Skip to main content

An overview of the process

<ᕐᓀᑕᐅᓂᖓ ᓄᓇᕕᒻᒥ ᓴᐳᒻᒥᔭᐅᔪᑦᓴᓄᑦ ᓄᓇᓄᑦ ᑐᖕᖓᕕᖃᓪᓚᕆᒃᑯᒃ ᐃᓚᐅᖃᑕᐅᔪᕕᕐᓄᑦ ᐊᒻᒪᓗ ᐱᓇᓱᐊᖃᑎᒋᑦᓱᒋᑦ ᓄᓇᓕᖏᑦ, ᓄᓇᓕᓕᒫᓂᑦ ᑎᒥᐅᔫᔪᑦ, ᐊᒻᒪᓗ ᑲᕙᒪᒃᑯᓂᑦ ᐱᒍᑦᔨᔩᑦ.

ᑕᒪᓐᓇ ᐸᕐᓀᓱᒍ ᐃᓗᓕᕐᑕᖃᓚᐅᔪᖅ ᓇᓗᓀᕐᓯᓂᒃᑯᑦ, ᐱᖕᖑᑎᑦᓯᓂᒃᑯᑦ ᐊᒻᒪᓗ ᐋᕐᕿᒋᐊᕈᑎᒋᖃᑦᑕᓱᒋᑦ ᐊᑦᔨᒌᖕᖏᑐᑦ ᐅᓐᓂᑑᑎᒍᑎᐅᓯᒪᔪᑦ ᓴᐳᒻᒥᔭᐅᖃᑕᐅᖁᔭᐅᑦᓱᑎᑦ ᓄᓀᑦ, ᐊᒥᓱᐃᓪᓗ ᓄᓀᑦ ᓴᐳᒻᒥᔭᐅᓂᒻᒦᑎᑕᐅᒌᕐᓱᑎᑦ ᑌᒪᖕᖓᓂᑦ ᑎᒥᖕᖑᑎᑦᓯᒍᑎᐅᓯᒪᔪᖅ Registre des aires protégées au Québec-ᑯᓄᑦ. ᐃᓚᐅᑎᓪᓗᒋᑦ, ᐃᓚᐅᑎᑦᓯᓯᒪᒻᒥᔪᑦ ᐃᓚᐅᓪᓗᑐᒋᐊᓖᓐᓂᒃ ᒪᕐᕈᐃᓂᒃ ᑲᕙᒪᒃᑰᓂᒃ ᑭᒡᒐᑐᕐᑑᓂᒃ: ᓄᓀᑦ ᓴᐳᒻᒥᔭᐅᔪᑦ ᑲᑎᖕᖓᔨᖏᑦ ᐊᒻᒪᓗ ᖃᐅᔨᒪᑎᑦᓯᔩᑦ ᑲᑎᖕᖓᔨᖏᑦ. ᐃᓱᒪᓯᐅᕆᓃᑦ ᑐᖕᖓᕕᐅᓪᓚᕆᓯᒪᕗᑦ ᐱᓇᓱᐊᕐᓂᐅᔪᓕᒫᓂ, ᐱᒍᑦᔨᒍᑎᐅᑦᓱᓂ ᑐᖕᖓᕕᒋᔭᐅᔪᓂᑦ ᑐᕌᒐᒋᔭᐅᒍᒪᔪᒧᑦ ᑲᔪᓯᔪᒥᑦ ᑐᑭᒧᐊᕈᑎᐅᓗᓂ ᐊᒻᒪᓗ ᑐᓴᐅᒪᒍᑎᐅᓗᓂ ᐊᑐᓂ ᐸᕐᓀᕈᑕᐅᔪᓂᑦ ᐊᒻᒪᓗ ᐅᓐᓂᑑᑎᐅᔪᓄᑦ.

ᐊᒻᒪᓗᒋᐊᓪᓚᖅ, ᒫᓐᓇ ᐃᓱᒪᓯᐅᕆᓂᐅᓲᖅ ᓴᕐᕿᑎᑦᓯᓲᖑᒻᒪᑦ ᐱᒍᒪᔭᖏᑎᒍᑦ ᐊᔪᖀᒋᐊᕐᑏᑦ ᑲᑎᖕᖓᔨᖏᑦᑕ ᖃᐅᔨᑎᑦᓯᒍᑎᒋᓂᐊᕐᒪᒋᑦ ᑐᑭᐊᒎᑐᓂᑦ ᖃᐅᔨᒪᑎᑦᓯᔩᑦ ᑲᑎᖕᖓᔨᖏᓐᓄᑦ ᖃᐅᔨᒪᑎᑦᓯᒍᑎᖃᖃᑦᑕᓂᐊᕐᒪᑕ ᓄᓇᕕᒻᒥ ᐃᓄᖏᓐᓂᑦ, ᐊᒻᒪᓗ ᐅᖃᐅᓯᑦᓴᕆᔭᐅᔪᓂᑦ ᐱᑖᕐᕕᖃᖃᑦᑕᒥᓪᓗᓂ ᓄᓇᓕᓐᓂᑦ ᐱᓯᒪᔪᓂᑦ ᐊᒻᒪᓗ ᓄᓇᓕᓕᒫᓂᑦ ᑎᒥᐅᔪᖁᑎᖏᓐᓂᑦ ᐱᑦᔪᑎᒋᓗᒋᑦ ᓴᐳᒻᒥᔭᐅᒋᐊᓖᑦ ᓄᓀᑦ ᐸᕐᓀᑕᐅᓂᖏᓐᓄᑦ. ᐅᑎᕐᕕᖃᓲᖑᒻᒥᔪᑦ ᖃᐅᔨᓴᕐᓱᒋᑦ ᑐᑭᐊᒎᕐᒪᖔᑕ ᓄᓇᕕᒻᒥ ᓴᐳᒻᒥᔭᐅᓂᕐᒦᑐᑦ ᐃᓕᖓᑎᓪᓗᒋᑦ ᓄᓇᓖᑦ ᑭᖕᖒᒪᒋᔭᖏᑦ, ᐅᐃᒪᓇᕐᑐᖁᑎᖏᑦ, ᐃᓱᒫᓘᑎᖏᔭᖏᑦ, ᐊᒻᒪᓗ ᐊᔪᐃᓐᓇᕈᑎᒋᔭᖏᑦ ᓄᓇᓕᓕᒫᑦ.

”ᑰᖃᖕᖏᑯᑦᑕ, [ᓴᐳᒻᒥᖏᒃᑯᑕ] ᓂᕆᖃᖕᖏᓚᒍᑦ.

ᑐᕐᓱᔪᖅ ᒥᕐᖑᐃᓯᕐᕕᒃ © Lucile Drouineau, ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑭᓇᒃᑰᑦ ᐃᓄᐃᑦ ᐃᓚᐅᕙᑦ?

