Skip to main content

ᐋ ᑭᓂᐙᐱᐦᑖᑭᓂᐎᒡ ᒥᓯᐙ ᐊᓐ ᒑ ᐊᑏᐦᑐᑖᑭᓂᐎᒡ

ᐊᓐ ᒫᒃ ᐋᑏᐦᑐᑖᑭᓂᐎᒡ ᐋ ᐆᐙᔨᐲᐦᑖᑭᓂᐎᒡ ᐆ ᓅᓈᕕᒃ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᐋᐅᒄ ᐄᔮᐱᒋᐦᑖᑭᓂᐎᒡ ᐊᓂᒌ ᐋ ᐙᐎᒋᐦᐄᐙᒡ ᑭᔮᐦ ᐋ ᓯᑐᔅᑭᐦᒡ ᐊᓂᒌ ᐊᓂᑎᐦ ᐄᐦᑖᐎᓂᐦᒡ ᐹᒥᐲᐦᑖᒡ ᒐᒀᔨᐤ ᑭᔮᐦ ᒫᒃ ᐊᓂᒌ ᑎᐹᔨᐦᒋᒑᐤ ᐋᐱᑎᓯᐎᓂᔨᐤ ᐸᒥᐲᐦᑖᒡ ᑭᔮᐦ ᒫᒃ ᑎᐹᔨᐦᒋᒑᓰᐤ ᐋᐱᑎᓯᐎᓂᔨᐤ ᐹᒥᐲᐦᑖᔨᒡ᙮

ᐅᑎᐦ ᐆ ᐋ ᐃᔑ ᐆ ᐙᑎᔅᑖᒡ ᐋ ᐊᑏᐦᑐᑖᑭᓂᐎᒡ ᐊᔅᒌᐱᔨᐤ ᐊᓐ ᐋ ᒋᐦᒋᓂᐙᒋᐦᑖᑭᓂᐎᒡ ᐊᓐ ᐙ ᐃᔑ ᓄᔅᒋᐦᑖᑭᓂᐎᒡ ᑭᔮᐦ ᐋ ᒫᒥᓄᓯᓂᐦᐄᑭᓂᐎᒡ ᒫᒥᐦᒑᑐ ᑰᒀᑎᐙᐅᒥᓯᓂᐦᐄᑭᓐ ᐊᓐ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ, ᒥᐦᒑᑐ ᒫᒃ ᐊᓂᐦᐄ ᑭᔮᐦ ᔕᔥ ᒌ ᐊᔅᑎᓯᓂᐦᐄᑭᓂᐤ ᐊᓂᑎᐦ ᐊᓐ ᐋ ᒥᓯᓈᑖᒡ ᕆᑭᔅᑦᕃ ᑎᐁᔅ ᐊᐃᕃᔅ ᑉᕈᑌᑫᐁᔅ ᐆ ᑯᐯᒃ᙮ ᒥᓐ ᒫᒃ, ᐊᑯᑎᐦ ᑳ ᐅᐦᒡ ᐎᒋᐦᐄᐙᒡ ᓃᓲ ᐋ ᒋᔅᑎᒫᐅᐦᒡ ᑎᐹᔨᐦᒋᒑᓯᐤ ᐋᐱᑎᓯᐎᓐᐦ: ᐊᓂᒌ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᑳ ᐋᐱᑎᓰᔅᑎᐦᒡ ᑳ ᒫᒨᐱᒡ (PAWG) ᑭᔮᐦ ᐊᓂᒌ ᐊᔨᒧᐎᓂᔨᐤ ᑳ ᒥᔨᐙᒡ ᑳ ᒫᒨᐱᒡ᙮ ᐋ ᓂᔅᑐᓂᑭᓂᐎᒡ ᐊᔨᒧᐎᓐ ᐋᐅᒄ ᒫᐅᒡ ᑭᔮᐦ ᑳ ᐎᒋᐦᐄᐙᐱᔨᒡ ᐅᑎᐦ ᐆ ᑳᐦᑐᑕᑭᓂᐎᒡ, ᒥᒄ ᐊᓂᔮᔨᐤ ᐋᐦᑐᑎᐦᒡ ᐋ ᐃᔑ ᐙᐱᐦᑖᑭᓂᐎᔨᒡ ᐊ ᒋᐦᒋᓂᑐᐦᐄᐙᔨᒡ ᑭᔭᐦ ᐋᐦ ᐎᐦᑖᑯᓂᔨᒡ ᐊᓂᔮᔨᐤ ᐋ ᐃᔑ ᐆ ᐙᑎᔅᑖᑭᓂᐎᔨᒡ ᑭᔮᐦ ᑰᒀᑎᐙᐅᒥᓯᓂᐦᐄᑭᓐᐦ᙮

ᐊᓐ ᑳ ᐅᔑᐦᑖᑭᓂᐎᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᐅᑎᐦ ᓅᓈᕕᒃ ᒥᐦᒑᑐ ᐱᐳᓐᐦ ᐱᒥᐦᑳᑭᓅᐦ᙮ ᐅᑎᐦ ᐆ ᐋᐦ ᓂᔅᑐᓂᑭᓂᐎᒡ ᐊᔨᒧᐎᓐ ᔕᔥ ᒋᐦ ᐹᒋ ᒋᐦᒋᐱᔩᐤ 2011 ᑭᔮᐦ 2012 ᐅᑎᐦ ᓅᓈᕕᒃ ᐋ ᐸᔨᑯᐦᒡ ᐆ ᐋ ᐋᐱᑎᓰᔅᑖᑭᓂᐎᒡ ᙮ ᐊ ᓂᔅᑐᓂᑭᓂᐎᒡ ᐊᔨᒧᐎᓐ ᓈᔥᒡ ᓂᑎᐙᔨᐦᑕᑯᓐ ᑭᔮᐦ ᒋᔅᑎᒫᐎᓐᐦ ᐅᑎᐦ ᐆ ᐊ ᐃᔑ ᐆᐙᑎᔅᑖᑭᓂᐎᒡ ᐋ ᐎᐦ ᐃᔑ ᐋᐱᑎᓰᔅᑖᑭᓂᐎᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ᙮ ᒥᒄ ᒫᒃ ᐊᓐ ᒫᒀᒡ ᐊᔑᓈᑯᐦᒡ ᓄᑯᓐ ᐊᓂᒌ ᐊᔨᒧᐎᓂᔨᐤ ᑳ ᒥᔨᐙᒡ ᑳ ᒫᒨᐱᒡ (PAWG) ᒑ ᒌᐦ ᑳᓈᑯᐦᑖᒡ ᒑ ᒌᐦ ᐙᐱᐦᑖᑭᓂᐎᔨᒡ ᐊᓂᔮᔨᐤ ᒋᔅᒑᔨᐦᑎᒧᐙᐎᓂᔨᐤ ᐊᓂᔮᔨᐤ ᐊᓂᑎᐦ ᐋᐦᑖᔨᒡ ᓅᓈᕕᒡ ᑭᔮᐦ ᒑ ᒌᐦ ᐅᑎᓂᐦᒡ ᐅᑎ ᐊᔨᒧᐎᓂᐙᔨᐤᐦ ᐊᓂᔮᔨᐤ ᐄᐦᑖᐎᓂᐦᒡ ᐙᐦᒋᔨᒡ ᒫᓲᐦᐋᑳ ᐊᓂᔮᔨᐤ ᑳ ᒫᒨᐱᔨᒡ ᐊᓂᑎᐦ ᐄᐦᑖᐎᓂᐦᒡ ᑭᔮᐦ ᐊᓂᔮᔨᐤ ᑎᐹᔨᐦᒋᒑᐎᓐ ᐋᐱᑎᓯᐎᓂᔨᐤ ᐹᒥᐲᐦᑖᔨᒃ ᐅᐦᒡ ᐊᓂᔮᔨᐤ ᐋ ᐎᐦ ᒥᓈᒋᐦᑖᑭᓂᐎᔨᒡ ᐊᔅᒌᐦ ᐋ ᐃᔑ ᐆᐙᑎᔅᑖᑭᓂᐎᔨᒡ ᙮ ᑭᔮᐦ ᐎᔨᐙᐤ ᐙᐱᐦᑎᒧᒡ ᐋ ᐃᔑ ᒋᔅᑎᒫᐙᔨᐦᑖᑯᓂᔨᒡ ᓅᓈᕕᒃ ᐊᓂᑎᐦ ᒫᐧᑳᒡ ᐋᐦᑎᑯᓂᔨᒡ ᐋ ᐎᐦ ᒥᓈᒋᐦᑖᑭᓂᐎᔨᒡ ᐊᔅᒌᐦ ᐋ ᐅᐦᒡ ᐋᐱᑎᓰᔅᑖᑭᓂᐐᔨᒡ ᐋ ᐃᔑ ᓂᑎᐙᔨᐦᑎᒥᔨᒡ ᐄᐦᑖᐎᓂᐦᒡ, ᐋ ᐃᔑ ᓂᔅᑖᒥᔅᑖᔨᒡ, ᐋ ᐃᔑ ᐊᔨᒫᔨᐦᑎᒥᐦᐄᐙᔨᒡ ᐋ ᐃᔑ ᐱᑯᓵᔨᐦᑖᑭᓂᐎᔨᒡ ᐊᓂᑎᐦ ᐊᓂᔮᔨᐤ ᐊᔅᒌᔨᐤ᙮

”ᐋᑳ ᐄᔮᔨᐦᒀᐦ ᐆ ᓰᐲ, [ᐋ ᐎᐦ ᒥᓈᒋᐦᑖᑭᓂᐎᒡ], ᓂᒥᔅᑎᔮᓈᓂᐤ ᒥᒋᒻ

ᑐᕉᔅᒎᒃ ᓈᔑᓂᓪ ᐸᐦᕐᒃ ©ᓗᓯᔨᓪ ᑐᕉᓅᐦ, KRG

ᒑᒄ ᐄᔨᔨᐅᒡ ᐅᑎᐦ ᐧᐃᔮᐧᐃᒋᐦᐄᐧᐋᒡ?

