ᐎᐦᑎᒫᒑᐎᓐ

ᑭᔮᐦ ᐊᔨᒧᐎᓐ ᑳ ᓂᔅᑐᓂᑭᓂᐎᒡ ᑳ ᐊᑏᐦᑎᓈᓂᐎᒡ ᐊᓐ ᐅᐦᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᐅᑎᐦ ᓅᓈᕕᒃ

ᒀᒃᑖᒃ-ᑳᓐᑭᕐᓲᒃ-ᒀᒀᑐᐙᓂᐎᒡ ᓂᓈᐦᑭᐤ ᒑᒀᓐ ᐋ ᐃᔑ ᓈᑭᑎᐙᔨᐦᑖᑭᓂᐎᒡ ᒑ ᐃᑎᓯᓂᐦᐄᑭᓂᐎᒡ © ᒥᓛᓃ ᕕᔨᐅᐦᒡ-ᓅᓕᓐ, MELCCFP

ᐆ 2020, ᐅᑖᐦ ᓅᓈᕕᒃ, ᐋ ᐅᔅᑳᒡ ᐊᔅᒌᐦ ᒥᓐ ᒋᐦ ᓅᔅᑭᓯᓂᐦᐄᑭᓂᐤ ᐅᑎᐦ ᐆ ᕆᒋᔅᑎᕐ ᐋ ᒥᓯᓈᑖᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᐅᑎᐦ ᑯᐯᒃ (ᒥᒄ ᐋ ᐅᐱᔅᑎᒀᔮᐅᐊᔨᒥᓈᓂᐎᒡ ᐋᐅᒄ ᐊᓯᓂᐦᑳᑖᒡ ᕆᒋᔅᑎᕐ ᑌᔅ ᐊᐃᕐ ᐳᕐᑎᒌ ᐅ ᑯᐯᒃ)᙮

ᐅᑎᐦ ᐆ ᐊᔅᐱᓵᒡ ᐊᓐ ᐊᔅᒌ ᓂᐦᐋᐤ 29,800 km² ᐋ ᑭᐦᒌᐦᒑᔮᒡ ᐋᑭᔅᑭᒑᒡ᙮ ᐋᒸᔮᐦ ᒋᐦᒋᐙᐦ ᐅᐦᒡ ᐎᔨᔓᐙᑖᑭᓂᐎᒡ ᐊᓐ ᒑ ᐃᑎᓯᓂᐦᐄᑭᓂᐎᒡ ᒋᐦᒋᐙᐦ ᐋ ᐎᐦ ᒥᓈᒋᐦᑖᑭᓂᐎᒡ, ᐱᑦ ᒥᐦᒑᑐ ᒋᑰᒀᒋᒫᑭᓂᐎᒡ ᐅᑎ ᐄᑖᔨᐦᑎᒧᐎᓂᐙᐤᐦ ᑳ ᓂᔅᑐᓂᑭᓂᐎᒡ ᐅᑎ ᐆ ᓅᓈᕕᒃ᙮ ᐅᑎᐦ ᐆ ᑳᐦᑐᑖᑭᓂᐎᒡ ᐊᓐ ᐙᒋᐦᒡ ᐋ ᒌ ᑭᓂᐙᐱᐦᑖᑭᓂᐎᒡ ᒑ ᓂᔅᑐᓂᑭᓂᐎᒡ ᑭᔮᐦ ᒑ ᐆᐙᑎᔅᑖᑭᓂᐎᒡ ᐊᓐ ᑳ ᐎᐦ ᒋᐦᒋᐱᔨᐦᑖᑭᓂᐎᒡ ᓅᓈᕕᒃ ᐊᔅᒌᐦ ᐋ ᐎᐦ ᒥᓈᒋᐦᑖᑭᓂᐎᒡ, ᑳ ᓂᑐᐙᐱᒫᑭᓂᐎᒡ ᑭᔮᐦ ᐊᓂᒌ ᐄᐦᑖᐎᓐᐦ ᑎᔮᑯᐦᐆᑯᒡ 2011-2012 ᑳ ᐃᑎᔅᑖᒡ ᐊᔅᒋᔨᐤ ᐊᒌᐦᑖᓲᓐ᙮

ᐅᑎᐦ ᐆ ᐋᐦᑑᑖᑭᓂᐎᒡ ᑳᑎᕕᒃ ᒋᓴᐦᑎᐹᔨᐦᒋᒑᓯᐤ (KRG) ᐎᔨᐙᐤᐦ ᐱᒥᐲᐦᑖᐅᒡ, ᐎᔨᐙᐤ ᐋ ᐎᐦᔓᐙᑎᐦᒡ ᐊᓂᔮᔨᐤ ᐋ ᐊᐱᒋᐦᑖᒡ ᐊᔅᒋᔨᐤ, ᐋ ᐎᒑᐱᑎᓯᔨᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᑳ ᒫᒨᐱᔨᒡ ᐊᓂᑎᐦ ᐃᔑ ᓅᓈᕕᒃ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᑳ ᐋᐱᑎᓰᔅᑎᐦᒡ (PAWG)᙮ ᐋᐆᒄ ᐋ ᐃᔑ ᑰᒀᑐᐙᓂᐎᒡ ᔭᔨᑖᐃ ᒥᓯᐙ ᐊᓂᒌ ᓅᓈᕕᒃ ᐄᐦᑖᐎᓐᐦ ᑭᔮᐦ ᐊᓂᒌ ᑖᓐ ᐊᓐ ᒥᒄ ᐊᑎᔅᑳᓈᓯᒡ ᒑ ᐎᐦᑎᒧᐙᑭᓂᐎᒡ ᑭᔮᐦ ᐎᔨᐙᐤ ᒑ ᐹᐦᑖᑯᓯᒡ ᐊᓂᑎᐦ ᐊᓐ ᒑ ᐊᑏᐦᑐᑖᑭᓂᐎᒡ ᑕᓐ ᐊᓐ ᐙ ᐃᔑᓈᑯᐦᑖᑭᓂᐎᒡ ᐅᑎᐦ ᐆ ᐋ ᐅᐦᒡ ᐋᐱᑎᓰᔅᑖᑭᐎᒡ, ᐊᓐ ᐋ ᐃᔑ ᒋᔅᑎᒫᐅᐦᒡ ᑭᔮᐦ ᒫᒃ ᐊᓐ ᐋ ᐃᔑ ᐊᔨᒥᔅᑖᑭᓂᐎᒡ᙮

ᐊᓐ ᒫᒃ ᒫᐦᒡ ᒑᑐᑖᑭᓂᐎᒡ, ᐊᓂᔮᔨᐤ ᐋ ᐃᔑ ᐱᑯᓵᔨᐦᑎᐦᒡ ᐊᓂᒌ ᓅᓈᕕᒃ ᐄᐦᑖᐎᓐᐦ ᑭᔮᐦ ᒫᒃ ᐊᓂᒌ ᐊᓂᑎᐦ ᐋᐦᑖᒡ ᑕᓂᔮᔨᐤ ᐋ ᐃᔑ ᓂᑎᐙᔨᐦᑎᐦᒡ ᑖᓐ ᒑ ᐃᓯᓈᑯᓂᔨᒡ ᐅᑖᐦ ᐃᔑ ᓂᔅᑖᒥᐦᒡ ᒋᑭ ᑭᓂᐙᐱᐦᑖᑭᓂᔨᐤ ᑭᔮᐦ ᒫᒃ ᐊᓐ ᑖᓐ ᒑ ᐃᔑ ᐆᐙᑎᔅᑖᑭᓂᐎᒡ ᒑ ᒌᐦ ᒥᔪᐱᔨᒡ ᑭᔮᐦ ᐊᓂᑎᐦ ᐊᓐ ᒑ ᐅᐦᒡ ᐋᐱᑎᓰᔅᑖᑭᓂᐎᒡ᙮

ᑕᓂᐦᐄ ᐊᓂᐦᐄ ᐊᔅᒌᐦ ᑎᔮᑭᐦᐄᒑᐱᔨᒡ?

ᒀᒀᑐᐙᓂᐎᒡ ᓂᓈᐦᑭᐤ ᒑᒀᓐ ᐊᓂᑎᐦ ᐋᓂᐦᑖᐅᒋᐦᒡ ᐊᔅᒌᐦᒡ ᒑ ᐃᑎᓯᓂᐦᐄᑭᓂᐎᒡ ᑭᔮᐦ ᐋ ᐃᔮᔅᑯᔅᑕᑭᓂᐎᒡ ᓂᐲᐦ ᑭᔮᐦ ᐊᓂᑎᐦ ᐋᐦᑎᑯᐦᒡ ᐋ ᐎᐦ ᒥᓈᒋᐦᑖᑭᓂᐎᒡ

