ᐱᑕᖃᕐᑎᓯᔪᖅ ᓂᕿᑎᒍᑦ ᓴᑑᒪᐅᑎᓂᒃ ᓴᐳᑦᔨᓱᓂᓗ ᐱᐅᓯᑐᖃᕐᑎᒍᑦ ᒪᑭᑕᐅᑎᓂᒃ ᓄᓇᓕᖁᑎᓕᓐᓄᑦ ᓄᓇᒥᒃ ᐃᓅᑦᔪᑎᓕᓐᓄᑦ; ᑭᓇᐅᓂᖏᓐᓂᒃ ᓄᐃᑕᑦᓯᔪᖅ; ᖃᐅᔨᒪᐅᓯᖏᓐᓄᑦ ᐃᓂᒋᔭᐅᔪᖅ. ᓴᐳᒻᒥᔭᐅᔪᐃᑦ ᓄᓀᑦ ᐱᒻᒪᕆᒻᒥᒃ ᐊᑐᕐᓂᖃᕐᖁᑦ ᐱᐅᓕᒪᑦᓯᓂᕐᒧᑦ ᓄᓇᕕᒻᒥ ᓄᓇᑐᐃᓐᓇᖓᓂ ᐃᓗᕐᖁᓯᕐᒥᓗ ᕿᒻᒪᖁᑎᓄᑦ. 2020-ᒥ ᓄᓀᑦ ᓄᑖᑦ ᐃᓚᔭᐅᓚᐅᔪᕗᑦ ᐊᓪᓚᕕᒻᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ (ᐅᐃᒍᐃᑎᑐᑦ ᑭᓯᐊᓂ ᐱᔭᑦᓴᐅᔪᑦ ᐅᖃᕐᑕᐅᓱᑎᒃ Registre des aires protégées a Quebec). ᓱᑌᔭᕐᑐᒪᕆᒃ ᖃᐅᔨᒪᑎᑦᓯᓂᕐᒥᒃ ᐊᒻᒪᓗ ᐃᓱᒪᑦᓴᓯᐅᕐᕕᖃᕐᓂᒥᒃ ᐱᓇᓱᓐᓂᖅ ᒫᓐᓇ ᑲᔪᓯᓕᕐᑐᖅ. ᐃᓄᐃᑦ, ᓇᔅᑳᐲᑦ ᐊᒻᒪᓗ ᒍᐊᑉᒪᑯᔅᑐᐃᒥᐅᑦ ᑯᔩ ᐃᓚᐅᖁᔭᐅᓯᒪᔪᑦ in the process ᑐᕌᕈᑕᐅᓚᖓᑎᓪᓗᒍ ᐱᖕᖑᐃᓂᕐᒧᑦ ᓄᑖᓂᒃ ᓴᐳᒻᒥᔭᐅᔪᓂᒃ ᓄᓇᓂᒃ ᐊᒻᒪᓗ ᐱᑦᔪᑎᖃᕐᑎᓗᒍ ᒥᑦᓯᖃᕐᓂᖓᓂᒃ ᐊᒻᒪᓗ ᐆᑦᑑᑎᑦᓯᐊᖃᕐᓂᖓᓂᒃ ᐱᑐᑦᓯᒪᐅᑎᕕᐅᑉ ᑫᒥᑕᐅᓯᒪᓂᖓ ᐊᒻᒪᓗ ᓄᐃᑕᐅᓯᒪᓂᖓ ᑕᒡᒐᓂ ᖃᕆᑕᐅᔭᒃᑯᑦ ᓄᐃᑕᑦᓯᕕᒻᒥ ᒪᓕᑦᓱᒍ.