ᐄᓅᒍᐙᒃ © ᑎᕕᑦ ᐱᓛᓐᑦ, MU ᑳᐅᓂᔑᓪᔅ

ᐊᓂᒌ ᐄᐦᑖᐧᐃᓐᐦ ᓅᓈᕕᒃ

ᐅᑎᐦ ᓅᓈᕕᒃ, ᐊᓂᒌ  (ᐄᔅᒋᒫᐅᒃ, ᓈᔅᑳᐲᐦ ᑭᔮᐦ ᐄᔨᔨᐅᒡ) ᓈᔥᒡ ᒋᔅᑎᒫᐧᐃᓂᔨᐤ ᒑ ᒌ ᐧᐋᐧᐃᒋᐦᐄᐧᐋᒡ ᐅᑏᐦ ᐅᔮᔨᐤ ᐋ ᐃᔑ ᐆᐧᐋᑎᔅᑖᑭᓂᐧᐃᔨᒡ ᐅᔮᔨᐤ ᐊᔅᒌᔨᐤ ᐋ ᐧᐃᒥᓈᒋᐦᑖᑭᓂᐧᐄᔨᒡ ᐋ ᐅᐦᒡ ᐱᒥᐲᐦᑖᑭᓂᐧᐃᔨᒡ᙮ ᐊᓂᒌ ᒫᒃ ᐄᔅᒋᒫᐅᒡ, ᑭᔮᐦ ᐊᓂᒌ ᓈᔅᑳᐲ ᐃᔨᔨᐅᒡ ᐊᓂᑎᐦ ᑳᐧᐋᐧᐋᒋᑭᒫᐦᒡ ᑭᔮᐦ ᐊᓂᒌ ᐄᔨᔨᐅᒡ ᐊᓂᑎᐦ ᐧᐋᐱᒫᑯᔅᑑᐦᒡ, ᐋᐅᑯᓂᒡ ᐧᐋᒋᐦᒡ ᐧᐋᑖᐦᐄᐧᐃᒡ ᐅᑎᐦ ᐆ ᐧᐋᐦᑐᑖᑭᓂᐧᐃᒡ᙮

ᐊᓂᒌ ᓅᓈᕕᒃ ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒌ ᑳ ᒫᒨᐱᔅᑎᐦᒡ (PAWG)

ᐊᓂᒌ ᓅᓈᕕᒃ PAWG, ᐊᑯᑎᐦ ᐅᔅᑭᒡ ᑳᐦᑖᒡ 2013 ᐊᑎ ᓄᓲᓂᐦᒡ ᐊᓂᔮᔨᐤ ᔕᔥ ᑳ ᐧᐃᔮᔨᐦᑎᒥᐦᐄᐧᐋᔨᒡ 2011-2012 ᐄᐦᑖᐧᐃᓐᐦ ᑳ ᓈᓈᑎᐦᐄᑭᓂᐧᐃᒡ ᐅᑎ ᐊᔨᒧᐧᐃᓂᐧᐋᐤ ᑳ ᓄᔅᑐᓂᑭᓂᐧᐃᔨᒡ ᐊᓂᔮᔨᐤ ᑳ ᐧᐃ ᐃᔑ ᒋᐦᒋᐱᔨᐦᑖᑭᓂᐧᐃᔨᒡ ᓅᓈᕕᒃ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ ᐋ ᐅᐦᒡ ᐱᒥᐲᐦᑖᑭᓂᐧᐃᒡ᙮ ᐊᐅᑯᓂᒡ ᐅᒌ ᐅᑎᐦ ᐊᔅᑎᐱᒡ ᐊᓂᑎᐦ ᐧᐋᐦᒡ ᐃᑐᐦᑖᔅᑎᒫᒑᒡ᙮

  • ᑳᑎᕕᒃ ᒋᓴᑎᐸᔨᐦᒋᒑᓯᐤ (KRG)
  • ᒥᓂᔅᑎᕐ ᑏ ᓕᐁᓐᕕᕈᓐᒥᓐᑦ, ᑏ ᓛ ᓘᑦ ᒀᓐᑎᕐ ᓕᔨᔥ ᒑᔨᓐᒋᒥᓐᑦ ᑭᓛᔨᒫᑎᒃ, ᑏ ᓛᐦ ᕛᓐ ᐁ ᑎᔨᔅ ᐹᕐᒃᔅ (MELCCFP)
  • ᒥᓂᔅᑎ ᑎᔨᔅ ᕇᔂᕐᔥ ᓈᑎᕆᔨᓪᔅ ᐁ ᑎᔨᔥ ᕛᕃᐃᑎᔥ (MRNF)
  • ᒥᓂᔅᑎᕐ ᑏ ᓕᐁᒀᣌᒦ, ᑎ ᓕᣌᕚᔨᔑᓐ ᐁ ᑎ ᓓᐦᓐᕐᒌ (MEIE)
  • ᐧᓵᓯᔨᑏ ᑑ ᑉᓚᓐ ᐧᓈᕐᑦ (SPN)

ᑳᐙᐙᐦᒋᑭᒫᒡ © ᑎᕕᑦ ᐱᓛᓐᑦ, MU ᑳᐅᓂᔑᓪᔅ

ᐊᓂᒌ ᒫᔨᐧᐋᒡ ᐊᔨᒧᓂᔨᐤ ᐊᓂᔮᔨᐤ ᐅᔮᔨᐤ ᐋ ᐃᔑ ᒫᒧᐧᐃᔅᑎᒥᔨᒡ PAWG

ᐊᓂᒌ ᒫᔨᐧᐋᒡ ᐊᔨᒧᓂᔨᐤ ᐋ ᐃᔑ ᒫᒧᐧᐃᒡ, ᒌ ᐅ ᐧᐋᑎᐦᐋᑭᓂᐧᐃᒡ 2017 ᒥᔨᐧᐋᐅᒡ ᐊᔨᒧᐧᐃᓂᔨᐤ ᐋ ᐃᔑᓈᑯᓂᔨᒡ ᒑ ᒌ ᐧᐃᒋᐦᐄᐧᐋᔨᒡ ᐅᑎᐦ ᐆᔮᔨᐤ ᐊᓯᓈᑯᓂᔨᒡ ᐊᐱᑎᓯᐧᐃᓂᔨᐤ ᐊᓂᒌ PAWG ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒋᔨᐤ ᐋ ᐅᐧᐋᑎᔅᑖᑭᓂᐧᐃᔨᒡ᙮ ᐊᐅᑯᓂᒡ ᐅᑎᐦ ᐊᔅᑎᐱᒡ ᐊᓂᑎᐦ ᐋ ᐅᐦᒋ ᐃᑐᐦᑖᔅᑎᒫᑎᐦᒡ:

  • ᑳᑎᕖᒃ ᒋᓵᑎᐹᔨᐦᒋᒑᓯᐤ (KRG)
  • ᒫᑭᕕᒃ ᑰᐧᐋᐳᕋᔨᔑᓐ
  • ᐄᔨᔨᐤ ᒋᓵᑎᐹᔨᐦᒋᒫᓯᐤ
  • ᓈᔅᑳᐲ ᐄᔨᔨᐅᒡ ᐊᓂᑎᐦ ᑳᐧᐋᐧᐋᒋᑭᒫᐦᒡ
  • ᒥᓂᔅᑎᕐ ᑏ ᓕᐁᓐᕕᕈᓐᒥᓐᑦ, ᑏ ᓛ ᓘᑦ ᒀᓐᑎᕐ ᓕᔨᔥ ᒑᔨᓐᒋᒥᓐᑦ ᑭᓛᔨᒫᑎᒃ, ᑏ ᓛᐦ ᕛᓐ ᐁ ᑎᔨᔅ ᐹᕐᒃᔅ (MELCCFP)

