ᐱᐅᔪᒥᒃ ᐊᕙᑎᖃᕐᑎᓯᒐᓱᓪᓗᓂ ᐊᒻᒪᓗ ᓲᓱᑦᓴᓯᐊᕐᑐᓂᒃ ᐅᖄᖃᑎᒌᓐᓂᖃᕐᑎᓯᒐᓱᓪᓗᓂ Facebook-ᕗᓐᓂ ᐊᒻᒪᓗ ᖃᕆᑕᐅᔭᒃᑯᑦ ᐃᓅᖃᑎᒌᓐᓂᑯᑦ ᐱᑐᑦᓯᒪᕕᑦᑎᓂ ᐃᓘᓐᓈᒍᑦ, ᑐᖕᖓᓇᕐᑐᓂᒃ ᐅᖄᖃᑎᒌᓐᓂᑕᖃᖁᔭᐅᔪᖅ, ᐃᓚᖃᕐᓱᑎᒃ ᐅᑯᓂᖓ:
ᖃᕆᑕᐅᔭᒃᑯᑦ ᐱᐅᓯᑦᓯᐊᖃᕐᓂᒧᑦ ᒪᓕᒉᑦ
ᒪᓕᒉᑦ ᐊᓪᓚᑕᐅᔪᓄᑦ ᓄᐃᑕᕕᑦᑎᓂ: ᖃᕆᑕᐅᔭᒃᑯᑦ ᐱᐅᓯᑦᓯᐊᖃᕐᓂᒧᑦ ᒪᓕᒉᑦ ᐊᑐᕐᑕᐅᒋᐊᓖᑦ!
- ᐅᖃᐅᓯᑦᓯᐊᓂᒃ ᐊᑐᕐᓂᖅ ᐊᓪᓚᑕᐅᔪᓕᒫᓂ ᐊᒻᒪᓗ ᑭᐅᒍᑎᓕᒫᓂ;
- ᓲᓱᒋᓗᒋᑦ ᓇᐅᑐᐃᓐᓇᓄᑦ ᖃᐅᔨᔭᐅᒋᐊᖃᖕᖏᑐᑦ (ᓇᐅᑐᐃᓐᓇᓄᑦ ᖃᐅᔨᔭᐅᒋᐊᖃᖕᖏᑐᓂᒃ ᐊᓪᓚᖃᑦᑕᕈᓐᓀᓗᓂ, ᓇᓗᓀᕐᓯᔪᓂᒃ, ᐅᕝᕙᓘᓐᓃᑦ ᐃᓄᒻᒨᓕᖓᔪᓂᒃ);
- ᐊᖏᔪᓂᒃ ᐊᓪᓚᓂᒃ ᐊᑐᓗᐊᕐᓂᖅ. ᐊᑐᕋᓕᓗᐊᕐᓂᖅ ᐊᖏᔪᓂᒃ ᐊᓪᓚᓂᒃ ᐊᑦᔨᖓ ᙯᒐᓕᔭᕐᓂᐅᑉ!
ᐊᓪᓚᓂᖅ ᓄᐃᑕᑎᑦᓯᕕᑦᑎᓂ:
- ᐅᖄᔭᐅᔪᒥᒃ ᐅᖄᖃᑕᐅᖏᓐᓇᕋᓱᓪᓗᓯ ᓴᖑᑦᑌᓕᓗᓯ;
- ᑖᒃᑯᓂᖓᑦᓭᓇᖅ ᐊᓪᓚᖃᑦᑕᕈᓐᓀᓗᓯ, ᖃᑦᑕᕈᑦᓯ ᐅᐃᕕᓴᕐᓂᒥᒃ ᑐᑭᖃᑦᑎᑕᐅᓚᖓᔪᖅ ᐊᒻᒪᓗ ᕿᐱᓗᑦᑕᐅᓗᓂ;