ᓅᓈᕕᒃ, 8 ᐊᐦᑎᑎᓐ ᐊᓂᐦᐄ ᐋ ᐎᐦ ᒥᓈᒋᐦᑖᑭᓂᐎᒡ ᑭᔮᐦ 1 ᐊᓐ ᓂᐲᐦᒡ ᐋ ᐄᑖᔨᐦᑕᑯᐦᒡ ᐋ ᑰᒀᑎᐙᓂᐎᒡ ᐋ ᐃᑎᓯᓂᐦᐄᑭᓂᐎᒡ, ᐊᑎ ᒫᒃ ᐅᑎᐦ ᐊᔅᑎᒋᐦᑖᑯᐦᒡ ᒫᒀᒡ ᐊᓂᑎᐦ ᐊᓐ ᐋ ᐅᐦᒡ ᐋᐱᑎᓰᔅᑕᑭᓂᐎᒡ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ ᑭᔮᐦ ᐋ ᒥᓯᓈᑖᒡ ᐊᓂᑎᐦ ᐊᓐ ᕆᒋᔅᑎᕐ ᑌᔅ ᐊᐃᕐ ᐳᕐᑎᒌ ᐅ ᑯᐯᒃ᙮ ᐅᑎᐦ ᐆ ᑳ ᐃᑎᓯᓂᐦᐄᑭᓂᐎᒡ, ᔕᔥ ᒥᐦᒑᑐ ᐱᐳᓐᐦ ᐆ ᐋ ᒌ ᐃᑎᓯᓂᐦᐄᑭᓂᐎᒡ, ᓅᑰᓐ ᔕᔥ ᒫᒀᒡ ᐋ ᐱᒥᐱᔨᒡ᙮ ᒫᐦᒡ ᒫᒃ ᐊᓂᑎᐦ, ᐅᐦᐄ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌ ᔕᔥ ᐎᔨᐱᒡ ᒋᑭ ᐎᑎᐦᒋᐱᔨᐤ ᒑ ᒌᐦ ᐎᔨᔓᑖᑭᓂᐎᒡ ᒋᐦᒋᐙᐦ ᐊᓐ ᒑ ᐃᔑ ᑭᓂᐙᐱᐦᑖᑭᓂᐎᒡ ᓂᓈᐦᑭᐤ ᒑᒀᓐ ᐊᓂᑎᐦ ᐋᓂᐦᑖᐅᒋᐦᒡ ᐊᔅᒌᐦᒡ ᒑ ᐃᑎᓯᓂᐦᐄᑭᓂᐎᒡ ᑭᔮᐦ ᐋ ᐃᔮᔅᑯᔅᑕᑭᓂᐎᒡ ᓂᐲᐦ ᑭᔮᐦ ᐊᓂᑎᐦ ᐋᐦᑎᑯᐦᒡ ᐋ ᐎᐦ ᒥᓈᒋᐦᑖᑭᓂᐎᒡ᙮