ᔕᔥ ᐊᓐ ᑳ
ᐊᑎᐦᑐᑖᑭᓂᐧᐃᒡ

1998

ᐊᓐ ᐧᐋᒋᐦᒡ ᑳ ᐃᔑ ᐅᐧᐋᑎᔅᑖᑭᓂᐧᐃᒡ ᒑ ᐄᑖᐱᒋᐦᑖᑭᓂᐧᐃᒡ ᐊᔅᒌ ᐊᓂᑎᐦ ᑳᑎᕕᒃ ᕇᔨᒋᓐ

ᐊᓐ ᐧᐋᒋᐦᒡ ᑳ ᐃᔑ ᐅᐧᐋᑎᔅᑖᑭᓂᐧᐃᒡ ᒑ ᐄᑖᐱᒋᐦᑖᑭᓂᐧᐃᒡ ᐊᔅᒌ ᐋᐅᒄ ᑳ ᐅᑎᓂᑭᓂᐧᐃᒡ 1998 (ᒥᓐ ᑳ ᑭᓂᐧᐋᐱᐦᑖᑭᓂᐧᐃᒡ 2020 ) ᐸᑎᔥ ᐃᔮᐦᒻ ᑳ ᐊᔨᒥᐦᐋᑭᓂᐧᐃᒡ ᐊᓂᒌ ᐊᓂᑎᐦ ᐄᐦᑖᐧᐃᓂᐦᒡ, ᐋ ᓂᑳᓂᐦᑖᑭᐦᑎᒡ ᐊ ᐅᐦᒡ ᐱᒥᐲᐦᐧᑖᒧᐦᒡ, ᓂᓈᐦᑭᐤ ᐊᑏᑎᐱᒡ ᐋ ᐅᒋᒫᐦᑭᐦᑎᒡ ᐊᓂᔮᔨᐤ ᐊᔅᒌᔨᐤ ᑭᔮᐦ ᒫᒃ ᐊᓂᒌ ᑎᐹᔨᐦᒋᒑᓯᐅᒡ ᑭᔮᐦ ᒫᒃ ᐊᓂᒌ ᒥᓯᐧᐋᐦ ᐋᐧᐋᔨᐤ ᑳ ᐊᐱᑎᓰᔅᑐᐧᐋᒡ᙮ ᐊᓐ ᒥᓯᓂᐦᐄᑭᓐ ᐋᐅᒄ ᑳ ᐅᐦᒡ ᐆᐧᐋᑎᔅᑖᑭᓂᐧᐃᒡ ᐊᓐ ᒑ ᐃᔑ ᐅᒋᒫᐦᑭᐦᑖᑭᓂᐧᐃᒡ ᐊᓐ ᐊᔅᒌ, ᒥᓯᐧᐋ ᐊᓐ ᒑᐧᑳᓐ ᐊᐦᑎᑯᐦᒡ ᐊᓂᑎᐦ ᐧᐋᔅᑳᐦ ᑭᔮᐦ ᒫᒃ ᐊᓐ ᒑᐧᑳᓐ ᐊᓂᑎᐦ ᐋᐦᑎᑯᐦᒡ᙮ ᐋᐅᒄ ᓂᔮᓂᑎᐧᐋᔨᐦᑖᑭᓂᐧᐃᒡ ᑕᐱᔅᑯᓐ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐊᔅᒌ ᒑ ᐃᑖᐱᒋᐦᑖᑭᓂᐧᐃᒡ ᑭᔮᐦ ᒫᒃ ᐊᓐ ᐊᓂᑎᐦ ᐧᐋᔅᑳᐦ ᐊᐦᑎᑯᐦᒡ ᒑ ᐃᔑ ᒥᓈᒋᐦᑖᑭᓅᑯᐱᓈᐦ᙮

ᕆᕕᔨᕐ-ᒞᕐᒡ ᐋᒌᐦᑎᐸᓂᓯᓂᐦᐄᑭᓂᐎᒡ ᐊᔅᒌ ᐋ ᐎᐦ ᒥᓈᒋᐦᑖᑭᓂᐎᒡ © ᕕᕐᕆᒃ ᐴᐅᔨᓯᓐ , MELCCFP

2008-2009

11 ᐊᐦᑎᑎᓐ ᐊᓂᐦᐄ ᐊᔅᒌ ᐧᑳᐧᑳᑐᐧᐋᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ

ᐊᓐ ᑯᐹᒃ ᑎᐹᔨᐦᒋᒑᓯᐤ ᒋᐱᒋᔅᑎᓂᒥᓐ 11 ᑎᐦᑐ ᑰᐧᑳᑎᐧᐋᐤ ᒥᓯᓂᐦᐄᑭᓐ ᐊᓂᑎᐦ ᑳᑎᕕᒃ ᒋᓴᑎᐹᔨᐦᒋᒑᓯᐤ ᐋᐦᑖᔨᒡ (KRG) ᑭᔮᐦ ᐊᓂᑎᐦ ᒫᑭᕕᒃ ᑯᐧᐋᐳᕋᔨᔑᓐ:

  • 8 ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ
  • 3 ᑎᐦᑐ ᐋ ᑰᐧᑳᑎᐧᐋᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ

ᐊᓂᒌ ᑳᑎᕕᒃ ᒋᓴᑎᐸᔨᐦᒋᒑᓯᐅᒡ ᑭᔮᐦ ᒫᑭᕕᒃ ᑯᐧᐋᐳᕋᔨᔑᓐ ᒋᓂᔅᑯᒧᐧᐃᒡ ᒑ ᒌ ᑭᓂᐧᐋᐱᐦᑎᒡ ᐊᓂᔮᔨᐤ ᑰᐧᑳᑎᐧᐋᐤ ᒥᓯᓂᐦᐄᑭᓐ, ᒑ ᒌ ᐧᐃᒋᐦᐄᐧᐋᔨᒡ ᐊᓂᔮᔨᐤ ᐄᐦᑖᐧᐃᓐᐦ ᐊᓂᑎᐦ ᐋᐦᑎᑯᓂᔨᒡ ᓅᓈᕕᒃ ᑭᔮᐦ ᒑ ᒌ ᐱᒋᔅᑎᓂᒥᔨᒡ ᑭᔮᐦ ᐧᐃᔨᐧᐋᐤ ᑯᐧᑳᑎᐧᐋᐤ ᒥᓯᓂᐦᐄᑭᓐ᙮

ᑯᐹᒃ ᐋᐅᐦᒡ ᐱᒥᐲᐦᑖᑭᓂᐧᐃᒡ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᔕᔥ 8᙮12 ᐋ ᐃᔅᐱᓵᒡ ᐅᑎᐦ ᑯᐹᒃ ᐊᔅᒌᐦ᙮

2011

ᑳ ᐧᐃᐦᑖᑭᓂᐧᐃᒡ ᐊᓐ ᐱᓛᓐ ᓅᕐᕪ ᑭᔮᐦ ᐊᓐ ᐱᓛᓐ ᓅᓈᕕᒃ ᒑ ᐧᐋ ᐊᑏᐦᑎᓈᓂᐧᐃᒡ

ᐊᓂᒌ ᑳᑎᕕᒃ ᒋᓴᑎᐹᔨᐦᒋᒑᓯᐤ ᑭᔮᐦ ᒫᒃᕕᒃ ᑰᐧᐋᐳᕃᔨᔑᓐ ᒋᐧᐃᐦᑎᒧᐧᐋᐅᒡ ᑯᐸᒃ ᑎᐹᔨᐦᒋᒑᓯᐤ ᐊᓂᔮᔨᐤ ᑳ ᐃᔑ ᐧᐃᐦᑎᒥᔨᒡ ᐱᓛᓐ ᓅᕐᕪ ᐊᔥᒡ ᑭᔮᐦ ᐊᓂᔮᔨᐤ ᐱᓛᓐ ᓅᓈᕕᒃ᙮ ᐊᓐ ᒫᒃ ᐧᐋ ᐊᑏᐦᑎᓈᓂᐧᐃᒡ ᒋᓅᑯᓐ ᐊᓐ ᒑ ᐃᔑ ᓂᓂᒋᔅᑳᑭᓂᐧᐃᒡ, ᒑ ᐄᑖᔨᐦᑎᒥᐦᐄᐧᐋᒡ ᑭᔮᐦ ᐊᓂᐦᐄ ᒑ ᓂᔅᑖᒥᔅᑖᑭᓂᐧᐃᒡ ᐅᑎᐦ ᐋ ᑭᓂᐧᐋᐱᐦᒫᑭᓂᐧᐃᒡ ᓅᓈᕕᒃ ᐄᔅᒋᒫᐅᒡ 25 ᑎᐦᑐ ᐲᐳᓐᐦ ᐃᔥᐱᔥ ᓂᓈᐦᑭᐤ ᒑᐧᑳᓂᐦᐄ ᐊᑭᓂᐧᐋᐱᐦᑖᑭᓂᐧᐃᒡ: ᒥᔪᐱᒫᑎᓯᐧᐃᓐ, ᐧᐋᔅᑳᐦᐄᑭᓐ ᐋ ᐧᐄᒋᐧᐋᒑᓂᐧᐃᒡ, ᒋᔅᑯᑎᒫᑐᑭᒥᒄ, ᐋ ᒫᓂᑖᐅᓈᓂᐧᐃᒡ, ᐱᑯᓂᒑᐦ᙮ ᐊᓐ ᒫᒃ ᐱᓛᓐ ᓅᓈᕕᒃ ᐊᑯᑎᐦ ᐧᐋᐦᑖᑯᐦᒡ ᐊᓐ ᔕᔥ ᑳ ᐃᔑ ᐧᐃᔨᔅᑖᑭᓂᐧᐃᒡ ᐊᓐ ᐹᕐᓈᓯᒫᐅᑎᒃ ᐧᐋ ᐃᔑ ᐅᐧᐋᑎᔅᑖᑭᓂᐧᐃᒡ᙮ Parnasimautik initiative.

