ᖃᐅᔨᒪᑎᑦᓯᓂᕐᒥᒃ ᐊᒻᒪᓗ

ᐃᓱᒪᑦᓴᓯᐅᕐᕕᖃᕐᓂᒥᒃ ᐱᓇᓱᓐᓂᖅ ᐱᑦᔪᑎᖃᕐᓱᓂ ᓴᐳᒻᒥᔭᐅᔪᓂᒃ ᓄᓇᖃᕐᓂᒥᒃ ᓄᓇᕕᒻᒥ

ᖁᐊᕐᑕᖅ-ᑲᖏᕐᓱᖅ- ᓄᓇ ᐊᑦᔨᐅᖏᑦᑐᓴᔭᖅ ᑐᓄᕙᕐᑕᐅᓯᒪᔪᑦᓴᓕᐊᖑᒪᔪᖅ © Mélanie Veilleux-Nolin, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓄᑦ ᑐᕐᖃᑕᕐᕕᖓ

2020-ᒥ, ᓄᓇᕕᒻᒥ, ᓄᑖᓂᒃ ᓄᓇᓂᒃ ᐃᓚᔨᓚᐅᔪᔪᑦ ᐊᓪᓚᑕᐅᒪᕕᓐᓄᑦ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ [ᐱᔭᑦᓴᐅᔪᑦ ᐅᐃᒍᐃᑎᑐᑦ ᑭᓯᐊᓂ ᐅᖃᕐᑕᐅᓱᑎᒃ Registre des aires protégées au Québec).

ᖃᓚᑦᓯᔪᑦ ᓄᓇᒥᒃ ᑲᑎᑦᓱᒍ ᐊᖏᓂᓕᒻᒥᒃ 29,800 km². ᑖᒃᑯᐊ ᓄᓇᖏᑦ ᐱᑎᑕᐅᖕᖏᓂᖏᓐᓂ ᐊᑌᓐᓇᓂᐊᕐᑐᒥᒃ ᐊᒻᒪᓗ ᐃᓕᑕᕆᔭᐅᓪᓚᕆᑦᑐᒥᒃ ᓴᐳᒻᒥᔭᐅᒋᐊᖏᑦ ᐃᓕᑕᕐᓯᒪᐅᑎᒥᒃ, ᓱᑌᔭᕐᑐᒥᒃ ᐃᓄᓕᒫᑦ ᖃᐅᔨᒪᑎᑕᐅᓂᖓᓂᒃ ᐊᒻᒪᓗ ᐃᓱᒪᑦᓴᓯᐅᕐᕕᐅᓂᖓᓂᒃ ᐱᓇᓱᑦᑕᐅᔪᖃᕆᐊᓕᒃ ᓄᓇᕕᒻᒥ. ᑖᓐᓇ ᐱᓇᓱᐊᕐᑕᐅᔪᖅ ᑐᖕᖓᕕᖃᓪᓚᕆᑦᑐᖅ ᐃᓱᒪᑦᓴᓯᐅᕐᕕᖃᕐᓂᐅᑉ ᐱᓇᓱᑦᑕᐅᓂᖓᓂᒃ ᐊᑐᕆᐊᓕᒻᒥᒃ ᐸᕐᓇᕈᑎᖃᕐᓂᒧᑦ ᐊᒻᒪᓗ ᐱᖕᖑᑎᑦᓯᓂᕐᒧᑦ ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ, ᑲᔪᓯᑎᑕᐅᓯᒪᔪᒥᒃ ᓄᓇᓖᑦ ᐃᓚᐅᑎᓪᓗᒋᑦ 2011-2012-ᒥ.

