ᐋ ᑭᓂᐙᐱᐦᑖᑭᓂᐎᒡ ᒥᓯᐙ ᐊᓐ ᒑ ᐊᑏᐦᑐᑖᑭᓂᐎᒡ

The Parnasimautik initiative ᐊᓐ ᒫᒃ ᐹᕐᓈᓯᒫᐅᑎᒃ ᐧᐋ ᐃᔑᓈᑯᐦᑖᑭᓂᐧᐃᒡ ᐋᐅᒄ ᒫᐅᒡ ᑳ ᒥᓵᒡ ᐊᐱᑎᓯᐧᐃᓐ ᑳᐦᑐᑖᑭᓂᐧᐃᒡ ᐊᓂᔅᑐᓂᑭᓂᐧᐃᒡ ᐊᔨᒧᐧᐃᓐ ᐅᑎᐦ ᓅᓈᕕᒃ᙮ ᑳᑐᑖᑭᓂᐧᐃᒡ 2012-2014, ᐅᑎᐦ ᐆ ᑳᐦᑐᑖᑭᓂᐧᐃᒡ ᒑ ᒌ ᐅᐧᐋᔮᔨᐦᑎᒥᐦᐄᐧᐋᒡ ᑖᓐ ᐋ ᐃᔑ ᐧᐋᐱᐦᑖᑭᓂᐧᐃᒡ ᐱᑳᔅᒋᐦᐆᐧᐃᓐ ᒑ ᒌ ᐅᐦᒡ ᒋᐦᒋᐱᔨᒡ ᐄᔅᒋᒫᐤ ᐅᑎ ᐄᑖᑎᓯᐧᐃᓂᐧᐋᐤ, ᑖᓐ ᐋᑎᔅᑳᓈᓯᒡ, ᐅᑎ ᐊᔨᒧᐧᐃᓂᐧᐋᐤ ᑭᔮᐦ ᐊᓂᔮᔨᐤ ᑳ ᐸᒋ ᐃᔑᓈᑯᓂᔨᒡ ᐆ ᐱᒫᑎᓯᐧᐃᓂᐧᐋᐤ ᐊᓂᑎᐦ ᐸᒡ ᐅᑖᐦᒡ᙮ ᐊᔅᒌ, ᐹᔨᑯᑖᐅᓯᐧᐃᓐ, ᐧᐃᔮᔅᑯᓂᒑᐧᐃᓐᐦ, ᐋᐱᑎᓯᐧᐃᓐ ᑭᔮᐦ ᐊᓐ ᐋ ᐃᔑ ᓂᐦᑖᐅᒋᐦᒡ ᐊᔅᒌᐦᒡ ᑭᔮᐦ ᒫᒃ ᒋᔑᒄ ᐃᔮᐱᒡ ᒌ ᐊᔅᑎᓂᑭᓅᐦ ᐊᓂᑎᐦ ᐊᓐ ᐧᐋ ᐃᔑ ᐆᐧᐋᑎᔅᑖᑭᓂᐧᐃᒡ ᐱᓛᓐ ᓅᓈᕕᒃ᙮

ᑯᐹᒃ ᑎᐸᔨᐦᒋᒑᓯᐤ ᒌ ᐧᐃᐦᑎᒽ ᐋ ᓂᔅᑯᐧᐋᔮᔨᐦᑎᐦᒃ ᒑ ᒌ ᐅᑎᐦᑎᐦᐄᑭᓂᐧᐃᔨᒡ ᐅᔮᔨᐤ 20% ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒋᔨᐤ ᐊᓂᑎᐦ ᐱᓛᓐ ᓅᕐᕪ ᐋᐧᒫᔮᐦ 2020᙮ ᐊᓂᒌ ᒫᒃ ᐊᑑᐦᑖᔅᑎᒧᐧᐋᒡ ᓅᓈᕕᒃ ᐊᔨᐅᒄ ᑭᔮᐦ ᐧᐃᔨᐧᐋᐤ ᑳ ᐄᑖᔨᐦᑎᒥᐦᐄᑯᒡ᙮

ᐊᓂᒌ ᐅᔮᔨᐤ ᑳ ᐃᔑ ᒫᒨᐧᐃᔅᑎᐦᒡ ᐋ ᐧᐃᒥᓈᒋᐦᑖᑭᓂᐧᐃᔨᒡ ᐊᔅᒋᔨᐤ (PAWG) ᐊᑯᑎᐦ ᐅᐦᒡ ᑳ ᐅᐦᒡ ᐧᐃᑎᓈᑭᓂᐧᐃᒡ:

• ᑳᑎᕕᒃ ᒋᓵᑎᐹᔨᐦᒋᒑᓯᐤ (KRG)
• ᒥᓂᔅᑎᕐ ᑌ ᓖᕕᔨᕐᓐᒣᓐᑦ ᐃ ᑏ ᓛᐦ ᓘᑦ ᐧᑳᓐᑎᕐ ᓕᐁᔅ ᒑᓐᒋᒥᓐᑦᔅ ᑭᓛᔨᒫᑎᒃ (MELCCFP)
• ᒥᓐᔅᑎᕐ ᑌ ᓕᐁᓐᕐᒌ ᐃ ᑎᔅ ᕇᓲᕐᔥ ᓈᔨᑎᕐᔨᓪ (MERN)
• ᒥᓐᔅᑎᕐ ᑌᔥ ᕘᕐᑦᔥ, ᑌ ᓛᐦ ᐧᕚᓐ ᐄ ᑎᔥ ᐹᕐᒃᔅ (MFFP)
• ᐧᓵᓯᔨᑏ ᑑ ᑉᓚᓐ ᐧᓈᕐᑦ (SPN)
• ᐊ• ᐊᓂᒌ ᒫᒃ ᒫᒃᕕᒃ ᑯᐧᐋᐳᕃᔨᔑᓐ Makivik Corporation ᒌ ᐄᒑᐧᐃᔨᐅᒡ ᐊᓂᑎᐦ ᐅᐦᒡ ᐋ ᒫᒧᐧᐃᔅᑎᒥᔨᒡ 2017 ᐊᓂᑖᐦ ᒌ ᐃᔑ ᐱᒋᔅᑎᓃᓲᒡ ᒑ ᒌ ᒥᔨᐧᐋᔨᒡ ᐊᔨᒧᐧᐃᓂᔨᐤ ᑳ ᒫᒧᐱᔅᑎᒥᔨᒡ ᐃᔑ᙮

ᑳᒋᐦᑖᐱᑎᓯᔨᒡ ᐊᓂᔮᔨᐤ ᒌ ᐊᐱᒋᐦᑖᐅᒡ ᔕᔥ ᐊᓂᔮᔨᐤ ᑳ ᒥᔅᑯᐧᐋᐦᑖᑭᓂᐧᐃᔨᒡ 2011-2012 ᑳ ᓂᔅᑐᓂᑭᓂᐧᐃᔨᒡ ᐊᔨᒧᐧᐃᓂᔨᐤ ᐄᐦᑖᐧᐃᓐ ᑳ ᐊᔨᒥᐦᐄᒫᑭᓂᐧᐃᔨᒡ ᒥᓯᓂᐦᐄᑭᓂᔨᐤ᙮

40 ᑎᐦᑎᓐ ᐊᓂᐦᐄ ᐊᔅᒌ ᑰᐧᑳᑎᐧᐋᐤ ᒥᓯᓂᐦᐄᑭᓐ ᐊᓂᑎᐦ ᑳ ᐅᐦᒋᐱᔨᒡ 2011-2012 ᑳ ᓂᔅᑐᓂᑭᓂᐧᐃᒡ ᐊᔨᒧᐧᐃᓐ᙮ ᐊᓂᒌ ᒫᒃ ᒋᐦᒋᐧᐋ ᐄᑖᐱᑎᓰᓯᐅᒡ ᑳ ᐧᐃᔮᔨᒫᑭᓂᐧᐃᒡ ᐅᔮᔨᐤ ᒑ ᒫᒨᐧᐄᔅᑎᐦᒡ ᑳ ᑭᓂᐧᐋᐱᐦᑎᐦᒡ ᐊᓂᔮᔨᐤ ᑳ ᐧᐃᔮᔨᐦᑎᐦᒡ ᑕᓂᔮᔨᐤ ᐊᓂᔮᐦ ᒑ ᐊᔅᑎᓯᓂᐦᐄᑭᓂᐧᐃᔨᒡ ᑭᔮᐦ ᑕᓂᔮᔨᐤ ᒑ ᓂᔅᑖᒥᔅᑖᓂᐧᐃᔨᒡ᙮

