2 ᑳ ᐃᑎᓯᓈᑖᒡ: ᐊᔅᒄ ᐱᒥᐲᔨᐤ
ᐋ ᐊᔨᒸᐦᐄᐙᒡ ᑕᓂᑎᐦ ᓂᐦᐋᐤ ᒑ ᐱᒥᓯᓈᑖᒡ ᑭᔮᐦ ᒑ ᓄᔅᒋᓂᒑᓂᐎᒡ᙮
ᐊᓐ ᐋᔥᒄ ᐋ ᐱᒥᐲᔨᒡ ᐋ ᐄᔮᔨᒸᐦᐄᐙᒡ ᐊᔨᒧᐎᓐ ᐋ ᓂᔅᑐᓂᑭᓂᐎᒡ ᐅ ᓅᓈᕕᒃ 20% ᐋ ᐎᐦ ᒥᓈᒋᐦᑖᑭᓂᐎᒡ ᑳᓂᐙᐱᐦᑖᑭᓂᐎᒡ ᒑ ᑐᑖᑭᓂᐎᒡ, 2 ᑳ ᐄᑎᓯᓈᑖᒡ ᒫᒨ ᒋᑭ ᑎᔨᑯᒡ ᐊᓂᒌ ᐊᑑᐦᑖᔅᑎᒫᒑᒡ ᐅᑎ ᐄᐦᑣᐎᓂᐙᐦᒡ, ᐋ ᒥᑯᔅᑳᑖᔨᐦᑎᒥᐦᐄᑯᒡ ᐊᓂᔮᔨᐤ ᐙᐦ ᒥᓈᒋᐦᑖᑭᓂᐎᔨᒡ ᐅᔮᔨᐤ ᐋ ᑭᓂᐙᐱᐦᑎᑭᓂᐎᒡ:
- ᒑ ᐄᔮᔨᒸᐦᐄᐗᒡ ᑭᔮᐦ ᒑ ᐄᑎᔅᑖᑭᓂᐎᒡ ᐊᓐ ᓂᐦᐋᐤ ᒑ ᐃᑎᓯᓈᑖᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ
- ᒑ ᐃᔮᔨᒸᐦᐄᐙᒡ ᐊᓂᐦᐄ ᒑᒀᓐ ᐊᓐ ᐙᐦᒡ ᑎᑖᑭᓂᐎᒡ ᐆ ᐊᔅᒌᐦ ᐋ ᐎᐦ ᒥᓈᒋᐦᑖᑭᓂᐎᒡ ᐋ ᐅᐦᒋ ᐋᐱᑎᓰᔅᑖᑭᓂᐎᒡ ᐋ ᓄᔅᒋᓂᒑᓂᐎᒡ
ᐋᒸᔮᐦ ᓂᑐᐦᒐᒧᓈᓂᐎᒡ
ᐅᔅᑭᐦᐆ ᐲᓯᒻ 2024 ᑭᔮᐦ ᒋᓵᐲᓯᒻ 2025, ᐊᓂᒌ ᐊᓂᑎᐦ ᐄᐦᑖᐎᓂᐦᒡ ᐸᒥᐲᐦᑖᒡ ᒑᒀᔨᐤ ᑭᔮᐦ ᐊᓂᒌ ᑳ ᐎᑎᓈᑭᓂᐎᒡ ᒑ ᓃᑳᓂᓯᔨᒡ ᐊᓂᑎᐦ ᐊᓂᔮᔨᐤ ᐄᐦᑖᐎᓂᔨᐤ ᒑ ᓂᑐᒫᑭᓂᐎᒡ ᒑ ᒌᐦ ᐎᒋᐦᐄᐙᒡ ᐋᒸᔮᐦ ᑭᓂᐙᐱᐦᑎᒧᐙᑭᓂᐦᒡ ᓂᑐᐦᒑᒧᓈᓂᐎᔨᒡ ᐅᑎᐦ ᐆᔮᔨᐤ ᐋ ᐋᐱᒋᐦᑖᒡ:
- ᒑ ᐙᐎᐦᑎᐦᒡ ᐊᓂᔮᔨᐤ ᐋ ᐃᔑ ᒋᔅᒑᔨᐦᑎᐦᒡ ᐎᔨᐙᐤ ᐊᓂᑎᐦ ᐊᓂᔮᔨᐤ ᐙᐦ ᒥᓈᒋᐦᑖᑭᓂᐎᔨᒡ ᐊᔅᒌᐦ ᐅᑎᐦ ᓅᓈᕕᒃ
- ᒑ ᐎᐦᑎᒡ ᐋ ᐃᑖᔨᐦᑎᒡ ᐊᓂᔮᔨᐤ 1 ᑳ ᐄᑎᓯᓈᑖᔨᒡ ᑳ ᓂᔅᑐᓂᑭᓂᐎᔨᒡ ᐊᔨᒧᐎᓂᔨᐤ
- ᒑ ᐎᐦᑎᐦᒡ ᐋ ᐃᔑ ᓂᔅᑐᐦᑎᐦᒡ ᐎᔨᐙᐤ 2 ᑳ ᐄᑎᓯᓈᑖᔨᒡ ᒑ ᐎᐦᑐᑖᑭᓂᐎᔨᒡ, ᒑ ᐊᑏᐦᑎᓈᓂᐎᔨᒡ ᑭᔮᐦ ᐊᓂᔮᔨᐤ ᒑ ᐃᔅᐱᔅ ᐱᒥᐲᔨᒡ