ᐃᓄᒃᔪᐊᖅ © David Beland, MU ᐯ ᑰᒧᒥᐅᑦ ᐱᓇᓱᐊᕈᑦᔨᔨᑦᓴᔦᑦ

ᓄᓇᓖᑦ ᓄᓇᕕᒻᒥ

ᓄᓇᕕᒻᒥ, ᐊᑐᓂ ᐃᓄᐃᑦ, ᓇᔅᑳᐱ ᐊᒻᒪᓗ ᑯᔩ ᐊᑐᕐᑐᒪᕆᒻᒥᒃ ᐃᓚᐅᕗᑦ ᐸᕐᓇᕈᑎᖃᕐᓂᒧᑦ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᓂᒃ. ᐃᓄᐃᑦ ᓄᓇᕐᔪᐊᖓᑦ, ᐃᓚᖃᕐᓱᓂ ᓇᔅᑳᐱ ᓄᓇᕐᔪᐊᖓᓂᒃ ᑲᐅᒐᐅᒐᐅᑦᓯᑲᒪᒃᒥ ᐊᒻᒪᓗ ᑯᔩ ᓄᓇᕐᔪᐊᖓᓂᒃ ᒍᐊᑉᒫᒍᔅᑐᐃᒥ, ᕿᑎᖓᓃᑦᓯᐊᑐᑦ ᐱᕙᓪᓕᐊᔭᐅᓂᖓᓄᑦ.

ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᑦ (PAWG)

ᓄᓇᕕᐅᑉ PAWG-ᖏᑦ, ᓄᐃᑕᐅᓯᒪᔪᑦ 2013-ᒥ, ᑲᔪᓯᑎᑦᓯᔨᐅᕗᑦ ᐋᕐᕿᑕᐅᖁᔭᐅᓯᒪᔪᓂᒃ 2011-2012-ᒥ ᓄᓇᓖᑦ ᐃᓱᒪᒃᓴᓯᐅᕐᕕᐅᑎᓪᓗᒋᑦ ᐱᑦᔪᑎᖃᕐᑎᓗᒍ ᐱᖕᖑᐃᓂᕐᒥᒃ ᓄᓇᕕᒻᒥ ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓᓂᒃ. ᐃᓐᓄᓯᒪᔪᑦ ᑭᒡᒐᓂᒃ ᐅᑯᓄᖓ ᑎᒥᐅᔪᓄᑦ:

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ, ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᓂᖓᓂᒃ, ᐅᒪᔪᓕᕆᓂᕐᒧᑦ ᐊᒻᒪᓗ ᒥᕐᖑᐃᓯᕐᕕᓄᑦ (MELCCFP)
  • ᑐᕐᖃᑕᕐᕕᒃ ᓯᓚᒥᐅᑕᓂᒃ ᐱᑦᓴᓕᕆᓂᕐᒧᑦ ᐊᒻᒪᓗ ᓇᐸᕐᑐᓂᐊᕐᓂᒧᑦ (MRNF)
  • ᑐᕐᖃᑕᕐᕕᒃ ᒪᑭᑕᐅᑎᓕᕆᓂᕐᒧᑦ, ᓄᑖᓕᐅᕐᓂᒧᑦ ᐊᒻᒪᓗ ᐃᑯᒪᖃᕐᓂᒧᑦ (MEIE)
  • ᑕᕐᕋᒥ ᐸᕐᓀᓂᕐᒧᑦ ᑎᒥᐅᔪᖅ (SPN)

ᑲᐅᒐᐅᒐᑦᓯᑲᒪᒃ © David Beland, MU ᐯ ᑰᒧᒥᐅᑦ ᐱᓇᓱᐊᕈᑦᔨᔨᑦᓴᔦᑦ

ᖃᐅᔨᒪᔩᑦ ᑲᑎᒪᔨᖏᑦ ᐃᓕᖓᔪᑦ PAWG-ᑯᓐᓄᑦ

ᖃᐅᔨᒪᔩᑦ ᑲᑎᒪᔨᖏᑦ, ᓄᐃᑕᐅᓯᒪᔪᑦ 2017-ᒥ, ᓱᕐᖁᐃᕈᑕᐅᕗᑦ ᖃᐅᔨᒪᔭᑦᓴᓂᒃ ᐁᑦᑐᑑᑎᓂᕐᒧᑦ ᐊᒻᒪᓗ ᓱᓕᓕᕐᑎᓯᓂᕐᒧᑦ PAWG ᐱᓇᓱᐊᕐᑕᖏᓐᓂᒃ ᓴᐳᒻᒥᔭᐅᔪᓂᒃ ᐸᕐᓇᓂᐅᑉ ᑐᑭᐊᒍᑦ. ᐃᓐᓄᓯᒪᔪᑦ ᑭᒡᒐᑐᕐᑎᓂᒃ ᐅᑯᓄᖓ ᑎᒥᐅᔪᓄᑦ

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᒪᑭᕝᕕᒃ
  • ᑯᔩ ᓄᓇᕐᔪᐊᖓᑕ ᑲᕙᒪᖓ
  • ᓇᔅᑳᐱ ᓄᓇᕐᔪᐊᖓ ᑲᐅᒐᐅᒐᐅᑦᓯᑲᒪᒃᒥ
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ, ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᓂᖓᓂᒃ, ᐅᒪᔪᓕᕆᓂᕐᒧᑦ ᐊᒻᒪᓗ ᒥᕐᖑᐃᓯᕐᕕᓄᑦ (MELCCFP)