- ᓲᓱᑦᓴᓯᐊᕐᓗᓯ ᐊᓯᖏᓐᓂᒃ ᐊᑐᕐᑐᓂᒃ, ᐱᓇᓱᑦᑎᑎᓐᓂᒃ, ᐊᒻᒪᓗ ᐱᑦᔪᑎᐅᔪᓂᒃ ᐊᓪᓚᑕᐅᔪᓄᑦ ᐊᒻᒪᓗ ᐊᓪᓚᖁᑎᓄᑦ ᐊᓪᓚᕕᒋᔭᑎᓐᓄᑦ. ᐊᓪᓛᑦ, ᐊᓪᓚᑕᐅᔪᑦ ᓯᖁᒥᑦᓯᔪᑦ ᑐᖕᖓᕕᖏᓐᓂᒃ ᖃᕆᑕᐅᔭᒃᑯᑦ ᐅᖄᖃᑎᒌᑦᓯᐊᓂᕐᒧᑦ ᐲᔭᕐᑕᐅᒍᓐᓇᑐᑦ (ᐆᑦᑑᑎᒋᓗᒍ ᐊᓪᓚᑕᐅᔪᑦ ᐊᖏᔪᓂᒃ ᐊᓪᓚᓂᒃ ᐊᑐᕐᓱᓂ);
- ᐊᓪᓚᒍᑎᖃᑐᐊᕈᕕᑦ ᐃᕐᖃᑐᐃᕕᒃᑰᓂᐅᔪᓂᒃ, ᐃᕐᖃᐅᒪᒋᑦ ᐃᓄᐃᑦ ᐸᓯᔭᑦᓴᐅᔪᕆᔭᐅᖕᖏᒪᑕ ᓱᕐᖁᐃᑕᐅᖕᖏᓂᕐᒥᓂ ᐸᓯᔭᑦᓴᐅᒋᐊᖏᑦ (ᐊᑐᕆᐊᓕᒃ ᐃᒣᓐᓂᐊᖒᕐᓯᓂᕐᒥᒃ ᐅᖃᐅᓯᕐᒥᒃ ᐅᕝᕙᓘᓐᓃᑦ ᐅᖃᐅᓯᕐᓂᒃ ᐅᑯᓂᖓ “ᐱᓂᕐᓗᑐᕕᓂᐅᓂᐊᖕᖒᕆᔭᐅᔪᖅ” ᐅᕝᕙᓘᓐᓃᑦ “ᐸᓯᔭᖅ”);
- ᓄᓇᕕᒻᒥ ᓴᐳᑦᔭᐅᓯᒪᔪᑦ ᓄᓀᑦ ᐱᔪᓐᓇᓂᖃᕐᖁᑦ ᐲᕐᓯᓂᕐᒥᒃ ᐊᓪᓚᓯᒪᔪᓂᒃ ᐃᓗᓕᖃᕐᐸᑕ ᐱᑐᒍᑎᓂᒃ ᖃᕆᑕᐅᔭᒃᑯᑦ ᓄᐃᑕᕕᓐᓄᑦ ᓇᓗᓀᕐᑕᐅᖃᔭᖕᖏᑐᓄᑦ ᐱᓪᓚᕆᐅᓂᖏᓐᓄᑦ ᐅᕝᕙᓘᓐᓃᑦ ᓱᓕᓂᖏᓐᓄᑦ;
- ᐊᓪᓚᑐᕕᓂᐅᒋᐊᖃᕐᑐᑎᑦ ᐊᓪᓚᑕᕕᓂᑎᓐᓂᒃ. ᓯᖁᒥᑦᓯᓂᖅ ᐊᑦᔨᖓᓂᒃ ᓴᓇᒋᐊᖃᖕᖏᓂᐅᑉ ᒪᓕᒐᖓᓂᒃ ᐊᑐᕐᑕᐅᖁᔭᐅᖕᖏᑐᖅ (ᐃᓚᖃᕐᓱᓂ ᐊᑦᔨᓕᐅᕆᓂᕐᒥᒃ ᐊᓯᖏᓐᓂᑦ ᖃᕆᑕᐅᔭᒃᑯᑦ ᓄᐃᑕᕕᓐᓂᑦ ᐱᓯᒪᔪᓂᒃ ᐊᖏᕐᑕᐅᒪᒐᓂ ᐊᒻᒪᓗ ᐅᖃᖕᖏᓗᓂ ᐱᕕᐅᔪᓄᑦ). ᐊᓪᓚᑕᕐᐱᑦ ᐃᓚᖏᑦ ᐊᒥᓲᓂᕐᓭᑦ ᐊᓪᓚᑕᕕᓂᐅᑉᐸᑕ ᐅᕝᕙᓘᓐᓃᑦ ᓴᓇᔭᕕᓂᐅᑉᐸᑕ ᐊᓯᓐᓄᑦ, ᐊᖏᕐᑕᐅᓚᖓᖕᖏᑐᑦ, ᐊᐱᕆᔪᕕᓂᐅᒐᓗᐊᕈᕕᑦ ᐱᕕᒋᔭᕐᓂᒃ;