ᑕᒪᓐᓇ ᐱᓇᓱᐊᕐᓂᖅ ᓱᓕ ᓯᕗᓕᕐᑕᐅᒥᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG), ᓄᓇᐅᑉ ᐊᑐᕐᑕᐅᓂᖓᓂᒃ ᐸᕐᓇᑎᐅᓂᑯᖓᓄᑦ, ᐱᓇᓱᐊᖃᑎᖃᕐᑎᓗᒍ ᖃᐅᔨᒪᑎᑦᓯᔩᑦ ᑲᑎᒪᔨᖏᓐᓂᒃ ᐃᓕᖓᔪᓂᒃ ᓄᓇᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᐱᓇᓱᖃᑎᒌᓄᑦ (PAWG). ᑕᒪᓐᓇ ᑐᕌᖓᔪᖅ ᓱᕐᖁᐃᓂᕐᒧᑦ ᐃᓘᓐᓇᑎᒃ ᓄᓇᓖᑦ ᓄᓇᕕᒻᒥ ᐊᒻᒪᓗ ᓄᓇᖃᕐᖄᓯᒪᔪᐃᑦ ᖃᐅᔨᒪᑎᑕᐅᓂᖓᓂᒃ ᐊᒻᒪᓗ ᓂᐱᖃᕐᓂᖓᓂᒃ ᐱᓇᓱᐊᕈᑕᐅᔪᒥ ᑐᕌᕈᑕᐅᓯᒪᔪᒥ ᐅᓪᓗᒥ ᐅᓕᕐᓀᓯᒪᐅᑎᖏᓐᓄᑦ ᓴᐳᒻᒥᔭᐅᓂᓖᑦ ᓄᓀᑦ ᐱᑐᑦᓯᒪᐅᑎᔪᑦ, ᖃᓄᖅ ᒥᑦᓯᖃᕈᑎᖏᓐᓄᑦ, ᐊᒻᒪᓗ ᐆᑦᑑᑎᑦᓯᐊᖑᓂᖓᓄᑦ. ᐃᓱᓪᓕᐹᖓᓂ, ᐱᔪᒪᔭᖏᑦ ᓄᓇᕕᒻᒥ ᓄᓇᓖᑦ ᐊᒻᒪᓗ ᓄᓇᕐᔪᐊᑦ ᓯᕗᓂᑦᓴᐅᖁᑦᓱᒋᑦ ᐊᑐᓂ ᓴᐳᒻᒥᔭᐅᔪᓂ ᓄᓇᓂ ᕿᒥᕐᕈᔭᐅᓚᖓᔪᑦ, ᐊᒻᒪᓗ ᖃᓄᖅ ᓱᕐᖁᐃᑐᓕᐅᕋᔭᕐᓂᖅ ᐱᕙᓪᓕᐊᓂᕐᒥᒃ ᐊᒻᒪᓗ ᖃᓄᐃᖕᖏᓯᐊᕐᓂᒥᒃ ᐱᑐᑦᓯᒪᐅᑎᔪᓄᑦ.

ᓇᓪᓕᖏᑦ ᓴᐳᒻᒥᔭᐅᔪᑦ ᓄᓀᑦ ᐃᓚᐅᕙᑦ?

ᑫᒥᑕᐅᓯᒪᔪᑦ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑏᑦ ᐊᒻᒪᓗ ᑫᒥᑕᐅᓯᒪᔪᑦ ᐃᒪᕐᒥᐅᑕᓂᒃ ᖁᒥᐅᑏᑦ