ᓯᕗᒧᐊᕈᑕᐅᓯᒪᓕᕐᑐᖅ ᐅᓪᓗ ᒥᒧᑦ ᑎᑭᑦᓱᒍ

1998

1998: ᐃᓂᓪᓚᖓᐅᑎᒻᒪᕆᓐᓂᒃ ᐸᕐᓇᓯᒪᐅᑎ ᓄᓇᐅᑉ ᐊᑐᕐᑕᐅᓂᖓᓄᑦ ᑲᑎᕕᐅᑉ ᓄᓇᖓᓂ

ᐃᓂᓪᓚᖓᐅᑎᒻᒪᕆᓐᓂᒃ ᐸᕐᓇᑎᒪᐅᑎ ᓄᓇᐅᑉ ᐊᑐᕐᑕᐅᓂᖓᓄᑦ ᑲᑎᕕᐅᑉ ᓄᓇᖓᓂ ᐊᑐᓕᕐᑎᑕᐅᓯᒪᔪᖅ 1998-ᒥ (ᐋᕐᕿᒋᐊᕐᑕᐅᓱᓂ 2020-ᒥ) ᓱᑌᔭᕐᑐᒥᒃ ᐃᓱᒪᑦᓴᓯᐅᕈᑕᐅᓚᐅᕐᓱᓂ ᓄᓇᖓᑕ ᓄᓇᓕᖏᓐᓂᒃ, ᓄᓇᓕᓕᒫᓂ ᑎᒥᐅᔪᓂᒃ, ᐊᑦᔨᒌᖕᖏᑐᓂᒃ ᑯᒻᒪᓲᑎᖃᕐᒥᔪᓂᒃ ᓄᓇᖁᑎᐅᑉ ᐃᓗᐊᓂ, ᐊᒻᒪᓗ ᑲᕙᒪᒃᑯᑦ ᐃᓄᓕᒫᓪᓗ ᑭᒡᒐᑐᕐᓱᒋᑦ ᐊᓪᓚᕕᓐᓂᒃ. ᑖᓐᓇ ᐊᓪᓚᓯᒪᔪᖅ ᑐᖕᖓᕕᓕᐅᕐᓯᒪᔪᖅ ᐱᓇᓱᓐᓂᒥᒃ ᐃᑲᔪᕐᑎᒌᒍᑎᒋᓗᒍ ᐊᐅᓚᑦᓯᓂᕐᒥᒃ ᓄᓇᒥᒃ, ᐊᕙᑎᒥᒃ, ᐊᒻᒪᓗ ᐱᑦᓴᖁᑎᓂᒃ ᓄᓇᓕᒫᖅ ᓱᓇᒥᓪᓗᒍ. ᓄᐃᑦᓯᒐᓱᐊᕐᑐᖅ ᐃᓪᓗᒌᑦᑎᓂᕐᒥᒃ ᐊᑯᓐᓂᒥ ᓄᓇᐅᑉ ᐱᕙᓪᓕᐊᑎᑕᐅᓂᖓᓄᑦ ᐊᒻᒪᓗ ᐊᕙᑎᐅᑉ ᓂᑲᓇᖕᖏᓂᖓᓄᑦ.

ᑲᖏᕐᓱᐊᓗᑦᔪᐊᑉ ᑰᖓ - ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ © Fredric Poisson, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓄᑦ ᑐᕐᖃᑕᕐᕕᖓ

2008-2009

11 ᓴᐳᒻᒥᔭᐅᔪᑦᓴᓂᒃ ᓄᓇᓂᒃ ᑫᒥᑦᓯᒍᑏᑦ

ᑯᐯᒃᑯᑦ ᑲᕙᒪᖓ ᒪᓂᔨᓯᒪᔪᖅ 11-ᓂᒃ ᓴᐳᒻᒥᔭᐅᔪᑦᓴᓂᒃ ᓄᓇᓂᒃ ᑫᒥᑦᓯᒍᑎᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG) ᐊᒻᒪᓗ ᒪᑭᕝᕕᒧᑦ:

  • 8 ᑫᒥᑕᐅᔪᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᑦᓭᑦ
  • 3 ᓄᓇᖁᑎᒥ ᖁᒥᐅᑎᑦᓭᑦ ᐱᑦᔪᑎᓖᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ

KRG ᐊᒻᒪᓗ ᒪᑭᕝᕕᒃ ᐊᖏᕐᓯᒪᔫᒃ ᐃᓱᒪᒋᔭᖃᕐᓂᐊᓱᑎᒃ ᑖᒃᑯᓂᖓ ᑫᒥᑦᓯᐅᑎᓂᒃ, ᒪᓕᒐᖃᕐᑎᓗᒍ ᓄᓇᓕᓐᓂᒃ ᐃᓱᒪᑦᓴᓯᐅᕐᕕᖃᕐᓂᒥᒃ ᓄᓇᕕᒻᒥ ᐊᒻᒪᓗ ᐱᕕᖃᕐᑎᑕᐅᓂᕐᒥᒃ ᓄᐃᑦᓯᓂᕐᒥᒃ ᓇᒻᒥᓂᖅ ᑫᒥᑦᓯᐅᑎᒥᓂᒃ.

ᑯᐯᒻᒥ ᐱᑐᑦᓯᒪᐅᑎᔪᑦ ᓴᐳᒻᒥᔭᐅᒍᑎᓖᑦ ᓄᓀᑦ ᐅᓪᓗᒥ ᓄᐃᑕᑦᓯᓕᕐᑐᑦ ᑯᐯᒃ ᓄᓇᓕᒫᖓᑕ 8.12%-ᖓᓂᒃ.

2011

ᐅᓐᓂᓯᐅᕈᑎ ᑕᕐᕋᒥ ᐸᕐᓇᓯᒪᐅᑎᒥᒃ ᐊᒻᒪᓗ ᓄᓇᕕᒻᒥ ᐸᕐᓇᓯᒪᐅᑎᒥᒃ

KRG ᐊᒻᒪᓗ ᒪᑭᕝᕕᒃ ᑭᐅᒍᑎᖃᕐᓯᒪᔪᑦ ᑯᐯᒃ ᑲᕙᒪᖓᑕ ᐅᓐᓂᓯᐅᕈᑎᖃᕐᓂᖓᓂᒃ ᑕᕐᕋᒧᑦ ᐸᕐᓇᓯᒪᐅᑎᒥᒃ ᓄᐃᑦᓯᒍᑎᒋᑦᓱᒍ ᓄᓇᕕᒻᒥ ᐸᕐᓇᓯᒪᐅᑎᒥᒃ. ᑖᓐᓇ ᐸᕐᓇᓯᒪᐅᑎ ᓄᐃᑦᓯᓯᒪᔪᖅ ᐱᓀᓗᑕᓂᒃ, ᑐᕌᕐᑕᐅᔪᓂᒃ ᐊᒻᒪᓗ ᓯᕗᓪᓕᐅᔨᒍᒪᔭᖏᓐᓂᒃ ᓄᓇᕕᒻᒥᐅᑦ ᐃᓄᐃᑦ ᐊᕐᕌᒍᓂ 25-ᓂ ᐊᑦᑐᐊᔪᕐᑎᒍᑦ ᐊᑦᔨᒌᖕᖏᑐᓄᑦ ᐱᓇᓱᐊᒐᕐᓄᑦ: ᐃᓗᓯᓕᕆᓂᖅ, ᐃᓪᓗᓕᕆᓂᖅ, ᐃᓕᓐᓂᐊᓂᓕᕆᓂᖅ, ᓂᐅᕐᕈᑐᓕᕆᓂᖅ ᐊᓯᖏᓪᓗ. ᓄᓇᕕᒻᒥ ᐸᕐᓇᓯᒪᐅᑎ ᑐᖕᖓᕕᓕᐅᕐᓯᒪᔪᖅ ᐸᕐᓇᓯᒪᐅᑎᒥᒃ ᐱᒋᐊᕐᑎᓯᒍᑎᒧᑦ.