ᒑ ᐃᔅᑯᓯᓈᑖᒡ ᐊᓂᐦᐄ ᐋ ᐎᐦ ᐃᑎᓯᓂᐦᐄᑭᓂᐎᒡ ᐋ ᐎᐦ ᒥᓈᒋᐦᑖᑭᓂᐎᒡ᙮

ᐊᓂᐦᐄ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌ ᐋ ᐅᐦᒡ ᐱᒥᐲᐦᑖᑭᓂᐎᒡ ᐊᓅᐦᒋᐦᒑᐦ ᐃᔑᓈᑯᓐ ᐋ ᒌ ᓄᔅᒋᐦᑖᑭᓂᐎᒡ ᒥᓐ 8 ᑎᐦᑐ ᒑ ᐊᔅᑎᓯᓈᑖᒡ ᐋᔅᒌᐦ ᐋ ᐎᐦ ᒥᓈᒋᐦᑖᑭᓂᐎᒡ᙮ (TRPAs) ᑭᔮᐦ ᒫᒃ ᐊᓂᐦᐄ ᐋ ᓅᔅᒋᐦᑖᑭᓂᐎᒡ 2 ᔕᔥ ᐎᔨ ᐊᓂᐦᐄ ᐋᐦᑎᑯᐦᒡ᙮ 1 ᐊᓐ TRPAP ᒌ ᐎᐦᑖᑭᓂᐤ ᐋᒸᔮᐦ ᐅᑎᐦ ᐅᐦᒡ ᐎᔨᐦᑖᑭᓂᐎᒻ ᐊᓂᐦᐄ 2020 ᑳ ᒋᔅᒑᔨᐦᑖᑯᐦᑖᑭᓂᐎᒡ ᑳ ᐎᐦᑖᑭᓅᒡ᙮ ᐅᑎᐦ ᐆ ᑳ ᐃᑎᓯᓂᐦᐄᑭᓂᐎᒡ ᐙᔨᐱᔥᒋᔥ ᐋᑳ ᒑ ᒥᔨᐙᓂᐎᒡ ᐊᓄᑎᓯᓈᓂᐎᒡ ᑭᔮᐦ ᒫᒃ ᑖᓐ ᐊᓐ ᒥᒄ ᐊᔑᓈᑯᐦᒡ ᐋ ᐃᔑ ᐃᔮᐱᑎᓰᔅᑕᑭᓂᐎᒡ ᐋ ᓈᓂᑎᐗᔨᐦᑖᑭᓂᐎᒡ ᐊᓯᓃ, ᑭᔮᐦ ᒫᒃ ᐃᔅᑯᑖᐙᔮᐲᐦ ᐋ ᐅᐦᒡ ᐋᐱᑎᓯᒥᑭᐦᒡ ᑭᔮᐦ ᒫᒃ ᐋᓄᑖᐦᑎᒀᓂᐎᒡ᙮ ᐅᑎ ᐆ ᐙ ᐃᔑ ᑐᑖᑭᓂᐎᒡ TRPAPs ᒋᐦᒋᐙᐦ ᒑ ᒌᐦ ᑎᑖᑭᓂᐎᒡ ᐋ ᐃᑎᓯᓈᐦᑖᒡ ᐋ ᐎᐦᒥᓈᒋᑖᑭᓂᐎᒡ᙮

ᑭᓂᐙᐱᐦᑦ ᐊᓐ ᓅᓈᕕᒃ ᐋ ᐅᐦᒡ ᐊᐱᑎᓰᔅᑖᑭᓂᐎᒡ

ᕆᕕᕐ-ᐄᓅᑯᓲᐙᒃ- ᐋᒌᐦᑎᐸᓂᓯᓂᐦᐄᑭᓂᐎᒡ ᐊᔅᒌ ᐋ ᐎᐦ ᒥᓈᒋᐦᑖᑭᓂᐎᒡ © ᒥᓛᓃ ᕕᔨᐅᐦᒡ-ᓅᓕᓐ, MELCCFP

”ᐊᑯᑎᐦ ᐆᐦ ᐋᐦᑎᑯᐦᒡ ᐊᓐ ᒥᓐ ᐋ ᒌᐙᐎᑎᓂᒥᐦᒄ ᐊᓐ ᑳ ᐅᐦᑖᒋᐦᐅᔨᐦᒄ᙮ ᓇᔥᒡ ᒋᔅᑎᒫᐎᓂᔨᐤ ᒋᑎᐙᔑᒥᓂᐎᒡ ᒑ ᒌᐦ ᒋᔅᒑᔨᐦᑎᐦᒡ ᐊᓂᔮᔨᐤ ᒑᔅᑎᒫᐙᔨᐦᑎᒧᐦᒄ᙮

ᑳᐙᐙᐦᒋᑭᒫᒡ © ᑎᕕᑦ ᐱᓛᓐᑦ, MU ᑳᐅᓂᔑᓪᔅ

2022-2023

1 ᐊᑎᓯᓈᑖᒡ

ᐅᑎᐦ ᐆ ᐋᐦᑑᑖᑭᓂᐎᒡ ᑳᑎᕕᒃ ᒋᓴᐦᑎᐹᔨᐦᒋᒑᓯᐤ (KRG) ᐎᔨᐙᐤᐦ ᐱᒥᐲᐦᑖᐅᒡ, ᐋ ᐎᒑᐱᑎᓯᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᑳ ᒫᒨᐱᔨᒡ PAWG, ᓂᔅᑎᒻ ᐊᓐ ᐊᐦᑎᑯᐦᒡ ᒑ ᑐᑖᑭᓂᐎᒡ, ᒥᓐ ᒫᒃ ᐊᓐ ᓃᔓ ᐋᐦᑎᑯᐦᒡ, ᒑ ᒌᐦ ᐎᐦᑎᒧᐙᑭᓂᐎᒡ ᐊᓂᒌ ᓅᓈᕕᒃ ᐄᐦᑖᐎᓐᐦ ᑭᔮᐦ ᒑ ᓂᑎᐙᔨᐦᑖᑯᓯᒡ ᒑ ᒌᐦ ᐎᐦᑎᐦᒡ ᐅᑎ ᐄᑖᔨᐦᑎᒧᐎᓂᐙᐤ ᐊᓂᔮᔨᐤ ᐙᐦ ᐊᑏᐦᑐᑖᑭᓂᐎᔨᒡ ᐊᓂᔮᔨᐤ ᐊᓂᑎᐦ ᐋ ᐅᐦᒡ ᐱᒥᐲᐦᑖᑭᓂᐎᔨᒡ ᑭᔮᐦ ᒑᒀᔨᐤ ᐙᐦᒡ ᒋᔅᑎᒫᐎᓂᔨᒡ ᐅᔮᔨᐤ ᐋᐦᑐᑖᑭᓂᐎᔨᒡ᙮