ᐃᓘᓐᓇᑕ
ᓴᐳᒻᒥᓚᐅᕐᑕ ᓄᓇᕕᒻᒥ ᓄᓇᒥᒃ ᐊᒻᒪᓗ ᐃᓗᕐᖁᓯᑦᑎᓂᒃ ᑐᓂᕐᕈᓯᐊᕆᓯᒪᔭᕗᓐᓂᒃ
ᐃᓄᒃᔪᐊᑉ ᑰᖓ - ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ © Mélanie Veilleux-Nolin, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓄᑦ ᑐᕐᖃᑕᕐᕕᖓ
ᓄᓇ ᐃᓅᓯᕐᒥᒃ ᐱᑕᖃᕐᑎᓯᔨᐅᕗᖅ.
”ᓄᓇ ᐱᒻᒪᕆᐅᕗᖅ ᐅᑭᐅᕐᑕᑐᒧᑦ.
ᑲᖏᕐᓲᑉ ᑰᖓ -ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ © Marianne Ricard, ᑲᑎᕕᒃ ᓄᓇᓕᓕᒫᑦ ᑲᕙᒪᖓ
ᓄᓇᕕᒻᒥ ᓄᓀᑦ ᓴᐳᒻᒥᔭᐅᔪᑦ ᐱᑐᑦᓯᒪᐅᑎᓂᖓᑦ
ᓄᓇᕕᒃ ᓯᕗᓂᕐᑖᓯᒪᕗᖅ ᐱᔭᖃᕐᓂᐊᓱᓂ ᑐᕌᕐᑕᐅᔪᒥᒃ ᓴᐳᒻᒥᒍᒫᕐᑎᓗᒋᑦ 20%-ᒥᒃ ᓄᓇᖓᑕ ᐃᓚᖓᓂᒃ. ᒫᓐᓇᐅᔪᖅ, 29 ᓴᐳᒻᒥᔭᐅᔪᑦ ᓄᓀᑦ, ᐃᓕᑕᕆᔭᐅᒍᑎᓕᒫᑦ ᑕᐱᑦᓱᒋᑦ, ᓄᐃᑕᑦᓯᕗᑦ ᓄᓇᕕᒻᒥ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᓂᒃ. ᑕᒪᓐᓇ ᓄᐃᑦᓯᔪᕐ 100,000 km² ᐅᖓᑖᓄᒐᓛᐱᒃ ᓴᐳᒻᒥᔭᐅᔪᓂᒃ ᓄᓇᒥ ᐊᒻᒪᓗ ᐃᒪᑦᓯᐊᒥ ᐊᕙᑎᓂᒃ, ᐊᑐᕐᕕᐅᖏᑦᑐᓂᒃ ᓄᓇᐅᑉ ᐱᑦᓴᖁᑎᖏᓐᓂᒃ ᐱᑑᒪᓂᕐᒥᒃ (ᐅᔭᕋᓐᓂᐊᓂᖅ, ᓇᐹᕐᑐᓂᒃ ᓇᑲᑎᕆᓃᑦ, ᐃᑯᒪᓕᐅᕈᑎᑦᓴᓂᒃ). ᐱᔪᓐᓇᓂᖃᕈᑕᐅᔪᑦ (ᐱᓗᐊᕐᑐᒥ ᐆᒪᔪᕐᓂᐊᓂᖅ, ᐃᖃᓗᓐᓂᐊᓂᖅ ᐊᒻᒪᓗ ᒥᑭᒋᐊᕐᓂᐊᓂᖅ) ᐃᓚᐅᔪᓄᑦ ᔦᒥᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (JBNQA) ᐊᒻᒪᓗ ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᒌᓐᓂᒧᑦ (NEQA) ᒪᑭᑕᑦᓭᓇᕐᑐᑦ ᓴᐳᒻᒥᔭᐅᑦᓱᑎᓪᓗ.
ᒪᕐᕋᓕᐅᑉ ᑰᖓ - -ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ © Benoit Tremblay, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓄᑦ ᑐᕐᖃᑕᕐᕕᖓ
ᓱᓇᐅᕚ ᓱᒃᑯᑕᐅᑎᑕᐅᑦᑌᓕᔪᑦ ᓄᓀ?