2011-2012

ᐄᐦᑖᐧᐃᓐᐦ ᑳᐱᒋᔅᑎᓂᐦᒡ ᐅᑎ ᐊᔨᒧᐧᐃᓂᐧᐋᐤ ᐊᓂᑎᐦ ᐊᓐ ᒑ ᐃᔑ ᒥᓈᒋᐦᑖᑭᓂᐧᐃᒡ ᐊᔅᒌᐦ ᐅᑎᐦ ᓅᓈᕕᒃ

ᐹᔨᒄ ᒫᒃ ᐊᓐ ᒑᔅᑎᒫᐅᐦᒡ ᐊᓂᑎᐦ ᑳ ᐅᐦᒋᐱᔨᒡ ᐅᑎᐦ ᐆ ᑳ ᓂᓈᔅᑎᐅᓂᑭᓂᐧᐃᒡ ᐊᔨᒧᐧᐃᓐ ᐄᔨᔨᐅᒡ ᑭᔮᐦ ᐄᔅᒋᒫᐤ ᐋ ᐃᔑ ᐊᐱᒋᐦᑖᒡ ᐊᓂᔮᔨᐤ ᐊᔅᒋᔨᐤ, ᑖᓐ ᑳ ᐃᔑ ᐧᐃᒋᐦᐄᑯᒡ ᑭᔮᐦ ᐱᑳᔥᒋᐦᐅᐧᐃᓂᐦᒡ᙮ ᐅᔮᔨᐤ ᑳ ᐃᔑ ᐧᐃᒋᐦᐄᑯᒡ ᐊᑯᑎᐦ ᒑ ᐅᐦᑎᓂᑭᓂᐧᐃᔨᒡ ᒑ ᒌ ᒥᔪᔨᑰᒡ ᐅᑖᐦ ᐃᔑ ᓃᔅᑖᒥᐦᒡ᙮ ᐧᐃᔨᐧᐋᐤ ᔕᔥ ᐧᐋᔅᑭᒡ ᐋ ᒌ ᐸᒋ ᒋᔅᒑᔨᐦᑎᐦᒡ ᐅᑖᐦ ᐃᔑ ᐸᒋ ᐅᑖᐦᒡ, ᐊᓅᐦᒡ ᒫᐧᑳᒡ ᑭᔮᐦ ᒫᒃ ᐧᐃᔨᐧᐋᐤ ᐅᑖᐦ ᐃᔑ ᓂᔅᑖᒥᐦᒡ ᒑ ᐃᔑ ᐊᐱᒋᐦᑖᒡ ᐅᔮᔨᐤ ᐊᔅᒋᔨᐤ, ᐊᓂᒌ ᐄᐦᑖᐧᐃᓐᐦ ᑭᔮᐦ ᒫᒃ ᐊᓂᒌ ᐊᓂᑎᐦ ᐧᐋᐦᒋᔨᒡ ᓅᓈᕕᒃ ᓈᔅᑖᐦ ᒥᔅᑯᐧᐋᔨᐤ ᐊᓂᔮᔨᐤ ᐅᒋᔅᒑᔨᐦᑎᒧᐧᐃᓂᐧᐋᐤ ᐊᓂᔮᔨᐤ ᐋ ᐃᔑ ᓈᑭᑎᐧᐋᔨᐦᑎᐦᒡ ᐅᔮᔨᐤ ᐊᔅᒋᔨᐤ ᑭᔮᐦ ᒫᒃ ᐋ ᐊᓲᒥᔨᐧᐋᒡ ᐊᓂᔮᔨᐤ ᐅᑭᔥᒋᐦᐅᐧᐃᓂᐧᐋᐤ ᑭᔮᐦ ᐊᓂᔮᔨᐤ ᐋ ᐃᔑ ᒋᔅᒑᔨᐦᑎᐦᒡ᙮

ᒫᐤ ᐅᐦᐄ ᒫᒃ ᑳ ᒥᔅᑯᐧᐋᐦᑖᑭᓂᐧᐃᒡ ᐊᓐ ᑳ ᓂᔅᑐᓂᑭᓂᐧᐃᒡ ᐋᔨᒧᐧᐃᓐ ᐊᓂᑎᐦ ᐅᐦᒡ ᐄᐦᑖᐧᐃᓐᐦ:

  • 6 ᐋᐦᑎᓐ ᐊᓂᐦᐄ ᐧᐋᐦᒥᓈᒋᐦᑖᑭᓂᐧᐃᒡ ᐊᔅᒌᐦ ᑭᔮᐦ 3 ᐊᓂᐦᐄ ᐧᑳᐧᑳᑐᐧᐋᓂᐧᐃᒡ ᐆ ᒑ ᒌ ᐃᔑ ᐧᐃᔨᔅᑖᑭᓂᐧᐃᒡ ᐋ ᐧᐃᒥᓈᒋᐦᑖᑭᓂᐧᐃᒡ ᒋᓂᔅᑯᒧᓈᓂᐤ ᐆ ᒑ ᒌ ᐊᐦᑎᓯᓂᐦᐄᑭᓂᐧᐃᒡ ᑭᔮᐦ ᒥᓯᓈᑖᐤ ᐊᓂᑎᐦ ᐊᓐ ᒥᓯᓂᐦᐄᑭᓂᐦᒡ ᕆᒡᔅᑎᕐ ᑎᔅ ᐁᕃᔅ ᐳᕈᑌᒋᔨᔥ:
    • ᕇᔑᕐᕝ ᑎ ᐯᐅᑎᕓᕐᓯᑏ ᑉᕌᒉᑌ ᑎᔨᔥ ᑦᕈᒻᓕᓐᔅ-ᑑ-ᓛᒃ-ᕕᐁᓈ
    • ᕇᔑᕐᕝ ᑎ ᐯᐅᑎᕓᕐᓯᑏ ᐳᕈᒋᑏ ᑌ ᓪ’ᐁᔅᑐᐊᕐ-ᑎᔨᔥ-ᕆᕓᕐᔥ-ᑯᒃᑖᒃ-ᐃᑦ-ᓇᐅᐯᕋᒃᕕᒃ
    • ᕇᔑᕐᕝ ᑎ ᐯᐅᑎᕓᕐᓯᑏ ᐳᕈᒋᑏ ᑑ ᕝᔪᕐᑦ-ᑑᕐᓲᒃᑖᒃ
    • ᕇᔑᕐᕝ ᑎ ᐯᐅᑎᕓᕐᓯᑏ ᐳᕈᒋᑏ ᑎ ᑳᓐᑭᒃᓲᒍᐧᐋᒃ
    • ᕇᔑᕐᕝ ᑎ ᐯᐅᑎᕓᕐᓯᑏ ᑎ ᐳᕈᒋᑏ ᑎ ᐧᑳᒃᑖᒃ-ᑳᓐᑭᕐᓲᒃ
    • ᕇᔑᕐᕝ ᑎ ᐯᐅᑎᕓᕐᓯᑏ ᑎ ᐳᕈᒋᑏ ᑎ ᓛᐦ ᕆᕕᕐ-ᑏᓛᔨᐦ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔥ ᑌᐃᕐ ᐳᕈᒋᑏ ᑑ ᓛᒃ-ᒋᐊᓂᓐ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔥ ᑌᐃᕐ ᐳᕈᒋᑏ ᑎ ᓛᐦ ᕆᕕᕐ-ᒫᕌᓕᒃ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐧᒑᕐᒡ
  • 2 ᒌ ᑰᐧᑳᑖᔨᐦᑖᑭᓂᐅᒡ ᐊᔅᒌᐦ ᐋ ᐧᐃᒥᓈᒋᐦᑖᑭᓂᐧᐃᒡ ᒑ ᒌ ᑎᑖᑭᓂᐅᒡ ᐋᑳ ᓯᑐᔅᑭᐦᒡ ᐊᓂᒌ ᐊᓂᑎᐦ ᐧᐋᐦᒋᔨᒡ ᑭᔮᐦ ᒫᒃ ᐊᓂᒌ ᓈᑳᓂᑖᐦᑎᐦᑎᒡ ᐅᑎᐦ ᓅᓈᕕᒃ ᒋᒥᓯᓂᐦᐄᑭᓂᐤᐦ ᐊᓂᑎᐦ ᐊᓐ ᕆᒡᔅᕐᑦ ᑌᔅ ᐊᐃᕐᔅ ᐳᕉᑎᒌ ᐆ ᑯᐸᒃ:
    • ᕇᔑᕐᕝ ᑎ ᐯᐅᑎᕓᕐᓯᑏ ᐳᕈᒋᑏ ᑎ ᓛᐦ ᕆᕓᕐ-ᕚᐦᐧᐧᓵᓐ
    • ᕇᔑᕐᕝ ᑎ ᐯᐅᑎᕓᕐᓯᑏ ᐳᕈᒋᑏ ᓛᒃ-ᓯᕐᒡᓃ
  • ᐋ ᐆᔅᑳᒡ ᑰᐧᑳᒋᐦᒑᒧᐧᐃᓐ ᒥᓯᓂᐦᐄᑭᓐ ᒋᐱᒋᔅᑎᓂᑭᓄᐦ ᐊᓂᑎᐦ ᐅᐦᒡ ᐋ ᓂᑳᓈᓂᓯᔨᒡ ᐋᐦᑖᒡ᙮ ᐅᐦᐄ ᒫᒃ ᓂᒥ ᐧᐋᐧᐋᐦᒡ ᐹᔨᒄ ᐅᐦᒡ ᓂᔅᑭᐧᐋᔮᔨᐦᑎᒽ ᐊᓐ ᑎᐹᔨᐦᒋᒑᓯᐆᐤ ᑳ ᓈᓈᑭᒋᐦᑖᒡ ᐊᔅᒋᔨᐤ, ᒋᓯᑯᔨᐤ ᐊᓂᑎᐦ ᐊᓐ ᒫᐧᑳᒡ ᑳ ᐊᐱᔅᑎᐦᒃ, ᒥᒄ ᒫᒃ ᐅᐦᐄ ᐧᐋᔥ ᐊᔅᒌᐦ ᔕᔥ ᐧᐋᔥ ᒋ ᒥᓯᓈᑖᐤ ᑭᔮᐦ ᐊᓂᑎᐦ ᔕᔥ ᐋ ᐧᐄ ᒥᓈᒋᐦᑖᑭᓂᐧᐃᒡ ᑳ ᐆ ᐧᐋᑎᔅᑖᑭᓂᐧᐃᒡ
  • ᒋᐦᑎᑯᓐ ᒫᒃ ᓂᔅᑯᒧᐧᐃᓐ ᐊᓂᑎᐦ ᐋ ᒌ ᐅᑎᐦᒋᐱᔨᒡ ᐧᑳᕕᒃ ᓰᐲᐦ ᑭᔮᐦ ᐊᓂᑎᐦ ᐊᓐ ᐋᐦᑎᑯᐦᒡ ᐊᓐ ᓂᐲᐦ ᓵᑭᐦᐄᑭᓐ ᑭᔮᐦ ᐋ ᒌ ᐧᐃᓂᔅᑖᒥᔅᑖᑭᓂᐧᐃᒡ ᐆ ᒑ ᒌ ᐃᔑ ᒥᓈᒋᐦᑖᑭᓂᐧᐃᒡ᙮
From the Protected Area Planning in Nunavik Report, 2013