ᒥᒄ ᐧᐋᔨᐱᔥᒋᔥ ᐋ ᒌ ᒋᐱᐦᒋᑖᑭᓂᐧᐃᒡ ᐋ ᒥᔨᐧᐋᓂᐧᐃᒡ ᒥᓯᓂᐦᐄᑭᓐ ᐋ ᓄᑎᓯᓈᓂᐧᐃᒡ ᐊᓂᑎᐦ ᐊᓐ 9 ᐋᐦᑎᐦᑎᐦᒡ ᐊᓂᐦᐄ ᐋ ᐧᐃᒥᓈᒋᐦᑖᑭᓂᐧᐃᒡ ᐊᔅᒌᐦ ᔕᔥ ᒌ ᒋᐦᑖᐱᑎᓐ 2018 ᐊᓐ ᑳ ᐃᔑ ᓂᔅᑯᒧᓈᓂᐧᐃᒡ᙮ ᒥᓐ ᒫᒃ ᐊᓐ ᑰᕕᒃ ᓰᐱ ᒋ ᐱᒋᔅᑎᓲᐧᐋᑖᑭᓂᐧᐃᒡ ᐆ ᒑ ᒌ ᐃᑎᓯᓈᑖᒡ “ᐋ ᑰᐧᑳᑎᐧᐋᓂᐧᐃᒡ ᒑ ᐧᐃᒥᓈᐊᒋᐦᑕᑭᓂᐧᐃᒡ ᐊᓐ ᐊᓂᑎᐦ ᐋᐦᑎᑯᐦᒡ ᓂᐱᐦ”: ᕆᕕᕐ-ᐧᑳᕕᒃ ᐋ ᑰᐧᐧᑳᑎᐧᐋᓂᐧᐃᒡ ᐆ ᒑ ᒌ ᐃᔑ ᐧᐃᔨᔅᑖᑭᓂᐧᐃᒡ”   (ᕇᔑᕐᕝ ᐋᑰᐧᐋᑎᒃ ᐳᕈᒋᑏ ᑏ ᓛᐦ ᕆᕕᕐ-ᐧᑳᕕᒃ )” « Réserve aquatique projetée de la Rivière-Kovik ». (« Réserve aquatique projetée de la Rivière-Kovik »)".

ᕆᕕᔨᕐ-ᒀᕕᒃ - ᐋ ᑰᒀᑎᐙᓂᐎᒡ ᓂᐲᐦᒡ ᐋ ᐃᑎᓯᓂᐦᐄᑭᓂᐎᒡ ᐋ ᐎᐦᒥᓈᒋᐦᑖᑭᓂᐎᒡ © ᑳᐦᕦᕆᓐ ᐱᓈᕐᕪ, KRG

2020, ᒌ ᐅᔅᑳᐤ ᐊᓂᐦᐄ ᑳ ᑭᓂᐧᐋᐱᐦᑖᑭᓂᐧᐃᒡ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ (TRPAPs) ᔕᔥ ᑭᔮᐦ ᒋᐦᒋᐧᐋᐦ ᒌ ᐊᔅᑎᓯᓂᐦᐄᑭᓂᐤ ᐊᓂᑎᐦ ᐊᓐ ᒥᓯᓂᐦᐄᑭᓐ ᕆᒋᔅᑎᕐ ᑎᔅ ᐁᕐᔥ ᐳᕉᑎᒌᔥ ᐆ ᑯᐹᒃ ᐊᔥᒡ ᒫᒃ ᑭᔮᐦ ᐊᓂᐦᐄ ᓄᔓ ᐋ ᒌ ᓄᔅᑭᓯᓂᐦᐄᑭᓂᐧᐃᒡ - ᐊᓂᑎᐦ ᐊᓐ ᒫᕋᓕᒃ ᓰᐲ TRPAP ᑭᔮᐦ ᐊᓐ ᐧᒑᕐᒡ ᓰᐲ TRPAP