2011-2012

ᓄᓇᓕᓐᓂᒃ ᐃᓱᒪᑦᓴᓯᐅᕐᓃᑦ ᐱᑦᔪᑎᓖᑦ ᓴᐳᒻᒥᔭᐅᔪᓂᒃ ᓄᓇᓂᒃ ᓄᓇᕕᒻᒥ

ᐱᒻᒪᕆᓐᓂᒃ ᑐᑭᓯᒍᑕᐅᔪᑦ ᐃᓚᖓᑦ ᓄᐃᔪᖅ ᑖᒃᑯᓇᖕᖓᑦ ᐃᓱᒪᑦᓴᓯᐅᕐᕕᖃᕈᑎᓂᒃ ᐅᓇᐅᕗᖅ ᐃᓄᐃᑦ ᓄᓇᐅᓪᓗ ᑕᑎᒌᖑᓂᖓ, ᐋᕐᕿᓯᒪᐅᑎᓂᖓ, ᐊᒻᒪᓗ ᓴᑐᕈᓐᓇᓂᖓ. ᑖᓐᓇ ᐱᑐᑦᓯᒪᐅᑎᓂᖓ ᐱᑦᔪᑕᐅᕗᖅ ᖃᓄᐃᖕᖏᓯᐊᕐᑐᒥᒃ ᓯᕗᓂᑦᓴᖃᕐᓂᖓᓄᑦ. ᐯᕆᑦᓯᔨᐅᒐᒥᒃ ᑭᖑᓂᕐᒥ, ᐅᓪᓗᒥ ᐊᒻᒪᓗ ᓯᕗᓂᕐᒥ ᓄᓇᐅᑉ ᐊᑐᕐᑕᐅᓂᖓᓂᒃ, ᓄᓇᓖᑦ ᐊᒻᒪᓗ ᓄᓇᕐᔪᐊᑦ ᓄᓇᕕᒻᒥᐅᑦ ᓲᖑᔪᒥᒃ ᐃᑉᐱᒍᓱᑉᐳᑦ ᑲᒪᔪᑦᓴᐅᓂᕐᒥᓂᒃ ᒪᑭᑕᑦᓯᓂᕐᒥᒃ ᓄᓇᖓᑕ ᖃᓄᐃᖕᖏᓂᖓᓂᒃ ᐊᒻᒪᓗ ᕿᒻᒪᖁᓰᓂᕐᒥᒃ ᖃᐅᔨᒪᐅᓯᕐᒥᒃ ᐊᒻᒪᓗ ᐱᓯᑎᐅᒍᑎᓂᒃ ᑕᒪᐅᖓ ᐊᑦᑐᐊᔪᓂᒃ.

ᑕᒪᒃᑯᐊ ᐃᓱᒪᑦᓴᓯᐅᕐᓂᒍᑏᑦ ᓄᐃᑕᖏᑦ:

  • 6 ᑫᒥᑦᓯᒍᑏᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᒥᒃ ᐊᒻᒪᓗ 3 ᓄᓇᖁᑎᒥ ᖁᒥᐅᑎᒥᒃ ᐱᑦᔪᑎᓕᒻᒥᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ ᐊᖏᕐᑕᐅᓯᒪᔪᑦ ᐋᕐᕿᒋᐊᕈᑎᖃᕐᓱᑎᒃ ᐊᒻᒪᓗ ᓈᓭᑎᓃᓕᕐᓱᑎᒃ ᐊᓪᓚᕕᒻᒥ ᓄᓇᓂᒃ ᓴᐳᒻᒥᔭᐅᔪᓂᒃ:
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ Drumlins-du-Lac-Viennaux-ᒥ (ᐊᑯᓪᓕᐅᑉ ᑕᓯᖓᑕ ᓯᑦᔭᑯᑖᖏᑦ)
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ l’Estuaire- Rivières-Koktac-et-Nauberakvik (ᓯᕗᕋᓕᓂᖅ ᑰᒃᑕᐅᑉ ᐊᒻᒪᓗ ᓇᐅᐱᕋᕐᕕᐅᑉ ᑰᖏᓐᓄᑦ)
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᑐᕐᓱᑲᑕᐅᑉ-ᑲᖏᕐᓱᖓᓂ
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᑲᖏᕐᓱᔪᐊᒥ
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᖁᐊᕐᑕᒥ-ᑲᖏᕐᓱᒥ
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ Delay ᑰᖓᓂ
    • ᓄᓇᖁᑎᒥ ᖁᒥᐅᑎ ᐱᑦᔪᑎᓕᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ Jeannin ᑕᓯᖓᓂ
    • ᓄᓇᖁᑎᒥ ᖁᒥᐅᑎ ᐱᑦᔪᑎᓕᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ ᒪᕐᕋᓕᐅᑉ ᑰᖓᓂ
    • ᓄᓇᖁᑎᒥ ᖁᒥᐅᑎ ᐱᑦᔪᑎᓕᒃ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ ᑲᖏᕐᓱᐊᓗᑦᔪᐊᑉ ᑰᖓᓂ
  • 2 ᓯᕗᓂᕆᔭᐅᔫᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᒥᒃ ᖁᒥᐅᑏᒃ ᓴᐳᑦᔨᒍᑕᐅᓯᒪᖕᖏᑑᒃ ᓄᓇᓖᑦ ᐊᒻᒪᓗ ᓄᓇᓕᓕᒫᑦ ᐊᖓᔪᕐᖄᖏᓐᓄᑦ ᓄᓇᕕᒻᒥ ᐊᓪᓚᑕᐅᓯᒪᔪᑦ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ:
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ ᐃᒃᑲᑐᔮᑉ ᑰᖓᓂ)
    • ᖁᒥᐅᑎ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓴᖅ Sérigny ᑕᓯᖓᓂ.
  • ᓄᑖᑦ ᑫᒥᑦᓯᒍᑏᑦ ᑐᓂᔭᐅᓯᒪᔪᑦ ᓄᓇᓕᓕᒫᓂ ᐊᖓᔪᕐᖃᓂᒃ. ᑖᒃᑯᐊ ᑫᒥᑦᓯᒍᑏᑦ ᐊᖏᕐᑕᐅᓂᖃᓚᐅᔪᖕᖏᑐᑦ ᑐᕐᖃᑕᕐᕕᒧᑦ ᐊᕙᑎᓕᕆᓂᕐᒧᑦ ᑌᑦᓱᒪᓂ, ᑭᓯᐊᓂ ᑖᒃᑯᐊ ᓄᓇᖏᑦ ᐃᓚᐅᑎᑕᐅᔪᑦ ᖃᐅᔨᒪᔭᑦᓴᑯᕕᒻᒥ ᑐᕌᕐᑐᒥ ᑭᖑᓪᓕᒧᑦ ᐱᓇᓱᐊᕐᓂᓴᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᐱᖕᖑᐃᓂᕐᒥᒃ.
  • ᐊᖏᕐᑐᐃᓇᐅᒍᑎᒥᒃ ᓄᐃᔪᖃᕐᓯᒪᔪᖅ ᑰᕕᐅᑉ ᑰᖓ ᐊᒻᒪᓗ ᑌᑯᖓ ᐃᕐᖓᓂᓕᒫᖅ ᓯᕗᓪᓕᐅᔭᐅᒋᐊᖃᕐᑎᓗᒍ ᓱᕐᕋᑕᐅᑎᑦᑌᓕᓗᒍ.
From the Protected Area Planning in Nunavik Report, 2013