2012–2014

ᐹᕐᓈᓯᒫᐅᑎᒃ ᐧᐋ ᐃᔑᓈᑯᐦᑖᑭᓂᐧᐃᒡ

The Parnasimautik initiative ᐊᓐ ᒫᒃ ᐹᕐᓈᓯᒫᐅᑎᒃ ᐧᐋ ᐃᔑᓈᑯᐦᑖᑭᓂᐧᐃᒡ ᐋᐅᒄ ᒫᐅᒡ ᑳ ᒥᓵᒡ ᐊᐱᑎᓯᐧᐃᓐ ᑳᐦᑐᑖᑭᓂᐧᐃᒡ ᐊᓂᔅᑐᓂᑭᓂᐧᐃᒡ ᐊᔨᒧᐧᐃᓐ ᐅᑎᐦ ᓅᓈᕕᒃ᙮ ᑳᑐᑖᑭᓂᐧᐃᒡ 2012-2014, ᐅᑎᐦ ᐆ ᑳᐦᑐᑖᑭᓂᐧᐃᒡ ᒑ ᒌ ᐅᐧᐋᔮᔨᐦᑎᒥᐦᐄᐧᐋᒡ ᑖᓐ ᐋ ᐃᔑ ᐧᐋᐱᐦᑖᑭᓂᐧᐃᒡ ᐱᑳᔅᒋᐦᐆᐧᐃᓐ ᒑ ᒌ ᐅᐦᒡ ᒋᐦᒋᐱᔨᒡ ᐄᔅᒋᒫᐤ ᐅᑎ ᐄᑖᑎᓯᐧᐃᓂᐧᐋᐤ, ᑖᓐ ᐋᑎᔅᑳᓈᓯᒡ, ᐅᑎ ᐊᔨᒧᐧᐃᓂᐧᐋᐤ ᑭᔮᐦ ᐊᓂᔮᔨᐤ ᑳ ᐸᒋ ᐃᔑᓈᑯᓂᔨᒡ ᐆ ᐱᒫᑎᓯᐧᐃᓂᐧᐋᐤ ᐊᓂᑎᐦ ᐸᒡ ᐅᑖᐦᒡ᙮ ᐊᔅᒌ, ᐹᔨᑯᑖᐅᓯᐧᐃᓐ, ᐧᐃᔮᔅᑯᓂᒑᐧᐃᓐᐦ, ᐋᐱᑎᓯᐧᐃᓐ ᑭᔮᐦ ᐊᓐ ᐋ ᐃᔑ ᓂᐦᑖᐅᒋᐦᒡ ᐊᔅᒌᐦᒡ ᑭᔮᐦ ᒫᒃ ᒋᔑᒄ ᐃᔮᐱᒡ ᒌ ᐊᔅᑎᓂᑭᓅᐦ ᐊᓂᑎᐦ ᐊᓐ ᐧᐋ ᐃᔑ ᐆᐧᐋᑎᔅᑖᑭᓂᐧᐃᒡ ᐱᓛᓐ ᓅᓈᕕᒃ᙮

2012

ᐋ ᐧᐃᐦᑖᑭᓂᐧᐃᒡ ᐊᓐ ᑳᓂᐧᐋᐱᐦᑖᑭᓂᐧᐃᒡ 20% ᐃᔥᐱᔥ ᐊᔅᒌᐦ ᐅᑎᐦ ᓅᓈᕕᒃ ᒑ ᐧᐃᒥᓈᒋᐦᑖᑭᓂᐧᐃᒡ

ᑯᐹᒃ ᑎᐸᔨᐦᒋᒑᓯᐤ ᒌ ᐧᐃᐦᑎᒽ ᐋ ᓂᔅᑯᐧᐋᔮᔨᐦᑎᐦᒃ ᒑ ᒌ ᐅᑎᐦᑎᐦᐄᑭᓂᐧᐃᔨᒡ ᐅᔮᔨᐤ 20% ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒋᔨᐤ ᐊᓂᑎᐦ ᐱᓛᓐ ᓅᕐᕪ ᐋᐧᒫᔮᐦ 2020᙮ ᐊᓂᒌ ᒫᒃ ᐊᑑᐦᑖᔅᑎᒧᐧᐋᒡ ᓅᓈᕕᒃ ᐊᔨᐅᒄ ᑭᔮᐦ ᐧᐃᔨᐧᐋᐤ ᑳ ᐄᑖᔨᐦᑎᒥᐦᐄᑯᒡ᙮

2013

ᑳ ᐧᐄᔮᔨᒫᑭᓂᐧᐃᒡ ᐊᓂᒌ ᒑ ᒫᒨᐧᐃᔅᑎᐦᒡ ᐊᓂᔮᔨᐤ ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒌᔨᐤ ᐅᑎᐦ ᑯᐹᒃᐦ

ᐊᓂᒌ ᐅᔮᔨᐤ ᑳ ᐃᔑ ᒫᒨᐧᐃᔅᑎᐦᒡ ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒋᔨᐤ (PAWG) ᐊᑯᑎᐦ ᐅᐦᒡ ᑳ ᐅᐦᒡ ᐧᐃᑎᓈᑭᓂᐧᐃᒡ:

