ᐱᓇᓱᐊᕐᓂᖅ 2: ᑲᔪᓯᔪᖅ
ᐅᖃᓕᒪᖃᑎᒌᓐᓂᖅ ᓈᒻᒪᓈᕐᑐᓂᑦ ᑎᑦᑕᓕᐊᖑᓯᒪᔪᓂᑦ ᐊᒻᒪᓗ ᐱᖕᖑᑎᑕᐅᔪᓂᑦ
ᑲᔪᓯᔪᒥᑦ ᐃᓱᒪᓯᐅᕆᓂᖅ ᐱᑦᔪᑎᒋᓗᒍ ᓄᓇᕕᒻᒥ 20% ᓴᐳᒻᒥᔭᐅᓂᕐᒦᑐᖅ ᓄᓇᖅ ᑐᕌᕐᕕᒋᓗᒍ, ᐱᓇᓱᐊᕐᓂᖅ 2 ᑲᑎᑎᑦᓯᓚᖓᕗᖅ ᓄᓇᓕᓐᓂᑦ ᑭᒡᒐᑐᕐᑎᓂᑦ ᐃᓚᐅᖃᑕᐅᔪᓄᑦ ᓄᓇᐅᑉ ᓴᐳᒻᒥᔭᐅᓂᖓᓄᑦ ᐅᑯᐊ ᑐᕌᒐᒋᔭᐅᔪᑦ :
- ᐅᖃᓕᒪᒍᑎᒋᓗᒋᑦ ᓈᒻᒪᓈᕐᑐᑯᑦ ᑎᑦᑕᓕᐊᕆᔭᐅᓯᒪᔪᑦ ᐊᑐᓂᑦ ᓄᓇᓂᑦ ᓴᐳᒻᒥᔭᐅᓂᕐᒦᑐᓂᑦ :
- ᐅᖃᓕᒪᒍᑎᒋᓗᒍ ᑐᑭᖓ ᓴᐳᒻᒥᔭᐅᓂᕐᒥᑦ ᓄᐃᑦᓯᓂᒃᑯᑦ.
ᑲᑎᒪᒋᐊᖕᖓᑎᑦᓯᒍᑏᑦ
ᓯᑎᒻᐱᕆ 2024 ᐊᒻᒪᓗ ᕕᕗᐊᕆ 2025 ᐊᑯᓐᓂᖓᓂ, ᓄᓇᓕᓐᓂᑦ ᑎᒥᐅᔫᔪᑦ ᐊᒻᒪᓗ ᓂᕈᐊᕐᑕᐅᓯᒪᔪᑦ ᐊᑐᓂ ᓄᓇᓕᓐᓂ ᙯᕐᖁᔭᐅᓯᒪᓛᕐᑐᑦ ᐃᓚᐅᖃᑕᐅᖁᓪᓗᒋᑦ ᑲᑎᒪᒋᐊᖕᖓᑎᑦᓯᒍᑎᒥᑦ ᑐᕌᒐᖃᕐᓗᓂ ᐅᑯᓂᖓ :
- ᑐᓴᕐᑎᓗᒋᑦ ᓴᐳᒻᒥᔭᐅᔪᓂᑦ ᓄᓇᓂᑦ ᓄᓇᕕᒻᒥ :
- ᑐᓴᕐᑎᓗᒋᑦ ᐅᖃᐅᓯᐅᖃᑦᑕᓯᒪᔪᓂᑦ ᐱᓇᓱᒋᐊᖕᖓᓂᖅ 1-ᒥᑦ ᐃᓱᒪᓯᐅᕆᒍᑎᕕᓂᕐᓂᑦ,
- ᑐᑭᓯᑎᓗᒋᑦ ᐱᓇᓱᐊᕐᓂᖅ 2 ᑐᕌᒐᖏᓐᓂᑦ ᖃᓄᐃᓘᕋᓱᐊᕐᓂᖏᓐᓂ ᐊᒻᒪᓗ ᓯᕕᑐᓂᖓᓂᑦ.
