃᐅᑎᓂᒃ ᖃᐅᔨᒪᐅᑏᑦ ᐃᓂᓪᓚᑎᕈᑎᖏᑦᑕ ᒥᑦᓵᓄᑦ, ᓄᓇᖕᖑᐊᖅ ᑕᑯᓗᒍ ᐃᒫᒃ clicking here.

ᐊᓪᓚᕕᒃ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ

ᓄᓇᖁᑎ ᐃᓕᑕᕐᓯᔭᐅᓯᒪᔪᖅ ᓴᐳᒻᒥᔭᐅᑦᓱᓂ ᓄᓇᐅᑎᓪᓗᒍ ᑯᐯᒻᒥ ᐱᔭᖃᕐᓯᒪᔪᖅ ᐊᑯᓂᕆᔪᒥᒃ ᓴᐳᒻᒥᔭᐅᒋᐊᓕᐅᑉ ᐃᓕᑕᕆᔭᐅᒍᑎᖓᓂᒃ. ᓈᓭᑎᓅᕐᑕᐅᓲᖅ ᐊᓪᓚᕕᓐᓂ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ [ᐱᔭᑦᓴᐅᓱᓂ ᐅᐃᒍᐃᑎᑐᑦ ᑭᓯᐊᓂ ᐊᓪᓚᖃᕐᑎᓗᒍ ᐊᓪᓚᕕᒻᒥᒃ ᓄᓇᓂᒃ ᓴᐳᒻᒥᔭᐅᔪᓂᒃ ᑯᐯᒻᒥ (Registre des aires protégées au Québec)].

ᑕᒪᒃᑯᐊ ᓄᓇᖁᑎᖏᑦ ᒪᓕᒍᑕᐅᔪᑦ:

ᐅᓕᕐᓀᕈᑎᒥᒃ ᓴᐳᒻᒥᔭᐅᔪᒧᑦ ᓄᓇᒧᑦ ᓯᓚᕐᔪᐊᒥ ᕿᒻᒪᖁᓯᐊᓂᒃ ᐱᐅᓕᑦᓯᒪᓂᕐᒧᑦ ᐱᖁᔭᐅᑉ ᐃᓗᐊᓂ;
IUCN ᑐᑭᒧᐊᒍᑎᖏᓐᓂᒃ.

ᑕᒪᓐᓇ ᑲᓗᓯᔪᖅ ᐅᑯᓂᖓ ᓄᓇᖁᑎᓂᒃ:

ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᖁᒥᐅᑎᓂᒃ ᐊᒻᒪᓗ ᑫᒥᑕᐅᓯᒪᔪᓂᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᖁᒥᐅᑎᑦᓴᓂᒃ;
ᐃᒪᕐᒥ ᖁᒥᐅᑎᓂᒃ ᐊᒻᒪᓗ ᑫᒥᑕᐅᓯᒪᔪᓂᒃ ᐃᒪᕐᒥ ᖁᒥᐅᑎᑦᓴᓂᒃ;
ᓄᓇᓂᒃ ᖁᒥᐅᑎᓂᒃ ᐱᑦᔪᑎᓕᓐᓂᒃ ᓴᐳᒻᒥᔭᐅᔪᓂᒃ ᓄᓇᖃᕐᓂᒥᒃfuture projected biodiversity reserves;
ᑯᐯᒃ ᓄᓇᕐᔪᐊᖓᑕ ᒥᕐᖑᐃᓯᕐᕕᖏᑦ ᐊᒻᒪᓗ ᑯᐯᒃ ᓄᓇᕐᔪᐊᖓᑕ ᒥᕐᖑᐃᓯᕐᕕᓴᖓᓄᑦ ᖁᒥᐅᑏᑦ;
ᑳᓇᑕᐅᑉ ᓄᓇᕐᔪᐊᖓᑕ ᒥᕐᖑᐃᓯᕐᕕᖏᑦ ᐊᒻᒪᓗ ᑳᓇᑕᐅᑉ ᓄᓇᕐᔪᐊᖓᑕ ᒥᕐᖑᐃᓯᕐᕕᓴᖓᓄᑦ ᖁᒥᐅᑏᑦ ᑯᐯᒃ ᐃᓗᐊᓂ.