ᓄᓇᕕᒻᒥ, 8 ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑏᑦ ᐊᒻᒪᓗ ᐃᒪᕐᒥᐅᑕᓂᒃ ᖁᒥᐅᑏᑦ ᐱᑎᑕᐅᓯᒪᔪᑦ “ᑫᒥᑕᐅᓯᒪᔪᑦ” ᐃᓕᑕᕆᔭᐅᓂᖓᓂᒃ, ᐃᓚᐅᒐᓗᐊᕐᓱᑎᒃ ᓄᐃᑕᒌᕐᑐᓄᑦ ᐱᑐᑦᓯᒪᐅᑎᔪᓄᑦ ᓴᐳᒻᒥᔭᐅᔪᑦ ᓄᓇᖏᓐᓄᑦ ᐊᒻᒪᓗ ᐊᓪᓚᑕᐅᓯᒪᒐᓗᐊᕐᓱᑎᒃ ᐊᓪᓚᕕᒻᒥ ᓴᐳᒻᒥᔭᐅᔪᓂᒃ ᓄᓇᓂᒃ ᑯᐯᒻᒥ. ᑕᒪᓐᓇ ᒫᓐᓇᓯᐅᑎᐅᑦᓱᓂ ᐃᓕᑕᕐᓯᒪᐅᑎ, ᐊᑐᓕᕐᑐᖅ ᐊᒥᓱᒐᓚᓐᓂ ᐊᕐᕌᒍᓂ, ᓄᐃᑕᑎᑦᓯᔪᖅ ᐱᕙᓪᓕᐊᔭᐅᓂᒐᑕ ᑲᔪᓯᓕᕐᓂᖓᓂᒃ. ᐃᓱᓪᓕᐹᖓᓂ, ᓴᐳᒻᒥᔭᐅᒍᑎᓖᑦ ᓄᓇᖏᑦ ᐊᑦᑐᐊᔭᐅᔪᑦ ᐱᑎᑕᐅᓛᕐᑐᑦ ᐃᓕᑕᕆᔭᐅᓂᓪᓚᕆᒻᒥᒃ ᐊᑌᓐᓇᓂᐊᓕᕐᑐᒥᒃ ᐃᓕᖓᔪᒥᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᓄᑦ ᐅᕝᕙᓗᓘᓐᓃᑦ ᐃᒪᕐᒥᐅᑕᓂᒃ ᖁᒥᐅᑎᓄᑦ

ᓄᓇᖁᑎᒥ ᖁᒥᐅᑏᑦ ᐱᑦᔪᑎᓖᑦ ᓴᐳᒻᒥᔭᐅᔪᒥᒃ ᓄᓇᖃᕐᓂᒥᒃ

ᓄᓇᕕᐅᑉ ᓴᐳᒻᒥᔭᐅᔪᓂᒃ ᓄᓇᓂᒃ ᐱᑐᑦᓯᒪᐅᑎᔪᖃᕐᓂᖓ ᖃᒻᒥᑯᑦ ᐱᕙᓪᓕᕆᐊᕐᑕᐅᓚᐅᔪᔪᖅ ᐃᓚᒋᐊᕐᑕᐅᓱᓂ 8-ᓂᒃ ᓄᑖᓂᒃ ᓄᓇᖁᑎᒥ ᖁᒥᐅᑎᓂᒃ ᐱᑦᔪᑎᓕᓐᓂᒃ ᓴᐳᒻᒥᔭᐅᔪᓂᒃ ᓄᓇᖃᕐᓂᒥᒃ (TRPAP-ᓂᒃ) ᐊᒻᒪᓗ 2-ᓂᒃ ᓄᐃᑕᓕᕐᑑᒃ ᐊᖏᓕᒋᐊᕐᑕᐅᓂᖏᓐᓂᒃ. ᐊᑕᐅᓯᕐᒥᒃ TRPAP-ᒥᒃ ᓇᓗᓀᕐᑕᐅᔪᖃᕐᓯᒪᒻᒥᔪᖅ 2020-ᒥ ᓄᑖᓂᒃ ᐅᓐᓂᓯᐅᕈᑎᖃᓚᐅᕐᑎᓇᒋᑦ. ᑖᓐᓇ ᐃᓕᑕᕐᓯᒪᐅᑎ ᐱᕕᖃᕐᑎᓯᔪᖅ ᒫᓐᓇᐅᓂᖓᓂ ᓄᕐᖃᖓᑎᑦᓯᓂᕐᒥᒃ ᐊᖏᕈᑎᓂᒃ ᐅᔭᕋᓐᓂᐊᕕᓐᓂᒃ ᐃᓐᓄᐃᒍᑎᓂᒃ ᐊᒻᒪᓗ ᖃᓄᐃᑐᐃᓐᓇᖅ ᐱᔪᓐᓇᑎᑦᓯᒍᑎᓂᒃ ᐊᑦᑐᐊᔪᓂᒃ ᐅᔭᕋᓐᓂᐊᕋᑦᓴᓂᒃ ᕿᓂᕐᓂᒧᑦ, ᐊᒻᒪᓗ ᓇᐅᑐᐃᓐᓇᓂᒃ ᐃᑯᒪᐅᑎᑦᓴᓂᒃ ᓇᐹᕐᑐᓂᐊᕐᓂᒥᓪᓘᓃᑦ ᐱᕙᓪᓕᐊᒍᑏᑦ ᐱᓇᓱᑦᑕᐅᒍᑎᖏᓐᓂᒃ. ᑐᕌᕐᑕᐅᔪᖅ ᐃᓕᖓᔪᖅ ᑖᒃᑯᐊᓕᒫᑦ TRPAP-ᖑᔪᑦ ᐱᑎᑕᐅᓂᖓᓄᑦ ᐊᑌᓐᓇᑐᒥᒃ ᐊᑦᔨᒌᖕᖏᑐᓂᒃ ᐆᒪᔪᖃᕐᕕᓂᒃ ᖁᒥᐅᑎᒧᑦ ᐃᓕᑕᕐᓇᐅᑎᒥᒃ.