2012–2014

ᐸᕐᓇᓯᒪᐅᑎᒥᒃ ᐱᒋᐊᕐᑎᓯᓂᖅ

The ᐸᕐᓇᓯᒪᐅᑎᒥᒃ ᐱᒋᐊᕐᑎᓯᓂᖅ ᐊᖏᓂᕐᐸᐅᕗᖅ ᓄᓇᓕᓐᓂᒃ ᐃᓱᒪᑦᓴᓯᐅᕈᑕᐅᓯᒪᔪᓕᒫᓂ ᓄᓇᕕᒻᒥ. ᑲᔪᓯᑎᑕᐅᑦᓱᓂ 2012 ᐊᒻᒪᓗ 2014 ᐊᑯᓐᓂᖓᓂ, ᑖᑦᓱᒪ ᐱᓇᓱᑦᑕᐅᓂᖓ ᐃᓂᓪᓚᑕᐅᓯᒪᓚᐅᕐᓯᒪᔪᖅ ᓄᐃᑦᓯᓂᐊᕐᓱᓂ ᐃᓘᓐᓈᒍᑦ ᑕᐅᑐᒍᑎᒥᒃ ᐱᕙᓪᓕᐊᓂᕐᒥᒃ ᑐᖕᖓᕕᖃᕐᓱᓂ ᐃᓄᐃᑦ ᐃᓗᕐᖁᓯᖓᓂᒃ, ᑭᓇᐅᓂᖓᓂᒃ ᐊᒻᒪᓗ ᐱᐅᓯᑐᖃᕐᑎᒍᑦ ᐃᓅᓯᖓᓂᒃ. ᓄᓇ, ᐃᓚᒌᑦ, ᐃᕐᖃᑐᐃᔨᓕᕆᓂᖅ, ᐱᓇᓱᒐᖃᕐᓂᖅ ᐊᒻᒪᓗ ᐊᕙᑎᓕᕆᓂᖅ ᐃᓚᒋᐊᕈᑕᐅᓯᒪᔪᑦ ᓈᓭᑎᓄᑦ ᑲᒪᒋᔭᐅᔪᑦ ᐱᒻᒪᕆᐅᓂᖏᓐᓂᒃ ᐃᓚᐅᑎᑕᐅᓕᕇᕐᑐᓂᒃ ᓄᓇᕕᒻᒥ ᐸᕐᓇᓯᒪᐅᑎᒧᑦ.

2012

ᐅᓐᓂᓯᐅᕈᑎᖃᕐᓂᖅ ᑐᕌᕐᑕᐅᔪᒥᒃ ᓴᐳᒻᒥᒍᒫᕐᓗᓂ ᓄᓇᕕᐅᑉ ᓄᓇᖓᑕ 20%-ᖓᓂᒃ

ᑯᐯᒃ ᑲᕙᒪᖓ ᐅᖃᕐᓯᒪᔪᖅ ᐊᖏᕐᓯᒪᓂᕐᒥᓂᒃ ᑎᑭᐅᑎᒋᐊᕐᓂᐊᓱᓂ 20%-ᒥᒃ ᓴᐳᒻᒥᓂᕐᒥᒃ ᑐᕌᕐᑕᐅᔪᒥᒃ ᑕᕐᕋᒧᑦ ᐸᕐᓇᓯᒪᐅᑎᐅᑉ ᓄᓇᖓᓂ 2020 ᑎᑭᖕᖏᓂᖓᓂ. ᑎᒥᐅᔪᑦ ᑭᒡᒐᑐᕐᑐᑦ ᓄᓇᕕᒻᒥᒃ ᐊᑦᔨᓯᐊᖓᓂᒃ ᑐᕌᒐᖃᕐᓂᒥᔪᑦ ᓄᓇᓕᓕᒫᒧᑦ.

2013

ᐱᖕᖑᐃᓂᖅ ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᓂᒃ

ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᑦ (PAWG) ᓄᐃᑕᐅᓯᒪᔪᑦ ᑭᒡᒐᑐᕐᑎᖃᕐᓱᑎᒃ ᐱᓯᒪᔪᓂᒃ ᐅᑯᓇᖕᖓᑦ ᑎᒥᐅᔪᓂᒃ:

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ ᐊᒻᒪᓗ ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᐸᓪᓂᐊᓂᖓᓂᒃ (MELCCFP)
  • ᑐᕐᖃᑕᕐᕕᒃ ᐃᑯᒪᐅᑎᖃᕐᓂᒧᑦ ᐊᒻᒪᓗ ᓯᓚᒥ ᐱᑦᓴᖁᑎᓄᑦ (MERN)
  • ᑐᕐᖃᑕᕐᕕᒃ ᓇᐹᕐᑐᓄᑦ ᐆᒪᔪᓄᑦ ᐊᒻᒪᓗ ᒥᕐᖑᐃᓯᕐᕕᓄᑦ (MFFP)
  • ᑕᕐᕋᒧᑦ ᐸᕐᓇᓯᒪᐅᑎᐅᑉ ᑎᒥᖓ (SPN)
  • ᒪᑭᕝᕕᒃ ᐊᒧᓚᐅᔪᔪᖅ ᐱᓇᓱᖃᑎᒌᓂᒃ ᑖᒃᑯ 2017-ᒥ ᐃᑦᓯᕙᐅᑕᕐᑖᖔᕐᓱᑎᒃ ᖃᐅᔨᒪᔩᑦ ᑲᑎᒪᔨᖏᓐᓂ.

ᐱᓇᓱᑦᑕᒥᓂᒃ ᐱᒋᐊᓚᐅᔪᔪᑦ ᑐᖕᖓᕕᖃᕐᓱᑎᒃ ᑐᑭᓯᒍᑎᕕᓂᕐᓂᒃ 2011-2012-ᒥ ᓄᓇᓕᓐᓂᒃ ᐃᓱᒪᑦᓴᓯᐅᕐᕕᖃᕈᑏᑦ ᑐᓴᕐᑎᓯᒍᑎᖓᓂ.

2016

ᐃᓚᐅᕐᑑᑕᐅᓂᖏᑦ 40 ᓴᐳᒻᒥᔭᐅᒍᑎᓖᑦ ᓄᓇᖏᑦᑕ ᖃᐅᔨᒪᔭᑦᓴᖃᐅᑎᒧᑦ

40 ᓴᐳᒻᒥᔭᐅᔪᑦ ᓄᓀᑦ ᑫᒥᑕᐅᒍᑎᖏᑦ ᓄᐃᕕᖃᕐᓯᒪᔪᑦ 2011-2012-ᒥ ᐃᓱᒪᑦᓴᓯᐅᕐᓂᒍᑎᓂᒃ ᐊᒻᒪᓗ ᖃᐅᔨᒪᔨᒻᒪᕇᑦ ᑐᑭᓯᐅᑎᕕᓂᖏᑦ ᕿᒥᕐᕈᔭᐅᓯᒪᔪᑦ PAWG-ᑯᓄᑦ ᐊᒻᒪᓗ ᐃᓚᐅᕐᑑᑕᐅᑦᓱᑎᒃ ᖃᐅᔨᒪᔭᑦᓴᖃᐅᑎᒧᑦ, ᐊᒻᒪᓗ ᓯᕗᓪᓕᔭᐅᒋᐊᓖᑦ ᑐᕌᒐᕐᓗᒋᑦ ᒪᑭᑕᐅᓯᒪᑦᓱᑎᒃ.