- ᒑ ᒌᐦ ᒋᑖᒡ ᐋᐱᒋᔅᑎᓂᑭᓂᐎᔨᒡ ᑰᒀᑎᐙᐅᒥᓯᓂᐦᐄᑭᓐ ᐎᔨᐙᐤ ᑭᔮᐦ ᐊᓂᒌ ᐊᓂᑎᐦ ᐙᐦᒋᒡ ᐄᐦᑖᐎᓂᐦᒡ ᒑ ᒌᐦ ᐙᐱᐦᑎᐦᒡ ᐊᓂᔮᔨᐤ ᐙᐦ ᒥᓈᒋᐦᑖᑭᓂᐐᔨᒡ ᐊᔅᒌᐦ, ᐊᓂᔮᔨᐤ ᐋ ᐋᐱᒋᐦᑖᒡ ᐋ ᐃᑎᓯᓂᐦᐄᑭᓂᐎᔨᒡ ᐊᓂᑎᐦ ᐹᒥᓯᓈᑖᔨᒡ
ᐋ ᓂᑐᐦᒑᒧᓈᓂᐎᒡ
ᐋ ᓂᑐᐦᒑᒧᓈᓂᐎᒡ ᐋ ᐊᔨᒥᐦᐄᑐᓈᓃᐎᒡ ᒫᒨᓂᑯᒡ ᐊᓂᒌ ᐊᑐᐦᑖᔅᑎᒫᑎᐦᒡ ᐅᑎᐦᐄᑖᐎᓂᐙᐦᒡ ᐋ ᐎᒌᑖᔨᐦᑎᒧᒥᑐᒡ ᐊᓂᔮᔨᐤ ᒑ ᐎᐦ ᒥᓈᒋᐦᑖᑭᓂᐎᔨᒡ ᐊᔅᒌᔨᐤ ᐅᔮᔨᐤᐦ ᐋ ᑭᓂᐙᐱᐦᑎᐦᒡ:
- ᔭᔨᑖᐃ ᒑ ᐎᒑᐦᑎᒧᒥᑭᒡ ᐊᓂᐦᐄ ᒑ ᐄᑎᓰᓈᑖᒡ ᑭᔮᐦ ᐊᓐ ᐙ ᐃᔑ ᑭᓂᐙᔨᐦᑖᑭᓂᐎᒡ
- ᒑ ᐊᔨᒸᐦᐄᐙᒡ ᐊᓐ ᐋ ᐎᐦ ᐃᔑ ᓄᔅᒋᓂᒑᓂᐎᒡ ᐊᓂᑎᐦ ᐋᓐ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌ
ᐊᓂᒌ ᐊᑐᐦᑖᔅᑎᒫᒑᒡ, ᑳ ᐎᔮᔨᒥᑯᒡ ᐊᓂᔮᔨᐤ ᐅᑎ ᐄᐦᑖᐎᓂᐙᐤ, ᒋᑭ ᐎᒋᐦᐄᐙᐅᒡ ᐊᓂᑎᐦ ᐊᓂᔮᔨᐤ ᐋ ᓂᑐᐦᒑᒧᓈᓂᐎᔨᒡ ᐹᔨᒄ ᐊᓂᔮᔨᐤ ᐄᐦᑖᐎᓂᔨᐤ ᑳ ᐎᔮᔨᐦᑖᑭᓂᐎᔨᒡ ᐊᓂᑎᐦ ᒑ ᓂᔅᑐᐎᓈᓂᐎᔨᒡ ᒑ ᒌᐦ ᐄᔮᔨᒸᐦᐄᐙᔨᒡ ᐊᓂᔮᔨᐤ ᐙᐦᒥᓈᒋᐦᑖᑭᓂᐎᔨᒡ ᐊᔅᒌᔨᐤ ᑭᔮᐦ ᒫᒃ ᐊᓂᑎᐦ ᐙᔅᑳᐦ᙮
ᒫᒀᒡ ᐊᓐ 2 ᑳ ᐄᑎᓯᓈᑖᒡ ᐋᐦᑎᑯᐦᒡ, ᐄᐦᑖᐎᓂᐦᒡ ᑳ ᑖᒡ ᐎᔨᐙᐤ ᑭᔮᐦ ᒋᑭ ᓂᑐᒫᑭᓂᐎᒡ ᒑ ᒌᐦ ᐱᒋᔅᑎᓂᐦᒡ ᒑᒀᔨᐤ ᐋ ᐎᐦ ᑐᑎᐦᒡ ᐊᓂᑎᐦ ᒑ ᒌᐦ ᒥᐅᑎᓯᐙᔨᒡ ᐊᓂᔮᔨᐤ ᐊᓂᑎᐦ ᐅᑎ ᐄᐦᑖᐎᓂᐙᐦᒡ ᐙᐦᒋᔨᒡ ᑕᓂᑎᐦ ᒥᒄ ᐊᓂᑎᐦ ᐎᔨᐙᐤ ᐙᐦ ᐃᑐᐦᑖᒡ᙮