ᑕᑯᓐᓇᓗᒍ ᓄᓇᒻᒥ ᐱᑐᑦᓯᒪᒍᑎᖅ

ᒪᕐᕋᓕᐅᑉ ᑰᖓ - -ᓄᓇ ᑐᓄᕙᕐᑕᐅᒪᔪᖅ ᓱᒃᑯᑕᐅᑎᑕᐅᑦᑌᓕᔪᑦᓴᔭᐅᑦᓱᓂ ©, Mélanie Veilleux-Nolin, ᑯᐯᒃᑯᑦ ᐊᕙᑎᓕᕆᔨᒃᑯᖏᑦᑕ ᓯᓚᐅᓪᓗ

”ᑕᒪᓐᓇ ᐃᓚᒋᔭᐅᔪᖅ ᐃᓗᕐᖁᓯᑦᑎᓂᒃ ᐅᑎᕐᑎᓯᓂᕐᒧᑦ. ᐱᒻᒪᕆᐅᕗᖅ ᐱᐊᕋᑦᑎᓄᑦ ᖃᐅᔨᒪᑉᐸᑕ ᓱᓀᑦ ᐱᒻᒪᕆᐅᓯᒪᓂᖏᓐᓂᒃ ᐅᕙᑦᑎᓄᑦ

ᑲᐅᒐᐅᒐᑦᓯᑲᒪᒃ © David Beland, MU ᐯ ᑰᒧᒥᐅᑦ ᐱᓇᓱᐊᕈᑦᔨᔨᑦᓴᔦᑦ

2022-2023

ᐱᓇᓱᐊᕐᓂᖅ 1

ᓯᕗᓕᕐᑕᐅᓱᓂ ᑲᑎᕕᒃ ᓄᓇᓕᓕᒫᑉ ᑲᕙᒪᖓᓄᑦ (KRG) ᐱᓇᓱᐊᖃᑎᖃᑦᓯᐊᓱᓂ ᐊᔪᖀᒋᐊᕐᑏᑦ ᑲᑎᒪᓂᔨᖏᓐᓂᒃ ᓄᓇᕕᒻᒥ ᓴᐳᒻᒥᓂᕐᒧᑦ ᓄᓀᑦ ᐱᓇᓱᐊᖃᑎᒌᑦᑐᑯᖏᓐᓄᑦ, ᑖᓐᓇ ᓯᕗᓪᓕᐹᖅ ᐱᓇᓱᐊᕐᓂᐅᔪᖅ ᑕᕝᕙᓂ ᐱᓂᐊᕐᓂᐊᔪᒥ, ᑭᖑᓪᓕᖃᓛᕐᒥᓱᓂ ᑐᖓᓕᐊᓂᒃ ᐱᓇᓱᐊᕐᓂᐅᔪᒥᒃ, ᐃᓂᓪᓚᑎᕐᑕᐅᓚᐅᔪᖅ ᑐᓴᐅᒪᑎᑦᓯᓂᐅᒐᔭᕐᓱᓂ ᓄᓇᕕᐅᑉ ᓄᓇᓕᖏᓐᓂ ᐱᕕᑦᓴᖃᕐᑎᓯᓗᓂᓗ ᐃᓱᒪᒋᔭᒥᓂ ᐅᖄᒍᓐᓇᓯᓂᕐᒥᒃ ᑕᒪᑦᓱᒧᖕᖓᓕᖓᔪᒥᒃ ᑎᑭᐅᑎᒍᑎᐅᓚᕿᑦᓱᓂ ᑐᑭᒋᔭᖓᑕ ᒫᓐᓇᐅᓕᕐᑑᑉ ᐱᑐᑦᓯᒪᖃᑎᒌᓐᓂᐅᔫᑉ ᓴᐳᒻᒥᔭᐅᓂᖏᑦᑕ ᓄᓀᑦ, ᐊᒻᒪᓗᒋᐊᓪᓚᒃ ᐱᒻᒪᕆᐅᓂᖓᓄᑦ.