- ᐊᓪᓚᒋᐊᖃᖕᖏᑐᑎᑦ ᐃᓱᐃᓪᓕᑎᑦᓯᑐᐃᓐᓇᕆᐊᓕᓐᓂᒃ ᓇᐅᑐᐃᓐᓇᒥᒃ ᐃᓄᒻᒥᒃ ᐅᕝᕙᓘᓐᓃᑦ ᐃᓄᓐᓂᒃ, ᐅᕝᕙᓘᓐᓃᑦ ᐊᓪᓚᓗᑎᑦ ᐆᒥᒋᔭᐅᓚᕿᐅᑎᐅᑐᐃᓐᓇᕆᐊᓕᓐᓂᒃ ᐅᕝᕙᓘᓐᓃᑦ ᓲᓱᒋᔭᐅᒍᓐᓀᓗᓂ ᑐᖕᖓᕕᒋᔭᐅᑎᓪᓗᒋᑦ ᓇᑭᖕᖔᓯᒪᓂᖏᑦ, ᓯᕗᓪᓕᕕᓂᖏᑦ, ᑕᐅᑦᑐᖏᑦ, ᐅᑉᐱᓂᖏᑦ, ᐊᖑᑎᐅᓂᖏᑦ/ᐊᕐᓇᐅᓂᖏᑦ, ᐊᕐᓇᒥᒃ ᐊᖑᑎᒥᓪᓘᓃᑦ ᐁᑉᐸᖃᕈᒪᓂᖏᑦ, ᐅᑭᐅᖏᑦ, ᐅᕝᕙᓘᓐᓃᑦ ᑎᒥᒃᑯᑦ ᐃᓱᒪᒃᑯᓘᓐᓃᑦ ᐃᓗᓯᕐᓱᓯᐊᖕᖏᓂᖏᑦ;
- ᐊᓪᓚᑕᕕᓂᑎᑦ ᐲᕐᑕᐅᖃᑦᑕᓚᖓᔪᑦ ᐃᓗᓕᖃᕐᐸᑕ ᓇᓪᓕᑐᐃᓐᓇᖏᓐᓂᒃ ᐅᑯᐊ:
- ᐅᖃᐅᓯᑦᓯᐊᖑᖕᖏᑐᑦ;
- ᐱᖁᔭᒥᒃ ᓯᖁᑦᑎᕆᔪᑦ;
- ᐅᒋᐊᖕᖑᓂᕐᒧᑦ ᐅᖄᓃᑦ;
- ᑲᑉᐱᐊᓵᕆᓃᑦ ᐅᕝᕙᓘᓐᓃᑦ ᐸᕝᕕᓴᕐᓃᑦ;
- ᐃᓅᖃᑎᓐᓂᐊᓃᑦ, ᑲᖕᖑᓵᕆᓃᑦ, ᐅᕝᕙᓘᓐᓃᑦ ᓴᓪᓗᒍᑎᖃᕐᓃᑦ ᐅᖃᐅᓰᑦ;
- ᑲᑉᐱᐊᓵᕆᓂᖅ ᐅᕝᕙᓘᓐᓃᑦ ᐱᓂᕐᓗᑎᑦᓯᒐᓱᓐᓂᖅ;
- ᓱᓕᖕᖏᓂᕃᓃᑦ;
- ᐊᓪᓚᓯᒪᔪᑦ ᐅᑉᐱᓂᖓᓂᒃ ᐊᓯᑦᔩᒐᓱᑦᑐᑦ;
- ᐊᓪᓚᓯᒪᔪᑦ ᐅᕝᕙᓘᓐᓃᑦ ᑭᐅᒪᐅᑎᓃᑦ ᑐᖕᖓᕕᓖᑦ ᓱᓕᖕᖏᑐᓂᒃ ᐅᕝᕙᓘᓐᓃᑦ ᑐᓴᕋᑦᓴᓂᒃ ᓱᓕᖕᖏᑐᓂᒃ.