  • ᑳᑎᕕᒃ ᒋᓵᑎᐹᔨᐦᒋᒑᓯᐤ (KRG)
  • ᒥᓂᔅᑎᕐ ᑌ ᓖᕕᔨᕐᓐᒣᓐᑦ ᐃ ᑏ ᓛᐦ ᓘᑦ ᐧᑳᓐᑎᕐ ᓕᐁᔅ ᒑᓐᒋᒥᓐᑦᔅ ᑭᓛᔨᒫᑎᒃ (MELCCFP)
  • ᒥᓐᔅᑎᕐ ᑌ ᓕᐁᓐᕐᒌ ᐃ ᑎᔅ ᕇᓲᕐᔥ ᓈᔨᑎᕐᔨᓪ (MERN)
  • ᒥᓐᔅᑎᕐ ᑌᔥ ᕘᕐᑦᔥ, ᑌ ᓛᐦ ᐧᕚᓐ ᐄ ᑎᔥ ᐹᕐᒃᔅ (MFFP)
  • ᐧᓵᓯᔨᑏ ᑑ ᑉᓚᓐ ᐧᓈᕐᑦ (SPN)
  • ᐊ• ᐊᓂᒌ ᒫᒃ ᒫᒃᕕᒃ ᑯᐧᐋᐳᕃᔨᔑᓐ Makivik Corporation ᒌ ᐄᒑᐧᐃᔨᐅᒡ ᐊᓂᑎᐦ ᐅᐦᒡ ᐋ ᒫᒧᐧᐃᔅᑎᒥᔨᒡ 2017 ᐊᓂᑖᐦ ᒌ ᐃᔑ ᐱᒋᔅᑎᓃᓲᒡ ᒑ ᒌ ᒥᔨᐧᐋᔨᒡ ᐊᔨᒧᐧᐃᓂᔨᐤ ᑳ ᒫᒧᐱᔅᑎᒥᔨᒡ ᐃᔑ᙮

ᑳᒋᐦᑖᐱᑎᓯᔨᒡ ᐊᓂᔮᔨᐤ ᒌ ᐊᐱᒋᐦᑖᐅᒡ ᔕᔥ ᐊᓂᔮᔨᐤ ᑳ ᒥᔅᑯᐧᐋᐦᑖᑭᓂᐧᐃᔨᒡ 2011-2012 ᑳ ᓂᔅᑐᓂᑭᓂᐧᐃᔨᒡ ᐊᔨᒧᐧᐃᓂᔨᐤ ᐄᐦᑖᐧᐃᓐ ᑳ ᐊᔨᒥᐦᐄᒫᑭᓂᐧᐃᔨᒡ ᒥᓯᓂᐦᐄᑭᓂᔨᐤ᙮

2016

ᑳ ᒫᒨᓂᑭᓂᐧᐃᒡ ᐊᓂᐦᐄ 40 ᐋᐦᑎᐦᒡ ᐊᔅᒌ ᑳ ᑰᐧᑳᑎᐧᐋᓂᐧᐃᒡ ᒑ ᒌ ᐊᔅᑎᓯᓂᐦᐄᑭᓂᐧᐃᒡ

40 ᑎᐦᑎᓐ ᐊᓂᐦᐄ ᐊᔅᒌ ᑰᐧᑳᑎᐧᐋᐤ ᒥᓯᓂᐦᐄᑭᓐ ᐊᓂᑎᐦ ᑳ ᐅᐦᒋᐱᔨᒡ 2011-2012 ᑳ ᓂᔅᑐᓂᑭᓂᐧᐃᒡ ᐊᔨᒧᐧᐃᓐ᙮ ᐊᓂᒌ ᒫᒃ ᒋᐦᒋᐧᐋ ᐄᑖᐱᑎᓰᓯᐅᒡ ᑳ ᐧᐃᔮᔨᒫᑭᓂᐧᐃᒡ ᐅᔮᔨᐤ ᒑ ᒫᒨᐧᐄᔅᑎᐦᒡ ᑳ ᑭᓂᐧᐋᐱᐦᑎᐦᒡ ᐊᓂᔮᔨᐤ ᑳ ᐧᐃᔮᔨᐦᑎᐦᒡ ᑕᓂᔮᔨᐤ ᐊᓂᔮᐦ ᒑ ᐊᔅᑎᓯᓂᐦᐄᑭᓂᐧᐃᔨᒡ ᑭᔮᐦ ᑕᓂᔮᔨᐤ ᒑ ᓂᔅᑖᒥᔅᑖᓂᐧᐃᔨᒡ᙮

2017

ᑳ ᐅ ᐧᐄᔮᔨᒫᑭᓂᐧᐃᒡ ᐊᓂᒌ ᒑ ᒥᔨᐧᐋᒡ ᐊᔨᒧᐧᐃᓂᔨᐤ ᒑ ᒫᒨᐧᐃᔅᑎᐦᒡ ᑭᔮᐦ ᒑ ᓂᔅᑖᒥᔅᑖᒡ ᒑ ᐊᑏᐦᑎᓈᓂᐧᐃᔨᒡ ᐊᓂᔮᔨᐤ 9 ᑎᐦᑐ ᐋᐦᑎᓂᔨᒡ ᐊᔅᒌ ᑳ ᓂᐦᐋᔨᐦᑖᑭᓂᐧᐃᔨᒡ ᓂᔅᑯᒧᐧᐃᓂᐦᒡ᙮

2017 ᑳ ᐃᑎᔅᑖᒡ ᐊᓂᒌ ᐊᔨᒧᐧᐃᓂᔨᐤ ᑳ ᒫᒨᐧᐃᔅᑎᐦᒡ ᒌ ᐧᐃᑎᓈᑭᓂᐧᐃᒡ ᒑ ᒌ ᐅᔑᐦᑖᒡ ᑰᐧᑳᑎᐧᐋᐧᐃᓐᐦ ᑭᔮᐦ ᒫᒃ ᒑ ᒌ ᒥᔮᒡ ᐊᓂᔮᔨᐤ ᑳ ᐧᐃᔮᔨᒥᐦᒡ ᐅᔮᔨᐤ ᒑ ᒌ ᐃᔑ ᐧᐃᔮᔨᐦᑎᒥᔨᒡ᙮ ᐊᐅᑯᓂᒡ ᐅᒌ ᐅᑎᐦ ᑳ ᐧᐃᔮᔨᒥᐦᒡ ᐊᓂᑎᐦ ᒑ ᒌ ᐅᐦᒋᒡ ᐄᑐᐦᑖᔅᑎᒫᒑᒡ᙮

  • ᑳᑎᕕᒃ ᒋᓵᑎᐹᔨᐦᒋᒑᓯᐤ (KRG)
  • ᒫᑭᕕᒃ ᑰᐧᐋᐳᕌᔨᔑᓐ
  • ᓈᔅᑳᐲᐦ ᐄᔨᔨᐅᒡ ᑳᐧᐋᐧᐋᒋᑭᒫᐦᒡ ᑳ ᐅᐦᒋᒡ
  • ᐄᔨᔨᐤ ᒋᓴᑎᐸᔨᐦᒋᒑᓯᐤ

ᒥᓂᔅᑎᕐ ᑌ ᓖᕕᔨᕐᓐᒣᓐᑦ ᐃ ᑏ ᓛᐦ ᓘᑦ ᐧᑳᓐᑎᕐ ᓕᐁᔅ ᒑᓐᒋᒥᓐᑦᔅ ᑭᓛᔨᒫᑎᒃ (MELCCFP) ᐊᓐ ᒫᒃ ᒑᐧᑳᓐ ᑳ ᐊᑎ ᓂᓂᔅᑖᒥᔅᑖᑭᓂᐧᐃᒡ ᐅᑎᐦ ᐆ ᒑ ᐊᐱᑎᐦᒡ 40 ᐋᐦᑎᐦᒡ ᑰᐧᑳᑎᐧᐋᐤ ᒥᓯᓂᐦᐄᑭᓐ ᔕᔥ ᒌ ᐅᔑᐦᑖᑭᓂᐤ 2017 ᐊᓂᒌ ᐊᓂᑎᐦ PAWG ᑳ ᐧᐃᑎᐱᐦᒑᒧᒡ ᒌ ᐅᔑᐦᑖᐅᒡ ᐅᔮᔨᐤ᙮ ᐊᓂᒌ ᒫᒃ ᑭᔮᐦ ᐊᔨᒧᐧᐃᓂᔨᐤ ᑳ ᒥᔨᐧᐋᐅᒡ ᑳ ᒫᒨᐱᒡ ᒌ ᐅᔑᐦᑖᐅᒡ ᑭᔮᐦ ᒑᐧᑳᔨᐤ ᐊᓂᔮᔨᐤ ᒑ ᐊᐱᒋᐦᑖᑭᓂᐧᐃᔨᒡ ᐅᑎᐦᐃᑎᐧᐃᓂᐧᐋᔨᐤ ᐋ ᐊᔅᑎᓂᑭᓂᐧᐃᔨᒡ ᐊᓂᔮᔨᐤ ᐊᓂᑎᐦ ᐧᐋᐦᒋᔨᒡ ᐄᐦᑖᐧᐃᓂᐦᒡ᙮: ᓂᔅᑎᓐᐦ ᐊᓂᐦᐄ ᐊᐦᔅᑎᓂᑭᓂᐧᐃᒡ: ᐅᑎᐦᑎᐧᐃᓂᐧᐋᐦᒡ, ᐋ ᐃᔑ ᒥᓈᒋᐦᑖᒡ ᑭᔮᐦ ᒫᒃ ᐱᑳᔅᒋᐦᐅᐧᐃᓐ᙮ ᐋᐅᑯᓐᐦ ᐅᐦᐄ ᐄᔮᐱᒋᐦᑖᑭᓂᐧᐃᒡ ᐧᐋ ᐧᐄᔮᔨᐦᑎᒥᐦᐄᐧᐋᐦᒡ ᐊᓂᐦᐄ ᑰᐧᑳᑎᐧᐋᐤ ᒥᓯᓂᐦᐄᑭᓐ ᑕᓐ ᓂᐦᐋᐤ ᒑ ᐃᑎᔅᑳᑑᒡᐦ᙮