ᐊᓐ ᒫᒃ ᑳ ᐃᔑ ᒥᔅᑯᐧᐋᐦᑖᑭᓂᐧᐃᒡ

• ᐊᓐ ᕆᔑᕐᕝ ᐊᑯᐧᐋᑎᒃ ᐳᕈᒋᑏ ᑎ ᓛ ᕆᕕᕐ-ᐧᑳᕕᒃ ᐊᑯᑎᐦ ᑳ ᒥᓯᓈᑖᒡ ᐊᓂᑎᐦ ᐊᓐ ᒥᓯᓂᐦᐄᑭᓐ 2018᙮
• 8 ᑎᐦᑐ ᐋ ᐅᔅᑳᒡ ᐊᔅᒌᐦ ᒌ ᑰᐧᑳᑎᐧᐋᓂᐤᐦ:
  • ᕇᔑᕐᕝ ᑎ ᑏᕆᑐᕇ ᐊᐅᔅ ᕕᓐᔅ ᑌᐃᕐ ᐳᕉᒋᑏ ᐃ ᓛᐦ ᕇᕕᑦ-ᐧᐄᓈᑯᓱᐊᒃ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐊᕐᓅᑦ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᑐᕐᓲᒎᒃ-ᐧᓅᕐᑦ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑑᕉᒎᒃ-ᓯᓐᑎᕐ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑐᕐᓲᒎᒃ-ᓵᕪ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᑳᓂᔨᓐ-ᐄᑐᓐ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑑ ᒫᕌᔥ-ᒫᕇᑕᔨᒻ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐧᒑᕐᒡ-ᓅᕐᕪ
• 2 ᒌ ᓄᔅᒋᓂᑭᓂᐤᐦ TRPAP
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ-ᒪᕌᓕ
  • ᕇᔑᕐᕝ ᑎ ᑏᕇᑐᕇ ᐊᐅᔅ ᕕᓐᔅ ᑌᐃᕐ ᐳᕈᒋᑏ ᑎ ᓛᐦ ᕇᕕᕐ ᐧᒑᕐᒡ

ᐊᓐ ᒫᒃ ᐋ ᐧᐃᓂᒫᒋᐦᑖᑭᓂᐧᐃᒡ ᐊᔅᒌ ᐋᐅᐦᒡ ᐱᒥᐲᐦᑖᑭᓂᐧᐃᒡ ᔕᔥ 20᙮59% ᐊᓂᑎᐦ ᐊᓐ ᓅᓈᕕᒃ ᐊᔅᒌᐦᒡ ᐋᐦᑎᑯᐦᒡ᙮

ᐃᔅᑯ ᓈᐦ 2021, ᒥᓐ ᑳ ᑭᓂᐧᐋᐱᐦᑖᑭᓂᐧᐃᒡ ᐊᓐ ᐧᐃᔨᔓᐧᐋᐧᐃᓐ ᐋ ᐧᐃ ᒥᓈᒋᐦᑖᑭᓂᐧᐃᒡ ᐊᓐ ᐊᔅᒌ ᐋ ᐃᔑ ᓂᐦᑖᐅᒋᐦᒡ ᑭᔮᐦ ᐊᓐ ᐄᑖᑎᓯᐧᐃᓐᐦ (NHCA), ᐊᓂᑖᐦ ᒫᒃ ᐃᔑ ᓂᔅᑖᒥᐦᒡ ᑯᑎᒃ ᐊᔅᒌᐦ ᒑ ᐊᑯᓂᐦᐄᒑᐱᔨᒡ ᐆ ᒑ ᒌ ᐃᔑ ᓇᑭᑎᐧᐋᔨᐦᑖᑭᓂᐧᐃᒡ, ᓂᒥ ᐱᑯᓂᒑᐦ ᓈᐅᔥ ᑭᑎ ᐱᒥᐱᔨᐤ ᐆ ᒑ ᒌ ᐃᑎᓯᓂᐦᐄᑭᓂᐧᐃᒡ (ᐋ ᑰᐧᑳᑎᐧᐋᓂᐧᐃᒡ)᙮ ᒥᒄ ᒫᒃ ᐃᔮᐱᒡ ᑭᑎ ᒌ ᐃᔑᓈᑯᓐ ᐊᓂᑎᐦ ᐱᑦ ᒑ ᒌ ᐃᑎᓯᓂᐦᐄᑭᓂᐧᐃᒡ ᐧᐋᔨᐱᔥᒋᔥ ᐋᐧᒫᔮᐦ ᐱᑦ ᒋᐦᒋᐧᐋ ᒌ ᐃᑎᓯᓂᐦᐄᑭᓂᐧᐃᒡ ᐊᓐ ᐋ ᐧᐄ ᒥᓈᒋᐦᑖᑭᓂᐧᐃᒡ᙮

