ᐱᓇᓱᐊᕐᓂᖅ 1: ᐱᔭᕇᕐᓯᒪᔪᖅ
ᓇᐅᓕᒫᓂᑦ ᐃᓱᒪᓯᐅᕆᓂᖅ
ᑲᑎᓕᒫᕐᓱᒋᑦ, 700 ᓴᓂᐊᓃᑦᑐᑦ ᐃᓄᐃᑦ ᐃᓚᐅᖃᑕᐅᔪᕕᓃᑦ ᐃᓱᒪᓯᐅᕆᒍᑎᑎᒍᑦ ᓄᓇᓕᒻᒧᐊᓕᖓᔪᒥᑦ (ᐅᒃᑯᐃᖔᕐᑎᓯᓂᒃᑯᑦ ᑭᓇᓕᒫᒃᑯᓄᑦ, ᑎᒡᒍᐊᓱᒋᑦ ᓂᕈᐊᕐᑕᐅᓯᒪᔪᑦ ᑭᒡᒐᑐᕐᑏᑦ ᐊᒻᒪᓗ ᑎᒥᐅᔫᔪᓂᑦ ᑭᒡᒐᑐᕐᑏᑦ ᓯᕗᓕᕐᑎᖏᑦ, ᑐᓴᐅᒪᑎᑦᓯᓂᒃᑯᑦ ᑐᓴᐅᑎᒃᑯᑦ ᐊᒻᒪᓗ ᐃᓕᓐᓂᐊᑎᓂᑦ ᓱᖃᑦᓯᑎᑦᓯᒍᑎᒋᖃᑦᑕᓱᒋᑦ), ᐃᓚᐅᒻᒥᑎᓪᓗᒋᑦ ᑕᑯᓂᐊᖃᑦᑕᓯᒪᔪᑦ ᖃᕆᑕᐅᔭᒃᑯᑦ ᐱᑐᑦᓯᒪᒍᑎᑎᒍᑦ ᐊᒻᒪᓗ Facebook-ᑯᑦ ᑕᑯᑦᓴᐅᕕᖓᑎᒍᑦ, ᐅᕝᕙᓘᓐᓃᑦ ᑐᓴᐅᑎᒃᑯᑦ ᑐᓴᕐᑎᑕᐅᓂᖃᕐᓱᑎᑦ.
ᓅᕖᒻᐱᕆ 2022 ᐊᒻᒪᓗ ᒣ 2023 ᐊᑯᓐᓂᖓᓂ ᐃᓘᓐᓀᓂᑦ 14 ᐃᓄᐃᑦ ᓄᓇᓕᖏᓐᓂᑦ ᑯᔩ ᓄᓇᓕᖓ ᒑᑉᒪᑰᔅᑐᐃ ᐊᒻᒪᓗ ᓈᔅᑳᐱᒃᑯᑦ ᑳᒍᐊᒍᐊᑦᓯᑲᒫᔅᑯᑦ ᐃᓚᐅᑎᓪᓗᒋᑦ ᐃᓱᒪᓯᐅᕆᓂᕐᓂᑦ ᑐᕌᒐᖃᕐᓱᑎᑦ ᐅᑯᓂᖓ:
- ᑐᓴᕐᑎᓗᒋᑦ ᓴᐳᒻᒥᔭᐅᔪᓂᑦ ᓄᓇᓂᑦ ᓄᓇᕕᒻᒥ;
- ᑐᓴᕐᕕᒋᓗᒋᑦ ᓄᓇᓖᑦ ᐃᑉᐱᒋᔭᒥᑎᒍᑦ ᑕᒪᑦᓱᒥᖓ ᐱᓇᓱᐊᕐᓂᐅᔪᒥᑦ ᓄᐃᑦᓯᓂᒃᑯᑦ ᓴᐳᒻᒥᔭᐅᒋᐊᓕᓐᓂᑦ ᓄᓇᓂᑦ, ᐊᒻᒪᓗ ᑐᑭᐊᒎᑦᓯᐊᓂᖏᓐᓂᑦ ᒫᓐᓇ ᐱᑐᑦᓯᒪᐅᑎᑎᒍᑦ;
- ᐊᓪᓚᓯᒪᔪᖕᖑᑎᖃᑦᑕᓗᒋᑦ ᖃᓄᓪᓗᐊᑎᒋ ᓴᐳᒻᒥᔭᐅᒻᒪᖔᑕ ᓴᐳᒻᒥᕈᓯᓕᐅᕆᕈᓰᑦ ᓄᓇᓂ ᐸᕐᓀᑕᐅᓂᖓᓂ ᐊᒻᒪᓗ ᖃᓄᖅ ᑐᑭᑖᕐᑕᐅᓂᕕᓂᖏᑦ ᐃᓚᐅᑎᓪᓗᒋᑦ.
ᐱᓇᓱᓐᓂᒥᒃ 1 ᑐᓴᕐᑎᓯᒍᑎ ᓀᓪᓕᑎᕐᓯᒪᔪᑦ ᓄᐃᒍᑎᖏᑦ ᐊᑐᐃᓐᓇᐅᓕᕐᑐᑦ ᑕᒡᒐᓂ:
ᐃᓱᒪᒋᔭᐅᔪᑦ, ᐅᖃᐅᓯᑦᓴᕆᔭᐅᔪᑦ, ᐃᓱᒫᓘᑎᒋᔭᐅᔪᓪᓗ ᐊᒻᒪᓗ ᐅᓐᓂᑑᑦᔨᒍᑎᕕᓃᑦ ᐅᖃᓕᒪᔭᐅᓯᒪᔪᑦ ᐊᑐᓂ ᓄᓇᓕᓐᓂᑦ ᑕᑯᒋᐊᕐᑕᐅᒍᓐᓇᑐᑦ ᐊᓪᓚᑕᐅᓯᒪᔪᓂᑦ ᐊᑖᓂ.