2017

ᐱᖕᖑᑎᑦᓯᓂᖅ ᖃᐅᔨᒪᔨᓂᒃ ᑲᑎᒪᔨᓂᒃ ᐊᒻᒪᓗ ᓯᕗᓪᓕᓴᓕᕆᐅᓯᕐᒥᒃ ᑐᕌᕈᑕᐅᑎᓪᓗᒍ 9-ᓂᒃ ᓴᐳᒻᒥᔭᐅᔪᓂᒃ ᓄᓇᑖᕐᓂᒧᑦ ᐃᓘᓐᓀᓄᑦ ᐊᖏᕐᑕᐅᑎᓪᓗᒋᑦ.

2017-ᒥ, ᖃᐅᔨᒪᔩᑦ ᑲᑎᒪᔨᖏᑦ ᓄᐃᑕᐅᓯᒪᔪᑦ ᓄᐃᑕᑦᓯᔪᑦᓴᐅᓱᑎᒃ ᐋᕐᕿᑕᐅᖁᔨᒍᑎᓂᒃ ᐊᒻᒪᓗ ᐃᓱᒪᓕᐅᕐᓂᒍᑎᓂᒃ PAWG-ᑯᓄᑦ. ᐱᖕᖑᑎᑕᐅᓯᒪᔪᑦ ᑭᒡᒐᓄᑦ ᐅᑯᓄᖓ ᑎᒥᐅᔪᓄᑦ:

  • ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)
  • ᒪᑭᕝᕕᒃ
  • ᓇᔅᑳᐱ ᓄᓇᕐᔪᐊᖓ ᑲᐅᒐᐅᒐᐅᑦᓯᑲᒪᒃᒥ
  • ᑯᔩ ᓄᓇᕐᔪᐊᖓᑕ ᑲᕙᒪᖓ

ᑐᕐᖃᑕᕐᕕᒃ ᐊᕙᑎᓕᕆᓂᕐᒧᑦ ᐊᒻᒪᓗ ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᐸᓪᓂᐊᓂᖓᓂᒃ (MELCCFP) ᓯᕗᓪᓕᐅᔨᔪᑦᓴᓂᒃ ᓴᓇᕐᕈᑏᑦ ᐊᑐᕐᑐᓭᑦ 40-ᓄᑦ ᑫᒥᑦᓯᒍᑎᓄᑦ ᓴᓇᔭᐅᓯᒪᒻᒥᔪᑦ 2017-ᒥ ᐊᑐᓂ PAWG-ᑯᓂ ᐃᓚᐅᔪᓄᑦ. ᐃᒻᒥᒍᓪᓕ, ᖃᐅᔨᒪᔩᑦᑦ ᑲᑎᒪᔨᖏᑦ ᓴᓇᓚᐅᔪᔪᑦ ᑐᕌᕐᓂᐊᑕᒥᓂᒃ ᓴᓇᕐᕈᑎᒥᒃ ᐃᓚᐅᕐᑐᓯᒪᑎᓪᓗᒍ “ᐃᓗᕐᖁᓯᒃᑯᑦ ᐊᒻᒪᓗ ᐃᓅᖃᑎᒌᓐᓂᑯᑦ ᐃᕐᓕᕆᔭᖏᓐᓂᒃ ᓄᓇᖃᕐᖄᓯᒪᔪᑦ ᓄᓇᓕᖏᑦᑕ.” ᓴᓇᒪᐅᑎᓕᒃ ᐱᖓᓱᓂᒃ ᐃᓚᐅᕐᑑᑎᒌᓂᒃ: ᐃᓗᕐᖁᓯᐅᑉ ᐊᑐᕐᑕᐅᓂᖓ, ᓄᖑᑎᕆᑦᑌᓕᓂᖅ ᐊᒻᒪᓗ ᐱᕙᓪᓕᐊᑎᑦᓯᓂᖅ. ᐊᒥᓱᕌᕐᓂᓕᕆᔪᖅ ᐱᐅᓯᕆᑦᓱᒍ ᐃᓕᖓᔪᖅ ᓂᐳᕐᑎᒋᐊᓕᓐᓄᑦ ᐅᐊᕈᑎᓄᑦ ᐊᑐᓂ ᐃᓚᐅᕐᑑᑎᒥ ᐱᕕᖃᕐᑎᓯᔪᖅ ᑫᒥᑦᓯᒍᑏᑦ ᓯᕗᓪᓕᐅᔨᒐᓕᐊᖑᓂᖓᓂᒃ.

ᑕᒪᓐᓇ ᐃᓪᓗᐃᓈᓃᖕᖏᑐᖅ ᓯᕗᓪᓕᐅᔨᒋᐊᓕᓐᓂᒃ ᐱᓇᓱᐊᕐᓂᖅ ᐊᑐᓚᐅᕐᓱᒍ, ᑯᒻᒪᓲᑎᑦᓴᓖᑦ ᖁᕝᕙᓯᓐᓂᐹᓂᒃ ᐱᐅᓂᓕᕆᔪᓂᒃ ᐊᒻᒪᓗ ᐊᒻᒪᓗ ᓂᕈᐊᕐᑕᐅᓯᒪᔪᕐᑎᒍᑦ ᐅᖃᖃᑎᒌᒍᑎᓂᒃ ᐊᑐᓚᐅᔪᔪᑦ ᓄᐃᑦᓯᒍᑎᒋᑦᓱᒋᑦ ᐃᓱᒪᖃᑎᒌᒍᑎᓂᒃ ᐊᑦᑐᐊᔪᓂᒃ 9-ᓄᑦ 9-ᓄᑦ ᓴᐳᒻᒥᔭᐅᔪᓄᑦ ᓄᓇᓄᑦ:

  1. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᐃᓄᒃᔪᐊᑉ ᑰᖓᓂ
  2. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓲᑉ ᑰᖓᓂ
  3. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑑᕐᓱᔫᑉ-ᑕᕐᕋᕙᓯᓐᓂᖓᓂ
  4. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑑᕐᓱᔫᑉ-ᕿᑎᖓᓂ
  5. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑑᕐᓱᔫᑉ-ᓯᕿᓂᕙᓯᓐᓂᖓᓂ
  6. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Canyon-Eaton-ᒥ
  7. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Marais-Maritime-ᒥ
  8. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓱᐊᓗᑦᔪᐊᑉ ᑰᖓᓂ
  9. ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᒪᕐᕋᓕᐅᑉ ᑰᖓᓂ