ᐆ ᒫᒃ ᐋ ᑭᓂᐧᐋᐱᐦᑖᑭᓂᐧᐃᒡ ᒑ ᐧᐄᐦ ᐊᑏᐦᑑᑖᑭᓂᐧᐃᒡ, ᐊᓂᒌ ᐊᓂᑎᐦ ᑖᐱᔨᐧᐋᐅᓯᒡ ᒋᐱᑯᐦᑖᐅᒡ ᐋ ᓃᑳᓈᔮᔨᐦᑖᑯᓂᔨᒡ ᐋ ᒌ ᐊᔨᒥᔅᑖᑭᓂᐧᐃᔨᒡ ᐊᓐ ᑳ ᐃᔑ ᓂᔅᑯᒧᓈᓂᐧᐃᒡ ᐊᓂᐦᐄ 9 ᐊᐦᑎᐦᒡ ᐊᔅᒌ ᐋ ᐧᐃ ᒥᓈᒋᐦᑖᑭᓂᐧᐃᒡ:

  1. ᕇᔑᕐᕝ ᑎ ᑏᕆᑐᕇ ᐊᐅᔅ ᕕᓐᔅ ᑌᐃᕐ ᐳᕉᒋᑏ ᐃ ᓛᐦ ᕇᕕᑦ-ᐧᐄᓈᑯᓱᐊᒃ
  2. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐊᕐᓅᑦ
  3. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᑐᕐᓲᒎᒃ-ᐧᓅᕐᑦ
  4. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑑᕉᒎᒃ-ᓯᓐᑎᕐ
  5. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑐᕐᓲᒎᒃ-ᓵᕪ
  6. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑳᓂᔨᓐ-ᐄᑐᓐ
  7. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑑ ᒫᕌᔥ-ᒫᕇᑕᔨᒻ
  8. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐧᒑᕐᐦ-ᓅᕐᕪ
  9. ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ-ᒪᕌᓕ

2018

ᐊᓐ ᑳ ᐱᑯᐦᑖᑭᓂᐧᐃᒡ ᒑ ᐃᑎᓯᓈᑖᒡ ᐋ ᐧᐃᒥᓈᒋᐦᑖᑭᓂᐧᐃᒡ

ᒥᒄ ᐧᐋᔨᐱᔥᒋᔥ ᐋ ᒌ ᒋᐱᐦᒋᑖᑭᓂᐧᐃᒡ ᐋ ᒥᔨᐧᐋᓂᐧᐃᒡ ᒥᓯᓂᐦᐄᑭᓐ ᐋ ᓄᑎᓯᓈᓂᐧᐃᒡ ᐊᓂᑎᐦ ᐊᓐ 9 ᐋᐦᑎᐦᑎᐦᒡ ᐊᓂᐦᐄ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᔕᔥ ᒌ ᒋᐦᑖᐱᑎᓐ 2018 ᐊᓐ ᑳ ᐃᔑ ᓂᔅᑯᒧᓈᓂᐧᐃᒡ᙮ ᒥᓐ ᒫᒃ ᐊᓐ ᑰᕕᒃ ᓰᐱ ᒋ ᐱᒋᔅᑎᓲᐧᐋᑖᑭᓂᐧᐃᒡ ᐆ ᒑ ᒌ ᐃᑎᓯᓈᑖᒡ “ᐋ ᑰᐧᑳᑎᐧᐋᓂᐧᐃᒡ ᒑ ᐧᐃᒥᓈᐊᒋᐦᑕᑭᓂᐧᐃᒡ ᐊᓐ ᐊᓂᑎᐦ ᐋᐦᑎᑯᐦᒡ ᓂᐱᐦ”: ᕆᕕᕐ-ᐧᑳᕕᒃ ᐋ ᑰᐧᐧᑳᑎᐧᐋᓂᐧᐃᒡ ᐆ ᒑ ᒌ ᐃᔑ ᐧᐃᔨᔅᑖᑭᓂᐧᐃᒡ”   (ᕇᔑᕐᕝ ᐋᑰᐧᐋᑎᒃ ᐳᕈᒋᑏ ᑏ ᓛᐦ ᕆᕕᕐ-ᐧᑳᕕᒃ )” « Réserve aquatique projetée de la Rivière-Kovik ». (« Réserve aquatique projetée de la Rivière-Kovik »)".

ᕆᕕᔨᕐ-ᒀᕕᒃ - ᐋ ᑰᒀᑎᐙᓂᐎᒡ ᓂᐲᐦᒡ ᐋ ᐃᑎᓯᓂᐦᐄᑭᓂᐎᒡ ᐋ ᐎᐦᒥᓈᒋᐦᑖᑭᓂᐎᒡ © ᑳᐦᕦᕆᓐ ᐱᓈᕐᕪ, KRG

2019

ᑳ ᒥᓯᓂᐦᐆᓲᓈᓂᐧᐃᒡ ᐊᓐ ᐸᔨᒄ ᓂᔅᑯᒧᐧᐃᓐ ᒑ ᐧᐃ ᒥᓈᒋᐦᑖᑭᓂᐧᐃᒡ ᐊᓐ ᑳᒻᑉᕇᔨᓐ ᓵᑭᐦᐄᑭᓐ/ᓈᒋᒑᐹᐤ ᓵᑭᐦᐄᑭᓐ/ᕚᕐᕪ ᒫᑭᓂᓰ (ᐧᐋᔅᑲᐃᑭᓂᔥ) ᐄᐦᑖᐦᒑᐦ ᐊᔅᒌ

ᐅᑎᐦ ᐆ ᐊᔅᒌᐦ ᐊᓐ ᑳ ᐃᔑ ᓂᔅᑯᒧᓈᓂᐧᐃᒡ ᐊᓐ ᓂᔅᑯᒧᐧᐃᓐ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ᙮ ᒑ ᐧᐋᐱᐦᑎᒥᓐ ᐊᓐ ᒥᓯᓂᐦᐄᑭᓐᐦ ᐅᑎᐦ ᐆ ᐋ ᐊᔨᒧᑖᒡ ᐊᑎᑎᐤ ᐧᐄ ᓈᓂᑐᒋᔅᒑᔨᐦᑎᒥᓈᐦ᙮See the fact sheet on this area for more information.

Lac Cambien and Lac Nachicapau Area © Marianne Ricard, KRG

2020

ᒥᓐ ᐊᓅᔅᑭᔅᑖᑭᓂᐧᐃᒡ ᐊᓂᑎᐦ ᐊᓐ ᕆᒋᔅᑎᕐ ᑎᔅ ᐁᕐᔥ ᐳᕉᑎᒌᔥ ᐆ ᑯᐹᒃ ᑭᔮᐦ ᐊᓂᔮᔨᐤ ᑳ ᐃᔑ ᐱᑯᐦᑖᑭᓂᐧᐃᒡ ᐊᓐ 20% ᑳ ᐧᐄ ᐃᔅᐱᓰᐦᑖᑭᓂᐧᐃᒡ

2020, ᒌ ᐅᔅᑳᐤ ᐊᓂᐦᐄ ᑳ ᑭᓂᐧᐋᐱᐦᑖᑭᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ (TRPAPs) ᔕᔥ ᑭᔮᐦ ᒋᐦᒋᐧᐋᐦ ᒌ ᐊᔅᑎᓯᓂᐦᐄᑭᓂᐤ ᐊᓂᑎᐦ ᐊᓐ ᒥᓯᓂᐦᐄᑭᓐ ᕆᒋᔅᑎᕐ ᑎᔅ ᐁᕐᔥ ᐳᕉᑎᒌᔥ ᐆ ᑯᐹᒃ ᐊᔥᒡ ᒫᒃ ᑭᔮᐦ ᐊᓂᐦᐄ ᓄᔓ ᐋ ᒌ ᓄᔅᑭᓯᓂᐦᐄᑭᓂᐧᐃᒡ - ᐊᓂᑎᐦ ᐊᓐ ᒫᕋᓕᒃ ᓰᐲ TRPAP ᑭᔮᐦ ᐊᓐ ᐧᒑᕐᒡ ᓰᐲ TRPAP

ᐊᓐ ᒫᒃ ᑳ ᐃᔑ ᒥᔅᑯᐧᐋᐦᑖᑭᓂᐧᐃᒡ

  • ᐊᓐ ᕆᔑᕐᕝ ᐊᑯᐧᐋᑎᒃ ᐳᕈᒋᑏ ᑎ ᓛ ᕆᕕᕐ-ᐧᑳᕕᒃ ᐊᑯᑎᐦ ᑳ ᒥᓯᓈᑖᒡ ᐊᓂᑎᐦ ᐊᓐ ᒥᓯᓂᐦᐄᑭᓐ 2018᙮
  • 8 ᑎᐦᑐ ᐋ ᐅᔅᑳᒡ ᐊᔅᒌᐦ ᒌ ᑰᐧᑳᑎᐧᐋᓂᐤᐦ:
    • ᕇᔑᕐᕝ ᑎ ᑏᕆᑐᕇ ᐊᐅᔅ ᕕᓐᔅ ᑌᐃᕐ ᐳᕉᒋᑏ ᐃ ᓛᐦ ᕇᕕᑦ-ᐧᐄᓈᑯᓱᐊᒃ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐊᕐᓅᑦ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᑐᕐᓲᒎᒃ-ᐧᓅᕐᑦ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑑᕉᒎᒃ-ᓯᓐᑎᕐ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑐᕐᓲᒎᒃ-ᓵᕪ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑳᓂᔨᓐ-ᐄᑐᓐ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑑ ᒫᕌᔥ-ᒫᕇᑕᔨᒻ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐧᒑᕐᒡ-ᓅᕐᕪ
  • 2 ᒌ ᓄᔅᒋᓂᑭᓂᐤᐦ TRPAP
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ-ᒪᕌᓕ
    • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐧᒑᕐᒡ

ᐊᓐ ᒫᒃ ᐋ ᐧᐃᓂᒫᒋᐦᑖᑭᓂᐧᐃᒡ ᐊᔅᒌ ᐋᐅᐦᒡ ᐱᒥᐲᐦᑖᑭᓂᐧᐃᒡ ᔕᔥ 20᙮59% ᐊᓂᑎᐦ ᐊᓐ ᓅᓈᕕᒃ ᐊᔅᒌᐦᒡ ᐋᐦᑎᑯᐦᒡ᙮

2021

ᒥᓐ ᑳ ᑭᓂᐧᐋᐱᐦᑖᑭᓂᐧᐃᒡ ᐋᓐ ᐧᐃᔨᔓᐧᐋᐧᐃᓐᐦ ᐋ ᐃᔑ ᓈᓈᑭᐦᒋᑖᑭᓂᐧᐃᒡ ᐄᑖᑎᓯᐧᐃᓐ ᐋ ᐧᐃᒥᓈᒋᐦᑖᑭᓂᐧᐃᒡ

ᐃᔅᑯ ᓈᐦ 2021, ᒥᓐ ᑳ ᑭᓂᐧᐋᐱᐦᑖᑭᓂᐧᐃᒡ ᐊᓐ ᐧᐃᔨᔓᐧᐋᐧᐃᓐ ᐋ ᐧᐃ ᒥᓈᒋᐦᑖᑭᓂᐧᐃᒡ ᐊᓐ ᐊᔅᒌ ᐋ ᐃᔑ ᓂᐦᑖᐅᒋᐦᒡ ᑭᔮᐦ ᐊᓐ ᐄᑖᑎᓯᐧᐃᓐᐦ (NHCA), ᐊᓂᑖᐦ ᒫᒃ ᐃᔑ ᓂᔅᑖᒥᐦᒡ ᑯᑎᒃ ᐊᔅᒌᐦ ᒑ ᐊᑯᓂᐦᐄᒑᐱᔨᒡ ᐆ ᒑ ᒌ ᐃᔑ ᓇᑭᑎᐧᐋᔨᐦᑖᑭᓂᐧᐃᒡ, ᓂᒥ ᐱᑯᓂᒑᐦ ᓈᐅᔥ ᑭᑎ ᐱᒥᐱᔨᐤ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ (ᐋ ᑰᐧᑳᑎᐧᐋᓂᐧᐃᒡ)᙮ ᒥᒄ ᒫᒃ ᐃᔮᐱᒡ ᑭᑎ ᒌ ᐃᔑᓈᑯᓐ ᐊᓂᑎᐦ ᐱᑦ ᒑ ᒌ ᐃᑎᓯᓂᐦᐄᑭᓂᐧᐃᒡ ᐧᐋᔨᐱᔥᒋᔥ ᐋᐧᒫᔮᐦ ᐱᑦ ᒋᐦᒋᐧᐋ ᒌ ᐃᑎᓯᓂᐦᐄᑭᓂᐧᐃᒡ ᐊᓐ ᐋ ᐧᐄ ᒥᓈᒋᐦᑖᑭᓂᐧᐃᒡ᙮

2022-2023

ᐊᔨᒧᐎᓐ ᑳᐦ ᓂᔅᑐᓂᑭᓂᐎᒡ-1 ᑳ ᐃᑎᓯᓈᑖᒡ

ᑳᑎᐱᒃ ᑎᐸᔨᐦᒋᒑᓯᐤ ᐎᔨᐙᐤ ᒌᐦ ᓂᑳᓂᐦᑖᑭᐦᑎᒧᒡ (KRG) ᐹᓲᒡ ᐋ ᒌᐦ ᐎᒑᐱᑎᓯᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᐊᓂᑎᐦ ᐅᐦᒋ PAWG, ᓂᔅᑎᒻ ᐊᓐ ᑳᐦᑐᑖᑭᓂᐎᒡ, ᐊᓐ ᒫᒃ ᒥᓐ ᑳᐦᑐᑖᑭᓂᐎᒡ ᓂᔓ ᐊᑎᓯᓈᑖᒡ ᒑ ᒌᐦ ᐎᐦᑎᒧᐙᑭᓂᐎᒡ ᐊᓂᒌ ᓅᓈᕕᒃ ᐄᐦᑖᐎᓐᐦ ᑭᔮᐦ ᐎᔨᐙᐤ ᒑ ᒌᐦ ᐎᐦᑎᐦᒡ ᐅᑎ ᐄᑖᔨᐦᑎᒧᐎᓂᐙᐤ ᑭᔮᐦ ᒑ ᐎᐦᑖᑭᓂᐎᒡ ᒥᒋᓐ ᑖᓐ ᐊᔅᒌᔂᒥᑭᐦᒡ ᐅᑎᐦ ᐆ ᐋ ᐃᔑ ᐆᐙᑎᔅᑖᑭᓂᐐᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᓂᐦᐄ ᐊᔅᒌᐦ, ᑭᔮᐦ ᐊᓐ ᐋ ᐃᔑ ᒋᔅᑎᒫᐅᐦᐙᔨᐦᑖᑯᐦᒡ᙮

2024-᙮᙮᙮

ᑳ ᓂᔅᑐᓂᑭᓂᐎᒡ 2 ᑳ ᐃᑎᓯᓈᑖᒡ

ᒥᓐ ᒫᒃ ᐊᓐ ᓃᔓ ᐋᐦᑎᑯᐦᒡ ᐋ ᓂᔅᑐᓂᑭᓂᐎᒡ ᐊᔨᒧᐐᓐ, ᐊᓂᒌ ᑳᑎᐱᒃ ᒋᔕᑎᐹᔨᐦᒋᒑᓯᐤ ((KRG) ᐎᔨᐙᐤᐦ ᐱᒥᐲᐦᑖᐅᒡ, ᐋ ᐎᒑᐱᑎᓯᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᑳ ᒫᒨᐱᔨᒡ PAWG, ᒋᑭ ᒥᔮᑭᓂᐎᒡ ᐊᓂᒌ ᐄᐦᑖᐎᓐᐦ ᒑ ᒌᐦ ᐱᒋᔅᑎᓂᐦᒡ ᐅᑎ ᐄᑖᔨᐦᑎᒧᐎᓂᐙᐤ ᒑ ᐃᔑ ᑭᓂᐙᔨᐦᑖᑭᓂᐎᔨᒡ ᐅᔮᔨᐤᐦ ᐅᑎᐦ ᒫᓯᓈᑖᔨᒡ ᐊᔅᒌᐦ ᐋ ᐅᐦᒡ ᐱᒥᐲᐦᑖᒃᓂᐎᔨᒡ᙮ ᒋᑭ ᑎᑯᓐ ᑭᔮᐦ ᐋ ᒋᔅᑯᑎᒫᒑᓂᐎᒡ ᐊᓂᐦᐄ ᐊᔅᒌᐦ ᐋ ᒥᓯᓈᑖᒡ ᒑ ᒌ ᒋᐦᒋᓂᐙᒋᐦᑖᑭᓂᐎᒡ ᐊᓂᑎᐦ ᓂᐦᐋᐤ ᒑ ᐱᒥᓯᓈᑖᒡ, ᑭᔮᐦ ᒫᒃ ᑖᓂᑎᐦ ᐊᓐ ᒑ ᒌᐦ ᐋᐱᑎᓯᓈᓅᑯᐱᓈᐦ ᐎᔨᐙᐤ ᐊᓂᒌ ᐃᐦᑖᐎᓂᐦᒡ ᒑ ᒌᐦ ᐎᔮᔨᐦᑎᐦᒡ ᐊᓂᑎᐦ ᐊᓐ ᒑ ᒌᐦ ᑎᑯᐦᒡ ᐊᓐ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ᙮