ᐊᓯᖏᑦ ᐃᓂᐅᒻᒥᔪᑦ ᐊᒻᒪᓗ ᓄᓇᖁᑏᑦ ᓴᐳᒻᒥᔭᐅᓂᖃᕈᓐᓇᒥᔪᑦ ᓄᓇᕕᒻᒥ ᑎᑭᐅᑎᖕᖏᑲᓗᐊᕈᑎᒃ ᑖᒃᑯᓂᖓ ᓂᐳᕐᑎᓯᒍᑎᓂᒃ. ᑌᒣᒻᒪᑦ ᑖᒃᑯᐊ ᐊᓪᓚᑕᐅᓯᒪᖕᖏᓚᕿᔪᑦ ᐊᓪᓚᕕᒻᒥ ᐊᒻᒪᓗ ᓄᓇᖓ ᐃᓚᑰᑦᓱᓂ ᑌᑲᓂ, ᑭᓯᐊᓂ ᓲᖑᓂᖓ ᓴᐳᒻᒥᔭᐅᓂᖓᑕ, ᐃᓘᓐᓈᒎᒐᓗᐊᕐᐸᑦ ᓇᐅᓪᓗᑰᒐᓗᐊᕐᐸᓗ, ᓇᓗᓀᕐᑕᐅᒪᔪᖅ ᓇᓗᓀᕐᑕᐅᒪᖕᖏᑲᓗᐊᕈᓂᓗ, ᐊᒻᒪᓗ ᑲᒪᒍᑕᐅᔪᖅ ᒪᓕᑦᓱᓂ ᓇᓪᓕᐊᓂᒃ ᐱᐅᓯᐅᔪᒥᒃ ᐃᓂᓪᓚᖓᐅᑎᒥᒃ (ᐱᖁᔭᓂ, ᒪᓕᒐᕐᓂ, ᐊᖏᖃᑎᒌᒍᑎᒥ) ᓱᓕ ᐊᑐᓪᓚᕆᑦᑐᖅ. This is the case for the Lac Cambrien and Lac Nachicapau area, which is subject to a specific agreement.

ᖃᐅᔨᒋᐊᓪᓚᓚᖓᓗᑎᑦ ᓄᓇᖁᑏᑦ ᒥᑦᓵᓄᑦ ᐊᓪᓚᑕᐅᒪᔪᑦ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ, ᑕᑯᓗᑎᑦ MELCCFP-ᑯᑦ ᓄᓇᖕᖑᐊᖁᑎᖓᓂᒃ ᑲᒪᒋᔭᐅᒍᓐᓇᑐᒥᒃ. by clicking here.

ᓯᓚᕐᔪᐊᒥ ᕿᒻᒪᖁᓯᐊᓂᒃ ᐱᐅᓕᒪᕐᓯᓂᕐᒧᑦ ᐱᖁᔭᖅ

ᑖᓐᓇ Natural Heritage Conservation Act, ᐊᑐᓕᕐᑎᑕᐅᓯᒪᔪᖅ 2002-ᒥ ᐋᕐᕿᒋᐊᕐᑕᐅᓯᒪᑦᓱᓂ 2021-ᒥ, ᑐᕌᕈᑕᐅᓯᒪᔪᖅ ᒪᑭᑎᕆᓂᕐᒧᑦ ᐱᑐᑦᓯᒪᐅᑎᔪᓂᒃ ᓴᐳᒻᒥᔭᐅᒍᑎᓕᓐᓂᒃ ᓄᓇᓂᒃ ᐊᒻᒪᓗ ᐱᒍᑕᐅᓯᒪᑦᓱᓂ ᑐᕌᕐᑕᐅᔪᓂᒃ (%-ᑎᑎᒍᑦ ᓄᓇᖁᑏᑦ ᓴᐳᒻᒥᔭᐅᓂᖓᓂᒃ) ᓄᓇᕐᔪᐊᖑᓕᕇᓂᒃ ᑕᑯᑦᓱᓂ. 5,000-ᓄᑦ ᑎᑭᑲᓴᑦᑐᑦ ᐃᓂᐅᔪᑦ, ᐃᓚᒋᔭᐅᔪᑦ 33-ᓂ ᑌᒎᓯᕐᓂ (ᒥᕐᖑᐃᓯᕐᕖᑦ, ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᖁᒥᐅᑏᑦ, ᐊᓯᖏᓪᓗ) ᐃᓚᐅᕗᑦ ᑯᐯᒃ ᐱᑐᑦᓯᒪᐅᑎᔪᖁᑎᖏᓐᓄᑦ ᓴᐳᒻᒥᔭᐅᔪᓄᑦ ᓄᓇᓄᑦ.

”ᑲᖏᕐᓲᑉ [ᑰᕕᐅᑉ] ᑰᖓ ᐃᓅᑦᔪᑎᒋᓯᒪᔭᕗᑦ ᐊᑯᓂᒻᒪᕆᐊᓗᒃ.

ᓴᐳᒻᒥᔭᐅᔪᑦ ᓄᓀᑦ ᓄᓇᕕᒻᒥ

ᐱᑕᖃᕐᑎᓯᔪᖅ ᓂᕿᑎᒍᑦ ᓴᑑᒪᐅᑎᓂᒃ ᓴᐳᑦᔨᓱᓂᓗ ᐱᐅᓯᑐᖃᕐᑎᒍᑦ ᒪᑭᑕᐅᑎᓂᒃ ᓄᓇᓕᖁᑎᓕᓐᓄᑦ ᓄᓇᒥᒃ ᐃᓅᑦᔪᑎᓕᓐᓄᑦ; ᑭᓇᐅᓂᖏᓐᓂᒃ ᓄᐃᑕᑦᓯᔪᖅ; ᖃᐅᔨᒪᐅᓯᖏᓐᓄᑦ ᐃᓂᒋᔭᐅᔪᖅ. ᓴᐳᒻᒥᔭᐅᔪᐃᑦ ᓄᓀᑦ ᐱᒻᒪᕆᒻᒥᒃ ᐊᑐᕐᓂᖃᕐᖁᑦ ᐱᐅᓕᒪᑦᓯᓂᕐᒧᑦ ᓄᓇᕕᒻᒥ ᓄᓇᑐᐃᓐᓇᖓᓂ ᐃᓗᕐᖁᓯᕐᒥᓗ ᕿᒻᒪᖁᑎᓄᑦ.

