ᐊᑯᑎᐦ ᐧᐋᐦᑎᓂᑭᓂᐧᐃᒡ ᐧᐋᔪᒡ ᒥᒋᒻ; ᑭᔮᐦ ᐋᓯᑐᔅᑳᑯᒡ; ᐋᐦᒌᐦᑳᓈᑯᐦᐄᑯᒡ ᐊᓂᔮᔨᐤ ᐅᐱᑳᔅᒋᐦᐅᐧᐃᓂᐧᐋᐤ ᐊᑎᔅᑳᓈᓯᒡ ᐋ ᐅᐦᑖᒋᐦᐆᒡ ᐱᑯᑎᔅᑭᒥᒡ; ᐧᐋᐦᒡ ᓄᑯᓂᔨᒡ ᐅᑎ ᐃᔑᓈᑯᓯᐧᐃᓂᐧᐋᐤ; ᐊᑯᑎᐦ ᐧᐋᐦᑎᓂᐦᒡ ᐅᒋᔅᒑᔨᐦᑎᒧᐧᐃᓂᐧᐋᐤᐦ᙮ ᐋ ᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᓈᔥᒡ ᒋᔅᑎᒫᐧᐋᔨᐦᑎᒧᒡ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᐊᓐ ᐊᓂᑎᐦ ᐋ ᐃᔑ ᓂᐦᑖᐅᒋᐦᒡ ᓅᓈᕕᒃ ᑭᔮᐦ ᒫᒃ ᐊᓐ ᐄᑖᑎᓯᐧᐃᓐ ᑳ ᐸᒡ ᐃᔑᓈᑯᐦᒡ᙮ 2020 ᑯᑎᒃ ᒥᓐ ᐊᔅᒌ ᒑ ᐊᔅᑎᓯᓂᐦᐄᑭᓂᐤ ᐊᓂᑎᐦ ᐋᓐ ᐊᒥᓯᓈᑖᒡ ᐅᑎᐦ ᐊᓂᐦᐄ ᐧᐋ ᒥᓈᒋᐦᑖᑭᓂᐧᐃᒡ ᐅᑎᐦ ᑯᐹᑭᐦᒡ [ᒥᒄ ᐋ ᐆᐱᔅᑎᐧᑳᔭᐤ ᐊᔨᒧᐧᐃᓂᐦᒡ ᑎᑯᐦᓐ ᐋᐅᒄ ᐆ ᐊᓯᓂᐦᑳᑖᒡ ᕆᒋᔅᑎᕐ ᑎᔥ ᐊᐃᕐ ᐳᕈᑎᒋᔥ ᐋᐤ ᑯᐸᒃ]᙮ ᒥᓯᐦᑖ ᐊᐦᑎᑯᐦᒡ ᐊᓈᓂᑎᐅᒋᔅᒑᔨᐦᑖᑭᓂᐧᐃᒡ ᑭᔮᐦ ᐋ ᐊᔨᒥᔅᑖᑭᓂᐧᐃᒡ ᐊᑏᐦᑎᓈᓂᐧᐃᒡ ᔕᔥ ᐧᐃᐱᒡ ᑭᑎ ᐱᒥᐲᔨᐤ᙮ (ᐄᔅᒋᒫᐅᒡ, ᓈᔅᑳᐲᐦ ᑭᔮᐦ ᐧᐋᐱᒫᑯᔅᑐ ᐄᔨᔨᐅᒡ) ᓂᑐᒫᑭᓂᐧᐃᒡ ᒑ ᒌ ᐧᐃᒋᐦᐄᐧᐋᒡ ᐅᔮᔨᐤ ᐋᐦᑐᑖᑭᓂᐧᐃᔨᒡ ᒫᐧᑳᒡ ᐱᒥᐲᔨᒑᐦ ᐊᑯᑎᐦ ᑳᐦ ᐅᐦᒡ ᒋᐦᒋᐱᔨᒡ ᒥᓐ ᑯᑎᒃ ᐋ ᐅᔅᑳᒡ ᐊᔅᒌ ᐆ ᒑ ᒌ ᐃᔑ ᓈᑭᑎᐧᐋᔨᑖᑭᓂᐧᐃᒡ ᑭᔮᐦ ᐊᓐ ᐋ ᐃᔅᐱᐦ ᒋᔅᑎᒫᐅᐦᒡ ᑭᔮᐦ ᒫᒃ ᐊᓐ ᒑᓅᑯᐦᒡ ᐊᓐ ᒑᐧᑳᓐ ᐧᐋᐦᒡ ᐆ ᐃᔑ ᑐᑖᑭᓂᐧᐃᒡ ᐅᑎᐦ ᐋ ᐅᐦᒡ ᐱᒥᐲᐦᑖᑭᓂᐧᐃᒡ ᐊᓐ ᐋ ᐃᔑ ᑰᐧᑳᑐᐧᐋᓂᐧᐃᒡ ᑭᔮᐦ ᒫᒃ ᐋ ᐃᔑ ᓄᑯᐦᑖᑭᓂᐧᐃᒡ ᐅᑎᐦ ᑭᓂᐧᐋᐱᐦᑎᒧᐧᐋᑭᓂᐦᒡ᙮.