- ᓲᓱᒋᓗᒋᑦ ᑲᖕᖑᓇᕐᑐᖁᑎᖏᑦ ᐊᓯᑉᐱᑦ ᐃᓚᐅᑎᑦᓯᖏᓐᓂᑯᑦ ᐃᓄᒻᒨᓕᖓᔪᓂᒃ ᑐᑭᓯᒋᐊᕈᑎᓂᒃ (ᐆᑦᑑᑎᒋᓗᒋᒃ ᐅᖄᓚᐅᑎᖓᑕ ᑭᓯᑦᓯᒍᑎᖏᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᓪᓚᑖᕐᕕᖏᑦ) ᐅᕝᕙᓘᓐᓃᑦ ᑲᖕᖑᓇᕐᑐᑦ ᐅᖄᖃᑎᒌᓐᓂᑦ ᐊᓪᓚᑕᑎᓐᓂ;
- ᐃᑉᐱᒍᓱᑦᓯᐊᖃᑦᑕᓗᑎᑦ ᐊᓪᓚᒍᑎᖃᓕᕈᕕᑦ ᐋᓐᓂᑐᕕᓂᕐᓂᒃ ᐅᕝᕙᓘᓐᓃᑦ ᑐᖁᔪᕕᓂᕐᓂᒃ ᐱᓗᐊᕐᑐᒥᒃ ᐱᐊᕃᑦ ᐃᓚᐅᑉᐸᑕ;
- ᐊᓪᓚᑕᑎᑦ ᐃᓕᓐᓅᓕᖓᒋᐊᓖᑦ, ᑮᓇᐅᔭᓕᐅᕋᓱᐊᕈᑎᐅᒍᓐᓀᓗᑎᒃ; ᓄᐃᑦᓯᑌᓕᖃᑦᑕᓗᑎᑦ ᑮᓇᐅᔭᓕᐅᕋᓱᐊᕐᓂᒧᑦ ᖃᐅᔨᔭᐅᑎᑦᓯᒐᓱᐊᕈᑎᓂᒃ.
ᐊᑐᓕᕐᑎᓯᓂᖅ
ᑐᓴᐅᒪᖃᑦᑕᐅᑎᓂᓕᕆᕕᒃ ᐱᔪᓐᓇᓂᖃᕐᖁᖅ, ᓇᒻᒥᓂᖅ ᐃᓱᒪᒥᓪᓗᓂ, ᐊᖏᖕᖏᒋᐊᒥᒃ ᐅᕝᕙᓘᓐᓃᑦ ᓄᕐᖃᖓᑎᑦᓯᓂᕐᒥᒃ ᐊᓪᓚᑕᐅᔪᓂᒃ ᓯᖁᑦᑎᕆᔪᓂᒃ ᑖᒃᑯᓂᖓ ᒪᓕᒐᕐᓂᒃ. ᑖᒃᑯᐊ ᖃᕆᑕᐅᔭᒃᑯᑦ ᐱᐅᓯᑦᓯᐊᖃᕐᓂᒧᑦ ᒪᓕᒉᑦ ᐊᓯᑦᔨᑐᐃᓐᓇᕆᐊᖃᕐᒥᔪᑦ ᖃᐅᔨᑎᑦᓯᒍᑎᐅᒍᓐᓀᓗᑎᒃ.
ᐊᑐᕐᑐᑦ ᐊᓪᓚᑕᖏᑦ
ᓄᓇᕕᒻᒥ ᓴᐳᑦᔭᐅᓯᒪᔪᑦ ᓄᓀᑦ ᐃᑲᔪᕐᑐᖏᓪᓚᑦ ᐅᕝᕙᓘᓐᓃᑦ ᑲᒪᒋᔭᖃᕋᑎᒃ ᓇᐅᑐᐃᓐᓇᓂᒃ ᐊᓪᓚᑕᐅᔪᓂᒃ ᐊᑐᕐᑐᓄᑦ Facebook-ᖓᓂ. ᑭᓇᐅᒻᒪᖔᑦ ᐊᓪᓚᑐᖅ ᖃᐅᔨᔭᐅᑦᑌᓕᑉᐸᑦ ᐊᓪᓚᑕᖏᑦ ᐲᕐᑕᐅᖃᑦᑕᓚᖓᔪᑦ, ᑌᒃᑯᐊᓗ ᓈᒻᒪᓈᕐᑐᕆᔭᐅᖕᖏᑐᑦ.
ᒍᐊᑉᒪᑯᔅᑐᐃ ᒃ © i David Beland, MU ᐯ ᑰᒧᒥᐅᑦ ᐱᓇᓱᐊᕈᑦᔨᔨᑦᓴᔦᑦ