ᑳᑎᐱᒃ ᑎᐸᔨᐦᒋᒑᓯᐤ ᐎᔨᐙᐤ ᒌᐦ ᓂᑳᓂᐦᑖᑭᐦᑎᒧᒡ (KRG) ᐹᓲᒡ ᐋ ᒌᐦ ᐎᒑᐱᑎᓯᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᐊᓂᑎᐦ ᐅᐦᒋ PAWG, ᓂᔅᑎᒻ ᐊᓐ ᑳᐦᑐᑖᑭᓂᐎᒡ, ᐊᓐ ᒫᒃ ᒥᓐ ᑳᐦᑐᑖᑭᓂᐎᒡ ᓂᔓ ᐊᑎᓯᓈᑖᒡ ᒑ ᒌᐦ ᐎᐦᑎᒧᐙᑭᓂᐎᒡ ᐊᓂᒌ ᓅᓈᕕᒃ ᐄᐦᑖᐎᓐᐦ ᑭᔮᐦ ᐎᔨᐙᐤ ᒑ ᒌᐦ ᐎᐦᑎᐦᒡ ᐅᑎ ᐄᑖᔨᐦᑎᒧᐎᓂᐙᐤ ᑭᔮᐦ ᒑ ᐎᐦᑖᑭᓂᐎᒡ ᒥᒋᓐ ᑖᓐ ᐊᔅᒌᔂᒥᑭᐦᒡ ᐅᑎᐦ ᐆ ᐋ ᐃᔑ ᐆᐙᑎᔅᑖᑭᓂᐐᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᓂᐦᐄ ᐊᔅᒌᐦ, ᑭᔮᐦ ᐊᓐ ᐋ ᐃᔑ ᒋᔅᑎᒫᐅᐦᐙᔨᐦᑖᑯᐦᒡ᙮

ᒥᓐ ᒫᒃ ᐊᓐ ᓃᔓ ᐋᐦᑎᑯᐦᒡ ᐋ ᓂᔅᑐᓂᑭᓂᐎᒡ ᐊᔨᒧᐐᓐ, ᐊᓂᒌ ᑳᑎᐱᒃ ᒋᔕᑎᐹᔨᐦᒋᒑᓯᐤ ((KRG) ᐎᔨᐙᐤᐦ ᐱᒥᐲᐦᑖᐅᒡ, ᐋ ᐎᒑᐱᑎᓯᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᑳ ᒫᒨᐱᔨᒡ PAWG, ᒋᑭ ᒥᔮᑭᓂᐎᒡ ᐊᓂᒌ ᐄᐦᑖᐎᓐᐦ ᒑ ᒌᐦ ᐱᒋᔅᑎᓂᐦᒡ ᐅᑎ ᐄᑖᔨᐦᑎᒧᐎᓂᐙᐤ ᒑ ᐃᔑ ᑭᓂᐙᔨᐦᑖᑭᓂᐎᔨᒡ ᐅᔮᔨᐤᐦ ᐅᑎᐦ ᒫᓯᓈᑖᔨᒡ ᐊᔅᒌᐦ ᐋ ᐅᐦᒡ ᐱᒥᐲᐦᑖᒃᓂᐎᔨᒡ᙮ ᒋᑭ ᑎᑯᓐ ᑭᔮᐦ ᐋ ᒋᔅᑯᑎᒫᒑᓂᐎᒡ ᐊᓂᐦᐄ ᐊᔅᒌᐦ ᐋ ᒥᓯᓈᑖᒡ ᒑ ᒌ ᒋᐦᒋᓂᐙᒋᐦᑖᑭᓂᐎᒡ ᐊᓂᑎᐦ ᓂᐦᐋᐤ ᒑ ᐱᒥᓯᓈᑖᒡ, ᑭᔮᐦ ᒫᒃ ᑖᓂᑎᐦ ᐊᓐ ᒑ ᒌᐦ ᐋᐱᑎᓯᓈᓅᑯᐱᓈᐦ ᐎᔨᐙᐤ ᐊᓂᒌ ᐃᐦᑖᐎᓂᐦᒡ ᒑ ᒌᐦ ᐎᔮᔨᐦᑎᐦᒡ ᐊᓂᑎᐦ ᐊᓐ ᒑ ᒌᐦ ᑎᑯᐦᒡ ᐊᓐ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ᙮