ᒫᒨ
ᐧᐄᓈᑭᑎᐧᐋᔨᐦᑎᐦᑖᐤ ᓅᓈᕕᒃ ᐊᔅᒌ ᐊᓐ ᐋ ᐃᔑ ᓂᐦᑖᐅᒋᐦᒡ ᑭᔮᐦ ᐄᑖᑎᓯᐧᐃᓐ ᑳ ᐸᒡ ᐃᔑᓈᑯᐦᒡ.
ᕆᕕᕐ-ᐄᓅᒃᓲᐋᒃ-ᐋᒌᐦᑎᐸᓂᓯᓂᐦᐄᑭᓂᐎᒡ ᐊᔅᒌ ᐋ ᐎᐦ ᒥᓈᒋᐦᑖᑭᓂᐎᒡ © ᒥᓛᓃ ᕕᔨᐅᐦᒡ-ᓅᓕᓐ, MELCCFP
ᐅᑎᐦ ᐆ ᐊᔅᒌ ᐊᑯᑎᐦ
ᐧᐋᐦᒡ ᒌ ᐱᒫᑎᓯᓈᓂᐧᐃᒡ᙮
”ᒥᔪᔅᑭᒥᒡ ᐋᐅᒄ ᐙᐦᒋᐦᒡ ᐋᐱᐦᐄᑭᓐ ᐅᑖᐦ ᐃᔑ ᐊᑎᒫᐲᓯᒻ᙮
ᕆᕕᕐ-ᐊᕐᓅᑦ-ᐋᒌᐦᑎᐸᓂᓯᓂᐦᐄᑭᓂᐎᒡ ᐊᔅᒌ ᐋ ᐎᐦ ᒥᓈᒋᐦᑖᑭᓂᐎᒡ © ᒪᕆᐋᓐ ᕆᑳᕐᑦ KRG
ᓅᓈᕕᒃ ᐋ ᐧᐄ ᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᐋ ᐅᐦᒡ ᐱᒥᐲᐦᑖᑭᓂᐧᐃᒡ
ᓅᓈᕕᒃ ᐊᔫᒄ ᐋᔅ ᐱᒋᔅᑎᓂᓲᑦ ᒑ ᒌ ᐅᑎᐦᑖᐦᒃ ᐊᓂᔮᔨᐤ ᐋᑖᔨᑎᐦᒥᐦᐄᑯᑦ ᒑ ᐧᐃᒥᓈᒋᐦᑖᒡ 20% ᐃᔥᐱᔥ ᐊᓂᔮᔨᐤ ᐊᔅᒌᔨᐤ᙮ ᒫᐧᑳᒡ ᒫᒃ ᒥᓯᐧᐋ ᐊᓂᐦᐄ ᐋ ᒫᒧᓂᑭᓂᐧᐃᒡ 29 ᐊᔅᒌ ᐋ ᒫᒨᓂᑭᓂᐧᐃᒡ ᐋ ᐊᔅᑎᒋᐦᑖᑭᓂᐧᐃᒡ ᐋ ᐧᐄᓈᑭᑎᐧᐋᔨᐦᑖᑭᓂᐧᐃᒡ ᐊᓂᑎᐦ ᐧᐋᐦᒡ ᑭᓂᐧᐋᐱᐦᑖᑭᓂᐧᐃᒡ ᐋ ᐅᐦᒡ ᐱᒥᐲᐦᑖᑭᓂᐧᐃᒡ᙮ ᐧᐋᐅᔮᔥ ᒫᒃ ᐊᐧᐃᔅᑖᓰᔅ 100,000km² ᑳᑎᐦᐧᑳᒡ ᐊᔅᒌᐤ ᑎᐱᐦᐄᑭᓐ ᐆ ᐊᔅᒌ ᑭᔮᐦ ᒫᒃ ᐋᑳ ᓰᐧᐋᐳᒡ ᓂᐲᐦ, ᐋᑳ ᐅᐦᒋ ᐅᑎᓂᑭᓂᐧᐃᒡ ᐊᔅᑯ ᒑᐧᑳᓐ ᐊᓂᑎᐦ ᐅᐦᒡ ᐊᔅᒌᐦᒡ (ᐋ ᓄᑎᓯᓈᓂᐧᐃᒡ, ᐋ ᒋᒥᐦᐋᑎᐧᑳᓂᐧᐃᒡ, ᐋ ᐅᔅᑯᑎᒦᐦᒑᓂᐧᐃᒡ)᙮ ᐊᓂᔮᔨᐤ ᐆ ᑭᔅᒋᐦᐅᐧᐃᓂᐧᐋᐤ (ᐅᓵᐦ ᐊᓐ ᐋ ᓂᑐᐦᐆᓈᓂᐧᐃᒡ, ᐋ ᓄᑎᒫᓵᓂᐧᐃᒡ ᑭᔮᐦ ᐋ ᐧᐃᓂᐦᐄᒑᓂᐧᐃᒡ) ᐊᓂᒌ ᐊᓂᑎᐦ ᒫᓯᓈᓲᒡ ᒋᒥᔅ ᐯᐃ ᑭᔮᐦ ᐊᑎᒫᐲᓯᒽ ᑯᐹᒃ ᓂᔅᑯᒥᐧᐃᓂᐦᒡ (JBNQA) ᑭᔮᐦ ᐊᓐ ᐊᑎᒫᐲᓯᒽ ᐧᐋᐱᓅᑖᐦᒡ ᑯᐹᒃ ᓂᔅᑯᒧᐧᐃᓐ (NEQA) ᒑ ᐋᐱᑎᓰᔅᑖᑭᓂᐧᐃᒡ ᑭᔮᐦ ᒑ ᓈᑭᑎᐧᐋᔨᐦᑖᑭᓂᐧᐃᒡ᙮
ᕆᕕᕐ-ᒫᕌᓕᒃ-ᐋᒌᐦᑎᐸᓂᓯᓂᐦᐄᑭᓂᐎᒡ ᐊᔅᒌ ᐋ ᐎᐦ ᒥᓈᒋᐦᑖᑭᓂᐎᒡ © ᐱᓅᐙᐦ ᑎᕎᒻᑉᓚᔨᐦ, MELCCFP
ᒑᐧᑳᓐ ᐊᓐ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌ?
ᐊᓂᑎᐦ ᐋᓐ ᐋ ᐃᔑ ᐧᐃᐦᑖᑯᐦᒡ ᐃᓐᑎᕐᓈᔑᓂᓪ ᔪᓂᔨᓐ ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᒑᐧᑳᓐ ᐊᓃᐦᑖᐅᒋᐦᒡ International Union for Conservation of Nature (IUCN), ᐋ ᐧᐃᓈᑭᑎᐧᐋᔨᐦᑖᑭᓂᐧᐃᒡ ᐊᔅᒌ ᐋᐅᒄ ᐆ “ᒥᒋᓐ ᐋ ᐧᐃᐦᑖᑭᓂᐧᐃᒡ ᐊᓐ ᐊᔅᒌ, ᐋ ᒌᐦᑳᓈᑯᐦᑖᑭᓂᐧᐃᒡ, ᐋ ᓂᔅᑖᒥᔅᑖᑭᓂᐧᐃᒡ ᑭᔮᐦ ᐋ ᐧᐃᔮᐱᐦᑖᑭᓂᐧᐃᒡ ᐊᓐ ᒑ ᐄᔅᐲᐦᑖᑭᓂᐧᐃᒡ ᑯᔨᔅᒄ ᐧᐃᔮᔅᑯᓂᒑᐧᐃᓈᐦᒡ ᑭᔮᐦ ᒫᒃ ᑕᓐ ᐊᓐ ᒥᒄ ᐋᓯᓈᑯᐦᒡ ᒑ ᒌ ᐊᐱᒋᐦᑖᑭᓂᐧᐃᒡ, ᓈᐅᔥ ᒑ ᒌ ᐱᒥᐲᔨᒡ ᐋ ᐧᐄᒥᓈᒋᐦᑖᑭᓂᐧᐃᒡ ᐊᓐ ᐊᓯᓈᑯᐦᒡ ᒑ ᒌ ᐊᐱᒋᐦᑖᑭᓂᐧᐃᒡ ᐆ ᐋ ᐃᔑ ᐱᒥᐲᐦᑖᑭᓂᐧᐃᒡ ᑭᔮᐦ ᒫᒃ ᐊᓐ ᐃᑖᑎᓯᐧᐃᓐ ᐋ ᒋᔅᑖᔨᐦᑖᑯᐦᑖᑭᓂᐧᐃᒡ ᐋ ᐊᔅᑎᓂᑭᓂᐧᐃᒡ”᙮ ᐅᑎᐦ ᓅᓈᕕᒃ, ᐊᓂᔮᔨᐤ ᐅᑎ ᐄᑖᑎᓯᐧᐃᓂᐧᐋᐤ ᓈᔥᒡ ᐊᔅᐹᔨᒧᑎᒧᒡ ᑭᔮᐦ ᒫᒃ ᒌ ᐊᐱᒋᐦᑖᐅᒡ ᐅᔮᔨᐤ ᐋᐅᒄ ᒫᒃ ᐊᔅᑎᓂᑭᓂᐧᐃᒡ ᑭᔮᐦ ᐆ ᐋ ᐆᐧᐋᑖᔨᐦᑎᒥᐦᐄᐧᐋᒡ ᑕᓐ ᐊᓂᐦᐄ ᐊᔅᒌ ᐆ ᒑ ᒌ ᐃᔑ ᑭᓂᐧᐋᐱᐦᑖᑭᓂᐧᐃᒡ ᐋ ᓈᑭᑎᐧᐋᔨᐦᑖᑭᓂᐧᐃᒡ᙮ ᐊᑯᑎᐦ ᑳ ᐊᔅᑎᓂᑭᓂᐧᐃᒡ ᑭᔮᐦ ᐆ ᐋ ᐧᐃ ᐃᔑ ᒥᓈᒋᐦᑖᑭᓂᐧᐃᒡ ᑭᔮᐦ ᒫᒃ ᐆ ᒑ ᒌ ᐃᑎᔅᑖᑭᓂᐧᐃᒡ ᐃᔑ᙮
ᑳ ᓂᔅᑐᓂᑭᓂᐎᒡ ᐊᔨᒧᐎᓐ
ᒥᑯᓵᒋᓯᑭᓐ ᐲᓯᒻ 2020, ᒋ ᐅᔅᑳᐤ ᐊᓂᑎᐦ ᐊᓂᐦᐄ ᑳ ᑭᓂᐙᐱᐦᑖᑭᓂᐎᒡ ᐅᑖᐦ ᓅᓈᕕᒃ ᒑ ᐎᐦ ᐊᔅᑎᓯᓂᐦᐄᑭᓂᐎᒡ ᐊᓂᑎᐦ ᐋ ᒥᓯᓈᑖᒡ ᐊᓂᐦᐄ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᐅᑎᐦ ᑯᐯᒃ ᒑ ᒌᐦ ᐅᑎᐦᑎᐦᐄᑭᓂᐎᒡ ᐊᓐ 20% ᐅᑎᐦ ᓅᓇᕕᒃ᙮ ᐋᒸᔮᐦ ᐅᐦᒡ ᐱᒋᔅᑎᓲᐙᑎᑭᓂᐎᒡ ᐊᓂᐦᐄ ᒋᐦᒋᐙ ᒑ ᐄᑎᓯᓈᑖᒡ ᐋ ᐎᐦ ᒥᓈᒋᐦᑖᑭᓂᐎᒡ, ᐋ ᒥᓵᒡ ᒥᔨᐙᐎᓐ ᐋ ᒋᔅᒑᔨᐦᑖᑯᐦᑖᑭᓂᐎᒡ, ᐋ ᐙᐎᐦᑎᒫᑐᓈᓂᐎᒡ ᑭᔮᐦ ᐋ ᓂᔅᑐᓂᑭᓂᐎᒡ ᐊᓂᑎᐦ ᐅᔅᑭᒡ ᑳᐦ ᐅᐦᒡ ᒋᐦᒋᐱᔨᒡ 2022᙮ ᐅᑎᐦ ᐆ ᑳᐦᑐᑖᑭᓂᐎᒡ ᐊᓂᑎᐦ ᐋ ᒋᐦ ᐅᐦᒋ ᒋᐦᒋᐱᔨᒡ ᐄᐦᑖᐎᓂᐦᒡ ᐋ ᐅᐦᒡ ᓂᔅᑐᓂᑭᓂᐎᒡ ᐊᔨᒧᐎᓐ ᐎᔅᑭᒡ 2011-2012, ᐃᔮᐱᒡ ᐋᐅᒄ ᐆᑎᐦ ᐆ ᐎᐦᒡ ᒑᒀᓐ᙮ ᐊᓐ ᑳᐦ ᓂᑳᓂᐦᑖᑭᐦᑎᒡ ᑳᑎᕕᒃ ᑎᐸᔨᐦᒋᒑᓯᐤ (KRG) ᐹᓲᒡ ᐋ ᒌ ᐎᒋᐦᐄᑯᒡ ᐊᓂᔮᔨᐤ ᑳ ᒥᔨᐙᔨᒡ ᒋᔅᒑᔨᐦᑎᒧᐎᓂᔨᐤ ᑳ ᐊᐱᔅᑎᒥᔨᒡ ᐋᒫᒨᐱᔨᒡ ᐊᓂᑎᐦ ᓅᓈᕕᒃ ᐋ ᐎᐦ ᒥᓈᒋᐦᑖᑭᓂᐎᔨᒡ ᐊᔅᒌᔨᐤ ᑳ ᐊᐱᑎᓰᔅᑎᒥᔨᒡ (PAWG), ᐅᑎᐦ ᐆ ᑳᐦᑐᑖᑭᓂᐎᒡ ᐋ ᓂᔅᑐᓂᑭᓂᐎᒡ ᐊᔨᒧᐎᓐ ᐋᐅᒄ ᑳ ᒋᐦᑳᓈᑯᐦᒡ ᐊᓐ ᒑ ᒌᐦ ᐎᒋᐦᐄᐙᒡ ᐊᓂᒌ ᐙᒋᒡ ᐅᑎᐦ ᓅᓈᕕᒃ ᐋ ᒥᔪᒋᔅᒑᔨᐦᑎᐦᒡ ᑭᔮᐦ ᐊᓂᔮᔨᐤ ᐙᐦ ᒥᓈᒋᐦᑖᑭᓂᐎᔨᒡ ᐊᔅᒌᔨᐤ᙮ ᑭᔮᐦ ᐋᐅᒄ ᐄᔮᐱᒡ ᐙᐦᒋᐱᔨᒡ ᐊᓂᔮᔨᐤ ᐊᔅᐱᐦ ᒋᔅᑖᔨᐦᑎᒡ ᓅᓈᕕᒃ ᐊᔅᒌᔨᐤ ᐙᐦ ᒥᓈᒋᐦᑖᑭᓂᐎᔨᒡ ᐋ ᐅᐦᒡ ᐋᐱᑎᓰᔅᑖᑭᓂᐎᔨᒡ ᑖᓐ ᐋ ᐃᔑ ᓂᑎᐙᔨᐦᑎᐦᒡ ᐊᓂᒌ ᐄᐦᑖᐎᓂᐦᒡ, ᐋ ᐃᔑ ᓂᔅᑖᒥᔅᑖᒡ, ᐋ ᐃᔑ ᐄᔮᔨᒫᔨᐦᑎᒥᐦᐄᑯᒡ ᑭᔮᐦ ᐋ ᐃᔑ ᐱᑯᓵᔨᐦᑎᐦᒡ ᐊᓂᑎᐦ ᐅᔮᔨᐤ ᐊᔅᒌᔨᐤ ᑭᔮᐦ ᒑ ᒌᐦ ᐆᐙᑎᓯᓂᐦᐋᒡ ᐊᓂᔭᔨᐤ ᐋ ᐃᔑ ᐙᐱᐦᑎᐦᒡ ᐙᐦᒋᐱᔨᒡ ᐊᓂᑎᐦ ᐅᔮᔨᐤ ᐋᐦᑐᑖᑭᓂᐎᔨᒡ᙮
ᐋᑯᓕᕕᒃ © ᑎᕕᑦ ᐱᓛᓐᑦ, MU ᑳᐅᓂᔑᓪᔅ