ᑕᑯᓐᓇᓗᒋᑦ ᐱᓇᓱᐊᕐᓂᖅ 1 ᑐᑭᓯᓇᕐᑎᓯᒍᑎᖏᑦ

2024-...

ᐱᓇᓱᐊᕐᓂᖅ 2

ᑐᖓᓕᐊ ᖃᓄᐃᓘᕐᓂᐅᑉ ᐃᓱᒪᓯᐅᕆᓂᒃᑯᑦ, ᑲᔪᓯᑎᑕᐅᔪᕕᓂᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG) ᐱᓇᓱᐊᖃᑎᒋᑦᓱᒋᑦ ᐊᔪᖀᒋᐊᕐᑏᑦ ᑲᑎᖕᖓᔨᖏᓪᓗ PAWG-ᑯᓗ, ᐊᑐᐃᓐᓇᐅᑎᑦᓯᓚᖓᕗᖅ ᓄᓇᓕᒻᒥᑦ ᐱᓯᒪᔪᓂᑦ ᐱᐅᓯᐅᒥᒋᐊᒍᑎᑦᓴᓂᑦ ᓴᐳᒻᒥᔭᐅᔪᐃᑦ ᓄᓇᖏᓐᓂᑦ. ᑲᑎᒪᓂᐊᕈᓯᕐᑎᒍᑦ ᓄᓇᖕᖑᐊᓂᑦ ᑕᑯᓐᓇᑎᓗᒋᑦ ᓇᓗᓀᕐᓯᖃᑦᑕᓂᐊᕐᒪᑕ ᓈᒻᒪᓈᕐᒪᖔᑕ ᑎᑦᑕᓕᐊᕆᔭᐅᓯᒪᔪᑦ, ᐃᓚᐅᑎᓪᓗᒋᑦ ᕿᒥᕐᕈᓂᖅ ᓄᓇᓕᐅᑉ ᐃᓱᒪᒋᔭᖏᑦ ᑎᒍᓚᓗᒋᑦ ᑕᒪᓐᓇ ᓴᕐᕿᑕᐅᕙᓪᓕᐊᓂᖓᒍᑦ ᓴᐳᒻᒥᔭᐅᔪᑦᓭᑦ ᓄᓀᑦ ᐱᓪᓗᒋᑦ.

ᑕᑯᓐᓇᓗᒋᑦ ᐱᓂᐊᕐᓂᖅ 2 ᑐᑭᓯᕐᑎᓯᒍᑎᖏᑦ

”ᓯᕗᓪᓕᕕᓂᕗᑦ ᐃᓘᓐᓇᑎᒃ ᑖᑦᓱᒥᖓ ᑰᒻᒥᒃ ᐊᑐᕆᐊᖃᕐᓯᒪᔪᑦ ᐃᓅᓂᐊᕋᒥᒃ, ᐅᕙᒍᓪᓗ ᑌᒣᒻᒥᓱᑕ. ᑖᒃᑯᓂᖓ ᓄᓇᓂᒃ ᓴᐳᒻᒥᒋᐊᖃᕐᑐᒍᑦ ᐱᕙᓪᓕᐊᕕᐅᑎᑦᑌᓕᓗᒋᑦ ᓴᓗᒣᓪᓕᑕᐅᑎᑦᑌᓕᓗᒋᓪᓗ.