- ᐱᒋᐊᕐᑎᓯᓗᑎᑦ ᐱᓇᓱᐊᕐᑕᐅᖁᔭᐅᔪᓂᑦ ᐅᓐᓂᑑᑎᐅᔪᑦ ᒪᓕᓪᓗᒋᑦ ᕿᒥᕐᕈᔭᐅᓂᕐᒦᖁᔭᐅᔪᓄᑦ ᓴᐳᒻᒥᔭᐅᓂᕐᒦᑐᓄᑦ ᓄᓇᓄᑦ ᐃᓚᐅᖃᑕᐅᔪᑦ ᓄᓇᓖᑦ ᓄᓇᑦᑕᖓᓂᑦ ᕿᒥᕐᕈᒋᐊᕐᑐᕋᔭᕐᑎᓗᒋᑦ, ᒪᓕᓪᓗᒋᑦ ᐊᖏᓂᕆᒋᐊᖃᕐᓂᕕᓂᖏᑦ ᓄᓀᑦ.
ᑲᑎᖕᖓᑎᑦᓯᓃᑦ
ᑲᑎᖕᖓᑎᑦᓯᓃᑦ ᑲᑎᑎᑦᓯᖃᑦᑕᓚᖓᕗᑦ ᑭᒡᒐᑐᕐᑎᐅᔪᓂᑦ ᓄᓇᓕᓐᓂᑦ ᐃᓚᐅᖃᑕᐅᔪᓄᑦ ᓴᐳᒻᒥᔭᐅᔨᓂᒻᕐᒥᑦ ᓄᓇᓂᑦ ᑐᕌᒐᒋᓗᒋᑦ ᐅᑯᐊ:
- ᑎᑦᑕᓕᐊᕆᔭᐅᓯᒪᔪᑦ ᓈᒻᒪᓈᑦᓯᐊᒪᖔᑕ ᓱᕐᕋᑕᐅᒋᐊᖃᖕᖏᑐᓕᐊᕆᔭᐅᒪᔪᑦ ᑐᕌᒐᖏᑦ
- ᐅᖄᕈᑎᒋᓗᒋᑦ ᐃᓗᓕᒋᑦ ᐱᖕᖑᑎᑦᓯᓂᐅᑉ ᐊᑐᓂᑦ ᓴᐳᒻᒥᔭᐅᔪᑦᓴᐅᔪᓄᑦ ᓄᓇᓄᑦ
ᑭᒡᒐᑐᕐᑏᑦ, ᑎᓕᔭᐅᓯᒪᔪᑦ ᓄᓇᓕᒻᒥᓄᑦ, ᐃᓚᐅᕕᖃᖃᑦᑕᓚᖓᔪᑦ ᑲᑎᒪᑎᑦᓯᓂᕐᓂᑦ ᐊᑐᓂᑦ ᓄᓇᓕᖏᓐᓂᑦ ᐅᖃᓕᒪᕈᑎᖃᕐᓗᑎᑦ ᓴᐳᒻᒥᔭᐅᓂᕐᒦᑐᓂᑦ ᓄᓇᓕᒻᒥᑕ.
ᐱᓇᓱᐊᕐᓂᖅ 2 ᐃᓗᐊᓂ, ᐊᑐᓂ ᓄᓇᓖᑦ ᑐᖕᖓᓱᑦᑎᑕᐅᓛᕐᒥᔪᑦ ᑐᓂᔨᖁᔭᐅᓗᑎᑦ ᓇᓕᐊ ᓴᐳᒻᒥᔭᐅᔪᑦᓴᖁᑎᒋᔭᐅᔪᖅ ᕿᒥᕐᕈᒋᐊᕐᑐᒐᑦᓴᐅᒪᖔᑦ ᓂᕈᐊᕈᓐᓇᕕᓖᑦ ᓇᓪᓕᐊᓂᑐᐃᓐᓇᖅ.