ᒪᓕᓪᓗᒋᑦ ᓄᓇᕐᔪᐊᒥ ᑲᑐᑦᔨᖃᑎᒌᑦ ᓱᒃᑯᑕᐅᑎᑦᓯᑌᓕᓂᕐᒧᑦ ᐱᐅᓯᕐᒥᓅᕐᑐᓄᑦ (IUCN), ᓱᒃᑯᑕᐅᑦᑌᓕᑎᑕ ᓄᓇ “ᑐᑭᓯᓇᑦᓯᐊᓱᓂ ᐅᖃᕐᑕᐅᒪᕗᖅ ᓄᓇᒥ ᐃᓂᐅᔪᖅ, ᐃᓕᑕᕆᔭᐅᔪᖅ, ᑐᓂᔭᐅᒪᔪᖅ ᐊᒻᒪᓗ ᑲᒪᒋᔭᐅᔪᖅ ᐱᖁᔭᑎᒍᑦ ᐊᓯᖏᑎᒍᓪᓘᓃᑦ ᐊᑐᕐᑕᐅᒍᓐᓇᑐᐃᑦ, ᐊᑯᓃᕐᑐᒥᒃ ᐱᒍᓐᓇᓯᑎᑦᓯᓂᕐᒧᑦ ᓱᒃᑯᑌᓕᑎᑦᓯᓂᕐᒥᒃ ᐱᐅᓯᕐᒥᓅᕐᑐᓂᒃ ᐆᒪᔪᐃᑦ ᐃᓂᖏᓐᓅᓕᖓᔪᓂᒃ ᐱᒍᑦᔨᒍᑎᓂᒃ ᐊᒻᒪᓗ ᐃᓗᕐᖁᓯᕐᑎᒍᑦ ᐃᓂᒋᔭᐅᔪᓂᒃ”. ᓄᓇᕕᒻᒥ, ᐃᓗᕐᖁᓯᕐᑎᒎᕐᑐᑦ ᐱᔭᐅᒋᐊᖃᓪᓚᕆᒃᑯᖅ ᓄᐃᑦᓯᓂᕐᒧᑦ ᓱᒃᑯᑕᐅᑦᑌᓕᔪᓄᑦ ᓄᓇᓄᑦ ᐃᓚᐅᑎᓪᓗᒋᑦ ᓱᒃᑯᑌᓕᑎᑦᓯᓂᖅ ᐊᒻᒪᓗ ᐱᕙᓪᓕᐊᑕᐅᔪᓄᑦ.
ᐃᓱᒪᓕᐅᕐᑎᓯᓂᖅ
ᑏᓰᒻᐱᕆ 2020-ᒥᑦ, ᓄᓀᑦ ᐊᕕᑦᑐᓯᒪᔪᑦ ᓄᓇᕕᒻᒥ ᐃᓚᒋᐊᕈᑎᐅᓚᐅᔪᕗᑦ ᐃᓚᐅᖃᑕᐅᓂᐊᓕᕐᑎᓗᒋᑦ ᓴᐳᒻᒥᔭᐅᓂᕐᒦᑐᓄᑦ ᑯᐯᒻᒥᑦ, ᐊᓂᒍᐃᑦᓯᐊᒍᒪᓚᖓᒍᑦᑕ ᑐᕌᒐᒋᔭᕗᓐᓂᑦ ᓴᐳᒻᒥᔭᐅᓂᕐᒦᑐᓂᑦ 20%-ᖓᓂᒃ ᓄᓇᕕᐅᑉ ᓄᓇᖏᓐᓂᑦ. ᑐᓂᔭᐅᓚᖓᑉᐸᑕ ᑖᒃᑯᐊ ᓄᓀᑦ ᐊᑌᓐᓇᓂᐊᕐᑎᓗᒋᑦ ᓴᐳᒻᒥᔭᐅᓂᒻᒦᑎᓪᓗᒋᑦ, ᑐᓴᐅᒪᑎᑦᓯᒪᕆᒍᑎᖃᖃᑦᑕᓂᖃᓚᖓᔪᖅ, ᐊᒻᒪᓗ ᐃᓱᒪᓕᐅᕐᑎᓯᓯᒪᓕᕐᓱᑎᑦ