ᓄᓇᕕᒻᒥ, ᐱᑐᑦᓯᒪᐅᑎᔪᑦ ᓴᐳᒻᒥᔭᐅᒍᑎᓖᑦ ᓄᓇᖏᑦ ᐅᓪᓗᒥ ᖃᓚᑦᓯᕗᑦ ᓄᓇᓕᒫᖓᑕ 20.59%-ᖓᓂᒃ, ᐅᕝᕙᓗᓘᓐᓃᑦ ᐊᖏᓂᓕᒻᒥᒃ 100,000 km2 ᐅᖓᑖᓄᐊᐱᒃ ᖃᓗᓯᑎᓪᓗᒍ. It consists of 8-ᓂᒃ ᓄᑖᓂᒃ ᓄᓇᓂᒃ ᖁᒥᐅᑎᓂᒃ ᓴᐳᒻᒥᔭᐅᔪᓂᒃ ᓄᓇᖃᕐᓂᖅ ᐱᑦᔪᑕᐅᑎᓪᓗᒍ ᓇᓗᓀᕐᑕᐅᓯᒪᔪᓂᒃ 2020-ᒥ, ᐊᒻᒪᓗ 8-ᓂᒃ ᑫᒥᑕᐅᓯᒪᔪᓂᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᓂᒧᑦ ᖁᒥᐅᑎᑦᓴᓂᒃ, 1-ᒥᒃ ᑫᒥᑕᐅᓯᒪᔪᒥᒃ ᐃᒪᕐᒥ ᖁᒥᐅᑎᑦᓴᒥᒃ, ᐊᒻᒪᓗ 3-ᓂᒃ ᓄᓇᖁᑎᒥ ᖁᒥᐅᑎᓂᒃ ᓴᐳᒻᒥᔭᐅᔪᓂᒃ ᓄᓇᖃᕐᓂᖅ ᐱᑦᔪᑕᐅᑎᓪᓗᒍ ᓇᓗᓀᕐᑕᐅᓯᒪᔪᓂᒃ 2009 ᐊᒻᒪᓗ 2018 ᐊᑯᓐᓂᖓᓂ. ᒪᕐᕉᒃ ᑖᒃᑯᓇᓂ ᑭᓪᓕᓂ ᖁᒥᐅᑎᓂ ᑭᓪᓕᒥᓂᒃ ᐊᓯᑦᔨᑕᐅᔨᐊᖃᓚᐅᔪᔫᒃ 2020-ᒥ. ᐱᑐᑦᓯᒪᐅᑎᔪᑦ ᐃᓘᓐᓈᓱᒋᑦ ᐃᓚᖃᕐᒥᔪᑦ 4-ᓂᒃ ᓄᓇᕐᔪᐊᑉ ᒥᕐᖑᐃᓯᕐᕕᖏᓐᓂᒃ ᐊᒻᒪᓗ 5-ᓂᒃ ᓄᓇᕐᔪᐊᑉ ᒥᕐᖑᐃᓯᕐᕕᖓᓄᑦ ᖁᒥᐅᑎᓂᒃ.

ᒪᓕᓪᓗᒍ ᐃᓚᖓ 24 ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥ (JBNQA) ᐊᒻᒪᓗ ᐃᓚᖓ 15 ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᖐᓐᓂᒥ (NEQA), ᐃᓚᐅᔪᑦ ᑖᒃᑯᓄᖓ ᐊᖏᖃᑎᒌᒍᑎᓄᑦ (ᐃᓄᐃᑦ, ᓇᔅᑳᐱ, ᑯᔩ) ᐊᑐᕈᓐᓇᑐᑦ ᓂᕿᑦᓴᓂᐊᕐᓂᑯᑦ ᐱᔪᓐᓇᕈᑎᒥᓂᒃ ᓇᓂᓕᒫᖅ ᑲᑎᕕᐅᑉ ᓄᓇᖓᑕ ᐃᓗᐊᓂ, ᖃᓗᑦᓱᒍ ᑭᓪᓕᓕᐊᖑᓯᒪᔪᑦ ᐃᓗᐊ ᖃᓄᐃᑦᑐᑐᐃᓐᓇᓕᒫᓂᒃ ᓴᐳᒻᒥᔭᐅᒍᑎᓕᓐᓂ ᓄᓇᓂ.