ᑭᓂᐙᐱᐦᑦ ᐊᓐ 1 ᑳ ᐃᑎᓯᓈᑖᒡ ᒥᒋᓐ ᐋ ᐎᐦᑖᑯᐦᒡ

2024-᙮᙮᙮

2 ᐊᑎᓯᓈᑖᒡ

ᒥᓐ ᒫᒃ ᐊᓐ ᓃᔓ ᐋᐦᑎᑯᐦᒡ ᐋ ᓂᔅᑐᓂᑭᓂᐎᒡ ᐊᔨᒧᐐᓐ, ᐊᓂᒌ ᑳᑎᐱᒃ ᒋᔕᑎᐹᔨᐦᒋᒑᓯᐤ ((KRG) ᐎᔨᐙᐤᐦ ᐱᒥᐲᐦᑖᐅᒡ, ᐋ ᐎᒑᐱᑎᓯᒫᒡ ᐊᓂᔮᔨᐤ ᐊᔨᒧᐎᓂᔨᐤ ᑳ ᒥᔨᐙᔨᒡ ᑳ ᒫᒨᐱᔨᒡ PAWG, ᒋᑭ ᒥᔮᑭᓂᐎᒡ ᐊᓂᒌ ᐄᐦᑖᐎᓐᐦ ᒑ ᒌᐦ ᐱᒋᔅᑎᓂᐦᒡ ᐅᑎ ᐄᑖᔨᐦᑎᒧᐎᓂᐙᐤ ᒑ ᐃᔑ ᑭᓂᐙᔨᐦᑖᑭᓂᐎᔨᒡ ᐅᔮᔨᐤᐦ ᐅᑎᐦ ᒫᓯᓈᑖᔨᒡ ᐊᔅᒌᐦ ᐋ ᐅᐦᒡ ᐱᒥᐲᐦᑖᒃᓂᐎᔨᒡ᙮ ᒋᑭ ᑎᑯᓐ ᑭᔮᐦ ᐋ ᒋᔅᑯᑎᒫᒑᓂᐎᒡ ᐊᓂᐦᐄ ᐊᔅᒌᐦ ᐋ ᒥᓯᓈᑖᒡ ᒑ ᒌ ᒋᐦᒋᓂᐙᒋᐦᑖᑭᓂᐎᒡ ᐊᓂᑎᐦ ᓂᐦᐋᐤ ᒑ ᐱᒥᓯᓈᑖᒡ, ᑭᔮᐦ ᒫᒃ ᑖᓂᑎᐦ ᐊᓐ ᒑ ᒌᐦ ᐋᐱᑎᓯᓈᓅᑯᐱᓈᐦ ᐎᔨᐙᐤ ᐊᓂᒌ ᐃᐦᑖᐎᓂᐦᒡ ᒑ ᒌᐦ ᐎᔮᔨᐦᑎᐦᒡ ᐊᓂᑎᐦ ᐊᓐ ᒑ ᒌᐦ ᑎᑯᐦᒡ ᐊᓐ ᐋ ᐎᐦ ᒥᓈᒋᐦᑖᑭᓂᐎᒡ ᐊᔅᒌᐦ᙮

ᑭᓂᐙᐱᐦᑦ ᐊᓐ 2 ᑳ ᐃᑎᓯᓈᑖᒡ ᒥᒋᓐ ᐋ ᐎᐦᑖᑯᐦᒡ

”ᒋᑎᐊᓂᔅᑯᓯᒥᓅᒡ ᒋᓂᑎᐙᔨᐦᑎᒧᒡ ᐅᔮᔨᐤ ᓯᐱᔨᐤ ᐊᓂᑎᐦ ᐋ ᒌᐦ ᐅᐦᑖᒋᐎᐦᒡ ᑭᔮᐦ ᒋᔮᓂᐤ ᐋᐅᒄ ᐊᓯᓂᑎᐙᔨᐦᑎᒥᐦᒄ᙮