2022-ᒥᑦ. ᑕᒪᓐᓇ ᐱᓇᓱᐊᕐᕈᑎᐅᔪᖅ ᐃᓱᒪᓕᐅᕆᑎᑦᓯᓂᖅ ᓄᓇᓕᓐᓂᑦ ᑐᑭᓯᔭᐅᑎᑦᓯᒐᓱᐊᕐᓂᖅ ᐱᒋᐊᕐᓯᒪᔪᖅ 2011-2012 ᐃᓱᒪᓕᐅᕆᓂᐅᓯᒪᔪᖅ ᑕᒪᑦᓱᒧᖓᑦᓭᓈᕐᓱᓂ ᑲᔪᓯᑎᑕᐅᑦᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᐊᖃᑎᖃᕐᓱᑎᑦ ᓄᓇᕕᒻᒥ ᐊᔪᖀᒋᐊᕐᑏᑦ ᑲᑎᖕᑲᖓᔨᖏᓐᓂᑦ ᓄᓇᒻᒥ ᓴᐳᒻᒥᔭᐅᔪᐃᑦ ᓄᓀᑦ ᐱᓪᓗᒋᑦ, ᑕᒪᓐᓇ ᐃᓱᒪᓯᐅᕆᓂᒃᑯᑦ ᑐᓴᐅᒪᑎᑦᓯᓂᐅᕗᖅ ᐃᓄᐃᑦ ᓇᔪᕋᒋᓲᖏᑦ ᓄᓇᒥᑦ ᑐᑭᐊᕉᕐᑐᓂᑦ ᑐᓴᐅᒪᑦᓯᐊᖁᓪᓗᒋᑦ ᓴᐳᒻᒥᔭᐅᓂᕐᒦᑐᓂᑦ ᓄᓇᓂᑦ. ᓇᓗᓀᕐᓯᒋᐊᓪᓚᓂᐅᒻᒥᓱᓂ ᑐᑭᐊᕉᑦᓯᐊᑐᓂᑦ ᓴᐳᒻᒥᔭᐅᓂᒻᒦᕇᕐᑐᓂᑦ ᓄᓇᓇᓂᑦ ᓄᓇᕕᒻᒥ ᑐᓴᐅᒪᑎᑦᓯᒋᐊᓪᓚᓂᐅᒻᒪᑦ ᓄᓇᓖᑦ ᑭᖕᖒᒪᒋᔭᖏᓐᓂᑦ, ᐅᐃᒪᓇᕐᑐᖁᑎᒋᔭᖏᓐᓂᑦ, ᐃᓱᒫᓘᑎᖏᔭᖏᓐᓂᑦ ᐊᒻᒪᓗ ᓴᐳᒻᒥᔭᐅᓂᕆᓂᐊᓕᕐᑕᖏᓐᓂᑦ ᓄᓀᑦ ᐊᓂᒎᑦᔨᓯᒪᒻᒪᑕ ᐊᒻᒪᓗ ᑐᓴᕐᑎᓯᓂᐅᒋᐊᓪᓚᖃᑦᑕᓱᓂ ᐱᓇᓱᐊᕐᓃᑦ ᐊᑑᑎᑎᓪᓗᒋᑦ ᓴᕐᕿᓕᐊᕿᖃᑦᑕᓯᒪᔪᓂᑦ ᑐᕌᒐᒋᔭᐅᒐᓱᕐᑐᓄᑦ.
ᐊᑯᓕᕕᒃ © David Beland, MU ᐯ