2018

ᒫᓐᓇᓯᐅᑎᒥᒃ ᓴᐳᒻᒥᐅᑎᓂᒃ ᐃᓕᑕᕐᓯᒍᑎᓂᒃ ᐱᒍᑕᐅᓯᒪᔪᑦ ᐱᑖᕆᔭᐅᓯᒪᔪᑦ

ᒫᓐᓇᐅᓂᖓᓂ ᓄᕐᖃᑎᑦᓯᓂᕐᒃ ᐊᓂᐊᑎᕆᓂᕐᒥᒃ ᐅᔭᕋᓐᓂᐊᕕᑦᓴᒥᒃ ᐃᓐᓄᐃᒪᒍᑎᓂᒃ ᑖᒃᑯᓇᓂ 9-ᓂ ᐊᖏᕈᑎᐅᓯᒪᔪᓂ ᓴᐳᒻᒥᔭᐅᔪᓂ ᓄᓇᓂ ᐊᑐᓕᕐᑐᖅ 2018-ᒥᓂᒃ. ᓱᓕᒋᐊᓪᓚᒃ, ᑰᕕᐅᑉ ᑰᖓ ᐊᖏᕈᑕᐅᓯᒪᒻᒥᔪᖅ ᐃᓕᑕᕆᔭᐅᒍᑎᒥᒃ “ᑫᒥᑕᐅᓯᒪᔪᒧᑦ ᐃᒪᕐᒥᐅᑕᓂᒃ ᖁᒥᐅᑎᒧᑦᕻ: ᑰᕕᐅᑉ ᑰᖓᓂ ᑫᒥᑕᐅᓯᒪᔪᖅ ᐃᒪᕐᒥᐅᑕᓂᒃ ᖁᒥᐅᑎᑦᓴᖅ (« Réserve aquatique projetée de la Rivière-Kovik »)".

ᑯᕕᐅᑉ ᑰᖓ - ᐊᑦᔨᒌᖕᖏᑐᓄᑦ ᐃᒪᕐᒥᐅᑕᓄᑦ ᐱᕈᕐᑐᓄᓪᓗ ᐃᓂᒋᔭᐅᔪᖅ ᑐᓄᕙᕐᑕᐅᖁᔭᐅᓯᒪᔪᖅ © Mélanie Veilleux-Nolin, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓄᑦ ᑐᕐᖃᑕᕐᕕᖓ

2019

ᐊᑎᓕᐅᕐᕕᖃᕐᓂᖅ ᐱᑦᔪᑎᓪᓗᑯᓄᑦ ᐊᖏᖃᑎᒌᒍᑎᒥᒃ ᐃᓕᖓᔪᒥᒃ ᓄᖑᑎᕆᑦᑌᓕᓂᕐᒧᑦ Cambrien Lake/Nachicapau Lake/Fort Mackenzie (Waskaikinis) ᓄᓇᖏᓐᓂᒃ

ᑕᒪᓐᓇ ᓄᓇ ᒪᓕᒍᑕᐅᔪᖅ ᐱᑦᔪᑎᓪᓗᑯᓄᑦ ᐊᖏᖃᑎᒌᒍᑎᒥᒃ ᓄᖑᑎᕐᑕᐅᑌᓕᓂᖓᓄᑦ ᐃᓕᖓᔪᒥᒃ. ᑕᑯᓗᒍ ᓱᓪᓕᑏᑦ ᒪᑉᐱᒐᖓ ᐃᓕᖓᔪᖅ ᑖᑦᓱᒧᖓ ᓄᓇᒧᑦ ᖃᐅᔨᒋᐊᓪᓚᕈᒪᒍᕕᑦ...

Lac Cambien and Lac Nachicapau Area © Marianne Ricard, KRG

2020

ᐃᓚᒋᐊᕈᑏᑦ ᐊᓪᓚᕕᒻᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ ᐊᒻᒪᓗ ᐱᔭᖃᕐᓂᖅ 20%-ᒧᑦ ᑐᕌᕐᓂᒥᒃ

2020-ᒥ, ᓄᑖᑦ ᓄᓇᖁᑎᒥ ᖁᒥᐅᑏᑦ ᐱᑦᔪᑎᓖᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ (TRPAP) ᐃᓚᐅᕐᑑᑕᐅᓪᓚᕆᓚᐅᔪᔪᑦ ᑯᐯᒻᒥ ᐊᓪᓚᕕᒻᒧᑦ ᓴᐳᒻᒥᔭᐅᔪᓂᒃ ᓄᓇᓂᒃ ᓄᓇᓄᑦ ᐃᓚᖃᕐᒥᓱᑎᒃ ᒪᕐᕉᓂᒃ ᐊᖏᓕᒋᐊᕐᑑᓂᒃ - ᒪᕐᕋᓕᐅᑉ ᑰᖓᑕ TRPAP-ᖓ ᐊᒻᒪᓗ ᑲᖏᕐᓱᐊᓗᑦᔪᐊᑉ ᑰᖓᑕ TRPAP-ᖓ.

ᓄᐃᑕᐅᓯᒪᔪᑦ

  • ᓴᓂᕐᕙᑕᐅᒪᔪᖅ ᐃᒪᕐᒥᐅᑕᓄᑦ ᒪᓂᔭᐅᒪᔪᖅ ᑰᖓ ᑰᕕᐅᑉ ᐃᓚᒋᐊᕆᒍᑎᐅᔪᕕᓂᖅ ᐊᓪᓚᑕᐅᓯᒪᔪᓄᑦ 2018-ᒥ.
  • 8 ᓄᑖᑦ ᓱᒃᑯᑕᐅᑎᑕᐅᑦᑌᓕᔪᑦ ᓄᓀᑦ ᒪᓂᔭᐅᒪᔪᑦ:
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᐃᓄᒃᔪᐊᑉ ᑰᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓲᑉ ᑰᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑐᕐᓱᔫᑉ-ᑕᕐᕋᕙᓯᓐᓂᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑐᕐᓱᔫᑉ-ᕿᑎᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑐᕐᓱᔫᑉ-ᓯᕿᓂᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Canyon-Eaton-ᒥ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ Marais-Maritime-ᒥ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓱᐊᓗᑦᔪᐊᑉ ᑰᖓᑕ ᑕᕐᕋᕙᓯᓐᓂᖓᓂ
  • TRPAP ᐊᖏᓕᒋᐊᕈᑎᖏᑦ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᒪᕐᕋᓕᐅᑉ ᑰᖓᓂ
    • ᖁᒥᐅᑎ ᓄᓇᖁᑎᒥ ᓴᐳᒻᒥᔭᐅᔪᒥᒃ ᓄᓇᖃᕐᕕᓴᖅ ᑲᖏᕐᓱᐊᓗᒃᔪᐊᑉ ᑰᖓᓂ

ᓴᐳᒻᒥᔭᐅᔪᑦ ᓄᓀᑦ ᐱᑐᑦᓯᒪᐅᑎᓂᖓ ᖃᓚᑦᓯᔪᖅ ᓄᓇᕕᐅᑉ ᖄᖓᑕ 20.59%-ᖓᓂᒃ.

2021

ᐋᕐᕿᒋᐊᕐᑎᓯᓂᖅ ᓯᓚᕐᔪᐊᒥ ᕿᒻᒪᖁᓯᐊᓂᒃ ᓄᖑᑎᕆᑦᑌᓕᓂᕐᒧᒃ ᐱᖁᔭᒥᒃ

2021-ᒥᓂᑦ, ᐋᕐᕿᒋᐊᕐᑕᐅᓚᐅᕐᑎᓗᒍ ᓯᓚᕐᔪᐊᒥ ᕿᒻᒪᖁᓯᐊᓂᒃ ᓄᖑᑎᕆᑦᑌᓕᓂᕐᒧᑦ ᐱᖁᔭᖅ (NHCA), ᓯᕗᓂᕐᒥ ᓄᓀᑦ ᓴᐳᒻᒥᔭᐅᒋᐊᓖᑦ ᐱᕙᓪᓕᖃᑦᑕᓚᖓᓯᔪᑦ ᐊᑌᓐᓇᑐᒥᒃ ᓴᐳᒻᒥᔭᐅᓂᕐᑖᓗᑎᒃ ᐊᕐᖁᓵᕈᑎᒋᒋᐊᖃᕐᓇᒍ ᐱᑎᑕᐅᓂᕐᒥᒃ ᒫᓐᓇᓯᐅᑎᒥᒃ ᐃᓕᑕᕐᓯᒪᐅᑎᒥᒃ (ᑫᒥᑕᐅᓯᒪᔪᒧᑦ). ᑭᓯᐊᓂ, ᑌᒣᒐᓗᐊᕐᑎᓗᒍ, ᐃᓕᔭᐅᑫᓐᓇᕈᓐᓇᑐᑦ ᖁᒥᐅᑕᐅᓂᕐᒧᑦ ᐱᑎᑕᐅᖕᖏᓂᖏᓐᓂ ᐊᑌᓐᓇᑐᒥᒃ ᓴᐳᒻᒥᐅᑎᐅᑉ ᐃᓕᑕᕆᔭᐅᒍᑎᖓᓂᒃ.

2022-2023

ᐃᓱᒪᓯᐅᕆᓃᑦ - ᐱᓂᐊᕐᓂᖅ 1

ᓯᕗᓕᕐᑕᐅᓱᓂ ᑲᑎᕕᒃ ᓄᓇᓕᓕᒫᑉ ᑲᕙᒪᖓᓄᑦ (KRG) ᐱᓇᓱᐊᖃᑎᖃᑦᓯᐊᓱᓂ ᐊᔪᖀᒋᐊᕐᑏᑦ ᑲᑎᒪᓂᔨᖏᓐᓂᒃ ᓄᓇᕕᒻᒥ ᓴᐳᒻᒥᓂᕐᒧᑦ ᓄᓀᑦ ᐱᓇᓱᐊᖃᑎᒌᑦᑐᑯᖏᓐᓄᑦ, ᑖᓐᓇ ᓯᕗᓪᓕᐹᖅ ᐱᓇᓱᐊᕐᓂᐅᔪᖅ ᑕᕝᕙᓂ ᐱᓂᐊᕐᓂᐊᔪᒥ, ᑭᖑᓪᓕᖃᓛᕐᒥᓱᓂ ᑐᖓᓕᐊᓂᒃ ᐱᓇᓱᐊᕐᓂᐅᔪᒥᒃ, ᐃᓂᓪᓚᑎᕐᑕᐅᓚᐅᔪᖅ ᑐᓴᐅᒪᑎᑦᓯᓂᐅᒐᔭᕐᓱᓂ ᓄᓇᕕᐅᑉ ᓄᓇᓕᖏᓐᓂ ᐱᕕᑦᓴᖃᕐᑎᓯᓗᓂᓗ ᐃᓱᒪᒋᔭᒥᓂ ᐅᖄᒍᓐᓇᓯᓂᕐᒥᒃ ᑕᒪᑦᓱᒧᖕᖓᓕᖓᔪᒥᒃ ᑎᑭᐅᑎᒍᑎᐅᓚᕿᑦᓱᓂ ᑐᑭᒋᔭᖓᑕ ᒫᓐᓇᐅᓕᕐᑑᑉ ᐱᑐᑦᓯᒪᖃᑎᒌᓐᓂᐅᔫᑉ ᓴᐳᒻᒥᔭᐅᓂᖏᑦᑕ ᓄᓀᑦ, ᐊᒻᒪᓗᒋᐊᓪᓚᒃ ᐱᒻᒪᕆᐅᓂᖓᓄᑦ.

2024-…

ᐃᓱᒪᓯᐅᕆᓂᖅ - ᐱᓇᓱᐊᕐᓂᖅ 2

ᑐᖓᓕᐊ ᖃᓄᐃᓘᕐᓂᐅᑉ ᐃᓱᒪᓯᐅᕆᓂᒃᑯᑦ, ᑲᔪᓯᑎᑕᐅᔪᕕᓂᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG) ᐱᓇᓱᐊᖃᑎᒋᑦᓱᒋᑦ ᐊᔪᖀᒋᐊᕐᑏᑦ ᑲᑎᖕᖓᔨᖏᓪᓗ PAWG-ᑯᓗ, ᐊᑐᐃᓐᓇᐅᑎᑦᓯᓚᖓᕗᖅ ᓄᓇᓕᒻᒥᑦ ᐱᓯᒪᔪᓂᑦ ᐱᐅᓯᐅᒥᒋᐊᒍᑎᑦᓴᓂᑦ ᓴᐳᒻᒥᔭᐅᔪᐃᑦ ᓄᓇᖏᓐᓂᑦ. ᑲᑎᒪᓂᐊᕈᓯᕐᑎᒍᑦ ᓄᓇᖕᖑᐊᓂᑦ ᑕᑯᓐᓇᑎᓗᒋᑦ ᓇᓗᓀᕐᓯᖃᑦᑕᓂᐊᕐᒪᑕ ᓈᒻᒪᓈᕐᒪᖔᑕ ᑎᑦᑕᓕᐊᕆᔭᐅᓯᒪᔪᑦ, ᐃᓚᐅᑎᓪᓗᒋᑦ ᕿᒥᕐᕈᓂᖅ ᓄᓇᓕᐅᑉ ᐃᓱᒪᒋᔭᖏᑦ ᑎᒍᓚᓗᒋᑦ ᑕᒪᓐᓇ ᓴᕐᕿᑕᐅᕙᓪᓕᐊᓂᖓᒍᑦ ᓴᐳᒻᒥᔭᐅᔪᑦᓭᑦ ᓄᓀᑦ ᐱᓪᓗᒋᑦ.